لماذا يكون على الأبناء الامتنان للأم على متاعب الحمل وآلام الوضع؟ الأبناء لم يطلبوا مننا المجئ لهذا العالم، نحن اتخذنا القرار وجئنا بهما ستجابة لرغبتنا وتلبية لحاجتنا، فلا داع لتحميلهم هذا الجميل
الراقصة الشهيرة،الهرم الرابع،الأم المثالية، صفعت المجتمع والدولة بما يتعدى حدود الانحطاط
دعونا من المجتمع فقد لا يهم أحدا
السؤال هو: هل يقبل المسئولون أن تنتشر هذه البذاءات فى العالم العربي بوصفها دفاع عن الدولة ورأس الدولة؟
السكوت علامة الرضا
#حاكموا_الراقصة_البذيئة
رجاء ريتويت
لا شك إن عمرو واكد غلط غلطة فادحة تستحق الإدانة، ثم محى التغريدة واعتذر اعتذار صريح.
لكن كمان لا شك إن فيه توظيف سياسي ممنهج لغلطته ومن ناس عمرهم ما احترموا أي قيمة ولا عمرنا شفنا لهم موقف مبدئي أو أخلاقي وغالبيتهم ردوا عليه بأسوأ مما قال وطعنوا في أمه وزوجته.
المبادئ لا تتجزأ
الله يرحمه، تحسب له هذه التغريدة، الحقيقة من أغرب الدعاء اللي باسمعه في المدافن ومش عارفة أصله إيه
زوجة واقفة مفجوعة وقلبها مفطور على زوجها اللي هيغيب للأبد تسمع دعوة إن ربنا يبدله زوجته بأفضل منها
مستغربة جدا إشاعة استغلال الطالبات لزملائهم وتحذير الشباب من الاستغلال وكأن القاعدة إنهم بيساعدوا الطالبات:
جبتوا الكلام ده منين؟
عشرات السنين بادرس في الجامعة والقاعدة إن البنات همه اللي بيبيضوا المحاضرات ويلخصوا المذكرات ويصوروا نسخ الاوراق اللي بتتوزع وكأنهم سكرتارية لزمايلهم
مضطرة اقول إن اللي بتفتي دي رسالة الدكتوراة بتاعتها في ألمانيا كانت عن الأمن الغذائي في مصر واتنشرت الرسالة مرتين ككتاب برقمين إيداع دولي ومن سنتين صدر لها كتاب في روما عن الزراعة المصرية
بين كل المخاطر التي تتعرض لها مصر داخليا وخارجيا، فالكون- نخنوخ الأخطر على الإطلاق.
هذا تغير نوعي يختلف عن كل ما سبق، من شأنه أن يفتح الباب لتداعيات كارثية غير مسبوقة في تاريخ مصر الحديث
العالم بيمر بأزمة غير مسبوقة بسبب الوباء وآثاره، والدول بتسعى بكل الطرق لدعم المواطنين والتيسير عليهم، إلا إحنا دونا عن خلق الله مش ملاحقين كل يوم قرارات وقوانين ورسوم وإجراءات وارتفاع أسعار ، كلها بتطحن في المطحون.
حتى لو دي قرارات سليمة استنسبوا الأوقات، ده الضرب في الميت حرام
ما اتعودتش، ساعة قطع الكهربا حسيت بالإهانة كأن حد ضربني بالقلم على وشي.
حقيقي الإهانة هي الشعور الطاغي مش الغضب ولا الزعل على العطلة ولا الخوف على الأجهزة.
محمود الليثي عامل فيديو بيقولك كلها بقت نقاد، كله بيقول رأيه، ما تتفرج وانت ساكت!
حتى الممثلين عايزنا نحط لسانا في بؤنا ونسكت عن هذه الأعمال الرديئة! كلها سيسي يا استاذ ليثي؟
لكل اللي نزلوا زي النهاردة وهمه مش عارفين هيرجعوا ولا لأ.
لكل اللي منهم رجع بيته وعاش شايل في جسمه علامة
لكل اللي في البيوت دعوا لهم والخوف ماليهم.
كل سنة وانتم طيبين
لكل أهالي الشهدا ما اقدرش اشيل عيني من الأرض واقول أي حاجة.
