انقصف البيت علينا و طلعت من تحت الأنقاض و خسرت ٥٠ شخص من عيلتي
خسرت كل إشي فحياتي و دقت الموت و عشته و خسارة الأهل و البيت و نزحت
دقت اللي معتز ما داق ربعه
و بلعن اسرائيل كل ثانية الي كانت سبب في اللي أنا فيه
بنقولش يلا نتعايش مع اليهود! بتخيلش في حد بقول هيك!!
غزة علمتني اكون واقعي مع نفسي اكثر من اي شيء اخر
لمن يريد التعايش مع المخيلات الواسعة والاكاذيب فليتعايش، بس لازم يذوق يلي بنذوقه وبعدها نشوف شو راح يحكي
بده يذوق طعم الموت وهوة شايفه قريب، رائحة الموت والجثث المتفحمة والهياكل العظيمة والناس المفعوصة تحت الركام والاشلاء
بده يفقد…
أنا لمى عبد اللطيف الحاج
كنا 57 شخص طلعنا 7 و استشهدوا 50
استشهدوا إخوتي روحي مجد و ديمة و قسام
زوجة أخي أماني و زوج أختي محمد
ستو وسيدو و خوالي وأولادهم وبناتهم وخالاتي و أولادهم وبناتهم وأحفادهم و عمتي وولادها و بناتها
الحمد لله ربنا يصبرنا و يكتبلنا الأجر..
مبارح زرت بيتنا لأول مرة بعد 21 نوڤمبر
لقيت مصليتي، بابا أهدانا كل واحد مصلية بعد العمرة و كنت فرحانة فيها جداً لجمالها
طلعت مصليتي مغبرة بس حنضفها و ترجع بإذن الله حلوة زي ما بابا جابها
كنا ببيتنا قبل 21 نوڤمبر نقعد كل العيلة و نحكي عن الحرب و نستنى تخلص
ولا لحظة خطر فبالي يروحوا كلهم و أضل أنا و ماما نتذكرهم و نحكي عنهم
المصاب كبير كتير
الحمدلله على كل حال
رباب
@rababsalemmm18
حبيبتي التي فجعت بخبر استشهادها
رباب صديقتي من الجامعة
دائماً كنا نتبادل شعور المحبة بدون سبب، كنت أحب لما تنسق لبستها بذوق زي ذوقي و تيجي تحكيلي عملت زيك كيف اللبسة حلوة؟ تصورنا بيوم تخرجها هالصورة و إن شاء الله اللقاء بالجنة❤️
🔴 هذا الفيديو الذي تعرضه القسام عن تفاصيل تصنيع بندقية القنص القسامية "الغول" لأول مرة (منذ 9 سنوات لدخولها الخدمة) مدهش بحق، تصنيع بأيد محلية وبجودة عالية جداً من السبطانة إلى الرصاصة، وهو أمر لطالما شكك الاحتلال بصحته:
- تعد بندقية الغول من عيار 14.5 ملم ويصل مداها القاتل إلى…
اليوم قسام حبيبي أتم عامه السابع عشر في الجنة
قسام حياته كانت عبارة عن المدرسة و الجيم و الكورة
حتى حسابه الانستجرام فقط كرة قدم و جيم
كان محب جداً لبوات الكورة و يطلب من بابا كل عيد ميلاد بوت جديد
قسام كان حيخلص توجيهي هذه السنة لكنه قدر الله لا اعتراض عليه
مشتاقين يا قسوم♥️
في الوقت الذي قررت فيه اسرائيل أن تقتل عائلتي دون أن نعرف السبب حتى الآن..
في الوقت نفسه الذي ذهب فيه مجد إلى جنات الخلد و ترك خلفه عبد الرحمن، فنحن نزرع بعقله كل يوم أنه سيصبح مقاوماً صانعاً للصواريخ و الطائرات لقتلهم.
خسئت اسرائيل التي تظن أنها ممكن أن تهزمنا
سننتقم واللهِ..
الشهيد قسام عبد اللطيف الحاج، 17 عامًا.. طالب في مرحلة توجيهي، صغير العائلة.
