فاكر من سنين واحد صاحبنا كان بيحب بنت وتقريبا متفقين على الجواز وكان عيان فراحت زارته في بيته بورد وبشوربة خضار وأكل لأنه عايش لوحده
بعدها قرر انه يصرف نظر عن العلاقة دي علشان ازاي تسمح لنفسها تزوره وهو عايش لوحده
ولغاية النهاردة بيندم عليها حتى بعد ما اتجوز غيرها
في مصر ورغم الأزمات الطاحنة وتحديدا في منطقة الأزهر والحسين كل يوم وانا رايح اركب عربيتي وقت الفطار مع كل مائدة رحمن باعدي عليها الناس بتمسك فيا لما أعتذر وأقول اني مسيحي بيتمسكوا أكتر ومش بيسيبوني الا لو أخدت منهم بلح اومياة معدنية.
- في الكويت عاملين فطار للناس والعمال المسلمين بس !! وبيكشفوا عن البطاقات قبل ما يدخلوا الناس عشان لو في حد عايز ياكل وجعان بس مش مسلم ميدخلش !! ده مش عمل خيري. دي بلطجة ونطاعة دينية. اللي بيعمل خير في الآخرين مش هيبص لدين ومعتقد اللي قدامه سواء مسلم وغير مسلم
صاحب مصنع كان عارض مصنعه للبيع السنة اللي فاتت ب٢٠٠مليون جنية يعني١٠مليون دولار على جماعة سوريين
اشتروه منه دلوقت بعدها بسنة ب٤٣٣مليون جنية يعني اقل من٨ مليون دولار
الراجل فرحان انه باع بضعف المبلغ،
وهم فرحانين انهم اشتروا باقل٢٠٪من اللي كان معروض عليهم
الكل فرحان ومحدش فاهم حاجة
امبارح طالع في الاسانسير مع جاري (طبيب على المعاش) وشايل حاجة معاه في شنطة سوداء بلاستيك وعمال يداري فيها بطريقة كوميدية ومكسوف أوي منها
تخيلوا طلعت ايه؟
بوكيه ورد جايبه لزوجته (ربنا مارزقهمش بأولاد)
حسيت اني عاوز اخده بالحضن
الله يسامح المجتمع اللي خلاه مكسوف كده من بوكيه ورد
امبارح سمعت ان محمد صلاح في بيتهم في نجريج انا طبعا زي ما كلكم عارفين باحبه ونفسي اتصور معاه صورة احطها على الفيس استنيت لما الدنيا ضلمت وطلعت على المواسير ودخلت من شباك الحمام واستخبيت فيه ولما صلاح دخل الحمام طلعت له بكل حب بس للاسف طلع متكبر ومرضيش يتصور معايا وطردني
وحش صلاح
اللي بيتكلم عن جشع التجار
تاجر بيبيع مستلزم من مستلزمات الصناعة
في شهر واحد باع صنف ب ٧٢ واشتراه بعدها بأسبوع ب٩٤ وباعه بعدها بأسبوعين ب ١٠٣ ورجع اشتراه ب ١٤٣
كل ده في شهر واحد
تخيل حجم التآكل اللي حصل لرأسماله
تخيل لو كمل كده يفلس امتى؟
ودي قصة حقيقية والأرقام حقيقية
صديق من سنتين باع فيلا في الساحل بمبلغ كبير
كلنا قعدنا نقترح عليه يعمل ايه بالفلوس
يشتري دهب / دولار / عقار
واحد قريبه أقنعه يجيب المبلغ كله ساعات رولكس
والحمد لله انه سمع كلام قريبه. 🤩
احنا الأول محتاجين نتجاوز فكرة اننا بنخلف ألعاب مسلية لفترة شبابنا و يبقوا ممرضات لما نكبر … واللي غاوي خلفة وقدها يخلف واللي مالوش فيها ما يخلفش و مافيش حد صح ولا غلط !
مش محتاجين حد بتاع behavioral economics يحلل سلوكيات المصريين اليومين دول في الإنفاق.
الناس بتصرف كأن معاها ورق جرايد.
