ادعولنا كتير يا جماعة
واللهِ إنها ل ليالٍ شداد، ادعولنا تمر على خير وما تنسونا، هينقطع النت ومش هتضل وسيلة تواصل تعرفوا منها أخبارنا حتى لو فقدتونا ادعولنا واللهُ المستعان
الحمدلله صليت الجمعة جماعة لأول مرة من ثلاث شهور
والعجيب انه من كثر الناس اللي اجت لما عرفت انه هتقام الجمعة، بطل في وسع والشارع اتسكر برغم الطيران الحربي اللي كان معبي السما فوقنا وقتها
والله لا يعرف قيمة الجماعة في المسجد غير فاقدها، فاحمدوا الله عليها يا من لم تفقدوها
صاحبي مجيب البايض في الشمال انقطعت أخباره بعد اقتحام الشفاء الأخير، اليوم عرفت انه معتقل وأجبروا أهله ينزحوا على الجنوب بدونه، دعواتكم يرجعلنا سالم غانم
ادعوا لرغد كتييييير
رغد استشهدت في بدايات الحرب، وما اخدت نصيبها من دعائكم زي باقي الشهداء، رغد بنت جدعة وموهوبة، دايماً كانت تكون أشطر مني بنصوصها،
رغد كانت تقف مع كل حد بسِعة ما عمري شفتها بحد، وما كانت تحب تشوف غيرها زعلان
اقفوا معها اليوم وبكل وقت، واتذكروها وادعولها بالرحمة
كان يتقطع قلبي لما كانت توصلني مسجات SMS لما كان النت مقطوع وانا مش قادر ارد عليها عشان شبكة الجوال برضو كانت واقعة
بتحس نفسك مدفون بالغلط بس انت عايش وبتنادي على اهلك اللي واقفين برا على قبرك وبيبكوا عليك ومش سامعينك وانت بتحكيلهم، لا انا عايش يا جماعة انا عايش!!!
مرحباً، أنا مجيب
من وسط مجاعة شمال غزة
وسأنادي ندائي الأخير...
بدأت حملتي منذ شهر آملاً بتأمين مصاريف السفر والدراسة وترميم البيت، ثم توقفت عن النشر إذ لم تؤت أُكلها
والآن للأسف سأنشرها، ولكن للنجاة من مجاعة
للمرة الأخيرة
تولوها أنتم عني، أنا ضقت ذرعاً
" يُوشكُ أن تَدَاعَى عليكم الأممُ من كل أُفُقٍ كما تَدَاعَى الْأَكلَةُ إلى قَصعتِها،
قيل: يا رسولَ الله! فمِن قِلةٍ يَومئِذٍ؟
قال لا، ولكنكم غُثاءٌ كغُثاءِ السَّيلِ، يُجْعَلُ الْوَهَ��ُ في قلوبِكم، ويُنْزَعُ الرُّعْبُ من قلوب عدُوِّكم؛ لِحُبِّكُمُ الدنيا وكراهيتكُم الموت "
أُمة ذليلة عقيمة غبية ضُرِبت فيها الذلة والمسكنة، نيلة تنيل أُمة ٢ مليار بني آدم، نيلة تنيل أمة نسبت نفسها للإسلام وما فهمت أسمى معانيه من نصرة المظلوم ومحاربة الظالم!
ولك كيف شايف أخوك بموت جوع وانت قاعد!!!! كيف كيف!!!!
يا الله! بحمد الله انه جعلني حُجته عليكم وما حطني بمكانكم!
مُعتز وكل حد مُرجِف ومُتخاذل زيه بنادي بتعايش ودولة وردية مع مُحتل جشع ظالم نَكَّل فينا وانتهك حُرماتنا وسلب منا كل أساليب الحياة... هو عرص لا يُمثل غير نفسه ولا يمثل شعب كامل حُر
الليلة دخل الجيش المنطقة بنص الليل وقعد يطخ عالناس والناس صارت تجري بعز المطر وتشرد
هلقيت الجيش مهدد المنطقة اخلاء والناس بتطلع من الشفا واحنا مش عارفين وين نروح ولا نيجي حسبي الله ونعم الوكيل
والله يخوان لو بدي احددتكم باللي صار لاضلني احكي لبكرا الصبح وما هخلص
ومش هحكي الآن غير الحمد لله حمداً كثيراً مباركاً، لن أوفيه وإن أفنيت فوق عمري عمراً في حمده
غزة الآن على آخر قشة لتصل للحضيض
طبعاً القطاع بات مقسم شمال وجنوب، الشمال منطقة عمليات مغلقة فيها الجيش واللي ضل من السكان، والجنوب فيه مليون ونص نازح من الشمال!