أرسلت شقيقته الناجية لمى، تقول إنه "المفضل عند ماما وبابا.. أصيب قسام و هو بعمر 9 سنوات بمرض الكرنز في أمعائه وكان هذا أكثر ما نخافه على قسام، نخاف أن يتطور مرضه لمرحلة خطيرة، ولم نكن نعلم أن هناك ما…
الشهيد مجد عبد اللطيف الحاج، 32 سنة.. متزوج وأب لثلاثة أطفال.. عبد الرحمن و سارة وآية.
تقول عنه شقيقته الناجية لمى الحاجّ:
كان جميل الخَلق والخُلق، باراً بوالديه كثيراً، حنوناً على إخوته وأبنائه ورفيقاً لزوجته، محبوباً من كل من عرفه أو تعامل معه.. كان مبدعاً في مجال تكنولوجيا…
بعد شهر من نشر التويتة صار الحلم اللي تمنيته مستحيل يتحقق
اللقاء في الجنة يا ديمة و مجد و قسام
اشتقتلكم كتيير كتيير♥️🫂
* ديمة كانت عاملة رتويت لإنها كانت بتتمنى نفس الأمنية، أكيد اشتاقتلنا كتير أكيد
مش عارفة كيف الحياة بتمشي بعد اللي صار
محتاجة جداً حد مر باللي مريته( والله أعلم غير موجودين) يخبرني كيف الحياة تمشي بعد فقد الإخوة والخوال والأجداد والأحفاد و الخالات والعمات و العمام
كيف و احنا عيلة مترابطة جداً وهذا الابتلاء الأعظم والله
هلكت من فرط التفكير والشوق لهم واللهِ
المال و البنون زينة الحياة الدنيا
بتكة لا تحسب من الزمن بابا و ماما خسروا التنين..
خسروا ولادهم التنين و بنتهم الكبيرة خسروا بيتهم الكبير الحلو اللي قضوا حياتهم يبنوا فيه و يعفشوا ويجيبوا أغراض و أواعي وكتييير..
حتى بيتنا الثاني في تل الهوا صار مجرد أعمدة
الحمدلله على كل حال..
أي حد حابب يتبرع لأهل غزة و مش عارف يتبرع لمين
يتبرع من خلال حملة الإحسان و يتأكد تماماً من وصول فلوسه للناس المحتاجة
الناس بغزة جداً محتاجة لدعمكم والله
اعملوا رتويت أقل شيء عشان القادر يتبرع ما يقصر
و كله في ميزان حسناتكم❤️
كل مشاعري تحولت لاشتياق فقط
مشتاقة لإخوتي و أهلي اللي بالجنة
مشتاقة لأختي وبنتها اللي بغزة (الوحيدة المتبقية لي من إخوتي)
مشتاقة للمتبقيين من عيلتي بغزة ( بنعدهم على الأصابع)
مشتاقة لبيتنا الكبير الحنون
مشتاقة لغزة وبدي أرجعلها
مبارح مع القحط اللي بنعيشه قاعدين بالبيت احنا و كل اللي عنا بالبيت من القرايب وكل واحد صار يحكي شو جاي ع باله أكلة أو حلويات
أشياء كانت عادية ما نحس بقيمتها هلقيت بنتمنى بس لو لمرة ناكل تشيز كيك/ستيكات بالكريمة
احمدوا الله ع أصغر حاجة عندكم
لإنه والله احنا داخلين ع مجاعة قريباً.
Martyr Dr. Dina Al-Hajj, 29 years old,
She had a passion for traveling and exploring cultures worldwide. This experience became the starting point for her professional life in the World Health Organization, where she worked, driven by her belief in serving the community and…
بنفس الدقيقة عرفت خبر استشهاد الدكتورتين سماح و شيماء جمال نعيم
و ما لحقت أتلقى الصدمة، أجى خبر استشهاد حمزة وائل الدحدوح أخ صحبيتي سندس
يالله تعبنا و ما ضل حيل لصدمات جديدة
The martyr Majd Abdel Latif Al-Haj.
His sister
@LamaAAlhaj1
said: “Majd was not just a number; he was the life of his parents, children, siblings, and friends”
Majd, 32 years old, married and father of three children: Abdul Rahman, Sara, and Aya. He was of beautiful character…
ديمة قبل ٨ سنين كتبت هيك
ولآخر لحظة على كلمتها..