بيشتروا اي حاجة يقدروا على تمنها واي حاجة بالتقسيط
داخلين على
Hyper inflation زي ما الكتاب بيقول
Burn the cash
أحرق فلوسي بايدي بدل ما تتحرق في ايدي
Unpopular opinion
أنا عاجبني وقوف أم منى فاروق جنب بنتها في "الكارثة" اللي بتمر بيها
لو ابن او بنت حد فينا لا سمح الله وقع في الوحل آخر حاجة الأهل ينفع يعملوها انهم يشتركوا في إدانة ابنهم
شمر وانزل في الوحل معاه ولما يقف على رجليه ابقى اعمل معاه اللي انت عاوزه
رسالة للسيدة صاحبة السيارة اوكتافيا فضي اللي واقفة جنبي في الإشارة وموصلة التليفون على العربية
تحية طيبة وبعد
صوت مكالمة حضرتك عالي جدا وأحمد عنده حق ووالدتك مش من حقها تتكلم معاه في موضوع حساس زي ده
وانت غلطتنة انك تحكي لها 🙄
لسه سامع القصة دي دلوقت
مشردة ومعها طفلين بتنام تحت كوبري في منطقة أغاخان قريب من شارع شبرا.
شاهدتها سيدة بسيطة طيبة فبحثت لها عن شقة صغييرة (أوضة وصالة) في منطقة قريبة وتعهدت بدفع الايجار لها لمدة ٣ سنوات بشرط محاولتها البحث عن عمل و تعهدها بتعليم أولادها.
السامري الصالح
س: ايه الخطة؟
ج : عاوزين نبقى زي دبي
س : يعني يبقى عندك حرية اقتصادية وسهولة انشاء بيزنيس و قطاع خاص قوي واستثمارات أجنبية ومقرات اقليمية للشركات متعددة الجنسية؟
ج : لأ يبقى عندنا أبراج
الجديد بقى ان المصريين في الخارج اللي جايين زيارة بيصوتوا من أسعار مصر
ده انتم فلوسكم زادت علشان فروق العملة
أمال احنا اللي بنقبض بالجنية الجبس بتاعنا نعمل ايه 🙄
صديق من ١٢ يوم دفع حجز شقة في كومبوند على اطراف العاصمة تمنها ٩ مليون و ٢٠٠ الف
النهاردة بلغوه ان التمن بقى ١١ مليون و ٦٠٠ الف ورعوا له فلوس الحجز
الفرق ١٢ يوم
اللي بيحصل ده آخرته مش لطيفة
تركيا اللي معندهاش الأهرامات ولا الأقصر ولا البحر الأحمر بيدخلها ٥٠ مليون سائح وبتكسب حوالي ٥٠ مليار دولار
السائح بيتحرك بحرية من غير بوكس البوليس
التاكسي بعداد وفيه كاميرا
المطاعم أسعارها مكتوبة بره
البنات بتلبس براحتها وتمشي براحتها وتتباس في الشارع براحتها
دي تركيا مش باريس
امبارح رحت أعزي صديق عزيز فقد أبوه وأمه في لحظة
كانوا بيعدوا الشارع في مصر الجديدة خبطتهم عربية واتوفوا هم الاتنين للاسف
شوارع مصر الجديدة وسعت وبقت طرق سريعة وسط منطقة سكنية وكباري المشاة مش كفاية وتعدية الشارع بقت مخاطرة قاتلة
تحذير
تويت كئيب
بدأت أسمع ناس بتتكلم عن معارف لهم اضطروا ينقلوا أولادهم من مدارس خاصة لمدارس حكومية بسبب صعوبات مادية
بالنسبة لي ده مؤشر خطير جدا على رأي واحد صاحبي
الناس في مصر عادة بتقطع من لحمها علشان تعليم أولادها فلما يضحوا بتعليم أولادهم يبقى الخطوة اللي جايه هيضحوا بإيه
بالأمس تم إختيار جراح اليد الأمريكي من أصل مصري دكتور Nash Naam لمنصب الرئيس ال٥٠ للجمعية الأمريكية لجراحي اليد.