لكل اللى قتل واتآمر وسرق الحلم
مش مسامحين
#جمعة_الغضب
بدل ما نحارب الدروس الخصوصية وندعم ونطور التعليم في المدارس نقنن الدروس الخصوصية وندق آخر مسمار في نعش التعليم.
بدل ما ننقذ صناعة الدواجن نستورد فراخ مجمدة ونقضي على الصناعة.
بدل ما نحمي أصحاب السيارات من بلطجة السياس نرخص السياس ونخللي البلطجة قانونية
مجرد أمثلة
هو فيه إيه؟
الساعة ٢ إلا ربع بدون سابق معرفة اتقطعت الكهربا، وشخص بياخد حمام قلبت الميه ساقعة عليه، وشخص في الأسانسير بيحاول حارس العمارة يطلعه يدوي، وشخص بيشتغل على الكومبيوتر ما يعرفش إيه اتحفظ وإيه ضاع ولا لو الجهاز نفسه خرب، وشخص عنده ميعاد مش قادر ينزل.
دي عينة عشوائية لحياة العبيد
أكتر من طالبة من طالباتي في الدراسات العليا اتحولت حياتها جحيم أو اتطلقت بسبب الماجستير أو الدكتوراه
عمري ما هانسى طالبة دكتوراه كانت بتذاكر بالليل في الحمام علشان زوجها لو صحي ما يظبطهاش بتذاكر، والحجة ان ابنهم مرة ارتفعت حرارته فقال ده بسبب انشغالها بالمذاكرة ومنعها تذاكر تاني
لم أكن أعرف عن وزيرة الصحة الجديدة ما يكفي لتكوين رأي بشأنها، قرار إذاعة السلام الجمهوري في المستشفيات يغني عن أية معلومات، الآن أعرفها بما يكفي.
كل يوم يتأكد مجددا: لسنا في أيد أمينة. لنا الله
بجد فرحانة لهم لكن في الوقت نفسه حاسة بمرارة العلقم، لما كانوا في مستنقع الوهابية جرونا معاهم وصدروا لنا التخلف وصرفوا على نشره مليارات، لكن طبعا لما خرجوا من المستنقع بمعجزة خرجوا لوحدهم، وده مش لوم لأن الخروج من المستنقع مسئولية كل شعب وكل فرد
رحل اليوم الأستاذ أحمد خليل زوج الفنانة محسنة توفيق ووالد الأستاذ وائل خليل
العقول الجميلة نادرة والأرواح الجميلة أندر. الراحل جمع بينهما
لم يقلل من الشعور بالفقدان اقتصار العلاقة على عالم تويتر
خالص العزاء للأسرة ولكل من سيفتقدوه مثلما سأفتقده
لو المعيار في موقف الدولة من الدروس الخصوصية هو الإيرادات، فالمخدرات إيراداتها أكبر.
الدروس الخصوصية مش تعليم دي تدريب على مهارة اجتياز الامتحانات. الطلبة بيدخلوا الجامعة بدون أي أدوات تفكير.
التعليم مش دوره يدخل للدولة إيرادات، دوره يؤهل الإنسان ليحقق الإيرادات لنفسه وللدولة
ما جدوى إنشاء كاتدرائية تبلغ سعتها ثلاثة أضعاف كاتدرائية العباسية في منطقة لا ولن يمثل سكانها عشر سكان القاهرة؟
ما وجه العجالة أو الإنجاز في إنشائها فى سبعة أشهر؟
والأهم، هل الأفضل للمسيحيين الصلاة بأمان فى كل ربوع مصر أم إنشاء كاتدرائية جديدة في مكان معزول؟
عيد سعيد 🌹
عرفت النهاردة إن طابور عيش التموين بيبدأ حوالي ٤ ص والفرن بيفتح ٧ والناس اخترعوا نظام الحجز بالقفص الجريد اللي بياخدوا عليه العيش، بيروحوا يحطوا الجريدة المتعلم عليها ويمشوا ويرجعوا لما الفرن يفتح والكل بيحترم النظام ده.
لأن بكده يقفوا ساعة ولا ساعتين "بس"
في شرع مين الذل ده؟
بعد تقديم مذكرة تثبت «عدم نيته»..
