انهاردة عمال النضافة فى الشغل بيشتكوا مر الشكوى من الغلاء واحدة بتقول لما يجي لى ٣٠٠ جنيه مية و ٣٠٠ جنيه كهربا و ١٥٠ جنيه غاز وانا كل مرتبي١٥٠٠ جنيه هانكمل الشهر ازاي
و التانية بتقول عشان اعمل مسقعة اورديحي باغرم لى ٦٠ جنيه و دي أكلة يوم واحد لينا كلنا
يارب دعاهم يبقى من نصيبك
حارس العمارة الجديد عندنا باسأله انت منين فى الشرقية قالي من صان الحجر فقلت له معرفهاش فرد كده حرفيا : دى كانت عاصمة شمال فى عهد الأسرة الواحد و عشرين و كانت تسمي تانيس و ذُكرت فى التوراة اتفاجئت ف رد قالى انا خريج كلية دراسات اسلامية بتقدير جيد جدا
#مصر
بعيدا عن السخرية.
في فيلم وثائقي اسمه " في الليل يرقصن" عن.حياة راقصات الافراح الشعبية
فيلم مهم اوي مشاهدته هي عبارة عن
دخول لعالم محدش يعرف عنه اي شئ في مصر.
انا اتقال لي يا ولية يا بتاعة الكلاب من طفلة عندها ٦ أو ٧ سنين و مامتها وباباها قعدوا يضحكوا وهيهيهيخوخو و كده. انا فعلا مش فارق معايا دي احلى حاجة اني بتاعة كلاب والله وربنا يخلي لي عيالي 🥰🥰 بس البنت صعبت عليا أنها مولودة لأبوين جهلاء مايعرفوش معنى كلمة تربية
مساء الخير
انا جاية ادعي على مبارك وأقول يلعن روحك ويارب تكون بتتعذب عذاب شديد ويكون في آخر فعلا و عدل بجد بحق كل البيوت اللي أصحابها دافعين شقاهم فيها واتخربت وبحق كل غلبان سقف بيته مش حمايه كل البنية التحتية الخرا دي إرث فساده هو وعياله ومراته وعصابته ربنا يحرقهم جميعا
باي
انا بصراحة كده مش عاجبني سخرية الناس على جواز توفيق عكاشة و حياة الدرديري السخرية من سنهم و شكلهم و غيرها من الأشياء
انا مش بتحب السخرية من خلق الله ايا كانت أوضاعهم ، أشكالهم ، أعمارهم ، مهنهم...الخ
احنا نسف على مواقفهم السياسية اه لكن حياتهم الشخصية انا اعترض ✋
ياااااااااااااه يالميدان
انا قلبي اتخطف وانا معدية منه الصبح الساعة 6 الميدان فاضي و فلاش باك بكل حاجة أقسم بالله خطفة قلبي خلتني بكيت
الحلم كان فى الميدان الأمل كان فى الميدان دولة العدل كانت فى الميدان
لكن التخطيط الوسخ كان فى الضلمة فى الكواليس سحق الحلم وسحق قلوبنا معاه
باسم بصراحة عامل دور عظيم جدا فى نصرة القضية الفلسطينية. اكتر حاجتين انا معجبة بيهم الحقيقة: اولا الثقافة هو مثقف نفسه جدا في تاريخ القضية و كل احداثها الحالية
ثانياً: ثباته الانفعالي القوي اللي بيخليه مش بيتشتت من اي مداخلات و بيركز على المهم
الست الفاضلة اللى بتساعدنى فى شغل البيت طلبوا منها البطاقة عشان "تحط صوتها فى التعديلات" وتاخد كرتونة
رفضت وقالت لا عاوزة كرتونة ولا تاخدوا بطاقتي ولا هاحط صوتي
بتقولى جاتهم نيلة بيضحكوا علينا بكرتونة مسيرها للمجاري واحنا مكويين بنار الغلا
@HossamBadrawi
يااااااه هو ده كل اللى يهم حضرتك ؟! فعلا ؟! لا مش هاستغرب طبعا لأن اللى زي حضرتك عايشين فى بالونة شيك signé اللى زي حضرتك مايعرفوش مصر ولا شعب مصر