الرؤساء السابقين جميعهم أساتذة جراحة اليد في جامعات هارڤارد و چون هوبكنز ومايو كلينيك.
على فكرة دكتور نشأت خريج كلية طب عين شمس.
الشعب المتدين الجميل الحريص على مظاهر الدين عنده
الغش في الامتحانات حلال
الرشوة حلال
الكذب حلال
النميمة حلال
التلصص واختراق الخصوصية حلال
التدخل في شئون الغير حلال
لمصلحة مين الحاويات المتراكمة في المواني لرفض البنوك قبول دولار من المستوردين ورفضهم كمان تدبير دولار للمستوردين ؟
نزيف ملايين الدولارات اللي بتتدفع يوميا غرامات لشركات الشحن الأجنبية من جيوب المصريين لمصلحة مين؟
كنت في نيوجيرسي ورايح مكان وتهت وسألت ٣ شباب افريكان اميريكانز بالانجليزي عن الطريق واحد فيهم قالي بس يا عسل وكمل شرح بالمصري انا مركزتش وبعدين اخدت بالي
قالي مكتوب على قورتك مصري 😅
كنت في كافيه في نيوجيرسي وقاعد اتخانق انا وصديق مصري على مين يدفع ولا والله خليها عليا وكده، لقينا البنت اللي على الكاشير بتقولنا بلهجة مصرية من أعماق الدلتا:
ما خلاص يا كابتن انتو في أمريكا أي حد يدفع عشان فيه زباين وراكو
الناس منزلتش ١١-١١ أولا علشان الدعوة من الإخوان وأي حاجة من ريحة الإخوان الناس مش معاها
ثانيا الناس لسه عشمانة ولسه ماسكة في أطراف بواقي خيوط الأمل
أتمنى محدش يفسر عدم نزول الناس انه كارت بلانش وتفويض للتمادي في نفس السياسات
الناس لسه عندها عشم في ربنا وفيكم بلاش تخلصوا الرصيد
الناس لما تسمع عن إجراءات لتقييد الاستيراد في مصر بتفرح علشان بيفكروا في الجبنة السوسيري والكاڤيار
يا جماعة ٧٠٪ من الاستيراد في مصر (ما عدا المنتجات البترولية) عبارة عن مواد خام وسلع وسيطة ومستلزمات إنتاجية🙄
طيب بما ان الكلام اتفتح نفسي أفهم ليه في دكاترة مش قليلين في مصر مش فاهمين معنى ال informed consent أو الموافقة المستنيرة على خطة العلاج وخطواته ومراحله والنتائج المتوقعة والأعراض الجانبية؟
ليه بيستكتروا على المريض انه يفهم حالته وياخد مع الطبيب القرار المناسب له؟
أنا في فندق في Soma Bay مع العيلة بعد شهور من الحظر
الفندق ٣٥٠ غرفة لكن فقط ٢٨ غرفة فيهم نزلاء
مستوى التعقييم مبهر والكل لابس ماسكات
مفيش Open buffet والأكل Set menu
عدد العمالة مش كبير لكن بيبذلوا مجهود حقيقي وفرحانين بعودة الحياة
المطهرات في كل مكان والحرارة بتتقاس في كل وقت
سيبكم من أبو العينين ، مرة اتنشرت صورة لصلاح بعربية بنتلي ودي طبعا ولا حاجة يعني بالنسبة للاعب في مكانة محمد صلاح وأكيد عنده أسطول عربيات وده أقل واجب يعني
ورغم كده فاكر التعليقات والهجوم وتمن العربية يجوز كام شاب ويستر كام عروسة وهكذا
ميراث الحقبة الناصرية مازال متغلغل
في فرق كبير بين الانتقاد وبين تصفية الحسابات
اللي بيحصل مع محمد صلاح مش نقد لمستواه في مباراة أو بطولة لكن تصفية حسابات لصالح أصنام كروية صلاح حطمها!
