A Gazen writer and student.
social activist on Twitter, I publish our suffering, our ppl story, support me to rebit our life by donating and sharing the link
My spoiled little sister, This’s what she became After war.
I don’t want her to grow up in this suffering .When she grows up and asks me what the world has done for us, I want to tell her that it made you live a better life away from death.
PLEASE DONATE
خلص إلى هنا نهاية المطاف
لا أمل في النجاة والله ربي ينجي من يشاء
شنتي على ظهري ، لبسي كامل ، قرآني بايدي، صلواتي صليتهم، أذكار وحكيتهم
ولا تفارق الشهادة لساني ، سامحوني جميعا
ولا تنسوا ذكري والله خير الحافظين
أسأل الله أن لا نسقط أشلاء
يارب لا توجعنا عبعض كلنا سوا نستشهد
مدة بقائي على قيد الحياة انا وعائلتي ما هي إلا مسألة وقت ، ألقو علينا مناشير إخلاء لكن ما في مخرج نطلع
ملتزمين بيوتنا
النت اجا ممكن يفصل بعد شوي
انا خلص احنا سلمنا أمرنا لله
أكتر اشي مخوفني لما نستشهد ما حد يدرى عنا وجثثنا تضل تحت ما نندفن
الوضع صعب جدا خطير
والله العظيم مستحيل قصف مبارح يكون عبارة عن صواريخ وغارات او حتى براميل، الي صار مش طبيعي والصوت صاخب كتير مش زي كل مرة
امبارح رمو اشي غير عن كل مرة والله يا جماعة
يا اما اسلحة جديدة يا اما فيه اشي غلط
انا بميز صوت القصف اذا قريب او بعيد او ارتجاجي او قذيفة او برميل او حزام !
بنزل قصف دخان ونار من جهة بنفس اللحظة فوقها رعد وبرق ومطر يطفي النار
مشهد يقشعر البدن ، الله أكبر منهم جميعا
سبحانه القوي العزيز المنتقم الجبار
اللهم يا قهار انتقم لنا منهم
يشهد الله كيف بنستمد قوة من كمية الناس الي بتدعي وبتحكي هان، انا واصحابي لما نغرد هان آخر وقت تغريدة حتى لو ما فيه اشي بنكتب الي حاسين فيه، مش لحالنا
المهم إشعار انا موجودين
واحيانا واحنا فاقدين الأمل بس صار فيه ناس،
ربنا يطمنكم جميعا
يا ملعون أختي 5 سنين مرعوبة بترجف رجف وجهها اصفر أزرق ، اختي الصغيرة فقعانة عياط بتنهف وبطنها من الخوف بنقح عليها بدها مستشفى بنهون عليها ، ولاد الجيران الصغار كل ما يسمعو صوت يصرخو وينطربو
ولك جامعات ومربعات ومساجد ومدارس واسعافات انقصفو
عن اي جرم بتحكي
حسبي الله فيكم
اختي الي بالروضة بتعيط بتكره ريحة البصل وبدهاش تخنق حالها بالكمادات ضد الفسفور، كيف نقنعها انو الموضوع حياتها وهي بهاد العمر!
اللهم يا منتقم يا جبار انك سميع عليم انتقم لنا منهم
خلص إلى هنا نهاية المطاف
لا أمل في النجاة والله ربي ينجي من يشاء
شنتي على ظهري ، لبسي كامل ، قرآني بايدي، صلواتي صليتهم، أذكار وحكيتهم
ولا تفارق الشهادة لساني ، سامحوني جميعا
ولا تنسوا ذكري والله خير الحافظين
أسأل الله أن لا نسقط أشلاء
يارب لا توجعنا عبعض كلنا سوا نستشهد
مجازر يا عالم
مجازر يا ناس
يا الله، يا خون يا صهاينة العرب يلي بدكم سلام الله يلعنكم مع اليهود الله يلعنكم وما يطرح فيكم بركة
ولكم بنموت قاعدين من القصف ولكم فيه ناس هلقيت تحت ركام وأشلاء
حسبنا الله ونعم الوكيل فيكم، حسبنا الله
منذ أول أيام الحرب وأبي يضحك إخوتي الصغار ويوثق ذلك.
