الله معك ياراعي الصدر الكتوم
اللي بصدرك للعرب لا تظهره
..
مهما حصل يلطف بك الرب الرحوم
الله ما يعطيك شيء ما تقدره
..
الناس لا يدرون عن كل العلوم
من يعرفون اقصاه محدٍ يستره
..
عز الله ان [ السيطرة تحت الهموم ]
لا تحسبون [ الهم تحت السيطره ]
اهل القصيد اللي يقشون من حيد
يذكروني في مباني غبيرا …
..
الشعر وأفكاره مثل شرّد الصيد
من صاد له فكرة تعدّى الخضيرا
..
محتاج فكرة ما قنصها السراهيد
ولا قط مرّت في خيال النشيرا
الهرج شوك كبود واللي راح راح ولا يوفّى
رويشد السلمي. رحمه الله
عاش في زمن لايوجد فيه إعلام. ولكن لازالت محاوراته وحداياه. عالقه في الذهن.
بعض الشعراء في الوقت الراهن. يقولون لم ينصفنا. الأعلام. ثق تماماً اذا لم ينصفك الأعلام. سوف ينصفك كل متذوق للشعر.
يانجد العذية لو عروق الثرى يبّاس
محبتك في قلبي وقولي يبرهنها
معاقل عيال العود يوم القنا والطاس
اهل سربةٍ ترغم عداها وتذعنها
دليل اني احبك وحبي بدون قياس
تلوا على حدب الضلوع وتمكنها
دياري ماغير امرها طرقيٍ عساس
تعدى علاها نجد وأخلف توازنها
#عبدالصمد_السلمي
الجديد👇🏻
الله ولا الي علومه مايثمنها
خبلن عن الناس عيا يمسك لسانه
ينطق بكلمه وكنه مانشد عنها
بعض السوالف تراها مالها خانه
والناس باخلاقها نعرف معادنها
والكامل الله عزيز الوجه سبحانه
#عبدالصمد_السلمي
تجرّئ وأخذ قسمك ولكن خلك ذيب
ترى محدٍ مقدمك قدام يا مسلم
سهوم الفقر تقتل وعيش الحياه صعيب
ولن كان تبغى كلمة الحق؟ قول اسلم.،
لو أنك منزّه عن علوم الردى والعيب
{علّي الحرام أنك من الناس ما تسلم }
#عبدالصمد_الحليلي
والله اني لازم ابعد عن الجو المثير
الرجل ما يحتمل شيء فوق أرادته
..
ودي بسجه طويله ولا ابغى لي عشير
لو يقولون الأصاحيب ماهي عادته !
..
قامت الايام تركض على جنحان طير
ولا بقى من عقد الألماس غير قلادته
..
يالله ارحمني ليا جيت مثواي الأخير
يا أرحم من امً ليا اقفى ولدها نادته
ما طلبت من الرياجيل غوث ولا غناه
اعرف المخراج واعرف متاهات الطريق
واعرف الوجه المنافق واعرف اللي وراه ..
واعرف الوجه السحاوي من. الوجه الطليق
ما يغبن الرجل ويضييّق أرضه مع سماه
غير لا جاته طعونٍ في ظهره من رفيق .،،
عبدالصمد الحليلي
ياصاحبي عقب التجارب مانحتاج
الا السلوم اللي عليها نهضنا
طبنا وحصلنا المعاتب والأحراج
لكن عند الله نلقى عوضنا
نقصر حبال الهرج منعاً لـ الأزعاج
ياما تغاضينا وياما افترضنا
لو نستمع في سالفة كل هراج
والله لـ نبطي مانواجه بعضنا
عبدالصمد الحليلي
جازفت في بعض العلاقات واخطيت
والعاقل اللي يفهم من الخطايا
..
اكلتها صبره ومره وحلتيت
وحسيتها ورى الضلوع الحنايا
..
شرعت بيبان الميانه وعانيت
لين الميانه فيّ سوت سوايا
..
الهرج يعكس ماورى القلب يابخيت
مثل الصور يوم تعكسها المرايا
كثروا محبين الغثاء والسفاهه
وتصدّر المشهد منافق ومختال
..
لو المراجل تستلمها نزاهه
ماشفت خبثين النوايا والأفعال
..
الطيّب اللي دون وجهه وجاهه
يرخص كنوز المال مايحسب المال
..