النيابة تقرر الإفراج عن نجل البرلماني محمد الحسيني المتهم في واقعة قتل عامل نظافة وضربه حتى الموت بمنطقة #بولاق_الدكرور، وتسليمه لوالده بعد تعهده بحسن رعايته وتنشئته
من المصري اليوم:
أحمد فقد عينه في مشاجرة وضرب نار، هو فقط قرر يمنع أمه من الزواج:"أمي مش هتتجوز حد بعد أبويا ولو على جثتي علشان ما حدش تاني يفكر يتقدم لها" وأفاد الجيران "احمد مالوش أي ذنب رفض زواج والدته وده حق من حقوقه المشروعة"
السؤال بقى مشروعة دي جت منين؟ لا دين ولا قانون
الفيديو ده كارثة وفضيحة
د. السيد الطيب مدير شركة الكوك والكيماويات :
جاتلنا اوامر ممنوع الشركة تكسب !!
وبرغم ان الشركة حققت ارباح كبيره لكن تم تسجيلها كشركهة خاسرة وضيعوا علي الدولة 300 مليون جنيه ارباح لكي يتم بيعها للامارات
ومصطفي بكري حاسس انه اتورط وعايز ينهي الكلام
نشكر ونعترف بالفضل لكل من حاربوا ختان الإناث، وشكر خاص للدكتورى نوال السعداوي الله يرحمها، أول من أثارت قضية ختان الإناث واترفدت من وزارة الصحة بسبب موقفها
في أقل من ٢٤ ساعة أتساءل، فين دور المجلس الأعلى لتنظيم الإعلام؟ لو مش واخد باله، فين المجلس القومي للمرأة؟
هذا الحوار الحقير اللي مكانه القهاوي أو الغرز لناس ده مستواها، إزاي يبقى مادة تبث على الشاشات وتنشر هذا الابتذال في البيوت؟
ده دعم مباشر وقوي لثقافة التحرش واحتقار النساء
أوروبا مش جنة لكن مش الجحيم والمطحنة اللي بتوصفوها، الاستقطاعات من المرتب كبيرة لكن أولا تصاعدية وثانيا في مقابلها في تأمين صحي وتأمين بطالة ومعاش محترم، والأطفال بيحصلوا على أفضل تعليم مجانا. إحنا بنضيع عمرنا على مصاريف التعليم والصحة اللي ماحدش بيشيل همهم هناك
اختيار إسرائيل للنيل هيلتون (وليس كارلتون) للاحتفال، بمثابة صيحة نصر تطلقها إعلانا لانتصارها وإذلالا للمهزوم
فندق أنشأه عبد الناصر على أرض مقر الجيش البريطاني، وارتبط تاريخيا وعضويا بالجامعة العربية التي يصله بها ممر، يطل على النيل من جهة وميدان الثورة من جهة.
لكن العيب مش عليهم
من يومين حاطة البلاستيك قدامي وبافكر ازاي أعمل واقي لاحد أفراد الأسرة لازم يروح المستشفى الأسبوع الجاي. هذا العبقرى بدرو حلها بكل بساطة السهل الممتنع. لو دي مش صدقة جارية تبقى إيه الصدقة الجارية؟
ربنا يسعدك ويرضيك يا بدرو
حين يتقدم ترتيب جيش دولة إلى المرتبة 12 على العالم من حيث القوة العسكرية، ويتراجع ترتيب شعب نفس الدولة إلى المرتبة 115 من حيث التنمية البشرية، فعلى هذه الدولة مراجعة أولوياتها وسياساتها، فالقوة والمناعة بالإنسان أولا.
بعد ماجستير ودكتوراه في ألمانيا على حسابي. رجعت الجامعة في مصر وجت لي ورقة بزيادة المرتب، لما استغربت واستنكرت إن بعد كل الشقا ده الزيادة 495 جنيه انفجر زمايلي في الضحك وصححوا لي: الزيادة كانت 4 جنيه و 95 قرش
الفريق مميش يضع النقاط فوق الحروف حتى لايخطئ أحد القراءة:
"نحن بالنسبة لنا كعسكريين لا نستطيع أن نقتنع بمدني كان مدرسا أن يكون قائداأعلى للقوات المسلحة"
المصري اليوم
هوامش:
1-اعتراضه على كون الرئيس مدنيا وليس كونه إخوانيا(مرسي)
2-"مدرس"مقصود بها أستاذ جامعي
3-كل الاحترام لصراحته
أسوا خبر يمكن أن نصحو عليه اندلاع حرب جديدة في أي مكان وأيا كان أطرافها وأيا كانت مبرراتها.