اليوم أبي قام بتصويرهم فيديو وهم يلعبون ويحادثهم، يظن أنني لا أفهم شعور الخوف بين نظراته وهو ينظر بقلق في ابتسامته
تأكدت من ذلك حينما وصلتني الفيديوهات في بريدي الالكتروني.
خوف الفقدان يدفع أبي لتوثيق لحظاتنا السعيدة لتبقى
يارب والله انا نخجل من كرمك
الدنيا بتمطر، ناس عطشانة بالشارع
لهيب قصف الدفاع المدني عاجز يصل اله
يارب يا كريم يا رب أغثنا برحمتك ونجينا يا رحمن يا الله يا مغيث أغثنا يارب، أغثنا برحمتك ونجينا
يارب أوقف نار هذه الحرب
الغيث بنزل مع دعائنا بكل قصف عنيف بصير
والله يارب انك رحيم
وائل الدحدوح، معتز عزايزة، صالح الجعفراوي، أحمد حجازي،كل الصحفيين نزحوا للجنوب ما ضل حدا ينقل الصورة من أمام مستشفى الشفاء
عارفين شو يعني هاد الكلام؟
يعني لو صار إبادة لل50 ألف جوا المستشفى ما حد رح يعرف ولا ينقل الصورة.
يا غزة يا غصة القلب
حسبنا الله ونعم الوكيل.
يا قوي يا جبار
ربما هذه آخر لحظاتنا، الله أعلم
استودعكم الله ، امانة لا أحد يقطع ذكرنا
وما تبطلو تنشرو الي صار فينا
لو استشهدنا انشرو اشي عن روحي كل فترة
ما تقطعو ، اترحمو علينا
اعذروني على قسوة الكلام
كل مرة بكتب كأنها آخر مرة لكن هاي هي مشاعرنا ، في حفظ الرحمن
بحبكم جميعا في الله
خلص إلى هنا نهاية المطاف
لا أمل في النجاة والله ربي ينجي من يشاء
شنتي على ظهري ، لبسي كامل ، قرآني بايدي، صلواتي صليتهم، أذكار وحكيتهم
ولا تفارق الشهادة لساني ، سامحوني جميعا
ولا تنسوا ذكري والله خير الحافظين
أسأل الله أن لا نسقط أشلاء
يارب لا توجعنا عبعض كلنا سوا نستشهد
اغتصبوا نساء المسلمين في شهر رمضان المبارك.
يا أمة المليارين مسلم
والله أستحي من رسول الله أن أقول أمة رسول الله، أستحي أن يُنتسب ويذكر خذلانكم وضعفكم وهوانكم بجانب اسمه وهو الذى بعثه الله لنا بكتاب عزيز فيه رسالة لدين الحق أسمى معانيه نصرة المظلوم ومحاربة الظالم !
يا وحدنا
اليوم بعد صلاة العشاء زي كل يوم ، تجمعنا مع الجيران وقرأت جارتنا قرآن بنية ربنا يحفظنا ويحصن بيوتنا واحنا قرأنا معها.
قرأنا يس والحديد والأنفال والملك والقلم والفيل والفتح.
لا بإذن الله أنا رح أنجو وربنا رح يسلمنا كلنا بإذنه
لأول مرة أشعر بأنني محظوظة كوني من غزة، ماذا لو كنت في بلاد غير فلسطين وخصوصا عربية؟
كم كنت سأشعر بالخجل، يا له من عار !