أنا من اللي ضلوا بالشمال والآن الوضع كارثي جداً، كنا عايشين على شوية البضاعة اللي ضلت والآن قاعدة بتنفذ بشكل جنوني!
وهي أحد أهدافي كانت، الناس شايفة غزة بطريقة مُغايرة عن واقعها نوعاً ما، غزة فيها حياة...
صح قاعدة بتنهد فوق روسنا الآن، بس أنا مُتفائل جداً فيما بعد عشان غزة بتضلها عنقاء وبترجع تبني حالها من جديد بإذن ربها كما عهدناها، وهي سر جمالها اللي مش هتلاقوه بأي مكان بالعالم!
الغريب انه كل الشعوب اللي بتتغنى بصمودنا وانتصارنا من ورا الشاشة، هي نفسها اللي قادرة تهد جبال بس بنفس الوقت مرعوبة من شخص أرعن قاعد على كرسي
والله ما بسامح حد بحقي وحق أهلي والناس اللي بتموت هاي، كلكم بإيدكم تعملوا أكتر من شير ولايك لكنكم مُصرين تدخروا جهدكم وتقعدوا مع القاعدين
Dear all around the world,
My name's Mojeeb, in northern Gaza.
I invite every heart around the world to help me survive with my family, we're sieged, i don't know if i would stay alive for 2 mins, but i wanna tell you my story...
#GoFundMe
#gazahunger
قد تكون هاي اخر تويتة سواء من قطعة النت او غيره
أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
واخر دعوانا ان الحمد لله رب العالمين
وعشان تفهموا الوضع أكتر وليش صرنا نطحن شعير وعلف بدل الطحين، بدي اقلكم انو الطحين انعععدم من شمال غزة وإذا هيك صدفة لقيت حد عنده وببيع ف سعر ((( كيلو ))) الطحين صار ب 50 شيكل!
احسب كم كيلو بدك للعجنة الوحدة وشوف قديش بدك باليوم وهي الخمسين شيكل بالدولار والمصري
ماكدونالدز الكويت يعلن تبرعه ب ربع مليون دولار لصالح فلسطين
و ماكدونالدز تركيا يعلن تبرعه ب مليون دولار
بس سيبك انت سلاح المقاطعة و الكلمتين اللي بنكتبهم هنا مالهمش فايدة ولا لازمة 😁
أُشهِدُ الله أني ارتضيت الإسلام دينا والقرآن هديا واني اتبعت ملة مُحمداً حنيفاً مُسلماً وما كُنتُ من المُشركين اللهم ما كانت لي من نعمةٍ إلا وكنت مُنعمها، روحي منك أنت صاحبها وأنت آخذُها
ربِ إن كانت نهايتي ها هُنا فاجعلها خالصةً لوجهك واصطفيني شهيداً مسلماً موحداً لا اله إلا أنت
كُل فرد في كل جيش عربي مُتصهين بلا استثناء مُساهم في كُل اللي احنا فيه ودم كل شهيد عنا برقبتهم كلهم فرداً فرداً
وقسماً بمن أحل القسم لأكونن خصيمُهم عند الله يومَ القيامة إن شاء وحسبيَ اللهُ ونِعمَ الوكيل
أحمد الله أن اصطفاني في البُقعة التي انتشلت لواء الإسلام كما انتشل سيف الله خالد لواء المسلمين في مؤتة بعدما استُشهد عبد الله بن رواحة الذي تسلمها عن جعفر الذي تسلمها عن زيدٍ بعدما استشهدوا جميعاً
فطوبى لنا بأرض حُفَّاظ كتاب الله وأرض المُجاهدين والصابرين والقابضين على دينهم
يا الله والله مصيبة لما تكون مقطوع عن كل الأخبار اللي هي "حواليك" ومشعارف اذا الناس اللي بتحبها واللي بتعنيلك منيحة ولا صايرلها اشي ولا وين هي ع وجه الأرض عايشة ميتة متصوابة أو ايشش بصيررر قاعدد
مُمتن كتير لكل حد سأل ولكل حد دعى دعوة بظهر الغيب أو افتقدنا واستودعنا عند الذي لا تضيع عنده الودائع
مش قادر أرد على اي مسج عشان الشبكة وهيني هفصل، بس ربنا بعلم بحجم الإمتنان والشكر اللي نفسي احكيه والله
غزة نعمة عظيمة عز الله بها قلة قليلة واصطفاهم لهذه البقعة التي حركت كل أقطار العالم!
