أنا أول مرة اطلب منكم خدمة.
أنا كتبت مسلسل قصير، لو حد يعرف حد يساعدني أوصلّه لمنتج يكون بيدوّر على حاجة كده، ياريت يمنشنه، أو يبعت لي.
ولو ما تعرفش، ساعدني بريتويت، يمكن يكون سبب في ده.
شكرًا مقدمًا. 🙏🏼
قول ورايا؛ انا مش بشجع مصر عشان هي أحسن منتخب بيلعب كورة، ولا عشان عندنا أحسن لاعيبة في الدنيا، ولا عشان ضامن فوز يفرّحني. انا بشجّع مصر، عشان انا مصري، وده فرض عليا افرح لها، وازعل معاها.
بمناسبة اللقطة دي.. فيه ظابط كان بيحكي لي مرة عن زميل له استشهد في تفجير، وهو كان على بُعد أمتار منه. دي كانت نفس ملامحه وهو بيتكلم. والله افتكرته. ملامح كريم صادقة جدًا. 👏🏼
كل ما اسرح واتخيل إن #مصر كان مُخطط لها إنها تكون زي #ليبيا دالوقت، واتخيل موقفي دالوقت لو كان لا قدّر الله حصل وانا باسمع سيرة بلدي على كل لسان وكل وزير خارجية يطلع يتكلم عن بلدي وعن نصيب بلده وحقه فيها، واتخيل إني انزل اطلب من جيش دولة تانية يتدخل لحمايتي من مرتزقة، قلبي يتقبض.
أنا مصري كيميتي، وبأقدر علم مصر وباعتبره راية عظيمة يرخص قصاد إبقاءها عالية عُمري كله.
المصري اللي عنده مشكلة مع كلامي ده، يشيلني من عنده عشان كلامي ما يضايقوش، ونصيحة مني؛ راجع نفسك.
وما تحاولش تختلف معايا في الموضوع ده، عشان هتبقى بتضيع وقتك.
ضاقت جدًا حوالين مصر من كل ناحية، وما بقاش فيه صديق مضمون، ولا عدو واضح، وبقينا لوحدنا، وما فيش أي نيّة عند الأبالسة في التخلّي عن هدفهم الأهم في المنطقة، إن لم يكُن في العالم، وهو إسقاط مصر في موجة فوضى تاكُل البلد زي النار.
ربنا يحفظ مصر. 🇪🇬
شعور غريب جدًا لما حاجة "تبعترك".. مثلًا؛ غنوة قديمة شايلة ذكريات.. مكان سِبت فيه حتة من روحك ورجعت بعد سنين لقيتها.. إحساس حسيته لأول مرة مع حد، لقيت حد بيوصفه، فافتكرته، واكتشفت إنك لسة شايله.. أصعب حاجة بقى، إنك ترجع تلمّ نفسك تاني من البعترة، وتبقى عادي.
أكتر ناس عارفة يعني أيه حرب، هي اللي مش بتجيب سيرتها. اللي بيجيب سيرتها كتير يا اما ضامن مكانه برة المركب، يا اما كل خبرته عن الحرب جايبها من الفيديو جيمز.
وبالمناسبة، رفض الحرب مش سببه الخوف منها، بالعكس، ده رفض الدمار بس، لكن لو جت، يا أهلًا بالمعارك.
وربنا اللي عالم بالنوايا.
يا حكومة، محمد رمضان شخط فينا، وقال لنا نزعق لك، ونقول لك عاوزين سلاح عشان نروح نحارب، هو ما قالش نحارب مين، بس تقريبًا يقصد إسرائيل عشان الأحداث يعني. فبليز عاوزين سلاح، من غير ما نضطر نزعق، وبسرعة عشان هو شكله عصبي جدًا، فمش عاوزين نضايقه. 😌
يا ترى فيه حد من اللي قطّع في محمد صلاح، هيطلع يعتذر له، ويعترف إنه غلطان، بعد ما تأكد غيابه عن كل مباريات المنتخب حتى لو كان وصل للنهائي؟ والدليل إنه لحد اللحظة ما نزلش تدريب واحد مع فريقه!
"وخصوصًا كبار السن".. في آخر جملة في الفيديو الوزيرة بتقول أول ما تظهر الأعراض على كبار السن، أرجوك هاته على طول. عشان نلحق ننقذه.
فيه دول عُظمى بتقول لكبار السن يكتبوا وصيتهم.
هو للأمانة كان موقّف حاجات كتير مش بناء السد بس؛ تعمير سينا، تنضيف العشوائيات، قضايا الفساد، صلاح سالم، حال البلد. هو بصراحة رحمة الله عليه كان موهوب في التوقيف.
@olayan_moh
سيب حضرتك من المحلات دلوقتى وبعدين نشوف موضوع سعر المتر ونشوف هشام عمل ايه وانجز ايه ،كنت متوقع إنك بدل ما تسأل عن سعر المتر تسأل عن الموضع الاهم وهو سد النهضة وازاي وليه اثيوبيا ما وضعتش حجر الاساس غير فى ابريل ٢٠١١ وازاى الرئيس مبارك سياسياً كان موقف بناء السد مش سعر المتر !
