دعواتكم لابوي #عمير_بن_زبن بالشفاء اسئل الله الكريم ان يشفيه ويعافيه يارب العالمين
ياربي لاشفى الا شفائك
فانت تشاء ونحن لانشائي
#محمد_بن_عمير
قصيده مناجاة الى الله الشافي سبحانه
⬇️
شجع بن عمك وافرح بفوزه ولكن القبائل خط احمر
وش الهدف تبي تسبب فتنه والا على قولة الاول (اضهر راسك لو بخزى)
قبائل المملكه من حاضره وباديه تجمعنا معهم صلة رحم او صداقه ورفقهة رجال :-
مثل ماقال الشاعر /مفضي بن ولمان الحربي
ياحمود يظهرلك صديقٍ من القوم
ويظهر من الربع الموالين عدوان
يا نجد كلماتي
اداء المبدع الصوت العذب / خالد ال بريك
دارن لنا من حبها ما نسيناه
لنا بها ماضي فعولٍ قديمه
يفداك دار الغرب كله وطرياه
عجتس ولا انهاره وباقي نعيمه
يانجد يسقيك الولي من عطاياه
مدة كريمٍ من يدينن كريمه
اللي يحسّب للخساير والارباح
ماهوب لابايع ولاهوب شاري
اما اضرب الدنيا بعزم وتبجاح
والا تذرى في كنوف العذاري
مغامرات الرجل مع كل مسراح
فالارض كنه من سباع الضواري
اهم شئ العز فالرجل لا راح
ما عاد له عند الرياجيل طاري
عند الكرامه عد في راس لولاح
لاتنخدع في مدورين المذاري
ولا…
مال الوفا بقلوب الانذال مدهال
يازبن بعض الناس مايفهمونه
هم يحسبون ان الوفا بشت دلال
يعرض وساعة ما اشتهوا يشترونه
#عمير_بن_زبن انشهد انك صادق يا ابوي جعل ربي يشافيك
لو الحراسيس تنتج ماوصل سعر الضريبه 400الف⛔️
كان كلن شراء من اربع الاف وانتج‼️
عليكم بالطيب نصيحه اللي حتى لو ما انتج شوفه يونسك وان احتجت البيع جاب لك مكسب
المشكله بعض الناس يطبق الشواذ على القواعد الثابته
المثل يقول (( لكل قاعده شواذ ))
✋🏻
اقترح ان يكون في #مهرجان_الملك_عبدالعزيز_للابل
1-شوط للتلاد لانه للي تعبو في حلالهم وتمسكو فيه.
2-السماح بمشاركة قعود او فحل مع ام��اته في جميع اشواط الجمل لان الفحل احيان يكون أغلى من المنقيه وله جماليه في وسط امهاته.
3-إعادة الوسم والقسم في كل فئات المهرجان جمل او فردي.
4-إلغاء…
نصيحه اختر رفيقك بعنايه وتأكد ان صداقة المصلحه لاتدوم:-
ما بني على باطل فهو باطل…
صديق الامس عدو اليوم…
وانا اقول:-
رميت رفقان الرخا من يساري
مثل مايرمي شارب التتن قطفه
واقول بعد:-
رفقة بعض لنفس تزيدك غبوني
وفرقا بعض لنفس تزيدك سعة بال
وسلامتكم✋🏻
اتابع احياناً الردود على بعض التغريدات في الحسابات المهتمه بالابل❗️
عيب والله عيب ترى مادروا عنك المنافسين
بعضهم يسب وبعضهم يدخل في اعراض ناس وسب القبيله
محد نافعك لو شكاك واحد وسحبك مع اذنك للنيابه..
تذكر وراك اهل بيترجون خصمك يتنازل..
