دكتور رفعت مرة رشح اسمي أكون مسؤولة عن برنامج الاطفال في التعليم المستمر بالجامعة الاسلامية
وعشان يشجعني، سجل اولاده بالبرنامج!
و من ٢٠١٩، وانا بشتغل بالجامعة، يا الله راحت الجامعة، وراح دكتور رفعت، وراحو الاطفال.
انتشار الجرب/ القمل/ جدري الماء في مراكز الايواء بين النازحين
لعدم توفر الخدمات الصحية وانعدام الماء وعدم توافر اماكن للاستحمام
احنا بكارثة على جميع الاصعدة!
هاد الفيديو مدعوم من أجل تصوير هذه اللقطة وكتابة هذا الكابشن.
كمية الأكل اللي عالسفرة أسعارها جنونية بالسوق ولا يقوى على شرائها أغلبية النازحين.
الدبس والمربى ��الجبنة والحمص والفول والخضار جميعها تصل بالمساعدات التي نشتريها ان استطعنا اليها سبيلا.
فما تخلقوا قصة ومشهد من لا شيء.
شفت سكرين لألاء عن وائل الدحدوح وجيت أعلق لقيت الحمدلله مبلكاني.
الاء زفتان هي صاحبة أسوأ خطاب وهو تعظيم صمود الغزاوي ورسم صورة البطل الذي لا يقهر ولا ينكسر ولا يفعل شيء سوى النضال والصبر.
بتنزع انسانيتنا وبتحولنا ل"فكرة" كل هاد عشان تحس بالرضا تجاه عجزها وتواطؤها وفشلها.
آخر مرة شفته بالتعليم المستمر، كان بضحك بقلي تعالي يم سلوان عدّي معايا هالمصاري شكلنا حنصير اغنياء.
كان لاقي محفظة وفيها فلوس كتير
ضلو قاعد للمغرب يشوف تسجيل الكاميرات يومها عشان يعرف صاحبة المحفظة.
كانت ست كبيرة ورن عليها حكتلو معيش الاجار اجي وراحلها هو بنفسه.
الله يرحمك
كنت بتنمر عليه عشان جاب آيفون جديد.
مشتاق نتنمر عبعض. كتير انسايد جوكس يا دكتور بس محدش حيفهمها غيرك. تعال ما شبعنا من النص ضحكة الشريرة هاي. كتير حواديت ونوادر صرت باعتلك، والله بيضحكوا..
وآه، صار مكتبي مشرشر وكله أغراض زي ما كان مكتبنا مشرشر.
اليوم صديقتي ولدت، نازحة لوحدها في رفح، أهلها بقوا في الشمال بعد استشهاد أغلبهم.
توجهت للمستشفى الاماراتي، أخبروها بعدم تواجد البنج للعملية القيصرية، اضطرت للذهاب للنصيرات مستشفى العودة.
أجرت العملية بجرعة بنج مخففة، أحست بآالام العملية والتقطيب في سبيل رؤية ولديها، آسر وآدم.
السنة الفاتت طالباتي عملولي احلى وابرأ عيدميلاد في الكوكب.
كنت الاقي نفسي بينهم، انسى الدنيا كلها وانا جوا الصف، كانت احلى ساعات بالنهار وانا مع طالباتي وطلابي.
حرمونا هالحب والحياة.
هاد المدرسة انحرقت بالفسفور في مخيم الشاطئ. وبعرفش اشي عن طالباتي.
مشتاقالهم ومشتاقة لحياتي.
في شغلة كتير تافهة بس نفسي احكيها..
قبل الحرب شريت لسلوان بيجامة خريفة عليها يونيكورن، كتير كتير لطيفة، لبستها يوم الخميس مرة وحدة. ويوم الجمعة رحت على الجنوب وما اخدتها. وما اخدت غيارات كافية.
وكتير حازز بنفسي اللبس اللي بتلبسه سلوان هالايام.
كل موسم زيت، اقعد اتخرف انا واياه في البريك عن انواع الزيت واسعارها بحكم انه دار حماتي تجار زيت وزتون.
وكل موسم تين، لازم يمر عالشيخ عجلين بيوم يفطر كل المكتب تين.
يرحم روحك يا دكتور ولا عمرك بتنتسى
لما انسحب الاحتلال من منطقة تل الهوى حيث كان يسكن رفعت، لم يحضر من منزله إلا زيت الزيتون، الزيت فقط. ومن يعرف رفعت يعرف كم يحب رفعت الزيت والزيتون والتين.
إلى رضوان الله يا أصيل 🌸
ملاحظة: مكتوب خلف رفعت باللون الأسود ملخص القضية!