ديمة موظفة بمنظمة الصحة العالمية عُرض عليها التنسيق من خلال المنظمة ليطلعوهم على مصر هي و كل العيلة خلال الحرب
لكنها رفضت و قررت تضل مرابطة و ثابتة وتاخد الأجر
بالجنة هلقيت ديمة بتستنانا هي وكل الأحباب..
يالله كيف بكون أتخيل ال100 مليون مصري و هما لاميين بعض و جايين ع المعبر بكسروه و بدخلوا أكل لغزة و دواء و معدات
بتخيل شو المانع؟ السيسي حيقدر يسيطر عليهم وقتها؟ الجيش حيقدر يسيطر عليهم وقتها؟ ولا إشي ممكن يوقف بوجههم
الله لا يسامح كل واحد ما نصرنا و ساب غزة تموت من الجوع..
الحناوي زي ما حبيناه دايماً، ابن غزة الحقيقي اللي مهما بعد عنها كلمته كانت كلمة الحق
مدرك لقيمة القضية و ما حاول يتاجر فيها و يلم فلوس من العالم بحجج مثل قصف بيته أو غيره
محترم ووصل الصورة الحقيقية.
هو المؤثر الوحيد اللي يستحق المتابعة❤️
قبل قصف بيتنا بأيام، ديمة حبيبتي شافت في منامها خالو عدنان بأجمل حالاته كان جاي ع البيت و حامل سلاحه و نادى قال يلا يلا بدي كل الشباب ع الجهاد
و فعلاً أخد كل الشباب وديمة والبنات و زوجته و أخته و أحفاده و زوج بنته(خالو محمد) في قصف البيت
نسأل الله أن يتقبلهم شهداء في سبيله..
الشهيد سلام ابن العم عبد الجبار، اصغر مني عمرا، عرفته حين عاد مع اسرته من اليمن، كان عبقري في لعبة الشطرنج وعلمني اياها ليجد من يلاعبه طوال الوقت، وكان يهزمني دون مجهود يذكر. هذا العبقري نقل عبقريته لموضع اخر وتفوق فيه . وداعا يا سلام. الى اللقاء في عالم افضل
سلامٌ عليكم
من أكثر من عشر سنوات مجد أخي وحبيبي كان مشتغل على منبه للأذكار كصدقة عنه
خبرني صديقه و أخه
@HasanKhatib
بهذا الشيء
من كم يوم حسن اشتغل على الأذكار لتطويرها و نشرها كصدقة جارية عن روح مجد
لطفاً و ليس أمراً، هذا لينك الأذكار كإضافة على كروم، ثبتوه و أنا شاكرة لكم♥️
اشتقتلهم حبايبي مجد و قسام
مجد حبيبي أخوي الكبير الحنون البار ببابا وماما لآخر ثانية
قسام حبيبي الصغير الخجول الهادي اللي بنتسلى أنا وياه مع بعض
اللهم تقبلهم شهداء و ارزقهم الفردوس الأعلى..
مجد ♥️
أجمل ما كان و ما زال يقال عنك أنك كنت من الجنة و رحلت إليها.
عشت مقبولاً محبوباً بين الناس و رحلت كذلك يا حبيبي♥️
اللقاء في الفردوس الأعلى إن شاء الله♥️
الشهيدة سارة مجد عبد اللطيف الحاج.
ولدت سارة في شهر أكتوبر 2022، بعد أن انتظر والداها سبع سنوات ليرزقا بأخٍ أو أختٍ لابنهما عبد الرحمن.
سارة الطفلة الجميلة، المحبوبة من الجميع، المدلّلة وخاصّة من والدها، قويّة الشخصيّة، تحبّ الأكل كثيرًا، تبدو أكبر من عمرها "سنة وشهرين"، لا…
محتاجين تذكير يومي بإنه الجزاء على كل اللي صار معنا و بيصير هو من الله يوم الحساب و ما نقعد نستنى جزاء دنيوي أبداً
صح ممكن ربنا يعوضنا بالدنيا عوض خير لكن الجزاء الحقيقي يوم القيامة، يوم لا ينفع مالٌ و لا بنون…
Dima, a former
@UofGlasgow
student, was working in Gaza for
@WHO
.
She was killed, alongside her husband and six month old baby. A heartbreaking and senseless loss of life.
