قصيدة قالها قبل عشر سنوات
اليوم صايرة ترند بروسيا ويسألون عن معانيها وترجمتها !
الشاعر مشعان البراق ابتعد عن الشعر لأسباب مانعلمها وحسب ماسمعت انه رجع بالفترة الاخيرة، إعلام الشعر الان بيتسابقون عليه ولكن السؤال الي يطرح نفسه، وينكم عنه بالفترة ذيك وليش ماتأهل لشاعر المليون 🤔
إذا كان اعظم بيت هجاء بالفصحى بيت جرير الغني عن التعريف /
فغض الطرف إنكَ من نميرٍ
فلا كعباً بلغت ولا كِلابا
-
فما هو اعظم بيت هجاء بالنبط والشعر الشعبي ياهل الشعر ومحبينه ؟
شاعر معروف كان مسجون بسبب مبلغ مالي
وأمر الملك سعود بسداد دينه واخراجه من السجن
ولكن سدد ديون خوياه وطلّعهم وترك نفسه بالسجن!
كنت اسمع بهذي القصة من زمان وحطوها لأكثر من شخص لكن صاحبها الحقيقي هو صاحب الابيات الشهيرة /
مادام جودات الفتى من ذراعه
فانا طويل الباع ماني بمجهول…
سمع منه
وخلاه يتكلم براحته ويقول الي بخاطره
وبعدها ارتجل بابيات وبكلام مايقوله الا شيخ شداد وشيخ فعل، وكان الرد اقوى من شرهة الشخص المتحدث رغم العتب الحاد جداً ..
حفيد مصوّت بالعشاء ابن مهيد ..
شابت شواربنا وشابت لحانا
وبار الصديق اللي عرف سر مخباي
يقول عانوا خالي الجيب جانا
مايدري ان الجيب تخليه يمناي
-
بيتين ثمينة لـ صالح بن جهز الدلبحي رحمه الله
تراني ازبنك يوم الناس تزبني
والناس للناس من يوم الله احياها
-
قبل اعرف قصة البيت هذا ، شد انتباهي جداً ويوم عرفت قصته كبر بعيني زيادة ..
شاعره سعيد بن حنس الذيابي
والممدوح الشيخ العقيد علوش بن بدر بن ربيعان رحمه الله
يروي شاعرها القصة بلسانه :
كان عسكري بالحرس الوطني…
النوم ساس اللوم بان الردى به
عينٍ تبي الطولات نومه شلافيح
الذيب مايرقد .. ورزقه نهابه
يدوّر الغرات عند المصاليح
-
الشاعر والفارس مريبد العدواني من البجايدة من عنزة
تقول العرب بأن أعظم ماقيل بالمدح بيت جرير بالخليفة عبدالملك بن مروان -
الستم خير من ركِب المطايا
وأندى العالمينَ بطون راحِ
-
هذا كان بالعصر الاموي لكن بعصرنا وعصر الشعر الشعبي وش اعظم بيت مدح كتبوه الشعراء ياهل الشعر ؟
سجين شمري كان محكوم عليه قصاص
وطلب يروح يسلم على والدته قبل التنفيذ ويخرج من السجن لمدة ثلاث ايام فقط!
والقصة كانت بوقت الفريق اول علي المشعوف
( من اجمل ماسمعت بالوفاء )
القصيدة هذي مايحفظها الا شخص واحد من صعوبتها ولا اعتقد فيه شخص غيره يحفظها !
لها قصة جميلة مع ابن سليم امير عنيزة قبل ١٥٧ سنة
شاعرها محمد القاضي والراوي ابراهيم بن رديعان بحث عن القصيدة وسافر للكويت عشانها وحصلّها اخر شي عند اهل عنيزة ..
هل توجد شاعرة من ١٠٠ سنة ليومنا هذا قدرت تكتب بيت اشهر من هذا البيت ؟
الي يبينا عيت النفس تبغيه
والي نبي عيا البخت لايجيبه
-
انا متأكد لو تمشي من نجد للعراق عرفوه ..