أنا في مخيم الشاطئ بالمناطق الواقعة شمال وادي #غزة.. منذ الساعة 7:00 مساء يوم الجمعة، لم يتوقّف القصف لحظة واحدة. مدفعي وبحري وجوي. ليلة السبت تعرّضنا لأصعب قصف نعيشه، أكثر من 200 غارة خلال نصف ساعة، كنّا متيقنين أننا سنموت خلالها، استيقظنا على استشهاد 45 شخص حولنا.
من شوي طلعلي إعلان ممول من محل بنابلس عن منتجات للشعر.
بتمنى من كل محلات ��لضفة تشيل غزة من اعلاناتها الممولة.
اتزكرت انو بحمم شعري كل ١٠ ايام مرة. وانو طول الوقت حاطة الحجاب. وانو من قلة التغذية والنفسية الزبالة صار يوقع خصل. وانه صارت مقدمة راسي كلها شيب.
يلعنكو ويلعن محلاتكم.
اخر كورس اخدته معك عن كتابة قصص الاطفال وقوتها.
رح نكتب كتير قصص، بس مين يحررلنا اياها من بعدك يا دكتور مين يمدحلنا ومين ينشرلنا ومين يشجعنا
ومين يتمسخر علينا
والله بنحبك يا دكتور. الله يرحمك
في المنزل الذي أقيم فيه نضع نايلون للشبابيك بدل الزجاج. مهما كان الاغلاق محكما، هناك تسريبا للهواء.
الهواء بارد جدا وجاف.
لم أنم طول الليل وانا أتحسس وجه سلوان البارد واحاول تدفئتها.
استيقظت سلوان صباحا على برد معدة ورشح قوي.
كيف تتحمل الأمهات هذه الحياة في الخيام!
سلوان بنتي مواليد مخيم الشاطئ.
لم تره بعد. لم تعرفه بعد.
لن تره.
سيحدث مقداد سلوان عن المخيم عندما تكبر كما يخبرنا أجدادنا عن زرنوقة وحمامة وصرفند و و و ...
الدكتور رفعت كان بموت ع المعمول، ومرة قعدنا نحكي عن المعمول الجاهز، صار يقلي فش بعد نعمل بالدار وأدوق ١٥ حبة عشان اقرر ازا زاكب او لاء.
الله يرحمك لو انك تجي تطمنا كيف معمول الجنة يا دكتور؟
طفل صديقتي عمره شهرين يعاني من الامساك منذ ١٤ يوم، ومشكلة بالإخراج بسبب تناول والدته للمعلبات فقط وافتقار غذائها من الخضار والفواكهة وبالتالي تأثر طفلها.
هذه نقطة في بحر
تغير مكان نزوحي منذ ايام..
استغرق من سلوان ٣ ايام لتعتاد مكان النوم الجديد والجو العام.
٣ ايام من البكاء والسهر والسلوك العدواني ونوبات الغضب ورفض الطعام.
نامت سلوان هذه الليلة بهدوء وجلست طيلة الوقت أفكر في جميع الاطفال في هذه الحرب.. كم عانوا، خسروا، جاعوا، تألموا وبكوا.
للناس الي برفح
المستشفى الكويتي بوفر كل الادوية الي ممكن تتخيلوها
بتقطع تذكرة مجانية وبتطلب من الدكتوؤ يكتبلك الدوا وبصرفوه بسعر رمزي جدا ارخص بكتير من الصيدليات
مرحبا كثير من أهلنا النازحين من الشمال للجنوب نسيوا أدويتهم أو الأدوية بلشت تخلص, رح نحاول ندبر الأدوية للمحتاج الها , اذا بتعرف حدا محتاج أدية أو ناقصة عليه يا ريت تبعتلي DM
قديش كنت دقيقة بتربيتي واسلوب تعاملي مع سلوان وماشية معها عالشعرة بالأكل والحكي وكل اشي.
الحرب ما تركت النا مجال أبدت نكمل بأي اشي بدأناه او خططنا اله.
بس اليوم سلوان صارت independent بما فيه الكفاية انه تقدر تاكل لحالها.
Explain to me how do our lives go on like this....
HOW DO WE GO ON AFTER THESE MASS FIELD EXECUTIONS AND TORTURE ARE LIVESTREAMED,
AND AS WE WATCH THIS THE WEST FUNDS, FURTHERS, AND DEMANDS MORE
Eternal damnation upon the western states and their zionist beasts
هاد الفستان الوحيد عند سلوان
الي عرفت اصلا الاقيه بظل شح الملابس بالسوق أو اصلا عدمها.
كنت فرحانة كتير عليه.