وفوق هذا كسبة ذنب وفضيحه✋🏻
يجيكم يوم 🤌🏻
ملاحظة
فالمغاتير بكل اللوانها
وضح شعل صفر حمر شقح
وش سبب انعدام او اصبح نادر جداً العرقوب الهزع والذنب الاشتر‼️
نلاحظ الآن اغلب الحلال عرقوب اركز والذنب ياصل للعرقوب كنه ذنب مجهم
ما هو السبب من وجهة نظركم🤷♂️
والا انا غلطان❓
اتحفونا بصور (هزع العراقيب) ان وجدت خلونا نكحل عيونا 👁️
اليوم شاهدنا اعلى جماهيريه في تاريخ مزاين الابل في #مهرجان_الملك_عبدالعزيز_للإبل6
بحضور #لطامات #ابن_دغيثر وكذلك منافسه #الدبوس
بالتوفيق وللأمانه كان حضورهم مذهل
بكار تنسب لغير ابوها❗️
قعدان تنسب لغير ابوها❗️
تروح تحلل DNA حسب التزبيط💵
تروح تفحص عبث واحد يقول سليم
الثاني يقول عبث🤷♂️
الأكيد لاتشري الا من راعي ذمه وهم قله✋🏻
لاحظة من بعد المزاين الى #رمضان وما زال حسابات تشعل الفتنه وتثير العصبيه بين #قبائل المملكه ككل وخصوصاً #عتيبه #قحطان #الدواسر #مطير #سبيع #يام
حتى شهر رمضان ما احترمتوه
اول بينهم حروب ماسبوا بعض زيكم
والله اللي تسوونه عيب!!.
انتبهوا من
(يبداها الجهال ويبلش بها العقال)
هذا اليوم كان ترشحي للوني الشعل والصفر في #مهرجان_الملك_عبدالعزيز_للإبل6
ومنافسة #حنس_ابا_الخيل و #مطلق_الفطيماني وكذلك #ديربي_الصياهد #ديربي_الصفر بين #ابن_دغيثر و #دبوس #الدبوس
ان اصبنا فهو توفيق من الله وان اخطئنا فمن انفسنا ✋🏻
ابوتس يالدنيا ….
العجوز والشرما وام السوالف ..
يبن يتصدرن المشهد
هذا والله اخر الزمان صحيح..
بعد ما كنت اعلمه وش يقول ويشكي ويبيكي اللحين يرفع الصوت اخس يا ابو عكره
🛑تنبيه🛑
حينما تمطر السماء تخرج الفئران من جحورها وتعيث بالارض فساد بحثاً عن الحياة..
يامثيرين القبايل بتنبيش الحدود
كلنا بالدار واحد رفاقه وقصرا
صيفوا بالبل ثم اردو على زين العدود
والفخر للي عن الما لاباع ولا شرا
في ذرا اخوان نوره تحت حكم السعود
يادبون الجاهل اللي على الناس يعرا
#محمد_بن_عمير
مساكم الله بالخير جميع ✋🏻
سؤال للمشاركه ولتبادل وجهات النظر؟
قعود كان حوار وسط وبدأ يتطور اللين ما صار فاخر جداً وهده راعيه فالابل ‼️
هل انتاجه يكون مثل مراحل تطور ابوه ام لا ؟
طبعاً الانتاج توفيق بلاشك من الله سبحانه
شغال على الصامت ترك التصاريح واشتغل صح ..
ليلة العرض انتظروا قدومه..
فيه ميزه يعلم انه بيجي بس مايدرون من وين بيجي
غارته سريعه لهدف معين
والله ياهو مسوي خطه اكتساح
تمسوا على خير ✋🏻
سئل الصحابه يا رسول الله! أمرنا الله أن نصلي عليك فكيف نصلي عليك؟ قال: قولوا: اللهم صل على محمد وعلى آل محمد، كما صليت على إبراهيم وعلى آل إبراهيم إنك حميد مجيد، اللهم بارك على محمد وعلى آل محمد، كما باركت على إبراهيم وعلى آل إبراهيم إنك حميد مجيد.
هكذا أمرهم عليه الصلاة والسلام.
بعد اعلان نتائج الفحل وانتاجه في لون الحمر اثبت #سلالة #عليان #الامير #سلطان_بن_محمد #الكبير
انها الرقم الاول بعد الفوز في #التلاد وفردي قعدان و #الفحل_المنتج
لايصح الا الصحيح
مبروك للأمير / سلطان بن محمد
وكذلك الامير /نايف بن سلطان بن محمد
#مهرجان_الملك_عبدالعزيز_للإبل8 باقي على بدايته تقريباً ٢٥ يوم !!!!
ملاحظة:-
قليل جداً من الملاك اعلن حضوره ولكن اين البقيه 🤷♂️
معقوله محد من الملاك صرح بتواجده في شوط محدد الى الآن فالجمل‼️
كذلك اهل الفردي محد صرح ولا صور ولا سمعنا تحدي صريح‼️
اعلم ان كثير من الملاك سوف يشارك…
لو كل مشتري فالابل باي سعر كان قليل او كثير يكون اتفاق فحص ..