والله لو عاد الزمن أن أختار كوني من أهل غزة والرباط أو أن أشاهد ما يحصل وألتزم الصمت تحت حكومة حاكم مطبع للدماء التي تراق، لاخترت غزة وفلسطين ألف مرة وكل مرة
امي مقهورة فقعانة عياط ويتمسك دموعها عشان ما ننهار ، كل صحابي هان على تويتر نزحو ويمكن يكونو من الناس الي بتجري بالشوارع تروح تنزح احنا محاصرين فش مکان نهرب
امانة لو استشهدنا ما تتركونا تحت الركام أشلاء
ما بعرف اشي عن صحابي هان ولا هم بعرفو عني ادعولهم ادعولنا
ما بين الماضي والحاضر، والعائلة والأمان. جمال الدرة الذى حمى ابنه الشهيد محمد الدرة بظهره أثناء اطلاق النار عليهم بغزارة في مشهد لا يزال خالدا في العالم العربي بل في العالم أجمع في عام 2000
اليوم نراه في مشهد آخر بعد 23 سنة يودع أخين له ارتقو شهداء جراء القصف الصهيوني
يا لصدمتي!
مش قادرة اتخطى
المنظر على الواقع مؤلم أضعاف
دموع الناس لا تحتمل وملامحهم القلب والله انهرت في الشارع ما قدرت امشي لا انا ولا بنت جيرانا صرنا نعيط ونمشي على بيوتنا نجري ونحمد الله انو لسا فينا نفس
اليوم 1 نوفمبر، ها قد جاء شهر ميلادي في الحرب
الشهر الذى ولدت أنا فيه، بصراحة أخشى أن يكون الشهر الذى أموت فيه.
هل هو نهاية المطاف؟
كيف لصاروخ واحد أن يقتلني مع عائلتي، يا له من سهم يجعل قلبي ينزف ألما
300 شهيد !!!!!
300 شهيد بصاروخ واحد
منهم أشلاء ومنهم ما ضل اصلا ؟
شو بستنى العالم اكتر من هيك عشان ينتفض؟
لهدرجة ؟ لا عنجد لهدرجة هيك سدى بدون اشي؟ محدش قادر يستوعب الي بصير
مش هيك ، ولسا ناس تحت الأنقاض من اول ايام الحرب
الله وحده قادر عليهم، الله يهلكهم أضعاف الي عملوه
أشك بأن ما عشناه في أيام الحرب المستمرة هو 8 أيام !!! لازلت لا أصدق أني ناجية من تلك الانفجارات والقذائف من حولي في الخارج وتلك الطائرات الحربية والاستطلاعية من فوقي في حين أن حياتي يمكن أن تنتهي في ثانية ربما هذه الليلة ربما لا،
الحمدلله على النجاة
لكن هل حقا 8 أيام ، أم 8 سنوات
عن ليلة أمس..
مجددا، صلينا العشاء وقلنا الأذكار، تأكدت من سترتي من المعصم حتى الشعر والتففت حول عائلتي أستودع ربي نفسي وأهلي وصحبتي.
نتحدث عن ما إذا كنا سننجو وأمي تطمئننا بأننا لن نشعر بشئ ونحن نيام.
ثم بعد لحظات اذا بصوت براميل عنيفة تسقط بانفجار قوي تبين أنه دمر مربع سكني كامل
عشان هيك ما بنام ما بغفى خوفا من الغاز بالليل وعلى أهلي واخواتي وهم نايمين
ما لحقت اجري اعمل كمادات انا واخوي لكل الدار ، كمادات شاش جواه بصل وبنبلل الشاش وبنضل نستنشق فيه
حسبي الله ونعم الوكيل فيهم
كل الي بدي ياه تخلص هالحرب على خير وأنزل أتطوع في تعمير البلد ، ننزل دعوات عامة للتطوع بدل اخبار القصف كل شوي وكلنا من هان ننزل نشارك نعمر الشوارع وننظفها ونعمل الي بنقدر عليه زي الحرب الفاتت ، يارب كل حد بتويتر اشوفه ع خير ونعمر سوا وننظف سوا ، يارب نعيش ونشوف هالأيام
🚨🚨🚨🚨🚨🚨🚨🚨
يا عالم غرقونا غاز فسفور عنيف الاتجاه الي بيقصفو فيه اتجاه مهب الريح على كل المدينة بدهم يقتلونا بمهم يقتلونا يا عالم ضلكم انشرو عنا النت ممكن يفصل
عنيا بحرقوني مش قادرين ناخد نفس
الآن فهمت خوف أُمي، لأجل هذا تركنا بيتنا ونزحنا من منطقتنا الشفاء بل من غزة كلها، مش عارفة كمية الذنب يلي كنا رح نحس فيه لو أصرينا الحمدلله استخرنا الله.
