@_mo6n_
لا تعاتبني ترا .. ماعلى مثلي ملام
والحبيب اللي يغيب مايغيب بْلا سبب
والله أنك لو تحاول أني أحكي ألف عام
بسكت ولو راعد الشوق في قلبي ضرب
والغياب اللي تشوفه ماهو من قل إهتمام
الغياب اللي تشوفه شخص من همَّه تعب
@_mo6n_
رغم الظروف الي تمرّنا عايشين
والوقت يمشي ما يطالع فايته
ممتع شعور الصبر بكل الحالتين
يعلّمك كل شيء بيوصل غايته
نتصنع الضحكه وحنا ساكنين
وفالساكتين أشياء ماهي ساكته
@_mo6n_
الموت تالي العمر والدنيا مقيل
والآخرة هي منتهانا لا محال
وديني وحب الناس والخلق النبيل
ثلاث هي دربي إلى حسن المئال
الله يقدرني على رد الجميل
واللي يجملني إلا جالي مجال
@_mo6n_
يا حبيبي يِمرض الشوق في بعض الليال
أبعد الله .. عني و عنك " تأثير " المرض
ودي أسلى .. لكن شلون والسلوة محال؟
بعد زادت حلكة الليل والعارض عرض
مكتفي باللي يجي منك من باب الوصال
إن عجزت تسوي الصعب سو المفترض
أرسل .. إن عيت عليك الظروف الاتصال
الرسايل بعض الأحيان .. توفي بـ الغرض
@_mo6n_
الناس ما خلت حدٍ ما حكت فيه
كم قيل في غيري وكم قيل فيني
لو كل من يحكي بي اطرد حكاويه
تاهت بي الخطوه وضاعت سنيني
وانا احمد الله درب الاكرام ماشيه
ومدي الفروض ومرضيٍ والديني
واليا ترك بعض الخلايق مباديه
صنت المبادي في سلومي وديني
@_mo6n_
وش ذا الخفوق العطيب اللي على ناره
وش ذا الجفا اللي ماهو منك ولا مني !
مشتاق لك يـ أقرب من الثوب لـ زراره
شوق "أبو نوره" لكني ماعرف أغني
أدري ماني بـ إختيارٍ سهل تختاره
ظني لو أفتش غلاي بيختلف ظني
وأدري لو أموت لك وأعيش لك تاره
بعيش وأموت منت بـ داريٍ عني
@_mo6n_
لو يسبقوني بالمعايد والسلامّ
مَايسبقوني بالضمير والحضور
يعايدونك بالرسايل والكلام
وأعايدك من قلب وأحساس وشعوّر
أنت البدايه والمَضارع والختام
خذني من أول نظره لـ يوّم النشور
@_mo6n_
لو ضيّقوا عليك ف الاربع جهات
اصنع جهة ، وادهشهم ، وكمّل مسير
اظفَر ب ذاتك ، في زمن فَقد الذوات
و اصنع لنفسك درب منقطع النظير
ترا اللي يمشي في قطيع الامّعات
لو نظَرَه ستّه على ستّه ، ضرير .
@_Al6wary_
كم قست من غبت بحر واملك بحور ماتقاس
وفرضت سيطرتي على الاشعار والمستشعرين
واذا حصل في مفرداتي ما يسمى الاقتباس
انا اقتبس من حكمة العقل ومن رياض الصالحين