انت غلطة عمر و ايام و شهور
يا تفاصيل حزني و اغترابي
ما هقيتك عديم احساس و شعور
يوم اعاتبك ما هزك عتابي
من كثر ما اعذرك و اقول معذور
شاب قلبي و انا بـ/ اول شبابي
ما تجيك الجروح الا وراها سبب
ليه أعاتبك و إلغلطه سببها أنا
كل خطوه معاك تزيد ناري حطب
انهدم حلم بدروبك و هم انبنا
العتب مو عليك الا على العتب
انتهي من هناك و تبتدي من هنا
من عزة النفس حثيت الركاب
ودعت باقي سنينك و اشهرك
ما عاد باقي ملام ولا عتاب
عزيت صبري و عزمت اهجرك
يا غلطة العمر انا قد الغياب
تهت بـ ظلامك ومليت اسهرك
فتحت للضيق و الاحزان باب
علي خفوقٍ هواك و قدرك
وصلتني لا اخر حدود العذاب
انبش ضلوعي و تلقى خنجرك
اول الدرب لهفة و النهايه تعب
ثقلت اخطاي و افراحي اجلها دنا
كل نظرة من عيوني قليلة ادب
كنها تقول مالي عن عذابك غنا
خافقي لون وجهي من ذنوبك شحب
يا خفوق الماسي يا صدوق العنا
امتثالي بـ قصيده شعريه تعبر عن شعور ابناء الكويت امام سيدي حضرة صاحب السمو امير البلاد المفدى و رئيس مجلس الوزراء و وزير الدفاع حفظهم الله و رعاهم
شرف عظيم ادامهم الله ذخراً و سنداً لنا
عن البال ما تلها طواريك
تعس الضلوع العوج ولها
تغنابك حروفي و اغنيك
بحاسيس ما تدله و تلها
اقول الفرايد في معاليك
و تحمر خدودك من خجلها
عيون القصايد تلتفت فيك
عمى عيونها الحزن و كحلها
بغيبتك ربي لا يوريك
فطر قلبها الفقد و اكلها
سلامي على اللي وقفته تعدل المنعاج
مواقيفه زحول الرياجيل تبخصها
يا ابو تم و ابشر لا توصي و ما يحتاج
قنصت ونعم قدام غيرك لا يقنصها
#خالد_مناور
@bo_obid10