كل ما أصرينا الصمود كانت تقول أمي : " عشانكم، انتم بنات يا ماما، مش فاهمين الدنيا واليهود"، لأجل هذا الخبر تخاف أُمي الاجتياح
أنا قاعدة بنص هاد السكون المليئ بصوت الزنانات والطيران الحربي، أهلي نايمين وانا صاحية فش ضو سامعة صوت دقات قلبي، جسمي بتحرك من دقات قلبي بس ! وكل شوي بسمع صوت المسافة ما بين الصاروخ وهو نازل من الطيارة للأرض الها وبعد ثواني انفجار بمكان ما الله يستر على مين
صوت ��ارات عنيفة
يارب
اللهم إني أسلمت نفسي إليك، وفوضت أمري إليك، وألجأت ظهري إليك رهبة ورغبة إليك، لا ملجأ ولا منجى منك إلا إليك.
هذا آخر ما لدي، رح اطفي تويتر واستغل الوقت في اللجوء لله.
بفوت لحتى أطمنكم حسب النت
* كل التغريدات يلي نشرتها اليوم كتبتها مبارح ونزلو بس اجا النت
في أمان الله
أختي الصغيرة في وسط الي بصير صنعت الي اسوارة بألواني المفضلة وأرفقت كلامات عز علي سماعها.
"هاي الاسوارة الك لو صار اشي ضلي تذكريني فيها"
كتير تأثرت وزعلت انو طلع منها كلام خوفا من الفقد لحد ما کملت كلامها ب
"ان شاء الله ما بصير اشي وبتدفعيلي حقها بعد الحرب يحبيبتي"
ابتسمت للبراءة
هذه الحرب سنتنهي يوما ما لكن هذا العار لن ينتهي، لن ينسى ولن يغفر.
هذا الخط الأحمر الذى يتفوه به السفيه ليست مطالبنا ولا آمالنا، سنلجأ إما إلى لقاء الله أو القدس، باقون في غزة أرضنا.
يا ويلكم من الله
حرب 2008، استمرت 23يوم، 1430 شهيد
حرب 2012، استمرت 8أيام، 180 شهيد
حرب 2014، استمرت 51يوم، 2322 شهيد
حرب 2021، استمرت 11يوم، 250 شهيد
حرب 2022، استمرت 3أيام، 49 شهيد
حرب 2023، اليوم ال 51، 20 ألف شهيد (حتى الآن)
عشت كل هالحروب وعيت على 4 ونجيت لحتى الآن، متخيلين ؟
الحمد لله
دبابات الاحتلال اقتحمت معبر رفح الآن، عظم الله أجرنا.
مشهد أننا عالقون هنا للأبد، التخيل أنهم سوف يتفردوا في قتلنا في هذه البقعة الجغرافية الصغيرة بلا مخرج للنجاة وكأنك لا تستحق الحياة، أمر يستحق البكاء.
حسبي الله ونعم الوكيل
ما صحت الي ولا مرة أشكر الناس الي هنا، شكرا لكل حد بيسأل وبتطمن وبدعي، بعمري ما توقعت كم هالناس تدعيلي، يا الله شو بتأثر وبتهونو كتير ولو بكملة
عنجد من القلب للقلب شكرا.