وعلى صعيد آخر بقى هو ايه الأهم شياكة وأناقة ورقي حديث الملقي؟ ولا المصايب اللي كلنا عارفينها وحضرتك منهم المصايب دي لم تحظ باهتمامك؟
طب أيا كان بقى اللى جاي
انا من دلوقتي باقول
يسقط الرئيس القادم
لو المعتقلين ظلم ماخرجوش
لو تيران وصنافير مارجعوش
لو الخونة ماتحاسبوش
لو العسكر لثكاناتهم مارجعوش
انهاردة ١٠ يناير الذكرى التانية لوفاة الحب الاول. أبويا حبيبي الدرويش، كتلة المتناقضات يديني العلقة عشان ماصلتش أو عشان غلطة فى التشكيل وانا باسمع جزء عم ويتفرج معايا على نوتس لاندينج و بولد اند بيوتيفول 😂😂
الله يرحمك ويطيب ثراك وينور مكانك ولك كل السلام والحب
😂😂😂😂😂سالفل عليكم جميعا. عدنا.
ميرسي بجد من قلبي لكل الناس الحلوة الجدعة على الكلام الجميل اللي كتبتوه . شاكرة جدا لذوقكم وشاكرة ربنا على نعمة وجود ناس جميلة و محترمة زيكم
مساكم سعادة يارب
ياترى بلحة شاف جنازة دكتور أحمد خالد توفيق قد ايه كانت حقيقة مش حدث اعتيادى مزيف المشاعر؟! ياترى فهم ايه اللى باقى من الانسان؟سيرة طيبة.انسان ذكراه ستدوم للأبد لنقاءه و نبله .دموع حقيقية تبكى فقدانه ليست دموع مدفوعة الأجر مسبقا.
عالم بائس حقا، تغادره الدرر و تقبع فيه الأفاعى
عندى فى الشغل ٣عاملات نضافة مرتباتهم عندنا ٧٥٠ جنيه ساكتين فى خلوان هاي ركبوا المترو لحد السيدة زينب مرتين فى اليوم يعنى ١٤ جنيه فى ٣٠ يوم يعنى ٤٢٠ جنيه فى الشهر
مش لاقية كلام اقوله والله 😞😞😞😢😢
اول ما بشاير الشتا كانت تهل واول شتواية بالليل كنت انزل واخد العربية وافضل سايقة من محطة الرمل للمنتزه مرورا بصابر فى سبورتنج اكل چيلاتي وبعدين ارجع لحد القلعة انزل امشي فى الشتا حبة وبعدين اروح الشيخ وفيق اكل طبق كسكسي بالمكسرات والسكر البودرة
واروح انام أعمق نوم
هيييح 😍
شباب بتطفح الدم عشان يادوب تعيش بلا أي أمل في حياة أفضل فى بلد خيرها كله للفسدة والحرامية والإمعات
شباب حقوقها فى الخياة صارت أحلام
عشان يطلع مدعي واطي مركوب أصلا يقولك الي صول لسن ال 35 ولسه فقير يستاهل
اه يا جزم يا زبالة
#قاطعوا_صيدليات_19011
محمود السيسي رئيس مجلس إدارة صيدليات 19011
شايف ان اللي وصل لسن 35 ولسه فقير يستاهل يفضل فقير
فعلا والله عندك حق كان لازم نكون فاسدين. كان واحدة زيي كان ممكن وانا فى العشرينات اعمل مئات الألوف بس الرحمة و الضمير بعيد عن اللي شبهك كانوا حاضرين. اتفووووه
#قاطعوا_صيدليات_19011
طيب بما أن انهاردة يوم اللغة الفرنسية🇫🇷 هاجمع فى ثريد أغاني فرنساوي حاجة كده old is gold
الحاجات اللى معلقة فى ذاكرة جيلي لكن كمان حاجات حديثة مختلفة وجديدة عشان نضيق الفجوة بين الأجيال 😂😂
Stay tuned 😍
يشهد ربنا على قلبي اللى عمره ماعرف يكره حتي اللى أذوه انى باكرهك كره مالوش حدود
روح ربنا ينتقم منك و يورينا فيك يوم اسود عليك يا ظالم أبيض على كل مظلوم
حسبي الله ونعم الوكيل فيك