ضحايا الحروب، عسكريين ومدنيين هم الأبرياء الذين لم يتسببوا فيها ولم يصنعوها
رفض مجلس الشيوخ المصري بندا في قانون العمل الجديد يسمح للأب بالحصول على أجازة ٧ أيام متصلة أو متقطعة لرعاية طفله خلال الستة شهور الأولى من عمره.
في عالم آخر يستطيع الأب والأم أن يقررا معا من منهكا يأخذ أجازة رعاية الطفل الكاملة، وفق ظروف العمل ومصلحة الأسرة
جيت ليه؟
إيه اللي رجعك؟
مش عاجبك امشي
اللي مش عاجبه ما يجيش
اللي مش عاجبه يشوف له بلد تانية
مثل هذه العبارات لا يصح أبدا أن توجه لمصري في بلده أيا كان السياق، وأيا كانت الأسباب، وأيا كان القائل.
تساهم الزراعة في الناتج المحلي الإجمالي ب13%، يعمل بها 28%من قوة العمل الكلية،و45%من قوة العمل النسائية،و55%من قوة العمل فى الصعيد
في المقابل ساهمت قناة السويس فى 2017 ب 2.2% من الناتج المحلي
كم من الآثار التنموية المتضاعفة كانت تتحقق لو أن ما أُنفق على القناة،أُنفق على الزراعة؟
مضمون هذا التصريح:
1- الرئيس يتحكم فى الانتخابات الرئاسية
2- لا محاسبة للفاسدين ما لم يقتربوا من كرسي الرئاسة
3- من يجروء على الترشح مهدد بالاتهام بالفساد
4- شبه الدولة صارت لا دولة
5- أنا الدولة والدولة أنا
هبة عاطف، أول مضيفة طيران من أصحاب متلازمة داون بمصر، في أول رحلاتها من مطار القاهرة إلى الخرطوم تحت عنوان "رحلة الإنسانية"
(عن مركز بصيرة)
بالتوفيق يا هبة
وكل الحب والتقدير لك ولأسرتك
حين كتب أ. إبراهيم عبد المجيد عن معاناته الصحية وضرورة إجراء جراحة دقيقة له، توقعت أن تسارع الدولة لتولي علاجه في أفضل مستشفي متخصص في الخارج. وهو ما لم نسمع به حتى الآن.
فمن أحق باهتمام الدولة أكثر من روائي عالمي يمثل أفضل قواها الناعمة؟
رجاء ريتويت
قد يصل الكلام لمن بيده الأمر
مقالي في القدس العربي . عن نفسي . حاولت ان لا اكتب ولم استطع فمعذرة .
قد لا يهم أحدا
إبراهيم عبد المجيد
اعتذر مقدما لأني سأتحدث عن نفسي الآن . قد لا يهم ذلك أحدا لكني سأحاول أن أخرج من الخاص إلي العام بقدر ما أستطيع.
منذ أكثر من عامين أحسست بأن ركبتي اليمني تخذلني وأكاد أقع.
ما كنتش أحب أثقل عليكم بشأن شخصي لكن ما قدرتش أتجاهل سؤالكم الكريم عني. أنا والحمد لله بخير وإن كنت مش قادرة أتابع واتفاعل على تويتر لأن أسرتنا بتمر بظروف صعبة، إن شاء الله تعدي ونرجع نتقابل على خير.
متشكرة وممتنة جدا لكل اللي سألوا عني على الخاص والتايم لاين وبالاتصال🙏🙏🙏
ها هي الدكتورة ترد:
لم ادخل السعودية في حياتي
لم أعمل بأي جامعة سعودية في حياتي
لم أشرف على طالب سعودي في حياتي
لا أعرف لا حي الخزامي ولا الكاذب الأشر ولا أخته المزعومة
أبسط قواعد الاخلاق ان تطلبوا منه الدليل او حتى المعلومة قبل ان تنهشوا سمعة الناس
يا أهل أرض الحرمين
د. نوال السعداوي سواء تتفق او تختلف مع آرائها، اتهضم حقها في قضية ختان الإناث اللي كانت أول واحدة تثيرها وتحارب علشانها وتصدم بها مجتمع معتبرها بديهية ومن أصول الدين، واترفدت من شغلها وفضلت تدفع تمن غالي لقضيتها. التكريم الدولي ما يعوضش نكران الأهل.