اسامي كان دخولها خطأ بمسابقات الشعر
ناصر الفراعنة - ياسر التويجري - محمد بن الذيب - مدغم ابو شيبة - سعد بن جدلان
ياسر وابن الذيب كانوا اذكى من المسابقات وانسحبوا من بدري ..
عندكم اسماء غيرهم ؟
من مال قرمً ينفض الكيس باسبوع
نجره لجيرانه من النوم يوعي
-
البيت هذا من قصيدة كتبها الشاعر العلم عبدالله بن زويبن، بعد ماكان فيه نقاش بين الشعراء بوقته وكان مضمون النقاش ..
هل الفنجال الاول يساق للشجاع ولا الكريم ؟
وابن زويبن رحمه الله كان له راي آخر ..
/
صبه على الي…
بنت شيخٍ كل ربعه خابرينه
ينطح العسرات ويفكك عقدها
تنوخذ بنته ولو ماهي بزينه
ان ماسرك زينها سرك ولدها
-
هذي الابيات مايقولها الا شاعر فيه عرق إمارة وعرق شيِخة
(خويّنا مانصلبه بالمصاليب)
بسبب موقف مشرّف عن الخوّة تم تسمية العائلة كلها بعائلة (الضلعان) من اهل الرس عام 1280 هـ تقريباً، والقصيدة من اجمل ماسمعت عن الخوة، حتى اصبح الشطر هذا مثل شعبي شهير إلى يومنا هذا ..
صاحب القصة والقصيدة /
محمد بن منصور الريّس "ابالضلعان"
مساكم الله بالخير ..
فيه ابيات صارت امثلة شعبية شهيرة مثل بيت الفارس حجرف الذويبي /
يرزقني رزاق الحيايا بجحرها
لاخايلت برقٍ ولاهي بحايله
-
وش سمعتم ياهل الشعر ومحبينه عن الابيات الي صارت امثلة معروفة ؟
بغيت اعدل مايل الناس وازريت
ازريت اعدل مايلٍ في ضميري
-
هل تعلم ان صاحب هذا البيت متوفي قبل ٩١ سنة رحمه الله، يعني على اقرب احتمال يبلغ عمر البيت اكثر من ١٠٠ عام ومازال متداول بوقتنا هذا ..
للشاعر ساير بن راجح بن عجل الهويملي الحربي
بعد عشرين سنة رجع للسعودية وشاف كفيله لكن ماتمالك نفسه ..
من عاش بفضل المملكة وشعبها ورجالها ماينساهم ولا ينسى عشرتهم وطيب سيرتهم
(اللي بالمقطع الشيخ سمير بن سعير الحربي)
ماني ولد من طول عمره وهو ضيف
انا ولد .. من كثر الله خيره
-
شخصياً لم اجد اجمل من هذا البيت عن الأب للشاعر ابراهيم الحبيرتي، لكن علمونا وش اجمل ماسمعتم انتم ياهل الشعر ومحبينه ؟
استشهد والده بمعركة السبلة تحت راية الملك عبدالعزيز طيب الله ثراه وكان عمره قرابة عشر سنوات واخذه الملك عبدالعزيز بيده واجلسه على رجله كواحد من ابنائه وقال له، والدك استشهد اليوم واعتبرني من اليوم والدك، عيّن مستشار بالحرس الوطني ثم أمير الفوج الواحد والاربعون بالمدينة المنورة…
ياشينها لاصرت للناس محتاج
تصغر بعين الناس من شان حاجه
-
بيت قديم جداً ولا اعرف من صاحبه للأسف لكن علمونا ياهل الشعر وش سمعتم عن الحاجة ؟ هذا الموضوع الي اكاد اجزم ان ٩٠ بالمية من الشعراء كتبوا عنه ..
