نـذر .. ♞ @that7t Twitter profile

Pinned Tweet

نـذر .. ♞

@that7t

14 days

وفي داخلي شيبان قوم تهلي بيبانهم تفتح على مر الاجـيال جاهم من الدنيا عدو مولي قلب مواطنهم من العز غربال 🤍🩶🩶🩶✨>

0

18

47

Last Seen Profiles

@WorldsBestCBS

@vootmoot

@AmbassadorBuck

@fecode

@TuMundoInter

@PeterJo76405524

@EbonyKriss52591

@GillianMun23850

@RajeshK36461746

@MrStoreR212

@NamyrMya

@Uutisvuoksi

@BradyBusby44

@kanaekokoro

@faktosin

@AshleyComper88

@janrezab

@badmintonphoto

@muvaleee

@dprbunn

@lena_step1

@Lucas2098774

@carolinepennell

@benemokonzi

@Mel2three

@Harry_Aldian

@noahmaddox23

@Taketo_Kawamura

@BrunswickCC_MBB

@SKWrestling17

@CoachSattUC

@GarsonGrac33149

@Shaw91117041782

@iamlilsaam

@PolkadotSpace

@Mamaswing2

نـذر .. ♞

@that7t

1 year

ان بغى السجه تلج المعاليق العطاش و ان تنبّــه قمت اردد يا ويش السالفه ضمدو قلبٍ تشقوى بشاشٍ فوق شاش والفت نبضه جروح الزمان موالفه ..

0

2

254

نـذر .. ♞

@that7t

8 months

يا أبيض الوجه مايلحقْكّ مني ملام وانا لانيب لا راضي ولاني ضجر النفوس العزيزه ترفـض الانتقام تحتسب للجميل وتحتسب للأجر لايموت الغلا ويشح حتى الكلام بين قلبٍ رهيف وبين قلبٍ حجر ( وان تهاونت بالفرقا عليك السلام وحشة الليل / تقتلها صلاة الفجر )

11

45

280

نـذر .. ♞

@that7t

6 months

صحيح الخطا وارد لكن الأسف مطلوب مهوب عيب لا زليت ثم جيت متأسف لكن لا تحاول تلـبس الثوب بالمقلوب تزيد الخطا ب عناد و تصير متحسف ..

17

28

228

نـذر .. ♞

@that7t

5 months

انا نويت اشرح لك الوضع كله واحط لك خطين تحت العباره لان السكوت عن الخطا شبه عله و انا ما احب الخطا برّه و داره ودين الهوى مافيه مذهب ومله حتى الكلام الزين رهن الاشاره اخّيه من حب يجي فيه ذله يحط من قدر المحب ووقاره من لا يرى في عشرتي مكسب له فـ انا ماشوف في فراقه خسّاره ..

21

18

181

نـذر .. ♞

@that7t

1 year

قلبٍ يعرف الصعب ويطول الاصعاب ماينكسر لو لاهب الوقت مسه أنا كبرت اكثر على كلمة عتاب وعن رفع شيٍ بالأراضي مدسه روحوا ولكن لاتقولون لي خاب ما يخيب اللي يعرف قدر نفسه (:

0

1

141

نـذر .. ♞

@that7t

4 months

لابأس ياراسٍ ملته التفاكير وعاف المنام وعاف لين الوسادة لابد من عقب المصاعب تياسير والآدمي يصبر وصبره عبادة نتعب ونقطع بالركادة مشاوير وسعي الطفاقه غير سعي الركادة ظروفنا صعبة وتبغى مناعير معها على سود الليالي جلادة بكره يبين الصبح ويغرد الطير وامشي مع العالم واوزع سعادة ..

0

33

170

نـذر .. ♞

@that7t

6 months

عليك الغلا مردود يالغايب الموجود سوالفك غابت غير طواريك ماغابت غيابك حضورٍ له بصدر البيوت شهود وش اللي يغيّب ضحكتك و الغلا ثابت أحنك مثل ما أحن وجهي من المنقود وأعدك ليا عديت الأيام وش جابت ..

24

14

163

نـذر .. ♞

@that7t

8 months

اثر المبادي تزعِل الناس منا والناس وشهي لو تضيع المبادي رد الخبر لا جاك والعلم عنا لا هاموا الغادين في كل وادي مثل الحرار اوكارنا لا نزلنا وانشوم من قاع الدبا و الجرادي وان كثرت اللوان الحياه اتكلنا على النقا ماني بحب الرمادي .. ✨📿-

4

19

162

نـذر .. ♞

@that7t

1 year

جف حبر القصايد وإنبرا خاطر السمَح أمتـلينا لين صرنا يَا صاحبي متبـلدين ..

1

0

130

نـذر .. ♞

@that7t

1 year

ياكيف انسى وأنا حتى الهبوب يجيب لي طاريك أشوفه ينبش جروحي وأنا يديّ مكتوفه ذبحت أجمل ليالي عمري إللي عشتها بيديك مثل مايذبح المعروف من سولف بمعروفه ..