بالكلام على نسبة سمنة الإناث في مصر وجهلنا طبعا بقيمة ممارسة الرياضة 😂 اللي هو كلام مش حقيقي اصلا تعالوا نسأل الأسئلة المهمة تكلفة ممارسة الرياضة فى مصر كام شهريا؟ و كلامي مش هري ده عند تجربتي الطويلة اوي مع ممارسة رياضات مختلفة فى أماكن مختلفة بين القاهرة و اسكندرية ثريد👇
@NaguibSawiris
بص يا هندسة النية الصافية دي تسببها لربنا هو بتاع النوايا. لكن نتكلم بموضوعية يسافروا يشجعوا حقهم يسافروا على حساب شركة حكومية فلوسها من شقانا يبقي ستوب بقي الفنانين دول معاهم فلوس يسافروا القمر على حسابهم يبقي سوري مايطلعوش على حساب الشعب
لما نلاحظ أن معظم الشباب للى كانوا فى الميدان أعمارهم من 18 ل 25 مثلا يعني ايام ثورة يناير كان عمرهم من 11 ل 16 سنة نفهم كويس أن يناير رغم هزائمها والطعنات اللي تلقتها باقية فى وجدان الناس وفعلا صنعت ولدت آمال وأحلام مقدرش أي ديكتاتور يوءدها
لسه فى أمل كبير #ميدان_التحرير
@Amradib
ماتهدي كده و تعقل وبلاش الأڤورة الفارغة وافتكر كده لما كانوا محتكرينك (بالكاف اهو مش ق) فى اوربيت وناس كتير ماطانتش تقدر تدفع. من حقك تعرص طبعا انت مدفوع فيك كتير بس لما تعرص حاول تعرص بذكاء و تعلوا بمستوى المهنة
تحياتي :D
دعوة صريحة من الدكتور المحترم للناس انها تبقى استغلال و انتهازية وأي فرصة فساد قدام أي شاب يمسك فيها عشان ما يوصلش سن 35 وهو فقير فيستاهل اللي يجراله
شوية إمعات فسدة بينظروا علينا
#قاطعوا_صيدليات_19011
انا للأسف بالغلط شفت فيديو الطفلة الي اتوفت بصاعق كهربائي مع اني عرفت الخبر و ماكنتش ناوية اشوف الفيديو
و يا مصر اسمحي لي اقول لك انا بكرهك باكره الظلم اللي فيكي باكره انك بتيجي ع الغلابة و سايبة الفسدة و الحرامية و الخونة يعيشوا احسن عيشة وبسلام باكره أن دمنا رخيص عليكي
باكرهك
@NaguibSawiris
و بعدين عاوز تطلع ناس تشجع على حساب الشعب من باب الدعاية ؟! موافقة جدا تعمل مسابقات رياضية يشارك فيها شباب (مايقدروش يدفعوا) واللى يكسبوا هما اللى يسافروا و بالعكس تستغل الشباب فى الدعاية لسياحة بلدك بخطة مدروسة
ركز قبل ما تكتب مش كل شوية هادخل أفهمك بقي 😂 😂😂
أنا عاوزة ابوس ايد شغلي وش وضهر والله إنه لغاية انهاردة أنا كل شغلي اونلاين
اعترف اني مطحونة حقيقي و مش لاقية وقت اعمل حاجات كتير لنفسي بس كوني محرومة من التعامل مع الناس في الشارع المصري اللطيف دي نعمة عظيمة يارب يارب تديمها عليا يارب
الناس بقت حاجة وحشة اوي اوي
ادعوا لى والنبي من قلبكم اكتشفت حالا اني نسيت شنطة اللابتوب و فيها اللابتوب و كتابين مهمين اوي فى التوك توك
بصراحة لا معصبة و لاحزينة ولا عاملة دراما برغم انها خسارة كبيرة مش اللابتوب لكن محتواه شغل عشر سنين بس مش عارفة ليه
عندي عشم عجيب اني الاقيهم ادعوا لي
يا دولة الفشل انا مش عارفة اروح بيتنا من الساعة 3 ونص سواق الشغل محبوس على كوبري من الساعة 3 واحنا طلبنا أوبر الساعة 4 جالنا الساعة 5 إلا تلت وهو فى نفس الشارع اللى احنا فيه على بعد 300 متر مش عارفين نروح له مشي من الشتا و لما أخيرا ركبنا مابنتحركش.
