- لو فعلا بتحب حد والظروف حكمت تماماً تماماً تفقده، روح واكشف قدامه مرة على الأقل إن فراقه هزك، وإنك بتعاني عادي؛ لأنه ميستحقش يحس إنه متحبش، ومتزَعلش عليه.
انا عارفه ان احساس انك بتحب حد ده جميل بس عارفين ايه الاحساس الأجمل منه ؟ هو احساس انك بطلت تحب حد كنت فاكر انك عمرك ما هتعرف تبطل تحبه وانه ينتهي هو وكل ذكرياته وتشوفه عادي وأقل من العادي
هموت واعرف ايه العيب ان الواحد يزعل ويبان عليه بعد ما يخسر شخص مهم عنده ايا كان مُسمي علاقتهم ، ليه لازم نبان مش زعلانين علشان الناس متاكلش وشنا او تقول علينا ضعفاء ؟؟
مش دول ناس كنا عايشين معاهم ؟ عدي علينا اوقات كتير اوي سوا..
الشخص اللي هلاقي نفسي عارفة اتناقش معاه في اي موضوع في الدنيا من غير ما يضايقني بالكلام و نوصل لحل سوا في كل مشكلة هيبقي هو ده و دى الطف Green flag ممكن تتواجد في الانسان.
كل الصدمات اللي أخدتها في حياتي سببها مش الأشخاص بعينهم
سببها الأساسي تصوري المثالي وإعتقادي إن الناس شبهي هتعاملني بالمثل هتحطني في نفس المكانة اللي حطيتهم فيها
فا دايما بفوّق نفسي وبقولها
" لا ألوم صديقي حين يخذلني.. أنا المُلام على حسن الرجا فيه "
مبسوطة اوي إني بفقد إعجابي باللي قدامي لما بلاحظ عليه تصرفات نرجسية او تصرفات toxic عمومًا ,بفصل بجد اللي هو انت كنت بتلمع قدامي و انطفيت فجأة , خلاص انتهى موضوعك.
طبعًا أنت مش هتصدقني لو قولتلك إن أنا رأيت الثُقب في سفينتهُ مُنذُ اليوم الأول للرحلة،
ومع ذلك قررت -بكامل إرادتي- الإبحار مَعُه.
عارف بقى أنا عملت كده ليه؟
عشان كان في مُخيلتي إن الحُب بيقدر يصنع المُعجزات.
الهوديز والجواكت واللبس الشتوي والنهار اللي من غير شمس والآيس كريم فعز التلج والمطر وريحة الجو وهدوء الليل و كلفتة البطاطين والكابشوه والدوش الدافي، حتى إكتئاب الشتاء وخروجاته.. كل ده واحشني اوى.
كل المرات الي طلعت فيها مشاعري الحقيقية لحد أو عبرت عن حبي بعفوية بدون ما اقاوم اني ابعزق مشاعري أو اني اكون الطرف الاكثر حماسة كانت أكبر تروما في حياتي، حاليا مش عارف اعبر عن مشاعري البسيطة حتى لاصحابي.
النهارده في حد قالي الإنسان بيفضل يستحمل يستحمل و يشيل جواه من حد معين مش عايز يخسره بس فجأة بدون مقدمات لو قال للحد ده صباح الخير و هو مسمعش هيبيع كل حاجه و هيمشي و لما فكرت في الكلام طلع عنده حق إنت هتفضل تستحمل تصرفات غلط حد بيعملها عارف إن التصرفات دي بتضايقك
في كتاب اسمه علاقات خطرة"
فيه اقتباس فيه بيقول؛ الشخص الذي تحبه لا يحمل لك أي مشاعر حقيقية، كل ماتراه في عينيه ماهو إلا إنعكاس لمشاعرك أنت.