0

1

124

نـذر .. ♞

@that7t

5 months

ينشدوني و أبتسم وأقول طيّب ما دروا إني كل ما ضقت أتبسّم

15

20

148

نـذر .. ♞

@that7t

5 months

أقفيت من عزه وحفظ الكياني وانا اقرب العالم الا حل بك باس أصل المحبة بالوفى والتفاني لا تعتذر بظروف والوضع حساس إما تجي من دافع الشوق عاني ولا ابتعد مثلك مثل باقي الناس وقلبي على يمة غلاك ان حداني يسمح بعد ما تمنعه شيمة الراس ..

30

15

143

نـذر .. ♞

@that7t

6 months

استوحش الليل والضايق يدوّر نديم من السهر ضاقت اخلاقه وحاله فتر هبت عليه الطواري مع هبوب النسيم وبغت تحدد مصيره مير ربي ستر مع انه افنا حياته كلهاا مستقيم ودايم يصلي النوافل كلها و الوتر بس الرسوم القديمه و المكان القديم من مرّها طااح من دمعه ثلاثه لتر (:

10

24

143

نـذر .. ♞

@that7t

5 months

على اللي تعبت أنسى غلاه وتعبت اسير على جرته من يوم قفت مظاهيره حداني على شيئين يا الموت يا التهجير بعد ماكنت في بيت الغلا اغلى مساييره حزينٍ عليه ومن نشدني أقول بخيّر وانا ضايقٍ من جـور هجره وتاخيره يقولون خيره واعتبر كل شي يصيّر وانا اقول ما هي كل خيره تجي خيره

34

23

147

نـذر .. ♞

@that7t

8 months

سمحنَا وعفنا وأنثنينا عقب الإقبال وذي عاده لا يمكن ان حن نخلييّها إذا مالقينا من أهل الدار طيبة فال نشوم ونخليها لـ من هو سكن فيها صحيح الفُراق مضر لكن على ما قال ماهي تحرق الجمره سوا رجلّ واطيها عرفنَا بعز النفس . . من عادنا جهَال وكبرنا ومن له عادةٍ . . مايخلييّهااا ' 📿

3

19

137

نـذر .. ♞

@that7t

6 months

لاتلوم الدمع بأطراف العيون دمعه الشجعان دايم طارفه شفني .. مهون علوم ماتهون ومعتبر حزني مجرد سالفه ارهقتني صلفه الدنيا طعون وزودتني بالعواصف عاطفه '

21

19

135

نـذر .. ♞

@that7t

6 months

ماهو خطاك انك تكبر علينا هذا خطانا فوق حجمك عطيناك حنا على طيب التعامل ربينا والطيب مايصلح لمثلك وشرواك ولا هو معذربنا ليا من غدينا عن سود شوفاتك و خايب نواياك حنا الـكرم مخلوق منا و فينا بديهةٍ ماهو لجل نكسب رضاك .. 📿✨'

16

19

129

نـذر .. ♞

@that7t

4 months

وجهٍ ذخرته لليال المجاهيـم شد وترك بدر المواعيد طافي'

0

12

134

نـذر .. ♞

@that7t

5 months

خاطري عيّاف واحساسي مشوّه الحزن فـ الروح يضرب ما يسمّي الظروف أحيان ما فيها مروّه والزمن مايعرِق فـ خالي وعمي الوحيد إن عكر الخذلان جوّه حس بشعوري وحرماني وهمي لايغرك شيبي ! وشيبي يموّه العمر ماهو كفو مدحي وذمي عاد فـ ضلوعي طفل والطفل توّه لكن الدنيا ماا تملك نظرة أمّي(: ✨📿

27

3

128

نـذر .. ♞

@that7t

5 months

يوم شفت الوصل وجهه من جفاك مشوّه أستخرت و قلت يـ الله خيرةٍ مخفيها ما تعودت أترجّى لأجل حب و خوّه لو نقايضها على جوفي بكى تاليها يا حبيبي قلت لك و اللي تشوفه سوّه كان تبغى رفقتي فـ أنا بعد شاريها و كان قلبك في عماه و في عناده توّه يمكن أبعاد القلوب من العمى يشفيها ..

33

20

121

نـذر .. ♞

@that7t

8 months

ما سألتني عن اسباب ابتعادي والله اني ما بغيت الصد مره مير حاديني عن مشاهدك حادي الله اعلم ما بقى بالصبر ذره متمسك بالسلوم و بالمبادي لو بعضها مـر و الايـام مره سامحني عن قساي و عن عنادي و اذكرنيّ بالمحبه و المسره ✨

3

12

123

نـذر .. ♞

@that7t

6 months

عواصف الصدّ تجبرني وانا صابر لا تحسب اني ابيك تضيق وتعاني ما يجتمع فالمحبة شوق ومكابر اما أقبل بـ شوق . . ولا لا تبلّاني مصير الايام تغدر بك وانا خابر وتشوف بالعين وجه فراقي الثاني انا ما أمرّ المرور العادي ، العابـر والله لتنسى "حليب امك " مَا تنساني ✨📿'

12

16

121

نـذر .. ♞

@that7t

3 months

البارحه والنار تاكل من النار وانا ضلوعي كسّرتها ضلوعي واقول ياهم الشقى طب و اختار لكن لا تحلم بشوفة دموعي الله خلقني للمهمات صبّار ايضا ولاني بالمواقف جزوعي بعض الخطا يمكن تمشيه الاعذار اعدي الغلطه بكيفي وطوعي وبعض الخطا لو ناخذه يمين ويسار لاجيت اسامح كني احب كوعي' 🪙📿'