المال يصنع لك مكان ووجاهه
لكن مايقدر يخليك رجال !
لا صرت متفوق على صفوة الجيل
ولا لك من زحول الرياجيل حليا
..
تاقف مع اللي ذاق مر الغرابيل
وتعطي لو جيوبك من المال خليا
..
تلقى على دربك خدوش الرياجيل
انفوسهم تغلي ��ن الحسد غليا
..
ذولا مراجلهم على القال والقيل
حتى ضمايرهم من الكيد مليا
حي الرفيق اللي تنومس مباديه
ما خاب من ينصاه في وسط قسمه
..
حرٍ جناحين الشجاعة تعليه
ينهض جناحه لو فالجو عسمه
..
عميد و عتيبي وياحي طاريه ..
أخذ مع اهل الطيب والجود قسمه
..
مفروض يستثنى ويعاد ال��ظر فيه
[ يكتب وسبع انعام في لوحة اسمه ]
شهادة لوجه الله ..
المبدع : مشعل بن عزاز يسير على خطى العمالقة في عالم الأنشاد ، بعيداً عن التطبيل ، يمتلك موهبة فذة واداء فخم ، وكذالك يمتلك جميع أساليب النجاح ..
*إن طالت بنا الأيام سيكون من الأوائل في هذا المجال
*احفظوها جيداً
بيني وبين الفرح ما يثير الأشتباه
لي ثلاث ليال مالي نديم الا الندم
..
في رجاء اللي يغني بقدرته عمّن سواه
واحدٍ يقدر يخْلق السعادة من عدم
..
ما ألتزمت الصمت من باب لفت الأنتباه
الكلام يكلّف العقل .. والصمت يخدم
..
كيف اذل النفس والعز شريان الحياه
وانا لي على بساط الفخر ماطى قدم
ملامتنا على اللي فضل الناقة على الرجال
ولا ياوجد روحي كيف راح كليب في ناقة
عبدالله المسعودي
ليا فكرت فالدنيا كثيرًا ما اضعف الإنسان
ولن فكرت في ثقل الأمانة كيف شايلها
محمد السناني
اللي يبا الجنة الخضرا يده ماتاخذ الا حلال
لو ان دنياه هذي شاف جنتها كما نارها
عبدالله المطرفي
زرعنا الجمايل ما نشدنا عن المنتوج
وحنا لمن يحتاج للنفع نفّاعه
..
لقيت اكثر الأصحاب عند اللزوم يموج
على قول ابن جدلان فـ البِرق لمّاعه
..
ياليت الثقة تقدر تعدل الهروج العوج
و ياليت النوايا الطيّبه تزرع زراعه
ياوجودي وجد من حقق الحلم الوحيد
تلبية رغبات عودٍ رموشه شايبه
..
استعن بالله تعالى وبالجهد الجهيد
لكن الوقت انفرد به وجاب الغايبه
..
كافح الايام .. والله يدبر ما يريد
يوم عوّد بالبشارة " توفى شايبه "
..
صار بين آمرين لكن ماهو مستفيد
التهاني حاضرة والمشاعر غايبه
لا تندفع واجد يا مال الغنيمه
ما كل راسٍ في المهمات شواش
..
قلب الردي لولا الردى في صميمه
��عطيه جرعة طيب في قسم الأنعاش
..
بعض العرب من دون شيمه وقيمه
ان مات مايفقد ولن عاش ما عاش
..
المرجله تبغى فعول وعزيمه
ماهي سواليفٍ تعود ليا ماش
غضيت عين الطمع عن معظم آمالي
النفس لولا القناعة ما تداركها ،
..
الفرصة اللي من اول ما تهيّا لي
اشوفها مقبله واصد واتركها !
..
ملكت لي حاجةٍ ماهي على بالي
وفقدت حاجات واجد كنت مالكها
على راس عيطاً فوقها تلعب الانسام
يسج السجين اللي هوى القلب سجّانه
..
جبال الحجاز متعبّة متعب الأقدام
ملاذ الصدور اللي من الهم مليانه
..
انا والله اني موجس الضيقة من ايام
عن المجتمع محبوس في وسط زنزانه
..
اعاني واقول ان المعاناه للضرغام
تدكّه ويرجع مثل ماهو لـ ميدانه
الوسايل والفلاشات ما منها غناه
لو توديك الثريا مردّك فالحزم
..