كان انتهى العبث
(( والشرط يكون اذا سليمه قيمة الفحص يتحملها المشتري اذا فيها عبث يتحملها البائع ))
لو طبقة لانتهى العبث واستفدتوا اكثر من القرقر اللي بدون فايده
بيجي واحد يقول :-
يعيي يفحص البايع لاعيا خلها عنده…
#مزاد_العقيلات امس بيع قعدان نوادر من المصدر الاول والمميز
#متروك_ابوعجاريد هذي السلاله غيرة خط الانتاج تغيير جذري ونقلته نقله نوعيه وغالبية الفحول المنتجه حالياً ترجع لهذه السلاله..
الله يبارك لمن شرى
لفت نظري السلوم كان يزاود ولا يسمح لاحد ببخس السلعه وهذا يحسب له
شوط #سيف_الملك للون الصفر
بيكون اقوى شوط لـ #مهرجان_الملك_عبدالعزيز_للإبل النسخه الثامنه
اللواري من الظهر وهي تنزل وتشيل
المفاجآت وارده لاتحكمون على المسيره
صباح الاربعاء سيبقى في الذاكرة
العلوم فيها علوم
يمكن 2في1 ✋🏻
شغال على الصامت ترك التصاريح واشتغل صح ..
ليلة العرض انتظروا قدومه..
فيه ميزه يعلم انه بيجي بس مايدرون من وين بيجي
غارته سريعه لهدف معين
والله ياهو مسوي خطه اكتساح
تمسوا على خير ✋🏻
أيعقل مثل هذا التصرف
عامل البلدية مهمته النظافه وليس التخلص منها !!!!.
بدلاً من اخذها يقوم بسكبها في وسط الحي السكني يا للعجب عماله تعبث بلاحسيب؟
الموقع ضهرة لبن
@Amanatalriyadh
مايعوضك في هوا الجادل الطرقا
غير شقحاً في حلاها رهاويه
ذيك قفت وحانت ساعة الفرقا
والا هذي معي ماهيب عاريه
كل ما جيتها بجروحي الحرقا
قمت اوده وجتني واقبلت ليه
جات ترزم واشوف خدودها غرقا
من دموع العتب واثر العتب فيه
ايه يالنايفه والجرح والفرقا
لو يطول العمر ماهيب منسيه
محمد بن عمير
في الحفل الختامي لـ #جادة_الابل في #تبوك تشرفنا نحن محللين استديوا جادة الابل بالسلام على راعي الحفل صاحب السمو الملكي الامير فهد بن سلطان بن عبدالعزيز
امير منطقة تبوك وكان رمز للتواضع وهذا ليس بغريب فهو ابن الامير سلطان بن عبدالعزيز امير الكرم والعطاء وكافل الايتام رحمه الله..…
العبّاث و مروج المخدرات جميعهم ياكلون حرام وجميعهم يبتكرون طرق جديده المروج في التهريب وانواع مخدارت جديده والعباث في طرق #عبث جديده وفي تصريف وتوزيع الحلال عند اسماء غير مشبوهه
باختصار جميعهم وجهان لعمله واحده
بدر بن ضمنه المطيري
عز الله انه عرف يشري
وان كمل نفس النسق وبركاده وتدرج 40بعدين 60بعدها80 عزالله بيكون رقم صعب جداً ومرشح
الله يوفقه وجميع المشاركين في #مهرجان_الملك_عبدالعزيز_للإبل
اللي يبي الاول في اي لون لايقعد يقول غاليه والا ماهيب من نسق الابل النسق ما عاد يفوزك النسق يخليك تنافس فقط.
عليك بالنوادر كل نادره اشترها وطب كل منقيه واشتر صدرها خل من شاف الابل يحتار بين صدرها واوسطها مهوب لازم فرديات.
والا يتريح ويوفر دراهمه ✋🏻
يقول مساعد الرشيدي رحمه الله :-
ينجرح قلب لكن .. ترتفع هامه
والله اني لاموت ولا انحنى راسي
لو رماني زماني وسط دوامه
العواصف شديده والجبل راسي
انقل الحزن وامشي منتصب قامه
قاسي الوقت لكنّي .. بعد قاسي
تدوم الرفاقه والجمايل مع الرجال
ولا يجحد المعروف كود اسود الخشه
ما يذبحك كود انك تجملت بالافعال
في ناس ٍ تشيل قلوب مرضى ومغتشه
تجمل مع العالم وخلك على هالحال
جميلك ليا سويت وسط البحر طشه
#محمد_بن_عمير
.