0

22

123

نـذر .. ♞

@that7t

8 months

ماهانت دُموعك ولا خاطرك هان لو إن مُهونة دمعتي لك حقيقة ماكنت أخلّي الضيق في وجهك يْبان وخلّيتني لأردى الليالي صديقة وعلّمتك القوّة ، وتنفير الأحزان وعلّمتني جرح العشيق لـ عشيقه ، أرق من غصن الشجر " روح الإنسان " وأقسى من شُعور الفراق " الطريقة " ✨

6

21

124

نـذر .. ♞

@that7t

8 months

أشوفك نهارٍ ما تـوارى عن الأنـظار ياعنك إني أفضل شموسه على ظِله ㅤ تعال إن بدا لك في دروبي ضحى وديار هذا الصدر مرتع وأنت خابره وتدله ㅤ معي وجه علم وليلٍ أدلم وضيقة ثار وأنا لا لمحتك يسري القلب عن غلّه ㅤ خذ أول شبابي عمر لا شحت الأعمار وإذا كان ما يكفي . . فداك العمر كله ✨-

2

13

116

نـذر .. ♞

@that7t

5 months

بين سندان المحبه ومطرقة الظروف اتقهوا دلّة الصبر وأنشد وش بقا ؟ راحت كْبار الهقاوي وانا عيني تشوف ليت مالي عين شافت ولا قلبٍ هقا ✨☕️'

30

14

116

نـذر .. ♞

@that7t

6 months

أنهمر دمع الحزين وشابت حروف المعاني و أنكسر عزم الصبور وحالته ماهي سليمه تاهت دروب المعنّا وأنقطع حبل الأماني كشّر الوجه الضحوك ولا بقى شيٍ يهيمه أنذبح حلم الشجاع وطاحت أركان المباني وأنهزم من لايحسّب في حياته للهزيمه . . بدون سابق انذار : Pov .

15

11

118

نـذر .. ♞

@that7t

6 months

غنت شوارعها مساء وتباشيـر .. شف المطر وشلون حّن وحضنها

13

111

نـذر .. ♞

@that7t

6 months

احس الصمت بعض احيان يشرحني و أسمع منّه احياناً كثير أجراس تدليني ، توعيني ، تنبهني تقوي الباس قبل اطيح باللا باس احاسيسي بعض الاحيان تذهلني و بعض الاحيان ودي اني بدون احساس اعرف الناس كثر ما الناس تجهلني " وهذا اللي وقف بيني وبين الناس " احس(:

20

11

112

نـذر .. ♞

@that7t

4 months

اللي عطى قلبك من العزّ والنّوف ما ينكر الحاجة ويستنكر الشفّ يقدر يخلّي كلّ ما فيك من خوف يفنى بدعوة ليل من قلبك العفّ صدقني إن في بطن الايّام معروف يرضيك عن دنيا الدوران واللفّ بيجيك وبتنسى ما مرّك من ظروف وبتبتسم وتحطّ حزنك على الرفّ☕️

0

22

115

نـذر .. ♞

@that7t

5 months

هاجسٍ ف القلب ما جنبه مباري غير بيتٍ لـ ابن شايق ، عارفينه ياعيوني فيك للعبره .. موّاري عزتي للمشتحن من دمع عينه

19

11

105

نـذر .. ♞

@that7t

5 months

من تخيّر دربك المهجور عن باقي دروبه لاقيٍ بعيونك الثن��ين مضيـاف وكرامه لا تلومه لو تشوف الصمت ذنبٍ من ذنوبه وش يقول اللي يشوف احساسه اكبر من كلامه واحدٍ مهما تضيق بعينه الارض الرحوبه ما يبيّن في عيون الناس ضعفه و إنهزامه ' ✨📿'

33

8

106

نـذر .. ♞

@that7t

4 months

لاباس ياراسٍ ملته التفاكيــر وعاف المنام وعاف لين الوسادة لابد من عقب المصاعب تياسير والآدمي يصبر وصبره عبادة نتعب ونقطع بالركادة مشاوير وسعي الطفاقه غير سعي الركادة ظروفنا صعبة وتبغى مناعير معها على سود الليالي جلادة بكره يبين الصبح ويغرد الطير وامشي مع العالم واوزع سعادة📿'

0

15

110

نـذر .. ♞

@that7t

5 months

في ذمتك ياليل وين العزيزين ؟ شوقي ضرير وليلك اليوم ليلاه .. قد قالو انسى قلت ي قلبي ! اسيّن ثم قالو انسى قلت ياكيف ابنساه ؟ ( هو ضماد الجرح .. ومقابل العين حتى إلى غمضت في جفني القاه ) " أوعدك دام الوعد .. في ذمتي دين شوقي على شوفتك ي صااح هو اياه " ١٢:٠٦صّ ديسمبر ٢٠٢٣م📿✨

21

10

106

نـذر .. ♞

@that7t

4 months

لكن بقلبي رسمت الفين حدّ استلذ البرد ما اطلب دفاي ما تسوّلت السعاده من أحد ولا لأحد مِنه على بسمة شفاي ان تعبت السبت بطيب الأحد وان بكيت اليوم - يوم السعد جاي ولا كرهت إنسان لو جار وجحد هقوتي ما تبعد أكثر من غطاي ما رجيت إلا رضى الفرد الأحد في رضاه إليا رضى عني رضاي📿'