بحترم جهود الجميع في توصيل الرسالة بأي لغة او كلمة كانت، وإن خذلنا الحكام، نعرف نخوة الشعوب. شكرا لكم ❤
انا يا جماعة مش قادرة اوقف على رجلي من الرعب من كتر القصف من الصوت الي بصير وحوش حاقدة
الناس بتنازع بالشارع بتصرخ يا الله كمية الرعب في الاحزمة النارية عارف شو يعني حزام ناري يعني يبيدو خط واحد من المباني بشكل عشوائي
بعرفش شو بكتب حرفيا فش بوجهي دم
وبعدين عاد ، لمتى رح اضل انزل تغريدات هان كأنها اخر تغريدة ، كأنو آخر كلام
خلص طفح الكيل
قلوبنا بطلت تتحمل لا مشاهد و لا غيره، جوا روسنا قصف وصداع من كثرة القصف،
لا كهرب لا ماء لا طعام والهواء ملوث
بالله شو ضايل مقومات للحياة
احنا بنستمد الحياة من قوة إيمانا في الله
حسبنا الله
أتمنى يتم توثيق اللحظات الأولى لخروج الأسرى الفلسطينيين ولقاءهم مع أهلهم.
لحظة إدراك حريتهم،
نعم خسرنا ما خسرناه وفقدنا ورأينا ما لا يطيقه أحد لكننا دفعنا ثمن حرية هذه الأرض سويا.
أحدهم دفع عمره أسيرا والآخر بدماءه والآخر خسر بيته وأهله وكل ما يملك.
يارب يكون سبيل للحرية والتحرر
استمرار الحرب وانقطاع تيارات الكهرباء لايام وتجويع قطاع غزة هذا ما يخلفه فساد الاطعمة والخبز بحالته السيئة ، يعني حتى الذى أمن نفسه بالغذاء، طعامه يفسد
احنا وجيرانا، ملتزمين بيوتنا والحامي الله
أكثر من نص المنطقة هاجرو ونزحو من اول الخبر، لو بدنا ننزل فش مجال اصلا
ف اللهم تحمينا وانصرنا وأطفأ نار هذه الحرب
لا تكونوا جزء من الحرب النفسية وتشعجوا على التهجير لا تخلوا الناس يتركوا بيوتها كل يلي عم بصير لعبة من اليهود لحتى الناس تتهجر وتترك بيوتها لا تعيدوا الماضي.
#نموت_ولن_نرحل
أسأل الله أن يتقبلني من الشهداء والله لأشكيكم عند اللقاء كل حاكم عربي متخاذل ساقط، كل حد طالع بأيده يوقف الي بصير سواء بدعم او بقطع اسرائيل، انتم خصمائنا أمام الله يوم القيامة والله لأبكي لرسول الله واشكي يا رسولنا انظر كيف تركونا،تركو الدين قبل أن يتركونا وأبكي له بكاء يشفي روحي
في فجر اليوم
مدينة أشباح خالية من معظم السكان، الضباب سائد في المدينة، أرى الحزن البليغ في السماء في الغيوم الرمادية والسوداء، لونها الحزن والمأساة.
حزن أعمي في هذا الليل؟
لا اعتقد يا عروة، ما يحصل هنا يفوق الحزن، جرح في القلب مازال ينزف ألما
تعز علي نفسي ومديني
يعز علي ما أراه
منذ البارحة وإلى الآن لم يتوقف القصف خمسة دقائق حتى
مازال القصف الصهيوني"الإسرائيلي"العنيف باجرامه مستمر إلى الآن أسمع انفجارات عنيفة وصوت زنانات وطائرات الحربية تحلق فوقي
انه من المؤلم أن صاروخ واحد يمكنه أن يقتلني مع عائلتي ويقتل أحلامي وطموحاتي كأنها لم تكن
" احنا ميتين مع وقف التنفيذ، بنستنى بس يجي وقتنا"
امي وجعت قلبي من قهرها وفرط تحملها نفجرت
خايفة ليلة مبارح تتكرر بس علينا، الله لا يقدر
بطل فينا طاقة واعصاب
أنا لسا عايشة لحتى الآن !! الحمدلله
I'm still alive until now,Allhamdulla, every day we're dying every second here in the night and the light.