من الإنصاف نسب الفضل لأصحابه
بمناسبة اليوم العالمي لرفض جريمة "*ختان الإناث*. لازم مننساش أول إنسانة عظيمة في مصر أتكلمت عن *ختان الإناث*. في كتبها وعن قد إيه هي عادة حقيرة وبتسلب حياة بنات كثير.
- مش هننسى دورك العظيم يا "د. نوال السعداوي" .. ادامك الله حُرة ووسطنا دايماً . ❤️
وجه لطيف وجميل، لكن برنس الحمام مش معناه بدون ماكياج. الطلة دي وراها علي الاقل من 10 - 15 مستحضر تجميل عالي الجودة والسعر وشغل مش أقل من ساعة (غير الفلاتر والرتوش)
أنا باعلق بس علشان البنات ما تتعقدش من مقارنة نفسهم بأي من المشاهير والنجمات. اللي بتشوفوه معظمه مصنوع ومتكلف قوي
أفهم رغم اختلافي إن ناس كتير شايفة لمبارك مزايا وإنجازات.
لكن اللي عاجزة عن فهمه وحقيقي صدمني هو وصف مبارك بالكاريزما!
وصل بينا الحال إن مبارك بشخصية وعقلية موظف بلا فكر أو رؤية، واللي تميز عهده بالجمود والتبلد وانحصر هدفه في بقاء الحال على ماهو عليه، يبقى في عيون الناس كاريزما؟
أنا لا باشوف الجزيرة ولاانتخبت الفريق شفيق، بس عاوزة أقول للي زعلانين قوي علشان ترشحه إتذاع من الجزيرة، فيه قاعدة فقهية بتقول إذا أردت أن تمنع الحرام، فيسر الحلال.
أنا راضية ذمتكم هل لو كان بعت الفيديو للتليفزيون المصري أو أي فضائية مصرية كان اتذاع؟
خلال 24 ساعة:
وزارة "الداخلية" تعلن عن مبادرة لخفض الأسعار بالاتفاق مع سلسلة متاجر
مفتي سابق يصرح أن 30 يونيو يوم من أيام الله وانتصار للمؤمنين على الكفار
قاضية تتباهى بأنها تنتقم لوالدها وهى على مقعد القضاء
دكتورة تعلمنا كيف لا تخرج البركة من شباك المطبخ
يا مثبت العقل والدين
وزير النقل كامل الوزير: من سيرشق القطار بالحجارة أو يعبر السكة الحديد من مكان غير معد للعبور أو يتعمد إتلاف القطار أو تدخين السجائر داخل العربات، سيتم ضبطه وإحالته للمحاكمة العسكرية وعقابه بأحكام حبس قد تصل إلى 15 عاما
ما يحدث في ألمانيا فوق العادي، في وسط الذروة الأوروبية للوباء، نجحت ألمانيا في تحقيق اقل نسبة وفيات عالميا، حوالي 0.7 % من إجمالي الإصابات.
اللهم دمها نعمة يستحقونها، واشمل بلطفك الجميع
منير مراد الله يرحمه ما خدش حقه أبدا من التقدير، عشرات الألحان الشهيرة والمحبوبة جدا ما حدش يعرف إن هو صاحبها، كفاية عليه اكتر أغنيتين بقوا ثوابت في احتفالات المصريين: يا دبلة الخطوبة و وحياة قلبي وأفراحه.
منير مراد دخل البهجة قلوبنا وبيوتنا
كتبت علينا ميكرفونات الكافيهات ليلا والجوامع نهارا
من أبشع التجارب الاستماع إلى الخطيب في الجامع الملاصق، الرجل يصرخ بأعلى صوته الغليظ وبأداء تمثيلي رخيص وكأنه يخاطب كفار قريش أو يحث على الجهاد، يعلو صوته بالزئير ثم يتهدج بالبكاء ثم يصرخ فجأة. ولا يمكن فهم كلمة
#المواطن_المستباح
هل تقبل أو قبلت مصر بقوات تركية في ليبيا على حدودنا، أم قالت هذا خط أحمر؟
هذا هو موقف روسيا من رفض وجود قوات الناتو على حدودها في أوكرانيا.