0

18

107

نـذر .. ♞

@that7t

9 months

اسامر سواد الليل والنجوم السّكاب واسولف على نفسي وانا فالخلا الخالي هواجيس قلبي بالدقيقه تجيه اسراب وانا مابكيت الماضي الا من هبالي وش الفايد ياعين حكم القدر غصّاب حياة ابن آدم هكذا شمس وظلالي خلاص انتهى مافات وأمر الله الغلاب وكلن معرض للضما واشهب اللالي .. 🚶🏻‍♀️

4

9

104

نـذر .. ♞

@that7t

5 months

صحيح انا واثق الخطوة ولا امشي ملك لان التواضع مووصينا عليه النبي والطعنه اللي تجيك من اقرب الناس لك ماهي غريبه ليا جت من ايدين اجنبي واللي تعزه معزة واحدٍ من اهلك لاتامنه يسبي اغصان المعزه سبي وان كان ياما تحبي للناس ولاتهلك احسن لك تموت واقف ماتعيش تحبي 🪙✨✨'

24

14

105

نـذر .. ♞

@that7t

4 months

أشوفك تصدد كن شوفي عليك أعدام وكني عنيد وأنت ساكن تحت حكمه ترى والله أني مسلم ماعبدت أصنام وقلبي يودك وأنت هزاع بالكتمه ترفق وعين خير وأنسى خطانا العام رصيد الغلا اللي بيننا صار به أزمه ' ✨🪙'

0

15

106

نـذر .. ♞

@that7t

3 months

عليه السلام العذب لامرني طاريه اضم الهبايب من جهاته واسامرها ㅤ يفز الشعور لكل دربٍ مشينا فيه تبسمت من بسمته يوم اتذكرها ㅤ من اللي يقول ان فاقد الشي لا يعطيه انا اعطيه حاجاتٍ وانا فاقد اكثرها(:

0

14

107

نـذر .. ♞

@that7t

5 months

واعذابي لابدا الليل يسحب منتهاه واستباح الوجد قلب ٍ يغذيه الحنين وانفجر صمت المشاعر وبيح محتواه واستدارت نسمة النود .. للجرح الدفين حالة اللي حول عامين ماهوّن عناه عاقبت زهرة شبابه عواقيب السنين راحت احلامه وهقواته اللي في صباه مثل ماراحت حضارة { بلاد الرافدين }

20

14

102

نـذر .. ♞

@that7t

7 months

أحسب أن العشق فترة فراغ ولا يدوم مادريت انه يغير مفاهيم الحياه مذنب في حق نفسي ولاني بمعصوم منتظر والبعد عيا ينسيني غلاه ادري انه يسمع الشعر وتجيه العلوم ويدري انه من نصيبه قرأه أو ماقراه كان عينك ترقد الليل عيني ماتنوم لين يذن مذن الفجر وتقام الصلاة ..

9

12

102

نـذر .. ♞

@that7t

6 months

خاطري يحتسّ من حزة اقبال الظلام مثل ما يحتسّ من تهمة الظلم ابريا ساجن ٍمن عزة النفس في صدري كلام ما يفكه جاه اكابر . . ولا مال اثريا بالعزوم اضحك ولا اظن يلحقني ملام الملام اضحك مع من ضحك كذب وريا

20

13

98

نـذر .. ♞

@that7t

5 months

الله يا ليل اللقا والمواصيل وعزاه يا جفنٍ من الحزن غارق كنا سوا بين الهوى والتفاصيل مر اللقى بقلوبنا ومض بارق صرنا مثل نور الفجر واخر الليل ما نلتقي إلا عشان نتفارق✨'

23

17

106

نـذر .. ♞

@that7t

4 months

انفصام وبعثرة نفس وتمنّي انعزال الروح لحدود الكئآبه سافري يامجمل اشيائي وغنّي وان ضحكلك ناي بكَّتْك الربابه يمكن اللي قال عنّك ، قال عنّي الوجيه ايّام وايامي تشابه الشعر لو ما ذبحني .. مات مني آخر الاحزان ، دمعه مستجابه ليتها خيبة امل ، ويخيب ظنّي المصيبه ، بالشعور وبالكتابه

0

27

105

نـذر .. ♞

@that7t

5 months

من يوم شفت المجي والبعد متقارب وانا سكوتي عتاب وضحكي ملفق خليت لك حبل الليالي على الغارب إن جيتني مرحبا وإن رحت فـ موفق ✨🪙'

26

9

104

نـذر .. ♞

@that7t

6 months

ما أعرف شلون شكل الالتئام ولا أعرف من التعب كيف ارتمي آقف بوجه الصعيبات العظام لين ينشف داخل عروقي دمي داخلي عقده من زحام الكلام أدري انّه لا انِّطق يرجف فمي تشهد لوقفاتي جروحي القدام تدري انّي للهزايم ما انتمي . . ✨📿'