يا بلد خايخة شوية مية يشلوها
@HossamBadrawi
انا باتكلم شيك أهو يافندم تحب اعبر لك عن رأيي بالفصحى أم بالإنجليزية وأستطيع أيضا بالفرنسية تحب ايه ؟! ايه اللي ممكن يخلي سياسي زي حضرتك ياخد جانب الحق و يتكلم عن الفساد واللستبداد والفشل اللي بيمارسه النظام و بيقضي بيه على مصر محليا و دوليا؟
سلام عليكم معلش هارغي معاكم شوية فى الموضوع الخاص بتطوير التعليم واللى مثار حوله جدل كبير و كلامى كمدرسة فى التربية و التعليم سابقا و كمدربة للمدرسين لمدة 10 سنوات فى تخصصي و هو اللغة الفرنسية
استحملونى و اقروا الثريد لاخره
بعد مقارنة صوري من ١٠سنين وصورى السنة اللى فاتت حقيقي انابقيت احلى كتير ماعملتش عمليات تجميل
بس كنت عايشة و خلاص غريبة حتى وسط اهلى
احلويت لانى لقيت موطني وحسيت بالأمان فبقيت احلى رغم الكام تجعيدة والكام شعرة البيضا احلويت لانى لقيت سلام نفسي اللى دورت عليه كل سنين عمري
برغم كل الإفيهات و الضحك على اللى حصل انهاردة مش قادرة اضحك بجد مش قادرة اضحك جوايا وجع كبير اوي و حسرة و ألم مش عشان اتكدرت خمس ساعات تقريبا عشان ارجع بيتي لكن حقيقي مقهورة علينا اوي اوي والله احنا نستحق نبقى فى دي مكانة أفضل من كده بكتير والله مصر ممكن تبقى احسن كتير 😓😓😓
@Ahmadbhaa
انا اعرف رجل very well educated برضو و كان مركز مرموق في شركة مالطي ناشيونال وفخامة ماقولكش كان هايلبس مراته قضية زنا بالترتيب مع محامي مشهووووور جدا بالقذارة والاتعاب اللي بخمس و ست اصفار عشان هي كانت حاضن لطفلين كان منهم رضيع ست أو سبع شهور. كل ده كان بسبب الست والدته
يارب يارب ماتوجع قلب أب أو أم على ضناهم يارب بالمرض و الموت
يارب اشف كل مريض يارب يارب اشف كل مريض وخفف الامه و أسند ضهر كل من عنده مريض يارب يارب
يارب فك كرب كل مكروب و فرج هموم المهمومين و انصر كل مظلوم يارب يارب ورد كل غايب يارب
#ارحل_يا_سيسي #ارحل_ياسيسي
انا كمواطنة مصرية بعيد عن الهري السياسي باقولك غوووور لأنك فاشل و بسبب فشلك قضيت على احلامي اللى باطفح الدم يوميا عشان احققها و احلامي لا فيلا فى بالم هيلز و لا شاليه فى هاسيندا ولا حتى جمصة ولا عربية سوبارو ولا أي هري من ده
ارحل يا محطم الآمال
معلومة ع الماشي بخصوص فرنسا و مايحدث فيها وعشان تفهموا ليه الناس بتوع السترات الصفراء مستمرين
ماكرون بيرمى لهم فتات و هما مش جهلة فرنسا بتدرس ادخال عمالة أجنبية و في قائمتين بالدول اللي هايقبلوا منهاناس قائمة من دول داخل الاتحاد الأوروبي و قائمة من دول خارج الاتحاد
يتبع