الأمن القومي لدولة لا ينتهي عند حدودها
دي مش ظروفنا، دي أولوياتنا. ظروفنا وقدراتنا اللي بتنهي منشآت عملاقة في أسابيع وأحياء في شهور تقدر تجدد وتعيد تأهيل المدن الجامعية وما شابهها من مبان تقرر استخدامها للعزل الطبي، مش بس احتراما لآدمية المعزولين لكن ايضا لصالح مستخدميها الأصليين.
@ELAdlMedhat
عذرا. الشق الوحيد المفهوم لي هو التعامل كجندي طبيب، لكن ما هو سياق وطبيعة تعامل فنان وشاعر وإعلامي مع القوات المسلحة لأكثر من 13 عاما؟
السؤال حقيقة للاستفهام لا لأي غرض مجازي
ما هذا العالم المنافق متناقض المعايير؟
كيف تكون التوراة سند ملكية في القرن الواحد والعشرين؟
هل يجرؤ مسلم أو صاحب أي ديانة على الاستناد لكتابه المقدس في محفل دولي كدليل إثبات؟
وكيف يقبل من يدير جلسة مجلس الأمن بهذا الهراء؟
وإلى متى تظل إسرائيل دولة استثنائية فوق الشرعية والقانون؟
مضادات الاكتئاب:
الكتابة لفهم الذات والتواصل معها
مواجهة النفس بأخطاءها بعدل ورحمة
وضع أهداف والسعي لها
الفنون الحقيقية
الصحبة الحلوة
حيوان أليف
مساعدة آخرين بلا مقابل
تجنب الفراغ والوحدة
الاهتمام بالمظهر
خلق الجمال بزرعة بمفرش بلوحة
رؤية الموجود مش الناقص
إسعاد النفس بهدية
أن تقدم مدينة ملاهي خصما لمن يحمل أصبعه الحبر السري أمر مفهوم في السياق المصري،من رجل أعمال يجامل السلطة أو يتقي شرها، أما أن يعلن محافظ عن مد خدمات المياه والصرف الصحي للقرية الأكثر تصويتا فهذه مهزلة حقيقية لا صلة لها بمفهوم الدولة أو الممارسة السياسية
طالبة تمريض تعرضت لاغتصاب نتج عنه حمل وأثناء عملها فقدت الحمل، النتائج:
الرفد
الحرمان من الامتحان
القبض عليها بتهمة الإجهاض وبقاءها في الحبس الاحتياطي.
بعد الإفراج رفعت قضية وحكم لصالحها فمن يطعن في الحكم؟
وزيرا التعليم والصحة ووكيلا الوزارتين والمحافظ
الآن وبعد ٥ سنوات رفض الطعن
بافتكر كم الإهانات اللي اتوجهت لي على مر السنين علشان باحاول أوضح إن كلمة حجاب لم ترد في القرآن بمعنى تغطية الشعر وإن الكلمة بمعناها الوارد في القرآن خاصة فقط بزوجات الرسول.
خلق كلمة الحجاب بمعناها الحالي وتحويلها إلى لوجو للإسلام وترويجها داخليا وعالميا، خدعة اتكلفت مليارات
الست تحمل وتولد وترضع لكن ما تقدرش تعمل لطفلها شهادة ميلاد
والأم تتابع مع المدارس وتذاكر للولاد وتودي الدروس لكن مالهاش ولاية تعليمية على أطفالها
وفي حالة الطلاق أو الترمل الأم لها الحضانة تخدم وتربي لكن الولاية عند الأب والوصاية عند العم أو الجد
ده إيه الجبروت ده
#الولاية_حقي
في أي مناقشة الطالبات غالبا أكثر نضجا وإدراكا وفي أي مهمة أكتر تحملا للمسئولية ودقة في تنفيذها، وعلى مدى حوالي ١٥ سنة كل الأوائل كانوا بنات واتعينوا معيدات وحاليا دكتورات وبرضه معيدات مقابل اتنين معيدين جم بعد سنين.