12

11

102

نـذر .. ♞

@that7t

6 months

ما عندي إلّا القديم اللي تهجّاني بحوري اليوم .. مدري عن موانيها يوم أنوي البعد والذكرى ترجّاني عرفت كيف النفوس تموت أمانيها ضحكت من دمعتي وأطلقت حجّاني كبرت . . عن كلّ حاجة كنت أعانيها البارحة وأسود التفكير .. سجّاني عيّيت أشوفك بصورة ما أدانيها (: ✨📿'

14

8

97

نـذر .. ♞

@that7t

8 months

ورا كل مشرق شمس ومداعبة نسناس على غرّةٍ محبوسه ، وضحكةٍ حرّه أوقّف بفوضى نفس ، ومغالبة وسواس وأشوف الحقيقه مرّه و وقفتي مرّه يا ليت الحياه تبرّني .. برّها بـ الناس ولك وجهي إن مالي سوى وجهك أبرّه أنا حاشد شعورٍ حقيقي ، وشِعر ، وباس ورا كلمةٍ بقولها في العمر مرّه . . 🤍'

3

9

99

نـذر .. ♞

@that7t

5 months

مابين حب الجواب وبين كرهَ السؤال القلبّ لو تاه ماينزل عليه الوحي لازلت قد الفراق وقد حلوَ الوصال لوّ المفارق مصيبة والوصال أريحي يازين والطق فيَ موت المشاعر حلال إلى متى وأنت لا مقبل ولا منتحيّ يامقربكَ لو دعيتك بس كلمة تعال أثقل على خاطري من حاجة المستحيّ ✨📿'

21

5

97

نـذر .. ♞

@that7t

6 months

فيني غموض تحيّر الغازه عيون الناظرين مع أني أوضح من رداة الخاطر إللي اكسره أحب لون الليل و أحب القصايد والحنين و على كثر سوالف عيوني أعاف الثرثره🩶

15

8

95

نـذر .. ♞

@that7t

5 months

نديمة دروبي ما بقى في رحابك فيّ خذتك الظروف ولا اختفيتي ، ولا بنتي لو إن الزمن . . قادر يرجّعك ، بين يديّ من يرجّعِك في نظرتي .. مثل ما كنتي من المستحيل يحول عن ذكرياتك شيّ لو يحول من دون اللقا حاجز إسمنتي يروحون كل الناس ! مني شوي شوي ولا فيه أحد يبقى على البال ، غير أنتي (:

23

8

89

نـذر .. ♞

@that7t

3 years

عند العناد , بـ هامتيّ ألف عفريت لكن تجي بـ الطيب , تاخذ عيوني (:

0

97

نـذر .. ♞

@that7t

5 months

صباح الغياب اللي لحى الحال وأدبر به صباح العيون اللي ترادف عبايرها أنا البارحه سرّاني الشوق مع دربه وساق الدموع الحايره من محاجرها أهوجس قبال الليل وأهيم وأسهر به وأصحّي طيور الصبح و أسـبرها سقى الله ربوع الوصل ياغيبة الغربه وش اللي جنيت من السنين ودوايرها ✨✨📿'

17

10

94

نـذر .. ♞

@that7t

6 months

ترى بيني وبين اللي مضى بالذاكره ميلاف وإلين الحين ياخذني شعورٍ من أغانينا ㅤ عرفت إن القدر فرصه سعيده والحياه أعراف لو إن الشوق من كثر البعاد المُرّ يصلينا ㅤ أزورك حلم من خلف الحقيقه والشعور لحاف ما دام إن الوله واقف على سكة هقاوينا(:

15

8

94

نـذر .. ♞

@that7t

5 months

أنا الغايب الي كان بين العرب موجود رفيق السهر لين السهر مل من عينه تعبت من الدنيا .. ولا لي وراها زود وانا من نشدني قلت له كلها زينـه تساوت معي كل التفاصيل بيض وسود مدام الفرح ضيعت حتى عناوينـه (الا ياوجودي وجد من ضم له مولود بعد ما ابتسم من شوفته مات بيدينه) 🪙✨✨'

0

19

94

نـذر .. ♞

@that7t

6 months

أنا اللي تحدّاه الزمن واتعبه واشقاه لكن الليالي السود مابيّحت سدّه بغيت اتوّجد بس ياكبرها كبراه أنا اكبر من الأيّام واقسى من الشدّه 📿✨'

19

7

94

نـذر .. ♞

@that7t

6 months

الشكر لله على الامن وعلى نعمة وطنّا يا مكبّرة العلوم ويا مكثّرة الطواري البروق تلوح منا والرعود تحنّ منّا المطر ما وقّف من البارحة والسيل جاري والحكومة تنذر العالم عن اخطاره وحنّا من سعادتنا نباري السيل لو ماله مباري

19

11

87

نـذر .. ♞

@that7t

3 months

كلمةٍ ما جاتني .. بلسان فاهي جاتني تلحق مرارتها القساوه وينه اللي لا حكى مبداه راهي؟ والسلام الذرب والهرج بحلاوه كان ترحابه على ملفاه زاهي من عهدته في تراحيبه "حفاوه" ليتني عن غلطة الغالين ساهي يمكن اشوى لي من شعور الجفاوه يمكن ..