اللاعب الانجليزى روني بيعتزل فى مباراة بين انجلترا و الولايات المتحدة وفلوس المباراة رايحة لجمعيته الخيرية لرعاية الأطفال ذوى الاحتياجات الخاصة
بلاد كفار فعلا
فى البؤرة السوداء المسماة بالوطن العربي لا العسكر و لا أنصار الإسلام السياسي أيا كان مسماهم خلونا أبدا والله دايما هما سبب الفشل هما الخونة يا يحكمك يا يقتلك يا يدلس عليك
الله يحرق العسكر على اللي بيلعبوا سياسة باسم الإسلام
احنا خلاص مشينا من الميدان هاكتب اللي شفناه
أولا الميدان فيه تأمين أمني أقل من المعتاد لكن موجود و فى حتى ظابطات ستات سارينات عربيات الشرطة شغالة متواصل وكان فى عدد من الموتوسيكلات بيلف حوالين الميدان
و الميدان فى الجزء اللي كنا فيه مرشق مخبرين
ثانيا إعداد الناس قليلة 👇
صباح الفل والورد والياسمين ع الناس الجدعان الطيبين.صباح البركة والنور للقلوب البنور. يارب اجعل صباحنا كله خير. يارب ارزقنا من واسع فضلك بالصحة وسعة الرزق وناس طيبة القلب تكون سند وضهر وونس وابعد عنا كل أذى وكل مؤذي. يارب ارحمنا وانصفنا وراضينا يارب. صباحكم حب وحنية😍😍
مساء الفل لكل الناس الحلوة الجدعة الطيبة. يارب يومكم كله حاجات حلوة و يبعد عنكم كل شر يارب. يارب يحفظنا جميعا و يحفظ احبابنا ويلطف بينا ويفرج همومنا. يا كريم اشف طل مريض وانصر كل مظلوم ورد كل غايب لحضن أحبابه يا كريم
مساكم كله حب و بهجة و طيبة فى القلوب 😍😍
فى تطور عظيم فى ام الدنيا طالبة فرنسية من طلاب قسم العربي عندنا جاية انهاردة لابسة چاكيت بليزر أصفر
أمين شرطة مرور وقفها فى الشارع وهي لسه مبتدئة فى العربي فكانت بتحاول تكلمه بالانجليزي 😂😂 المهم طلب باسبورها و أخد كل بياناتها
هى بتحكى وانا مش عارفة اضحك ولا أعيط
وانتوا ماشيين فى الشارع لما بتلاقوا ازاز مكسور بتبعدوا عشان ماتتعوروش ولو لقيتوا بركة مية قذرة بتعدوا الناحية التانية عشان هدومكم وجزمكم ماتتوسخش بالمثل فى العلاقات الإنسانية حافظ على روحك بالبعد عن الناس اللى ممكن تملى روحك وحياتك بالطاقة السلبية اللى توسخ قلبك لما تملأه قسوة
مش قادرة اقول صباح الخير
مش لاقية خير حرفيا فى أي شئ حواليا مش قادرة اتجاوز حادثة القطر و مش قادرة اتجاوز حاجات تانية حصلت فى مواقف مختلفة
وانا خارجة من البيت الصبح عندي أحاسيس غريبة من القهر و الحزن والغضب و الرعب وحرفيا حاسة وانا باخرج من البيت اني داخلة جهنم
ليه يا #٢٥يناير ماسبتيناش فى الثبات العميق اللي كنا فيه ليه خلتينا نصدق أن فعلا فى الدنيا في قيم اسمها العدل و الحرية و الجمال و الثقة و الحق ليه خلتينا نحلم نعيش. كنا أحياء أموات بقينا أحياء أموات مدبوحين فى عمق القلب والروح بخيبة الأمل و الحسرة