😭💔 I can't find a words to Express what happened in Gaza is violent, Bloody and brutal.
may we're next,there's no place safe here
طائرات الاحتلال "الإسرائيلي" الصهيونية تلقي مئات قنابل غاز الفسفور المحرم دوليا في منتصف الليل لقتل المدنين خنقا وهم نيام، النازحين ينامون في الشوارع بلا مأوى، وبالجرم المشهود يستمرون في إلقاء الغازات القاتلة
بالكاد أستطيع التقاط أنفاسي من الاختناق مضت ساعة ونصف ومازالت تلقي #غزة
صوت إسعافات بشكل جنوني وقصف عنيف جنوني بسمع انفجارات من مكاني، بدي انجن النت فصل باكتر وقت بدي اعرف شو الاخبار.
قلبي زي النار ومش متحملة افتح نت اشوف اي خبر لانه بكفي الي بصير، يا الله يا الله
إليك المشتكى
بحلفكم كل ليلة تدعو للمقاومين
يا الله الصوت ياالله الاشتباكات، يا الله
على أرض بيقاتلو بري وفي السماء إضاءات انارة للكشف عنهم بمجرد ما يلمح حركة بدكو المكان قصف كله، غير الطيارات الي بتطخ عليهم رشاشات والزوارق البحرية والمدفعيات.
ضلكم ادعولهم ضلكم ادعولهم
من ال 12 لل9
الله يحميهم
صلينا استخارة نطلع من منطقتنا مبارح وطلعنا بسلامة الحمدلله،حكمة ربنا سبحانه وتعالى، عاد اخوي الله يحفظه كل يوم او يوم بعد يوم بروح بشوف أصحابه الي بمجمع الشفاء بتطمن عليهم إذا بدهم اشي،نص ساعة ربع ساعة، إمي قلبها بكون زي النار بس بحكيلها مش رح أطول، كيف هيك بثواني 60 شهيد يا الله
72 ساعة ضله ماسك ايدها لحد ما استشهدت !!طفلة صغيرة كل جسدها تحت ضغط الركام ماعدا وجهها وايدها، 72 ساعة يحكي معها ويضحكها ويطعميها ويصبرها لحد ما البنت فقدت القدرة على التحمل واستشهدت وهي ماسكة ايديه، 72 ساعة من العجز ما قدر يرفع حتى جثمانها من الركام
صبر الله قلبه، عظم الله أجره.
ما بدي احكي صمت لكن ما في سكوت للمقاومة بكون عالفاضي، إلا فيه اعداد لشئ احنا متأكدين من سماعه، بعيد وبكرر احنا ك شعب على ثقة تامة بمقاومتنا من اي فصيل كانت كلهم مقاومين مجاهدين في سبيل الله مدافعين عنا وعن القضي.
ربنا يحفظهم ويحميهم ويحقق لهم سورة الأنفال الي بنقرأها بنية نصرهم.