0

17

96

نـذر .. ♞

@that7t

4 months

لفاني السهر ، يسحب أردونه على المعتاد وقربت له مركى السوالف وحيّيته تنصى العيون اللي غدت له مضيف أجواد وتعشى الكرى ، اللي مبطيٍ ما تعشيته يجيني لحاله ، في يده شنطتين سهاد حشى ما أذكر إنه جاب شي تمنيته حلالاه ، لو إنه بحلو البشاير جاد عن اللي الدقايق تنتظره وتباطيته .. ✨🪙'

0

8

91

نـذر .. ♞

@that7t

6 months

لكن لا زلت اسأل الدنيا بصوت القنوع من تل صورتك من بالي ؟ ومن شقها كن الغلا اللي تذرّت فيه حدب الضلوع قصيدة المُبدع اللي ما خذت حقها . .

16

8

92

نـذر .. ♞

@that7t

9 months

ياللي شعلتي للغياب الفتيله وخليتي العتمه تحاصر محلي من كثر ما ليلة وداعك ثقيله ما طاحت دموعي .. انا طحت كلي هذا انا يا (المقفيه) كل ليله أتذكرك واذكر هواني وذلي فقير وكفوف التناسي بخيله حزين وهمومي معي مثل ظلي يا ليت جرحي طير وأخلي سبيله لكني أجهل وش يكون التخلي

4

13

93

نـذر .. ♞

@that7t

5 months

خذتك المهالك من يدي وين بتوديك؟ يا وجدي على هقواتك وراسك الطيّب يقولون لي خلّه وأنا عهد ما أخليك لو إن المسافة دربها وحش ومهيّب أنا الصاحب اللي ذاخره في يدينك شيك إليا بار فيك الصاحب الساحب الخيّب طلبتك بوجه الله وأمك وإبيـك وعساني ما أعود من على بابك مخيّب -🪙✨✨✨✨'

29

10

88

نـذر .. ♞

@that7t

3 months

الرحابه يوم أدوّر للرحـابه يوم صدري ضاق بالجرح وزهابه والله إنها عند ربي جلّ ربي ما قفل عن حاجة المحتاج بابه ادلهي ياعين و يانفس استكنّي الليالي غيبها ما يندرى به ما تضيق الا و عند الله فرجها والعجاج الصلف تقفاه السحابه✨'

0

23

91

نـذر .. ♞

@that7t

4 months

كنت غالي وكان لك مقام وقدر كنت هاقي فيك فـ اليوم العسر كنت أشوفك وسط هالظلمه نهار وكنت أظن وصار ظني مايسر جيت أمررها كأن ما شي صار لكن قسم بالله عيت لا تمر أيه متشرّه وشرهاتي كبار شرهة الغالي على الغالي بـ عمر ..

0

13

92

نـذر .. ♞

@that7t

3 months

لي ثلاث سنين قانع ولاتفرق معي أقبلت دنياي وأقفت ولاناديتها مع شعَرة معاويه هو جهل والا وعي ؟ قبل لاارخيها ولااشدها . . خلّيتها والله ان بعض الطواريق بنج ٍموضعي لو تسكّن عنك الاوجاع مـاداويتها إسـرحي يانفسي برحلتك واستمتعي مابي افكّر بـ حاجه قبل توقيتها . .

0

17

89

نـذر .. ♞

@that7t

5 months

كبير يالـيل و محبينك كبار يشرفك من يسهرك وتشرّفة انا صديق الليل واطراف النهار اذا سألك الصبح عني صرّفة (:

20

3

86

نـذر .. ♞

@that7t

5 months

اعرف ان الصوت لا ضقنا صدا لا تجي مبسوط وتعود ضجر ما ندور فيك طيب ولا ردا ولو ندور فيك . . دورنا الاجر

23

12

82

نـذر .. ♞

@that7t

6 months

قال الـوداع وقت عفـوا على ويـن قال الفراق وقـلت تلـقى السـلامه راح وتـرك بالقلـب لليـوم جرحـيـن جرحٍ مـن الفرقـا وجـرح لغـرامـه ..

15

10

84

نـذر .. ♞

@that7t

5 months

لابارت الهقوات واخطن الاقدام والريح هبّت عكس درب السفينة لانبكي الفايت ولا نرثي احـلام والغيظ لو هو كبر اجا كاظمينه قدام يابيض المقادير قدام ياما تزين لكل نفس حزينه اما بعد ياذا الجلاله والاكرام يامن لك الداعي بسط راحتينه الهمني السلوان عن ماض الايام عما جرى بين الضنين وضنينه

0

13

84

نـذر .. ♞

@that7t

4 months

عزنا الله بالوقار ولا اختلف مذهبنا من تغيّر مذهبه جعله فدا رجلينا و اللي يقفانا بهرج الزور و يعذربنا يبي يشيب رمش عينه ما بحث خافينا اسمنا قد المديح و فعلنا معجبنا و النعم يفخر سموّه لا طرا طارينا يكفي ان اللي سوات المنقله لا غبنا يعتدل وضعه سوات المسطره لا جينا ✨🪙'

0

14

86

نـذر .. ♞

@that7t

5 months

اكسبيني يا صدوف الليالي بـ معروف واكسري روتين حزن الفراق السرمّدي وقفّت لي عزة النفس من دون الشفوف وقفة اللي دون حقّه ولا هو بـ اجوّدي ..