والله العظيم يخوان إحنا بنعمة وبأرض جهاد ورباط واختبار، اصبروا وصابروا واحتسبوا حزنكم وفقدكم ومصابكم لله وحده، كونوا على قدر ما أُمِّنتم!
{ولا تهنوا ولا تحزنوا وأَنتم الأَعلون إِن كنتم مؤمنين}
من غزة من وَسطَ شلال الدم المفتوح، ومن فوق رُكام بيتي
والله إنا لم ولن ننسى إخوانا وحرائرنا في السودان، وإنَّا والله لنُقاسمكم مُصابكم، ونتداعى لِبليتكُم كتداعي الجسد الواحد
وإنَّي لفي حرجٍ إن كانت تغطية الإعلام فينا قد أخذت من حقِكُم شيئا، ولنا ولكم اللهُ نِعم المولى
#السودان
جيش الإحتلال منزل بيان اخلاء لمدينة غزة كلها ومحدش عارف يخلي يروح لوين وعموماً كما قال شبجديد "صامدون كالجبل في وجه الكسارة كلبواب فيه وجه العمارة ولا تمت قبل أن تكن نداً ولا حول ولا قوة بالله العلي العظيم"
ونستودعكم واستودعونا الله
الاشي الوحيد اللي قدرت اخده من غزة
هاي الصورة اخدتها عشان تكون اخر ذكرى الي فوق كوم الذكريات اللي كانت بيوم من الأيام بتشكل بيتي
هاي "دارنا" اللي تهت فيها وانا بدور ع معالمها
وهي أنا في اخر مشهد الي في الشمال قبل ما ألحق أهلي وأطفالنا اللي اترحلوا لحالهم عالجنوب بدون شبابهم
اللهم يا مالك يا مُعِز يا جبار، اللهم أنت الإله فلا اله غيرك، وأنت الملك فلا مليك غيرك
اللهم إن الأمم تكالبت وإن الشقيق لشق علينا، اللهم انت الملجأ وانت المنجى فيا رب أشقِهم واخزهم وأوهنهم وفرق شملهم وكِد لهم فإنهم يكيدون كيدا انت المتعالي يارب فأعلنا، وانت الغني يا رب فاغننا
والله يخوان بدون مبالغة والحق بنحكى قبل الحرب كانت مصاريف أبسط عيشة بغزة بتغطي مصاريف عيشة أنعمها راجل عند إخواننا في الدول الشقيقة
والناس الناقصة اللي بتحملنا جمايل وبتتمنن علينا، فيعني اظن بكفي عشان الناس اللي حملتوهم جميلة هدول اتربوا ترباية عز ولا عمركم حلمتوا تتربوها
عارفين شغلة،
يمكن السبب الرئيسي لكل اللي احنا فيه الآن هو ياسر عرفات
هو بدأ فكرة الأحزاب ورسخها بوعي الشعب، لحد ما الشعب اتحزب، وسيطرت الحزبية على كل هواجسه حرفياً لدرجة انها دخلت حتى على المدارس والجامعات.