ما بلشنا غير فاللي يعكس الاتجاه
ما يفرق بين الأحرار وطيور الرخم
..
يا مدورت المدايح بلا فعلٍ نراه …
إن عجزتوا عن ونعمين شوفوا والنعم
..
فعلكم قد مات وانتم على قيد الحياه
لا تحدوني واشهّر بكم اسم اسم .
لا قام الظلام يدف شمس النهار عصير
وبداء الليل يشرح للمعنّى معاناته
..
توافد عليّ اللي لها فالحشاء تأثير
تخلي كبير الجاه ينقد على ذاته
..
هذي تفهق الأخرى وهذي تعكس السير
تحطّم كيان المنعزل في بداياته
..
مع اقسى شعور يمرك .. يخونك التعبير
شعورٍ في نص الوجه تظهر علاماته
لا تخلونا نحط النقط فوق الحروف
خابرين المجد بالفعل ما يؤخذ سلف
..
اكثر اصحاب الملايين في حالة عزوف
عن مواجيب الرياجيل لو ما من كلف
..
البخيل يعيش مذموم لو كان معروف
يا عسى مالٍ تصرّه يدينه للتلف ،.
..
والكريم يجود لو عاش في ظل الظروف
كل ما واجه مطاليق يعزم ويحلف
اخذنا من الدنيا مايكفي لـ يوم الدين
وطحنا على اللي حرب الألسن مهمتها
..
لو املك جهاز يصمّت العالم الغاوين
قبل تنطق علوم الفشيلة يصمتها
..
معاناه وهمومٍ ماتطري على السالين
تشوفون في صدور القصايد علامتها
..
لو الذاكرة يُصنع لها { ذاكرة تخزين }
على شان لا كثرت همومك تفرمتها
يارب الملاء الأعلى ياسامع دعاء المخلوق
تفرّج على نفسٍ هواها يضايقها
..
انا المذنب اللي ماجزع لو يجيه العوق
يكفر ذنوبٍ قد قرفها وطبقها
..
لا ضاقت علي نفسي يجيها الفرج من فوق
يفرج عليها اللي من الطين خالقها
لي رفيقٍ ليا ضاقت علّي الوسيعه
قال لا ينكشف سدك وخلك طبيعي
..
انطح الصعب لو هو مثل حرب الوديعه
مايعرف المخافه من عرف له سبيعي
..
رفقتي معك تبقى فوق وجه الطبيعة
دايم أحتاجها مثل العلاج الطبيعي
عبدالصمد الحليلي
من عزّ نفسه يعزونه زحول الرجال
لو مسّه الوقت يلقى له محازم ظفر
..
اما انت ياللي تدور للطماعه مجال
تنصى الأهانه وتمسكها قبل ما تفر
..
تهين نفسك لأجل دنيا دنيّه ومال !
وتبني علاقات لو ان المراجل صفر
..
كانك من اللي يشوفون المذله حلال
{ انا من اللي يشوفون المذله كفر }
علم اللي يكتب من الغيض ويطش المحابر
اتحاد الناتو امسى مأستفاد من اتحاده
كان ما تدحم متون القوم تكفى لا تكابر
راسك ادنى رأس وأدنى واحدٍ يطرح عناده
ما يعديّك الحدود ولا يعليك المنابر
حلم ليلٍ بعد نور الصبح مامنه استفاده
#عبدالصمد_الحليلي
ما بارت أهدافي لو إن الزمن بار
العزم مثل البحر ماله نهايه
..
ذقت الخساير والعزاير والأمرار
وسقت العمر كله على شان غايه
..
مايصنع التاريخ من هاب الأخطار
ولا رقا في قمة المجد تايه ..
..
ولا يعلم الأنسان عن بعض الاقدار
[ يمكن بعد خط النهاية بدايه ]
كل ما راح واحد راح الآخر طريقه
والشمالي عليه لباس ماهو لباسه
عبدالله المطرفي رحمه الله
من اقوى بيوت المحاورة ولكن شوف البساطة في التركيب كلمة ( طريقه ) حسب اللهجه المحليه محد استخدمها قبل.
من تعلق في بنات الهوى ما يستفيد
غير لهفة في عروق القلوب طعونها
..