إهداء الى الامير نايف بن سلطان بن محمد بن سعود الكبير
.
⚡️امير المكارم والوفا ذاك ابن شقران
🔸كلمات / محمد بن عمير
@mohd_c
🔹اداء / مشعل الروقي
@Mashal_alroogi
🔸تصميم / ضيف الله للمونتاج
@difallh_99
ارد نفسي عن تويتر و واتساب
ما عاد له عندي ابد قابليه
نفاق ما اعرف له ولانيب كذاب
والناس لو بصدق بتزعل عليه
المشكله ماهيب في بعض الاذناب
المشكله لذناب صارو رعيه
#محمد_بن_عمير
والله انه اخس واردى واحقر الناس..
لا شافك يمدحك ويضحك بوجهك!!
ولا غبت حش فيك وسبك وماخلا كلمة ردى ما قالها فيك تبي تكشفه امدح واحد وهو فيه يزعل؟
هو يدري انه مهو كفو يواجه لانه رخمه.
تاكل معه من صحن واحد مده طويله
لكن ابو طبيع ما يجوز عن طبعه
بالمصري( ديل الكلب عمره ما يتعدل)
من #امطار الخير اليوم عند الابل
تصوير المراسل / آدم من السودان
سيول وبرد وجا شعف(هوا قوي) مع البرد و الحمدلله العمال والابل سليمه
اسئل الله ان يجعلها امطار خير وبركه ويعم بنفعها أرجاء البلاد
⛔️نصيحة⛔️
لا تشرّه ‼️
الا على رفيق ورجال يستاهل انك تشرّه عليه..
اما كل من عرفته قمت تشرّه عليه هذا خطأ كبير في حق نفسك اولاً وأخيراً…
لأن فيه ناس طيبه ورداه واحد•
تذكر ان :-
⬇️
بعض الخساير فالرياجيل مكسب
مثل الزكــاة اللي تـبـارك بالاموال
#محمد_بن_عمير
مع نهاية #مهرجان_الملك_عبدالعزيز_للإبل8
أُبارك لجميع الفائزين والمشاركين
وحظاً اوفر لمن لم يحالفه الحظ في النسخ القادمه
في الختام:-
اتمنى ان اكون قدمت مايحوز على رضاكم واستميحكم العذر في التقصير
على امل ان نلتقي بكم على خير وصحه وامن واستقرار
دام عزك يا بلادي ✋🏻
الا رسول الله يا عيال الحرام
حنا نفادي دون عرضه وشرفه
بابي وامي وبالفعول وبالكلام
وافداك عن قول الفرنسي وهدفه
شفيعنا يوم الحشر باعظم مقام
يا اعظم نسب ياطهر بشر يا اكرم صفه
صلى الله وسلم عليك من الانام
تكرم عن اهل الشرك واللي تقذفه
#الرسول_خط_احمر #الا_رسوال_الله
#محمد_بن_عمير
#وثقها بالتعاون بين #نادي_الإبل و #مستشفى_الملك_فيصل_التخصصي لحفظ سلالات الإبل هو بداية نهاية المتلاعبين بالسلالات ونسب الانتاج كما يريدون.
كلنا نعرف ان فيه بكار وقعدان نسبت لسلاله ثانيه بقصد رفع قيمتها السوقيه واحياناً تعمداً لمضرة صاحب البعير المتتج ونسبها لبعير اخر
انتهى الكذب
قبل كم يوم عراقي يحرق القرآن الكريم..
عقبها مصري يصب الخمر على القرآن..
كم معتوه ومعتوهه يعلنون كفرهم بالاسلام ..
ياجماعه نصيح لوجه الله
حافظوا على هذا الذكر في كل صلاة وكل وقت { يامقلب القلوب والابصار ثبت قلبي على دينك }
هذا بيت قديم لي
حصلته متداول بأكثر من حساب اللي بدون اسم واللي ناسبه لنفسه
فيه شئ اسمه امانه ادبيه اذا ماتدري من القائل اكتب اي شئ مو تخليها كنها لك
سروق مزاح
ان شيف والا راح😂
إنا لله وإنا إليه راجعون
انتقل إلى رحمة الله تعالى فهد بن غشام بن زبن بن عمير
الصلاة عليه غداً صلاة الجمعه في جامع الراجحي
نسأل الله أن يرحمه ويغفر له ويسكنه الفردوس الأعلى
الله يرحمك يا ابو فايز