اتطمنو، احنا بخير الحمدلله
غيرنا مش بخير كيف بدي اكون بخير، لما قرايبنا يخلو ويتركو بيوتهم وينزحو كيف بدنا نكون بخير ، لما أصحابنا يطلعوهم من تحت الركام كيف بدنا نكون بخير ؟
الحمدلله على كل حال، ما لنا إلا أن نصبر ونحتسب ونقول الحمد لله رب العالمين
اللهم إن لنا إخوة دخلوا على عدونا الباب
نصرة لدينك وتحريرا لأسرانا ومسرى نبيك محمد صلى الله عليه وسلم فاجعل لهم أسباب القوة والتمكين والغلبة،
اللهم آنس وحشتهم، أنزل السكينة في قلوبهم، اربط على قلوبهم ثبت أقدامهم، امددهم بمددك وقوتك ونصرك
اللهم نصرك الذي وعدت به عبادك المؤمنين
نزل مطر غزي�� اليوم
من أول نوفمبر بدعي يارب أخر الشتاء والبرد والمطر
يارب يا حبيبي هون على إخواننا النازحين في الخيام والمعرضين للمطر اللهم كن عوناً لإخواني واخواتي في مدارس الأيواء.
يارب دفئا ورحمة وطمأنينة على عبادك المستضعفين يا رحيم يا الله
اللهم كن مأواهم فلا مأوى لهم سواك.
لقيت بالدايركت ناس بتسأل عن ناس من تويتر اي حد بيسأل حطو حساباتهم هان والي بيعرف يرد عليهم او يطمنهم
ما عرفت الا شخصين وهم بخير
الباقين ما بعرف حد، ربنا يطمنكم
ماتو الأطفال الخُدج يا مؤسسة الصليب الأحمر، ارتاحو.
طوال 50 يومًا رفضتو إنقاذ أطفال خدّج من الموت والقصف والان جثثهم تحللت في مستشفيات الشفاء والنصر ، أما عند صفقة استلام الأسرى الاسرائيليين هرع بسياراته لإخراجهم من القطاع !
حقيرين، منافقين !!
الله لا يسامحكم لا دنيا ولا آخرة
أثناء اعتقالات الاحتلال الصهيوني القذر في حي الشيخ رضوان، طلعو النساء والأطفال ولما أخذو الرجال
قتلو ست عجوز عشان حكت سيبوه قدام ابنها
أطلقو النار بنص راس طفل عيط بنادي على أبوه، أعدمو الولد قدام والده.
ضربو امرأة حامل بالسلاح
جارتهم صابتها سكتة قلبية وماتت
بس هيك كمل يومك
أخبروها أن تخرج من بيتها في خانيونس لأنه سيقصف و قتلوها مع طفلتها برصاص القناص أمام بيتها في الشارع.
سقطت شهيدة مع ابنتها التي تبلغ خمس سنوات والآخرى عمرها سنتين .
لازال جثمانها مع طفلتيها في الشارع، من يمر من هناك يتم قنصه، يا حسرة أهلها وإخوتها.
حسبنا الله ونعم الوكيل.
في حوار دار بيني وبين صديقتي لما اعلنو عن انقطاع المياه
" مجد حيفصلو المي،الكل حيتحمم باقتصاد، باردة فش كهرب للسخانات، ما قدرت أتحمل.
:بعرف الكل رح يقتصد، فتت اتحمم كل ما حسيت ببرودة المي تذكرت الناس الي حسو بنار القصف لما وقع عليهم انهرت بالحمام وانهمرت بالدموع وكملت، جربي هيك"
نفسيتي تدمرت لما سمعت انهم معلقين علمهم بشوارعنا، مديتني التي لا تقهر علقو فيها أعلامهم!!!!!! فوق الأرض الي أراقو فيها الدماء والقتل والأشلاء !!! يا الله القهر، بدي أرجع غزة أحرق كل اشي علقوه.
قلبي بطل يتحمل
خابت آمالكم، فليخيب الله آمالكم
غزة أنا مش طالعة منها، لن نسمح بتكرار تاريخ النكبة والهجرة، على جثتي وأنا مش احسن من الي استشهدو، باقون في الأرض بإذن الله
قل لن يصيبنا إلا ما كتب الله لنا
غزة النا والأرض النا والرباط النا
هذه الأرض لي، هذا البحر لي، هذا الهواء لي
هذه السماء لي
ضلكم ادعولنا، الدعاء هو أثمن وأكتر اشي احنا بحاجته، عندي ايمان بقوة تأثير الدعاء، ادعولي ولأهلي بالنجاة والسلامة لا فاقدين ولا مفقودين.