@MoSalah
المغرب بتصنع سيارات أوروبية وتصدرها لبلاد كتير منها مصر
المغرب بلد سياحي متميز
المغرب أصبح مقصد للتصوير السينمائي لأفلام عالمية كتير
المغرب وصلت نصف نهائي كأس العالم
في حد عاوز يدرس ويحلل وينقل عملوا ايه علشان يوصلوا لكده؟
ناس كتير سخروا من العنوان بينما الكلام حقيقي جدا ولازم نستوعبه
مصر كانت ببتعامل مع دول خليجية أغلب حكامها درسوا في جامعات مصرية وعاشوا فترات من عمرهم في مصر وشافوا مصر تانية قوية ومؤثرة في العالم لكن خليج هذه الأيام حكامه مختلفين ومصر بالنسبة لهم ليست كما كانت بالنسبة لآبائهم
السيسي عن قطع الكهرباء:
إحنا نقدر نخلي الكهرباء ما تتقطعش لكن نجيب منين، فبنبيع الغاز ونجيب بترول علشان نخليه سولار وبنزين للناس، وشوية الكهرباء اللى بيتقطعوا دول بيجيبوا 300 مليون دولار
محتاجين نجيب الناس اللي حياتهم بتتغير ٣٦٠ درجة ونحطهم مع الناس اللي عاوزين ناخد رسوم قناة السويس بالجنية مع الناس اللي عاوزين الحكومة ترجع التسعيرة الجبرية للسلع و الناس اللي فاكرين ان اللي مانع الاستثمار الأجنبي في مصر هو نقص الكباري والأبراج مش تشريعات وقواعد سوق عادلة ومستقرة
نفسي وزارة السياحة تلاقي حل في الكام مشكلة دول
١- التحرش
٢- التسول
٣- استغلال السائح وبيع السلعة بأضعاف سعرها
مصر تستاهل يزورها ٥٠ ضعف عدد السياح اللي بيزوروها
السياحة ممكن تكون قاطرة تجر وراها قطاعات اقتصادية كتير
مفيش حد أقوى من السوق
لا الحكومة ولا التجار
التاجر اللي لسه منزلش بسعره لو سعر الدولار استمر في النزول هينزل بسعره غضب عنه والا غيره هيجيب ويبيع بأقل منه
محدش أقوى من السوق
تفتكروا لو الحكومة المصرية دفعت ١٠٠ مليون دولار لأكبر شركة PR في العالم علشان تعمل حملة دعائية لمصر تخلي طفل انجليزي يلبس كوفية مكتوب عليها مصر وعليها صورة لاعب مصري تفتكروا كانت هتقدر؟!
ده حجم الدعاية الايجابية اللي صلاح بيعملها لمصر
سمسار تهريب البشر كان بياخد ١٤٠ الف جنية عن كل واحد والمركب كان عليها ٧٥٠ مهاجر غير شرعي
يعني ايراد الرحلة الواحدة حوالي ١٠٥ مليون جنية
لازم يكون في تعاون دولي للقبض على سماسرة الموت وتجار البشر دول
فكرة ان زوجة الابن "تخدم" حماها وحماتها جاية من الريف ومن مفهوم بيت العيلة واللي بشكل ما نجحت تنتقل من الريف للمدينة.