ذاب قلبي مثل ما ذابت جبال الجليد
لأجل غيداً ماتوقعت اعيش بدونها
..
بنت بدوً تعشق الذود وتحب القصيد
ذايقتها رموز الابداع ما يروونها
..
انتظرها ترسل ابطيت.. ماعندك جديد؟
واكتب عيون القصايد عشان عيونها 👀
يقولون لا تشقى مادام الحياه جهاد
حياةٍ عنيدة عاقبت من يجاهدها .،
عزوم الرجال تهدها والخطر يزداد
وياويل رجلٍ كل ماقفت يعاندها .،
ليا من صفت لك حطتك في سماء الأمجاد
لكن لادبرّت حتى حياتك تعقدها ...،
#عبدالصمد_الحليلي
ياحظ الصغير اللي يعيش الهدوء التام
ما يشكي من همومه ولا فاقدٍ حاجه
.
احاسبك يانفسي واقول الوعد قدام
على شط بحرٍ تلعب الريح بـ امواجه
.
يقولون عشت الظلم في مسرح الأيام
واقول القدر محتوم والناس هراجه
.
ترى الشاعر المبدع مايحتاج للأعلام
ليا اثبت وجوده صار الأعلام يحتاجه
بعد شفت مزاود الناس في بعض الأمور
ودي اني قبل لا اشوفهم ماني بـ حي
..
راحت الدنيا بأهلها دبورٍ في دبور
الزمن مقلوب .. ولا العرب ما تستحي !
..
راحوا اللي يفعلون ولا يبغون الظهور
ولا بقى الا اللي يبون (الظهور المسرحي)
ندرى على السمعة لو ان الزمن شين
هرج الأوادم فالسعه ما شحنا
..
الهرج شوك كبود ما يقضي الدين
مير البلاء لا صار فينا ومنا
..
حنا طلعنا من زمنا بثنتين .،
بذل الوفاء فالناس وسلوم اهلنا
..
يهمنا حفظ العهد والقوانين
ماهمنا وش قالوا الناس عنا
لو يضيق الوقت وتضيق يالصدر الرحيب
واقعي يفرض والأقدار ما عنها صدد
..
الكلام اللي يوصل معاناة الأديب .!
مات في صدرٍ ورى سوره أفكارٍ جدد
..
يتهموني بالكبر كل ماقررت اغيب ..
والغياب افضل من حضوري مكمل عدد
رميت الهقاوي في رحاب الزمان وشان
ولقيت العرب ما كل شيء يقنعها
..
لسان الصواب يجامل الزور والبهتان
وفمي الخدم بالشمع ودك تشمعها
..
ترى اللي يسولف عن فعوله مع العربان
مثل من يحدث والفريضه ما يركعها
لا مسكت الطريق وراح نص المسافه
قمت اهوجس واجر الصوت والليل ساري
..
قام الألهام يجبرني على وزن قافه
صك باب العتاب وفك باب الطواري
..
من سلم من معاناته تصيبه مخافه
يصبح يخاف حتى من نسيم الذواري
..
السعادة ماتبغى اللي يعيش بكلافه
والتعاسه ماتبغى اللي يهل العباري
يا حظ من جاته الدنيا على كيفه
ماضاق صدره من الدنيا ولا مره
..
رزق الشتاء لا بغاه يجيه في صيفه
متسيبً ماتعب والنفس مستره
..
وانا فـ قلبي من اللي شايفه خيفه
امشي حذر واتوارى وادفن الجره
..
يا مصرف المال مال الفقر تصريفه !
ونصرّفه ما يمر اجيوبنا مره
لا باس يا راسً تعلق بك البأس
اليا بغيت الهرج والضحك صدّع
..
ما هزني فرقا ولا هزني يأس
اظن عقلي من غثاء الوقت ودّع
..
الضيق يجبرني على كتم الأنفاس
والقلب من ضرب العزاير تصدّع
اصنع من القسوة رخاء قدام تصنعك السنين
ترى الحياة ام المعارك تهلكك لا اهملتها
..
ابطش على الدنيا و واجهها بعزمً ما يلين
ان كان ما خلدت مجدك سطوتك خلدتها
..
ترى البطل ماعاش فوق الأرض مكتوف اليدين
اما عظيمً فوقها …. ولا عظيمً تحتها