يبقى مين بيساعد مين؟
طب بأمانة ربنا، هل بناء متحف للمرأة أولوية النهاردة؟
(بصرف النظر عن إني مش فاهمة يعني إيه متحف للمرأة)
يعني لو سألنا عينات نساء ممثلة لكل الطبقات عن أولويات احتياجاتهم من الدولة بالترتيب هنوصل لرقم 1000 ولسه ما حدش قال متحف للمرأة
بناء ٤ الاف مدرسة اهم وافضل من بناء متحف للمرأة..التى تعانى مع اولادها فى المنزل بسبب كثافة الفصول بالمدارس بعد انهيار دور المدرسة التربوى فى بناء شخصية الطفل.
خصائص العقل البدائي المغلق:
ما يعرفش يفكر بطريقة نسبية،كل حاجة ثنائيات مطلقة:معايا/ضدي،صح/غلط
ما يعرفش يحدد موضوع الكلام،تكلمه في نقطة يرد في نقطة تانية خالص
يسيب الرأي ويشتم أو يحلل نوايا صاحب الرأي
متأكد تماما إنه صح وإن آراءه وأفكاره هي مرجعية الصح والغلط
دايما حافظ مش فاهم
لو أنا أو غيري من عامة خلق الله اللي قلنا الكلام ده، كان زمان الدرر بتنهال علينا من انت فيمينيست **** إلى ليبرالية **** إلى علمانية ***** ومن ينكر شرع الله فهو مرتد إلى آخر القصيدة
هذا بيان صادم أصدره رئيس حزب الإصلاح والتنمية السيد محمد أنور السادات
وجود هيئات اقتصادية مستقلة عن موازنة الدولة أمر معروف منذ زمن بعيد، ولكن الصادم هو أن يكون عددها 55 هيئة، وأن تكون موازنتها ضعف الموازنة العامة للدولة.
نرجو أن يتفضل علينا مسئول بالتعليق والتوضيح
منين الأسبوع ده خطر وفاصل بين السلامة والندامة ولازم نتجنب الاختلاط ونقعد في البيت، ومنين قطاع المقاولات بعمالته الكثيفة لازم يرجع للعمل بكل طاقته؟
منين غسيل الإيدين المتكرر لمدة طويلة أهم إجراء حماية ومنين تتقطع الميه بدون ضرورة عن ملايين الناس في عدة أحياء كبيرة؟
عن نفسي احترت
في الواقع فئات كثيرة من الشعب هي التي تقدم دعما للدولة لا العكس. كما تتحدث الدولة عن سعر الخبز يجب أن تتحدث عن رواتب العاملين لديها من أطباء ومهندسين وأساتذة جامعات وموظفين وغيرهم.
وكما تقارن الدولة سعر الطاقة بالسعر العالمي فلتقارن الرواتب بالرواتب العالمية لنعرف من يدعم من
وزارة التضامن تعلن أن هناك انخفاض كبير في نسب ختان الإناث بين الأمهات وبناتهن، وفقا لبحث أجرته هيئة الأمم المتحدة خلال عام 2021، لتشير نتائجه إلى أن 52% من الفتيات من عمر 13 وحتى 17 سنة (في عينة البحث) تعرضن لجريمة الختان، مقارنة بأمهاتهن اللاتي بلغت النسبة بينهن 90%.
بصرف النظر عن أن المعلومة حول استراليا عارية تماما عن الصحة،ما يطالب به السيد المستشار تجاوزته البشرية منذ سقوط الفصل العنصري في جنوب أفريقيا وقبله سقوط لافتات ممنوع دخول السود والكلاب في أمريكا، وقبله سقوط هتلر وموسوليني في أوربا.
ماذا لو دولة من صناع الحضارة طبقت نفس القاعدة؟
في #أستراليا
غير الأستراليين لا يدخلون للسوبرماركت إلا بعد الساعة الثامنة
.
نتمنى أن تطبق الأسواق في وطننا مثل هذه القرارات الرائعة الحامية للمواطنين 💚💐
.
لا يمكن أن يكون ابن الغريب بمنزلة ابنك ، ومن لا يعجبه هذا فوطنه أولى به
عمليات التنظيف والتجميل التي تجري على قدم وساق في منطقة مجلس الشعب صفعة جديدة على وجه كل مواطن، ورسالة مفادها أن الرئيس أهم من ملايين البشر الكادحين الذين يعيشون بالمنطقة أو يمرون منها ليل نهار.
متى تتوقف هذه الممارسات المهينة؟
متى تدركون أن المواطنين هم أصحاب البلد؟