هو سبب تقليص القضية من حجمها الإسلامي العربي الحقيقي، لتكون محصورة
يخي كيف بتحط حق المجازر والتهجير والموت والانتهاك اللي بصير فينا على حساب المقاومة بدل ما تحمله لمُحتلك اللي بقتلك؟؟؟؟؟؟؟
كيف بتحكي جروك للموت وانت أصلاً هيك هيك كنت عايش ميت ومش عاجباك عيشتك وبتتذمر ومستني أي فرصة تطلعك تهاجر عشان ظروف بلدك اللي مُحتلك خلقهالك وقت ما حاصرك!!
٧ اكتوبر رد فعل طبيعي من أي حركة تحرر في الدنيا!
ولو اللي صار ما صار وقتها كان المفروض يصير هيك هيك فيكم ولا بغيركم { وَإِن تَتَوَلَّوا يَستَبدل قَومًا غَيرَكُم ثُمَّ لا يكونوا أَمثالَكُم }
تأقلمتم مع وجود إحتلال وارتضيتوا الحياة الدنيا ونكَّستوا الجهاد من نفوسكم قرف يقرفكم يخي
اللهُمَّ إن الأحزاب قد اجتمعت، والقريب عنا تولى،
رَبِّ إن البأس قد اشتد! وبلغت قلوبنا الحناجر وضاقت بنا الأرض بما رَحُبت
فارحمنا يا ربُّ يا رحيم، واعفُ عن ذنوبنا يا عفو يا كريم
اللهم أوهن كيدهم، وشتت جمعهم، ورد بأسهم في نحرهم، واغننا بك عمن تولى، وثبت أقدامنا وانصرنا على الكافرين
تخيل تتوه في معالم بيتك لدرجة انك تسأل الغريب عشان يدلك عليه؟
كيف بتنسى مكانك اللي شكل هويتك؟
طب تخيل انك تكون في واد وحريم بيتك وأطفالهم في واد آخر حرفياً وما بتعرف عنهم أي معلومة غير انه تم ترحيلهم؟
يعني بعد كل هالكلام بتحكي عن نفسها "لو استشهدت"؟
فهموا الناس انو مش كُل من قُتِل صار شهيد
وفهموا الناس انو الشهيد هو من بذل نفسه في سبيل الله، مش في سبيل ولا اشي زي هاي
تويتر مقيد الوصول لكل الحسابات الفلسطينية اللي من غزة بشكل مقرف
يا جماعة ياللي في العالم الآخر( اللي برا غزة) بديش أقلكم قاطعوا تويتر بس تفاعلوا وارفعوا المحتوى الغَّزي بأي وسيلة كانت
مفش وسيلة اتصال معكم غير السوشيال ميديا، حافظوا عليها
التعتيم علينا بزيد
وكل يوم بنموت بصمت
الشب اللي بضل يحكي لصحابه ويحسسهم قديش بعرف بنات وقديش البنات بتعرفه مسمهش شب رِوش اسمه "ولد مع..رص" وحكيه عن البنات بكونش أكتر غير مجرد محاولة منه لسد النقص اللي عارف انه موجود بشخصيته المهزوزة وانه بس ياخد اتنشن من باقي الشباب اللي مش معبرينه عشان شخصيته الخرا أصلًا
@314_INN
كيف يعني مش مسؤوليتهم، كيف؟؟
مين الحكومة في البلد؟؟؟؟ مش هم؟؟؟
ايش بتعرفي عن وضع شمال غزة انت قبل ما تحكيلي احذف؟؟؟؟؟؟
مين المفروض يوفر للناس اللي انسرقت بيوتها وممتلكاتها الأمن؟
ومين المفروض يوفر ل ٧٠٠ الف واحد بياكلوش غير أكل الحمير وفش لقمة تدخللهم، أكل ومؤونة؟؟
يا ستي بلاش لو
لعنة الله على كل واحد قادر يعمل اشي ومكتف ايديه وبس واقف يتفرج علينا، لعنة الله عليه لعنة الى يوم الدين
لعنة الله على كُل حاكم عربي ذليل، ولعنة الله على كل شيطان أخرس ارتضى حكمهم وخنوعهم وحسبي الله ونعم الوكيل