الله يسامحك يا اغلى من حياتي
صباح الفل والورد و الياسمين. يارب يسعد صباحكم يا رب ويروق بالكم ويرزقكم بكل الخير من صحة و سعادة و سعة فى الرزق و ناس حلوة تونس أيامكم بالمحبة و المودة يارب روق بالنا جميعا وراضي قلوبنا وانزع منها اى غل أو قساوة وازرع فيها الطيبة والحنية
صباحكم مودة ورحمة
العيلة دي من برة الزمن ده والله مش بس بيفطروا قدام القسم عشان يبقوا قريبين من علاء لكن بيفطروا القطط والغلابة اللي معديين وعابرة سبيل جاية من سفر بتسأل على مكان تفطر. فيه عزموها تفطر معانا. صمود مالوش مثيل منى سيف و د.ليلى اقوى من النظام و جبروته
#تسقط_مراقبتكم
طب بزيادة أسعار البنزين كل حاجة هاتغلى المواصلات أولها هل هانفضل ساكتين كده ؟ و سايبينه يسحقنا ؟؟؟؟ مش ان الاوان نفكر فى حاجة نعملها بشكل سلمى و امن لازم يكون فى وسيلة اعتراض يا جماعة السكوت ده هايقتلنا والله
رسالة لكل أب عنده ابن مراهق أو شاب
اخدك لابنك فى حضنك بدون سبب مش ضعف.
كلمة حبيبي لابنك مش هاتكسر هيبتك ابدا انك تقعد تلعب معاه جيم بيحبها مش عيب
انك تحكي لي على تجربة مريت بيها وتعلمت منها حاجة و تحكي له على مشاعرك ساعتها هايقربكم من بعض
انك تحسسه انك واثق فيه مهم اوي
الحمد لله امبارح صلحت تليفوني و تليفون صاحبتي اللي كانت عطياهولي لغاية ما اصلح تليفوني و الاتنين شاشاتهم اتكسروا 😂😂 اصل انا مرزقة اوي اوي
فحابة أنقل تجربتي. اي تصليح موبايل يبقى شارع العطار متفرع من شارع عبد العزيز العتبة دوروا على كشك عمرو زمالك 🙈انضف ناس وعندهم ضمير
يتبع
#أدعم_منة_جبران و ادعم حق اى واحدة فى انها تمشي بامان حتى لو مش على مزاجك و مش عاجبك شكلها و لبسها
ادعمها ضد تفشي الهراء الفكري بتاع شكلها يبقي تستاهل يتعمل فيها كده
ادعمها لأنها مارتكبتش جريمة تستحق انها يتم تشويهها بالشكل ده
فى ناس لسه بتقول أن النزول للتصويت ب لا على التعديلات الدستورية بيدي شرعية للنظام
هو مستني فعلا نزولنا عشان ياخد شرعية ؟! ده باع اراضي و ياعالم حط فلوسها فين و اخد تلال قروض و عمال يقتل و يحبس
شرعية ايه اللي النظام مستنينا نديهاله
مستنينا ؟! مين احنا اصلا
زمان اول بابا حبيبي ما طلع معلش كنا نصلي الفجر و ننزل نمشي سوا من عند فندق ويندسور بالاس ع البحر لحد الشاطبي نراجع ربع اوربعين و بعدين اسيبه قاعد هناك يخلص له جزءلحد ما اجري لحد سيدي جابر أو كليوباترا وارجع ونرجع البيت ندب فول وفلافل 😂😂😂 كان عليه تحيئة لطبق الفول ولا اجدع معلم