اول مبارح كنت ناشراه عالسطح وتمزع من الشظايا.
حتى الفستان ما سلم.
يا جماعة لو حد إله صوت بيقدر يوصل للإعلام يا ريت يحكي إنه غزة ضايل فيها ناس كتير، في مناطق بأكملها باقية. الاحتلال مستفيد من رواية إنه المدنيين نزحوا إلى الجنوب، أي مجازر حيرتكبها لا في تغطية إعلامية إلها ولا في مستشفيات تنقذ الناس.
مش قادرة.
راسي حتتفرتك
كل قصص الهجرة الي ستي إم زياد خرفتني اياها، انعادت وصارت معي اليوم.
وصلت رفح بأعجوبة
مفيش مباني واقفة، كلها بالأرض!
يا ربي. يا ربي.
رحلة كفاح يحيى في توصيل جالون الميه للباب عشان جدو ينزل يعبي ميه .
الحرب هاد بتربي الاطفال على حاجة و مشاهد جديدة
يحيى عمره سنة و شهرين و صار بيعرف شو بيعملوا طول الوقت و يقلدهم🥲
بسلم عليكو مسعود بالتغريبة الفلسطينية وبحكيلكم اعملو حملات تبرع زي مبدكم لإنو
" العالم كله تآمر علينا و رمانا للخيمة، عشان هيك صار كله حقنا، اللي ملوش بيت كل البيوت حقه، اللي ملوش حق كل الدنيا حقه"
الفضا لا يا يتسع لنا.. الأرض لا تنبسط تحتنا.. والسماء لا تمطر إلا نارا..
صلوا من أجلنا.
سأنقطع الفترة القادمة عن الانترنت لعدم توفر شبكة في مكان نزوحي الجديد.
في نزوحنا الأول، أقمنا في منزل لأقارب لنا، اعتادت سلوان عليهم وتعلقت بهم ثم سافروا.
في نزوحنا الثاني تعلقت سلوان بأولاد خالتها وصنعت روتينها اليومي بوجودهم ثم سافروا.
واخيرا تعلقت بجدها وجدتها وخالها ونطقت اسماءهم ثم سافروا اليوم.
سلوان لا تعي كل هذا الفقد ولكنها تشعر به.
انزلنا زجاج الشبابيك تحسبا لأي غارات قريبة. الهواء بارد جدا ليلا.
ألبست سلوان وغطيتها ببطانية.
كل دقيقة اتحسس اذنيها ووجنتيها واسحب البطانية لاغطي صدرها.
أتساءل كيف لقلوب الأمهات أن تحتمل فقدان الابناء؟ من أين كل هذا الصبر والجلادة يا غزة؟
We could die this dawn.
I wish I were a freedom fighter so I die fighting back those invading Israeli genocidal maniacs invading my neighborhood and city.
سلوان عمرها سنة و ٧ شهور، قاموس كلماتها لسه محدود.
من ضمن الكلمات الي بتحكيها لما تسمع صوت طيران عالي BOOV
حبيبتي يا إمي مش عارفة شو ذنبك تعيشي هالظلم.
متلوموش اي حد بتفشش بأي جهة وأي شخص.
متجوسسوش اي حدا غضبان ومكروب ومقهور.
النا الحق بكل اشي وأي اشي.
متنظروش علينا ولا تغلطونا.
احنا مش معجزات. ولا اساطير. ولا كائنات حديدية.
متنصبوش حالكم ملائكة علينا ولا شتائمنا.
أنا ونور نزحنا على نفس المنطقة تقريبا. وتركنا عوائلنا واهلنا برضو بنفس المنطقة.
بنواسي بعض وبنطمن بهض كل ما انقطع الاتصال عن اهل حد فينا.
ربنا يطمن قلوبنا جميعا يا رب
كلمت أهلي الصامدين في غزة كانت أصعب ليلة في القصف وتم إلقاء قنابل فسفور وغاز واضطروا يستخدموا الفوط المبلولة للتنفس، بتقلي إمي من رحمة ربنا فينا مطر غزير نضف الجو. الحمد لله.
يا الله الناموس والذباب أكلنا أكل من قلة النظافة واكوام القمامة وقلة المية والجثث للي تحت الركام ونفايات المستشفيات الي ما بتم التخلص منها بصورة صحية.
#Gaza_Genocide
الوضع الانساني برفح مريب. عشرات العائلات تتوافد بدون أي مأوى لهم
المدارس لا يوجد بها مكان للوقوف حتى.
لا كهرباء
لا مياه
لا مواد غذائية تكفي كل هذه الاعداد بمدينة واحدة صغيرة!!!