ما زالت تحكم مجتمعنا عادات قبلية ريفية رجعية
روح اطلب من البنك يدبر لك دولار علشان تعليم او علاج هيقولك مفيش
روح اشتري من السوق السوداء علشان البنك مرضيش يدبر لك وارجع للبنك يعمل لك التحويل
هيقولك ايه مصدر الدولار
ودوخينا يا حكومة
بمناسبة إعلان الحكومة عن وضع تسعيرة جبرية ل٧ سلع استراتيجية
كلما تدخلت الحكومة اختفت السلع وزاد انفلات الأسعار
يقول الاقتصادي الشهير والحاصل على جائزة نوبل في الاقتصاد :
" اذا جعلنا الحكومة مسئولة عن الصحراء الكبرى، ، ففي خلال ٥ سنوات سيكون لدينا أزمة في الرمال "
سواق مقطورة من اسكندرية عايش في لوس انجلوس لمح قاتل البوليس بيطارده فدخل فيه بالمقطورة بتاعته وبقى بطل
لما استضافوه في التليفزيون الامريكي وسألوه ازاي مكنتش خايف قال
I was in the Egyptian army, they train us not to fear 😎💪
حزب الدستور اللي بيبشر بالديموقراطية عمل انتخابات وجميلة اسماعيل فازت على خالد داوود في الانتخابات
جميلة طلعت تقول كلمتها وخالد بدل ما يسلم عليها ويقول كلمته أعلن انساحبه من الحزب ومشي وهو غضبان
ونعم المعارضة بصراحة
هذا الشعب غير مستعد للديموكراسي
حماتي كلمت شركة we تتخانق علشان فيسبوك مش شغال ومش مصدقة ان المشكلة مش من عندهم لغاية ما الموظف قال لها والمصحف مراتي وعيالي اتصلوا وبيتخانقوا معايا ومش مصدقين ان المشكلة مش من عندنا 😁
قريبتي شابة متفوقة درست هندسة چينية في جامعة مهمة في فرنسا وتخصصت في الأورام ورجعت مصر تحت ضغط من أبوها وبعد شوية بهدلة اتقبلت متدربة في أحد المستشفيات الجامعية واللي كان مسئول عنها فني معمل وكانت وظيفتها طول اليوم تقطيع قطع شمع علشان عينات التحاليل
هي خلاص راجعة فرنسا بعد أسبوع
الجدير بالذكر ان المراسلين الأجانب كانوا بيتجنبوا يتعينوا في مكتب مصر في الفترة ما بين سنة ٢٠٠١ ل سنة ٢٠١٠ علشان كانوا بيسموها The boring Cairo
ومن يومها واحنا راكبين زحاليق
الطبقة الوسطى تاعباكم في ايه؟
علشان كان عندها طموحات اكتر من الأكل والشرب؟
علشان مش بتتساق بالهجايص وبتفكر وتنقد؟
الطبقة الوسطى هي اللي عملت ٣٠-٦ وهي اللي قالت لأ لدستور الإخوان وقت غزوة الصناديق وهي اللي اعتصمت قصاد الاتحادية وهي اللي تصدرت ٣٠-٦
الطبقة الوسطى هي اكبر دافع ضرائب
اتمنى وزارة الداخلية تنزل بيان ترد فيه على تساؤلات الناس!
هل مسموح بالتعدي على المسكن الخاص؟
هل كان في اذن نيابة؟
هل تم مساءلة من فام بالتلصص والتصوير والنشر؟
تخيلوا اننا مضطرين نشرح بديهيات
تخيلوا اننا محتاجين نشرح لناس ليه لما شرطي مصري يطلق النار على سائحين دخلوا مصر بشكل قانوني إرهاب مش بطولة
تخيلوا محتاجين نشرح تأثير ده على السياحة أو على الاقتصاد المصري
اكتر من نص الشعب المصري مقتنع ان الحل لأزمة مصر الاقتصادية هو مصادرة أموال ساويرس ومنصور وعز وأبو هشيمة وووو
يعني الحل بدل ما يبقى عندك ٩٠٪ فقراء يبقى عندك ١٠٠٪
لما يكون عندك تضخم منفلت وتراجع في قيمة العملة تعمل ليه؟؟
ترفع المرتبات بدون زيادة في الإنتاجية ……….. فالتضخم يزيد اكتر و قيمة العملة تتدهور اكتر 🥹
101 Econ
الولد المغتصب ده لو كان أبوه رئيس جمهورية مكانش يقدر يحميه من كل البلاوي دي
اللي حمى الولد فعلياً هو خوف البنات من مصارحة أهلهم وخوف أهل البنات من الفضيحة ومن المجتمع اللي بيلوم الضحية قبل الجاني وثقافة "الستر" وكنس الزبالة تحت السجادة علشان شكلنا يبان كويس قدام الناس
@nabilelhalfawy
حل المشكلات الإقتصادية يكون بالوسائل الاقتصادية يا فندم
حل ارتفاع الأسعار هو الإتاحة والمنافسة ومنع الممارسات الاحتكارية
غير كده هنلف في دواير جربناها كتير وكلها فشلت