ابويا الله يرحمه كان كده و هو اللى عودني على كده لما كنا نتخانق مثلا بعدها على طول ادخل المطبخ اعمل حاجة يقوم يرش عليا مية أو يعمل اى حاجة ويتقبل منى اى غلاسة اعملها عشان نتصالح ويحضني ويقول لى بابت الكلب بطلي عصبية 😂😂😂 واتعلمت منه ماسيبش الجفاء يدخل قلبي
@NaguibSawiris
عذرا يعني لو عاوز تتكلم عن علاج بشكل موضوعي حيادي نتكلم عن عدد الكومباوندز المهول و النافورات و حمامات السباحة و ملاعب الجولف مش ده اهدار ماء برضو خصوصا ان عندنا مشكلة مش واجب الدولة تفرض ترشيد الاستهلاك برضو ؟! من وسائل العلاج برضو انا الدولة ترشد استهلاك الكهربا... يتبع
@NaguibSawiris
فين فلوس التبرعات المهولة من دول الخليج ؟! و القروض و ارجوك ماتقوليش بيتعمل بيهم مشروعات لانه لو ده صحيح كانت نتايجه هاتبان على الاقتصاد المصري و بالتالي ينعكس على المواطن. فى النهاية احب اقول لحضرتك ان تويتتك مضللة عن عمد مش هاستخدم أي لفظ تاني
انهاردة فى الادارة التعليمية اللى انا تبعها واللى الموظفين كانوا معلقين فى كل مكتب بوستر واتنين للمعلقة الصور كتير منها اتشال و فى المكتب اللى كنت باعمل فيه ورقي موظفة بتسأل ايه خلاص شيلتوا الصور ردت واحدة قالت بلا نيلة خيب أملنا إلهي يخيب أمله
انا مش فارق معايا محمد علي بيتكلم فى ايه
انا باسمعه بيشتم المغرفة وروحي بتطيييييير كده
انتوا متخيلين إحساس الأوزعة البأف المعلقة وهو بيتفرج ويسمع شتيمته دي كلها
دي سعااااااااادة لا تضاهيها سعادة والله وارتباكه وعصبيته وغضبه و النار اللي فايدة جواه
الأوزعة😂😂😂😂😂
يارب يارب يارب ادعوا معايا بالله عليكم وقولوا يارب الطعن على الحكم العسكري على اسماعيل الاسكندراني يتقبل اتحكم عليه ب ١٠ سنين لو الطعن اترفض للاسف خلاص اسماعيل هايقبع فى سجون العصابة الظالمة عشر سنين
او لا اذا أراد الله لنا معجزة
😢🙏
فى تجربة فريدة من نوعها ركبت أوبر سكوتر انهاردة بعد ماعملت أوردر لعربية والوقاحة بقى سواق يسلمني لسواق وبعد ٧او٨ دقايق يلغي الاورد
ماعلينا لما لقيت نفسي هاتاخر طلبت اوبر سكوتر طبعا هو مش سكوتر و لا موتسيكل كاستم ولا ريس
موتوسيكلات عادية صيني
بس بصراحة انجاز والهواء الصبح حلو😁
يا مساء الفل والورد و الياسمين على الناس الطيبين. يا مساء الهنا و الرضا والسعادة ع الناس السكر زيادة يا مساء النور على الناس اللي قلوبها بنور
يارب ارزقني وكل الطيبين بكل الخير من فضلك وكرمك يارب وسع رزقنا واحفظ صحتنا وصحة أحبابنا واحفظ حبايبنا وابعد عنا كل هم وغم يارب 💝