اللي هو ياريتك ماكنت قولت والله
النهارده في حد قالي الإنسان بيفضل يستحمل يستحمل و يشيل جواه من حد معين مش عايز يخسره بس فجأة بدون مقدمات لو قال للحد ده صباح الخير و هو مسمعش هيبيع كل حاجه و هيمشي و لما فكرت في الكلام طلع عنده حق إنت هتفضل تستحمل تصرفات غلط حد بيعملها و هو عارف إن التصرفات دي بتضايقك
كل الخسارة بتوجع، حتى خسارتك لعلاقة مؤذية مع شخص مؤذي، هتوجعك ،حتى لو انت مُدرك ان خسارتك للشخص دة ف مصلحتك و انك هتبقى أحسن بدونه، هتوجعك. كل الخسارة بتوجع و دة الطبيعي، ف ماتسمحش لحد يقولك كلام من نوع " انت زعلان ليه على الشخص الفلاني؟ دة كان toxic"ماحدش له حق يحدد لك تحس ب ايه
كل يوم بحاول الاقي الأمان مع نفسي،كل يوم بعاني، بقاوم، كل يوم بدعي ربنا انه يهدي قلبي، كل يوم بحاول اتغاضي عن كل الحاجات اللي بتضايقني، كل يوم بحاول التمس الجمال والهدوء في كل التفاصيل اللي حواليا، كل يوم بشكر ربنا انه اداني فرصه تانيه أحاول أكون احسن، الحمدلله
لو خلاص وصلت لقرار معين بعقلك اوعى تركز مع قلبك،اتألم يوم ، أسبوع ، شهر بقرار منطقي نابع من عقلك علي أنك تفضل عايش ندمان طول عمرك بقرار عاطفي هش من قلبك .
لما شوفت التويتة ديه إفتكرت حاجة قرأتها من فترة كبيرة .. كانت جُملة حقيقية و قـاسية بتقول:
"يستاهل البرد، من ضَيع دفاه."
يعني لما تضيع مكانتك عندي بإيديك و تكتشف إن في حد غيرك بيحاول ياخدها،
مترجعش تعيط و تقولي ده مكاني عاوز أرجع له!
- خليك إنسان ناضج و إستحمل نتيجة أفعالك.
من اكتر الحاجات المحزنه بالنسبالى فى الدنيا دى، تغير المشاعر، فكرة ان الايام تاخد اقرب الناس وتخليهم الأبعد، بيبقى مهما وصلت لمرحله من الإدراك والفهم بيبقى صعب استوعبها، حتى لما ببعد بفضل مش مصدق ان احنا ازاى بقينا كدة، هما دول إلللي كنا نضحك ونحزن ونفرح ونشتكى معاهم؟
دماغي بتبدأ تحب شخص معين وتخليه هو توب التوب دايما فوق الجميع وفوقي انا شخصياً بتديله كل الصلاحيات الممكنة
بس ثانية انتي نسيتي حاجة هو عمل ايه اصلا عشان يستحق ده؟
الإجابة على طول ولا حاجة، هو كدة
كل سنة بختار شخص يشاركني الرحلة ويهونها عليا وفي آخر السنة بيكون الشخص ده خيبة آخرى محتاجة اتجاوزها كأن الحياة بتقولي الرحلة فردية واي حد هيدخل حياتك هيبقى عبارة عن تروما جديدة هتحاولي تتجاوزيها بعدين
في شخص كان في حياتي افتكِر ان من كتر ما كنت مش عايزه اخسره وبحبه وعايزه مايمشيش كنت بعتذرله و انا معرفش انا غلطت في ايه ولا بعتذر علي ايه فعلاً ، وكانت اكبر جريمة ارتكبتها في حق نفسي…
من الحاجات الحزينه في الحياه هي موت حد بتحبه لأن عقلك مبيستوعبش أنه مات ، في جزء جواك بيفضل مش مصدق ومستنيه يرجع ، بتفضل تقول لنفسك اكيد ده حلم وهتصحي منه ، وطول الوقت بتكدب نفسك لحد ما تخبط ف لحظه يقين أنه مات فعلا فتنهار ، وترجع بعدها مش مصدق وتعيش في الدايره دي .
"للأمانه مفيش ألذ من شعور إنك بتتغير للأفضل، بتشوف نفسك وانت بتكبر عقليًا وتترفع على اشياء وأمور كانت اقل من انك تديها فوق حجمها، تافهه بنظرك وليست من اهتماماتك."