سلامًا على من يقرأ في هدوء، في عالم يملأه الضجيج. وعلى من يتجاهل ما يستحق التجاهل، ولا يُعطي للرخيص سعرًا لا يساويه. وعلى من لا يضحك على السخافة، وينبذها. وعلى من لا يتدخل في شؤون غيره، ولا يعطي رأيه إلا إذا طُلِب. ولا يفشي سِرًا، ويحفظ وعوده.
امبارح حصل معايا موقف وقفت عنده، فيه سوبرماركت باشتري منه طلباتي، عنده جراج قصاده، فيه راجل أمن بشوش، كل ما اروح لازم اقف وأنا داخل بالعربية وافتح الإزاز وأسلم عليه بالأيد ونمسّي على بعض وكده. امبارح كنت مروّح نفسيتي مش أحسن حاجة الحمد لله، المهم، وقفت عنده سلمت عليه كالعادة…
الإبداع صعوبته مش في خلق الإبداع نفسه. المُبدع، صاحب الموهبة، في الغالب مش بيلاقي صعوبة وهو بيبدع. لكن الصعوبة الحقيقية تكمُن في تهيئة البيئة، والمود، اللي محتاجهم عشان يبدع. مود الفنان هش جدًا.
بجد عندي سوال هي الروايه دي مش هتتعمل فيلم او مسلسل. شيقه جدااا بجد وبالرغم من كبرها محستش باي ملل. عجبتني جدااا جدااا. رائعه. بالتوفيق يا معتز علطول.
@MoatazSharabash
لو مسافر بالقطر مسافة طويلة، ولاقيت العربية كلها ما فيهاش غيرك وحد تاني بس، وطلب منك بعد ما القطر مشي إنه ييجي يقعد جنبك ويدردش معاك عشان مش حابب يكون لوحده… هتوافق؟
واحد مقتنع إن الشرطة كلها قتلة. والجيش مُجرمين. والحكومة حرامية. والقضاء مُرتشي. والدولة كلها بتتآمر على المواطن. ومش مصدق إن فيه مؤامرة من دول خارجية على بلده.. ده كده محتاج Restore to factory settings.
مافيش حاجة في القرآن بتقول عن المصريين خير أجناد الأرض. ولا آية واحدة. انا كنت زمان فاكر كده لغاية لما قرأت وعرفت انها جملة مش من القرآن. ده يقال انه حديث نبوي ضعيف والله أعلم صحيحه من عدمه. بس الأكيد هو ان كتاب ربنا ما نزلش فيه الكلام ده. لذلك وجب التوضيح.
السعادة
قهوة سادة
وضحكة رايقة
والسهر ساعتين زيادة
والكلام الحلو ويّا
حد روحه سامعة روحي
السعادة
في قصة حلوة
ونور خفيف
وصوت بعيد لعيال بتلعب
فرحانين بإجازة الصيف
ونسمة جاية من الخريف
شايلة ريحة ورد زهّر في الربيع
السعادة مش فلوس
ولا إنجازات
السعادة هتلاقيها
تايهة بين أبسط حاجات
❤️
هنرجع نهزر
ونضحك ونفرح
ونرجع نلوّن
صورنا القديمة
ونحلم وننجح
ونلمس سمانا
وأرواحنا بُكرة
هترجع سليمة
هنرجّع نكمّل
كلامنا إللي ناقص
كلام يبدو تافه
لكن كله قيمة
هنرسم صور
بكرة تكون حقيقة
كأن الحياة دي
مشاهد في سيما
وبعد أمّا نفرح
هنعرف ساعتها
إن الحاجات
البسيطة… عظيمة
#معتز_شرباش
داخل على كارتة، مدّيت أيدي بالفلوس وانا سرحان كده، قام الشاب قال حاجة ما سمعتهاش، قلت له "نعم؟" فعاد كلامه، سألني "أيه إللي مزعلك؟". ضحكت وقلت له "عيب عليك. حد يشوفك ويزعل؟" قام ضحك ضحكة في مُنتهى اللُطف. خلّاني ماشي من قصاده مبسوط. ابسطوا بعض، الانبساط ببلاش. 😍
أنا مواطن مصري.
أدعم حق فلسطين في إقامة دولة مستقلة عاصمتها القدس الشرقية.
أنا أدعم أمن مصر القومي، بصوتي، ودمي.
أنا أقف خلف قيادة مصر قلبًا وقالبًا.
أنا غير وصي على الشعب الفلسطيني.
أنا أدعم القضية الفلسطينية، وأرفض تصفيتها بتهجير الشعب الفلسطيني لأي مكان خارج حدود فلسطين!
أول محاولة كتابة سيناريو كامل ليّا؛ فيلم "#ارتداد" اترشح في القائمة الطويلة لأفضل سيناريو المقدمة من #مؤسسة_ساويرس الثقافية
@SawirisFSD
لفرع كِبار الكُتّاب. 🙏🏼
#معتز_شرباش
عيب السوشيال ميديا يمكن في إنك لو غيّرت رأيك في أي موضوع، إللي هو شيء طبيعي لازم أي إنسان سوي يعمله من وقت للتاني، بتتعاير برأيك القديم وكأن رأيك كان عقد مُلزم مدى الحياة.
#رواية_الكابوس
#طقوس_مناسبة_للقتل
#معتز_شرباش
في #معرض_أبوظبي_الدولي_للكتاب 🇦🇪 في أبو ظبي.
عند #أفضل_ناشر_عربي #الرواق_للنشر في جناح 12B07 - قاعة 12.
من 29 أبريل إلى 5 مايو.