النت مش دايما بالليل بكون لكن من الساعة 11 حتى التاسعة صباحا ادعولنا، وقت ما ببلش القصف العنيف وما بوقف
في أمان الرحمن
استودعكم الله
يا الله مين بده يحكي الي بصير من بعدي
مين بده ينقل الحدث والمشاعر في قلب ووسط الحدث، يا الله
يارب حد منكم من هان يطلع يحكي يكمل ينقل
يارب يارب بس نجيني لأحكي للناس ليسمع العالم يارب نجيني انا واهلي وجيراني وأحبتي والجميع يارب
حاسة بحكي بوقت الكل فيه مختفي ليه
الكل هان نازح
فتح المعبر الفلسطيني المصري الي تحت سيادة وتحكم عربي، إدخال المساعدات والاغاثات الطبية، إدخال وتوفير الوقود.
كله بجهود المقاومة فقط لا غير الفضل لله ثم لهم ولا أحد بعدهم.
ثمنها الجوع والبرد والموت بالبطيئ الي بصير أما الجهود العربية وبطولاتكم الكاذبة خبيها في عبك واحتفظ فيه.
أصبحنا في زمن تغضب منه النساء لأعراض النساء، في زمن تعلو أصوات النساء نصرةً للنساء، يا ليت جوارنا مغرب ❤️ اللهم احفظ نساء المغرب واسترهم في الدنيا والآخرة.
فليستحي الرجال
اعقدو نية الصيام، في ظل الي بصير الواحد هيك هيك ما الو نفس لا يأكل ولا يشرب، دوبه يسد جوعه وعطشه، نفسي مسدودة عن كل اشي، حرفيا عن كل اشي
ف استغلو نية الرباط مع الصيام مع أجر الصبر والبقاء في الأرض، لعلها آخر ايامنا ومن أحب لقاء الله أحب الله لقاءه.
اعقدو النية وصومو
نغم شهيدة.
استشهدت ولسا ضايل ساعات على الهدنة، يا الله ما أصعبها الله يرحمها ويصبر أهلها وحسبي الله في هيك احتلال قذر.
ادخلو حساب نغم وابحثو عن ذكر اقرأوه ورددوه وانشروه لعله صدقة جارية عن روحها.
الله يلعن هيك احتلال وهيك عدو.
لقط اشارة نت.
بتمنى ما تكون هاي آخر كلماتنا، ويارب ما أرجع أفوت ألاقي حد من التايم مستشهد خصوصاً أصحابي لأني بحب كل حد عرفته الفترة هاي ويارب ما تشوفو فقد بأي حد جميعاً.
أستودعكم الله جميعا، ربنا يحفظكم لا فاقدين ولا مفقودين
طول الليل القصف شغال عنيف، حتى بعد ضربة المستشفى لازالو قصف قوي جدا قريب وبعيد طائرات حربية وزوارق بحرية، بعد صدمة الأكثر من ١٣٠٠ بمستشفى المعمداني
الواحد مش عارف ايش يقول ، ما ضل حكي
حيوانات مفترسة متعطشة على إراقة الدماء
على رأسهم الأفعى أمريكيا
الله يلعنكم يا كلاب
ضلكم ادعولنا
الاتصال والتواصل مش مضمون متى يجي متى يفصل، وصلني من ناس قلقكم اتصلو على أهلي. طمنت اي��ان تطمنكم عني.
حتى لو فصل ضلكم ادعولي ولأهلي
ياريت النت بكفي اشوف شو بتعلقو وشو بترسلو
دوبني نشر، جوالي طفا فيه كلام بالمسودات بكرا لما اشحن بنشر
أستودعكم الله
في أمان الرحمن