Dima loved Scotland and many people in Scotland loved Dima.
This cannot go on. Ceasefire now.
كل إشي قاعد بيصير و كل خذلان بياخدنا لطريق واحد بس و هو التسليم لله و التوكل عليه فقط.
والله العقل بيجن لما بشوف كيف كل الدول العربية و الإسلامية و ولاد شعبنا اللي منا وفينا بباقي فلسطين كلهم متخاذلين
والله ربنا حينصرنا و ما احنا بحاجة حد
و كفى بالله ولياً و كفى بالله نصيرا..
الشهيدة لينة أمين..
كتبت عنها صديقتها سارة عاشور، وأرسلت لنا:
هيّنة ليّنة طيّبة خفيفة على القلب، ذات وجهٍ سمِح وقبولٍ مريح، ما إن جلست مقابله حتى أفصحت عن كل أسرارك دون أن تشعر..
هذه الصورة تُعبر عن نفسها، ترى في عيون لينة الحلم، الأمل، الرجاء، حتى أنها لم تكن تصدق أنها تعيش…
تذكرت الخطاب الأول المرتقب
قعدنا بالبيت احنا و كل العيلة قال بنستنى
كنا بنفكر إنه هادا الخطاب كان حيكون إعلان فتح جبهة تانية تجبر إسرائيل تنهي الحرب
بدينا نحضر الكلمة و خلصنا نحضرها و ما أخدنا لا حق ولا باطل
شبعنا كلام و خطابات..
الناس انتهت حياتها والله
خالو محمود الله يسهل عليه و يرحمه
قلنا بعد الحرب بفترة غزة حتحلو كتير كتيير و حتصير أحسن من قبل
لحتى الآن متمسكة بتحليله و رأيه و متفائلة بكلامه إنه فعلاً غزة حتحلو كتير
بس احنا يا خال كيف حنعيش بعدكم؟
تحليل ورأي أمي:
ان شاء الله رح تخلص الحرب اليومين هدول، وبعدها رح يهاجروا نص القطاع ودول رح تسهل هجرتهم وتعطيهم امتيازات وما حد بلومهم أكيد يعني والنص التاني بضل واحنا منهم ان شاء الله لإنه ما بنقدر ع بُعد غزة ورح ترجع تتعمر ورح تفرج أكثر من قبل الحرب حكت يعني ان شاء الله ..
السلام عليكم♥️
المرة الماضية نشرت عن التبرع لحملة الإحسان في غزة لمساعدة الناس
و تبارك الله ما قصرتوا♥️
برجع بنشر تاني
الأشخاص اللي حابة تتبرع لغزة بفلوس و بثقة تامة وصول فلوسكم للناس المحتاجة بتقدروا تتبرعوا عبر الرابط
و (لطفاً) اعملوا ريتويت لنشره
24 سنة..
و من هالسنة لآخر العمر كل أعياد الميلاد ناقصة للأبد
الشهر الخامس لفقدكم و كإنه اليوم الأول ما نسينا و لا بننسى
لقاءنا في الفردوس الأعلى أنتم بمنزلة الشهداء و نحن الصابرين على ما أصابنا بعدكم بإذن الله♥️
كيف فجأة بتحول الموت مش شر
كيف كنا نقول بعيد الشر لما ينذكر الموت
كيف هلقيت صرنا بنقول يا مرحبا باللي بدو يجمعنا بأهلنا بجنات النعيم بفضل الله و رحمته
يا مرحبا بلحظة اللقاء بعد شوق كبير♥️
السلام عليكم جميعاً
التبرع مفتوح دائماً لغزة و للشمال و الجنوب من خلال حملة الإحسان التطوعية
@Ihsan_Gaza
ما تقصروا و تبرعوا للناس تحديداً بغزة و الشمال الناس بتموت من الجوع..
كله في ميزان حسناتكم❤️
ولما تطلع وتشوف العالم الخارجي و تشوف كيف بيعاملوك كإنك جاي من ورا البقر
بيتفاجؤوا إنك متعلم، إنه عندك تلفون خاصة لو آيفون، إنه في أصنصير وسيارات وبنعرفهم
بيفكرونا عايشين في زمن الجاهلية
الله يلعن كل من تخاذل..