22

15

86

نـذر .. ♞

@that7t

3 months

في ٢٩ يـناير ٢٠٢٤م : يطرق الريح قلبٍ له ليالي حزين واذكر الكلمه اللي مابعد قلتها الاحاسيس يتعبها شعور الحنين وخطوتي ساعة الفرقا تثاقلتها خاطري له ثلاث شهور ماهو بزين ومابقى ضيقةٍ لـ رضاك ماشلتها الله اللي على الدنيا واهلها يعين لو تجّرب ظروفي ماتحملتها

0

9

87

نـذر .. ♞

@that7t

4 months

رسالة صادرة: وقمت اوضح كبر قدرك وأبين لك غلاك ساعات تطغى المشاعر على صمت العقل وصرت تقطعني بـ الايام وتبيـن جفاك وكل شهر وصلك اردى من الفايت وأقل لاتحسبني ب اقضي حياتي في رجاك ما أنت بـ اول من تغلى ولا أول من ثقل ✨🪙'

0

15

83

نـذر .. ♞

@that7t

3 months

استلذّيت الغياب وتركت اللي يبيك ما دريت أن المفارق بدايات العنـا كل حاجه في غيابك على حطة يديك الحزن والجرح والحب والضيقه وأنا

0

13

88

نـذر .. ♞

@that7t

4 months

رفيقي والعتب غيمـة بلا ماطر تمر البيد مرور كرام عند كرام ماتستسهل النجوى

0

9

87

نـذر .. ♞

@that7t

2 months

وناسٍ تقـل الحيا ماني مجاملها (بقدم الكاش ماقدمت عربونه ) الـقوم باللي تعاملنا نعاملهـا عـقب صبي يقدراللي يهينونه✨

0

10

90

نـذر .. ♞

@that7t

3 months

يستفز الليـل صمتي ولا احب العتاب مل قلبٍ كل ما خيّم الليل أشتحـن لا تسولف فـ الموادع ولوعات الغيـاب عاد في راسي من الشوق حبٍ ما انطحن'

0

8

87

نـذر .. ♞

@that7t

5 months

شعوري وانا أرفع للفجر صرخة استنجاد شعور الصويب اللي فقد نجدة يمينه

19

0

83

نـذر .. ♞

@that7t

6 months

ياسبب أجمل هزيمه ويا أقسى إنتصار كان مانت بداري بقيمة وجودك فـ ادر بين تنهيدة حسافه وتلميح إعتذار وبين شيٍ مابدر مني وشيٍ بدر كل بيت ينذخر للمهمات الكبار جاك من دافع محبه ومن دافع قدر المحبين الرديين في الدنيا كثار والمحبين الوفيين في الدنيا نُدر . . ✨📿'

21

7

83

نـذر .. ♞

@that7t

5 months

يلوم المفارق من جهل حرقة التلويح جفاه المنام وصار ليله مثل صبحـه شجاع وتجرع لوعة الوقت والتكسيح غزاه المفارق ثم طعن قلبه بـ رمحه كسره الهجر والفقد كسر بلا تصليح وتعذر عن علاجه هل الطّب والصحه 📿🪙'

25

6

82

نـذر .. ♞

@that7t

3 months

ماردينا والليالي لها وجهٍ عبـوس خل يوم أن الليالي سميحٍ دربها(:

0

9

84

نـذر .. ♞

@that7t

4 months

ذعذعي يا بارد النود من كل إتجاه وأطرقي صدرٍ غداله من الضيقه زفير كن وسطه ضو بدوٍ توقد في نباه ولعوها والهواء الصلف ما دونه هجير قلبي اللي كل ما قلت هون من عناه ردّته كثر الطواري على الوضع الخطير .. ✨✨🪙'

0

14

84

نـذر .. ♞

@that7t

2 months

ماطاح في قلب الغلا غير الأوجاع وما شالت كفوف الندم غير ضيقه أثر الـغلا لا زاد عن حدّه .. أنباع مثل الدفى لازاد .. يصبح حريقـه📿'

0

16

86

نـذر .. ♞

@that7t

5 months

ماعاد لي فالصدام الفوضوي / قوّ حيل محتاجه اعانق هدوّي واحتضنْه إحتضان في خايعٍ ما يمرّه غير ؟ " عابر سبيل " تفترّ فيه النسايم بـ أريحية . . وأمان

21

9

78

نـذر .. ♞

@that7t

4 months

على كثر الوجيه الغايبة عن راسي المزحوم حضر وجهك نيابه عن عموم وجيه غيّابي يعّس في قاع بالي فيضة جروح ومناقع لوم وينصب له خيام من السهر ويطيّر أسرابي خذاك الحلم من نوم العوافي لين صح النوم وخذاني ليلٍ لا جيت أرقده وقف على أهدابي'

0

10

84

نـذر .. ♞

@that7t

3 months

صحيح أن الغياب اللي حصل بيني وبينك طال لكن ما هوب أنا اللي فوق حُبه يسفي السافي لحقني من غلاك ومن جفاك اللي يرق الحال مثل ما كنّي أشوف الحزن في طرفك الغافي يروح اللي يروح من العمر واللي بقى لا زال ويبين اللي يبين من الغَلا و الخافي الخافي✨'

0

13

84

نـذر .. ♞

@that7t

5 months

حداك الصَمت واتعبك الملام وسلوة السالين وتخاطفك الحضور اللي يبدّد وحشة غيابك تعال وكل دمعة من عيونك خلّها بعدين انا فرحة سنيني عطرها من رمشة أهدابك عليك من القصيد اللي يعرفك فالقسا واللين وعليّ من الشعور اللي يحبك .. ويتباهى بك✨

17

12

78

نـذر .. ♞

@that7t

3 months

سامحيني على ذاك الجفى والـبعاد وأبسطي لي كفوف العطف والمغفرة وعيشيني معك دور الصفا والوداد ' أنا مليت دور الشجرة الـمثمرة '

0

10

85

نـذر .. ♞

@that7t

5 months

عمري على الكتمان عدّى .. ولا لي الاّ الشعر .. كيف اتعاطاه بحـدود !