بعد تغريدتي الاخيرة استغرب ان فيه ناس مايعرفون الي حصل مع رشيد الزلامي والتنبأ الشهير بحرب الخليج ..
لكن هذي القصة والابيات كاملة من فم شاعرها يوم كان عسكري بالكويت رحمه الله ..
حرب القرابه !
الشعراء تكلموا بهذا الموضوع الحساس بطرق كثيرة /
بن سجوان الرويس:
يمنى بلا يسرى تراها ضعيفه
ورجلٍ بلا ربعه على الغبن صبار
٠
ومن الكويت سعود الفهد:
حرب البعيد يوحد الصف ياحمود
بس البلا ياحمود حرب القرابه!
-
وش قالوا الشعراء ياهل الشعر بهذا الموضوع وعطونا ارائكم؟
فيه قصايد بالمدح صعب نسيانها وصعب تكرارها مثل قصيدة مطلق الطايعي بالشيخ مسلط ابوثنين، جمعت مابين الجزالة والوصف الدقيق من مطلعها حتى اخر بيت تشدك وكل مالها تزيد قوة
-
لكن علمونا ياهل الشعر ومحبينه وش اجمل قصيدة مدح سمعتوها ؟
ليش دائماً اذا شفنا مثل هذي المقاطع نشوفهم مبتسمين ومبسوطين بالرغم ان حياة اول صعبة جداً وقاسية وكثير بوقتنا الحالي مايقدر يتحمل ذاك الزمن لو رجع له ..
اتساءل دائماً وش سر سعادتهم ؟
لاتوجد نرجسية في تاريخ الشعر مثل نرجسية المتنبي في بيته الشهير /
انا الذي نظر الاعمى إلى ادبي
واسمعت كلِماتي من به صممُ
-
لكن هذا كان بالعصر العباسي ونبغى تعلمونا ياهل الشعر ومحبينه عن اجمل بيت نرجسي سمعتوه بعصرنا هذا ؟
ماكان مجهز الكلام هذا ولا مرتبه وطلبوا منه المشاركة ولكن اذهل الجميع ماشاء الله وقال كلام عن محاضرات وندوات بعفوية البدوي الاصيل ..🤍🇸🇦
( الشيخ فهد بن بدر بن نحيت )
اعلم جيداً ان جميع قصائد الشاعر عبدالله بن زويبن رحمه الله شامخة ولن تتكرر في ساحة الشعر، لكن هذه القصيدة لابد كل بعد فترة اعيدها واكررها وكل مره اسمعها كأني اول مره اسمعها ..
وانتم ياهل الشعر وش اجمل قصيدة سمعتوها للشاعر الكبير والرمز عبدالله بن زويبن المعمري الحربي ؟
خفيف العقل ياسرع ماينكشف خافيه
يحسب العرب جهال يوم اتجيهل له !
تعرض له الكلمة مثل خوذة التمويه
وينثر رصاصه .. من بطن بندقه كله
-
الوصف هذا لابد مايواجهك بيوم من الايام للمبدع رزيّن السلمي
الشاعر عبدالله بن مجحود قام في لزوم شخص ولكن ماكتب الله له نصيب بالموضوع، ومن وجهة نظري انه بعد البيتين هذي كسب الجمالة على اكمل وجه /
مرحبا والعذر بشت وعود هندي
عيضةٍ لك في لزومٍ ما تهيّا
،،
انت تبغى حاجةٍ ماهي بعندي
جيت راعيها على شانك وعيّا
عندك خبر من هاش من دون حله
ماينطحه بالهوش حمر الطرابيش
يقلط على الصابور لعيون خله
لو قدمه العجمان ولا الحناتيش
/
ابيات سارت بها الركبان ولا يوجد شخص مهتم بالشعر يجهلها - القصة والقصيدة كاملة مع شاعرها بعد ماشاف الخيل بالوقت الاخير ..