21

6

78

نـذر .. ♞

@that7t

6 months

هات لك ما تهيّا من شعور و زهاب الليالي قصيرة .. و الطريق ابتعد ذاخرٍ لك على درب ارتحالك سحاب و ابتسامة شروق و زهرتين و رعد كان حزنك عظيم و ذكرياتك عذاب والله إني على قد انتظار الوعد لو فتحت بملامك للمشاريه باب جيت آسف و أبد حقك علي وش بعد ✨✨✨✨✨✨✨📿

16

6

78

نـذر .. ♞

@that7t

3 months

ياهنيكم ياهل القلوب الدواليه اللي تحسبون .. الهوا مسرحيه الكل منكم في مجال مسليّه وقلوبكم .. ما الله كتبها شقيه ياللي خطفت القلب من عند راعيه رده قبل .. ترفع عليك القضيه رده سليم ، وخل راعيه يهديه كانك من اللي يقبلون الهديه✨

0

17

85

نـذر .. ♞

@that7t

6 months

الشوق مر .. ولايمر الدالهين وأنا الشتات إللي يدوّر جمعته والضيقه إللي لاتغيب ولاتبين عند الحزين إللي يداري سمعته لو يشعل شموعه ليا زاد الحنين خسارة أشواقه بتلحق .. شمعته وماتشبه الا ضحكة الوجه الحزين إللي يمثّلها وينسى .. دمعته(:

11

12

78

نـذر .. ♞

@that7t

4 months

الصريح تحذفه العربان ، في سجن أنفراديّ تالي الأيام قول الحق " نوع من الجريمه " يا زمن لآ نيتي سودا ، ولآ وجهيّ رمادي أنا من قوم تشوف الموت أحب من الهزيمه يفرقون أهل المبادي ، عن قليلين المباديّ مثل ما تفرق عن الأحجار ، الأحجار الكريمه ✨🪙'

0

16

83

نـذر .. ♞

@that7t

4 months

لا على عيني غشاوة ولا وجهي قناع مقتنع في حجم علمي وفي حجم جهلي البشر فيهم هوامش ومن سقط المتاع ما لهم تأثير واضح على مستقبلي والحياة ومجريات التلاقي والوداع خضت لي فيها تجارب و جيت بْما يلي يوم فضّلت انعزالي على كل إجتماع استرحت وصارت الراحة ألزم ماعلي .. 📿✨'

0

21

82

نـذر .. ♞

@that7t

3 months

عن غيبتك بسكت تفادي للإحراج و عن ضيقتي بحشم وفاي و شعوري لو شفتني هادي ترا بـ قلبي إزعاج و سؤال حاير بين حلمي و غروري حفظت قدرك و الملا حولي أفواج و أرخصت قدري في ليالي حضوري . . ✨📿'

0

12

84

نـذر .. ♞

@that7t

3 months

لا تقول إن المسافة ماتجيب الغايب البنادم لا أشتهى قلبه مشت رجلينـه

0

11

83

نـذر .. ♞

@that7t

6 months

لاتسولف ترى ليل المفارق طويل كل كلمة في بالك على بالي طرت شُوف عيني وتلقى للمحبة دليل مير نفسي لتقضيب المواجع ظرت طول الصمت وأربكت الشعور الجميل قلت ببعد مادام الجروح كثرت خل دمع�� يسولف للوداع وهو يسيل ولا انا دمعتي طاحت وهي مادرت .. ✨📿'

19

5

76

نـذر .. ♞

@that7t

5 months

عزتي وأسمي و ما وجهي وما يحفظ وقاري قالوا ودك نجرحه عنّك جميع ؟ وقلت لِلَّه كيف أبرضى ينجرح من ضحكته نسمة دياري وإن بكى ضاق بـ عيوني ما يشيل الكون كلّه كيف أفكّر وأخذل ظنونه وأنا ارد أعتباري كنّي أجدد وجع جرحي و أغيّر في محله ..

26

7

80

نـذر .. ♞

@that7t

6 months

أثر الوداع أسهل علي من الملام وآسفك ماتكفي وجرحك مايمون وش الشعور .. اللي يبين فالكلام عند الشعور .. اللي يبيّن فالعيون(:

14

12

75

نـذر .. ♞

@that7t

5 months

لا تفكر فالنهايات ولاّ وش تكون انثر امالك للانسام في مبدا بدر الحذر ما يمنع النفس من ريب المنون والحراصه ما تقدم ولا تبعد قدر ولا تكابر دام قلبك على قلبي يمون المكابر ضيّع قريش في غزوة بدر .. ✨🪙'

0

8

82