العقل البشري قوة من قوى النفس لا يستهان بها،
ولذلك فإن أعظم وأقوى حيتان البحر ليس لديها أي قوة في الصحراء
♦️ متعتي في الحياه استفيد وافيد اللي تعلمته للناس.
مشاهير قطر شخباركم تمام؟
يعطيكم العافيه ركزوا انتوا بس في التذاكر والاماكن اللي تدفع لكم فلوس عشان تتحركون اهم شي الكشخه والعطر
وخلونا احنا مع اخوانا اللي جاو من الخارج عشان يعطونا معلومات عن قطر
اللي هو اصلا هذا شغلكم
💢 رساله الى اخواني واخواتي العرب خارج قطر
اي حد ناوي او يخطط يشتغل ويستقر في قطر
وانت تحاول اتدور فيزا او تأشيره وتتواصل مع حد في قطر ويقولك ادفع مثلا مبلغ 10 الاف ريال أو 15 الف ريال إعرف انه كذاب ولا تدفع ريال واحد لان الفيزا تطلع بمبلغ رمزي او التأشيره
الموضوع بسيط قدم على…
💢 الحمدالله على سلامة ولدي وبنتي كان في طريقه يوصل اخته المدرسه في الخور والدبل تعطل واختل توازن السيارة عنده وانحرفت السياره وانقلبوا ولكن الحمدالله مافي إصابات بليغه
ربي يحفظ عيالنا وبناتنا من كل شر
💢الحقد والحسد ضد التجنيس
استغرب من بعض الناس اللي يعارض في حصول #ابناء_القطريات #اصحاب_الوثائق #المواليد على الجنسيه وشفت بعض تغريدات المعارضين من فتره يتكلمون وكأن اذا خذوا الجنسيه بتزيد رواتبهم وتنخصم من جيبهم!! وغير اللي مغرد يقول حتى إذا خذوا الجنسيه مايستحقون ارض وقرض..…
مدير ادارة المرور سابقاً كان يساعد ويراعي ومايقصر سواء قطري او مقيم والله اذكر كان ينزل تحت عشان يخلص الناس وطيب وحبوب ويفز لما اي حد يدخل مكتبه
الله يذكرك بالخير يا بوسعد🌹
💢 الشخص في أول المقطع عرفنا من اللهجه أصله من وين سواء يتغشمر او هو فعلا هذي لهجته، تمام؟
هل لازم انتطنز عليه؟
هل لازم تحسس العالم انهم اقل منك؟
ماله داعي الاستهزاء بالناس، كان ممكن ترد عليه بطريقه ثانيه
حتى في الدين لا يجوز اسمع👇🏽
وبعدين كل قطر فيهم الخير والبركه سواء مواطن…
خالد جاسم مقدم برنامج المجلس
شخص قمة في الاحترام والاخلاق
وحبيت اشكرك على مجهودك الرائع على مدى السنوات اللي طافت
وبعدين قلت حلو الواحد يشكر شخص وهو في عز عمله مش نهاية عمله
وعساك عالقوه ومنها للاعلى
@khalidjassem74
💢اكبر الباكر شخصيه لن تتكرر
تختلف معاه او تتفق ولكن الحق يُقال، القصص اللي نسمعها عنه انه بنفسه يتأكد من سلامة الطائرة واغلب الموظفين دايماً يتفاجؤون فيه انه موجود صبح وليل، وفي النهار تلاقيه موجود في مكتبه، اسلوب عمله من القليل نلاقيه في الساحه الوظيفيه هالايام ، وهو اساسه…
💢عاجل
ابوها ملك ولد ملك وامها من الأساس غنيه قبل وبعد
والعرس بسيط ومتواضع جدا جدا...
الووو تسمعيني ياللي هناك!!
اقولج العرس بسيط وهي بنت ملك...🤦🏻
مادري تتوقعون اوصلت الرساله يالربع!!؟
محمد سعدون الكواري طبعاً مهما اتكلم عن هاذا الانسان المميز والخلوق قليل في حقه، اعلامي قطري نفتخر ونعتز فيه
ماوصل بالواسطه،ولا وصل بكل سهوله، ولكنه عاصر واجتهد وحاول حتى وصل ماهو عليه الآن، قصته تُدرس
وشكرا لك على مجهودك
ربي يوفقك ومنها للأعلى يالغالي
@Ms3don
كنت اسأل نفسي ذباب الكتروني من كل مكان ولكن ليش مافي ذباب الكتروني عماني ضد قطر ؟ بس عقب عرفت الاجابه ان الحب اقوى من اي شي واحنا فعلا نحبكم بقلب صادق وبين حبكم لنا والله يطول في عمر السلطان قابوس .
وكفو عليكم يا اهل السلطنه
#قابوس_ميزان_السياسة
💢 انا مادري من المسؤول
ولكن ارحموا الموظف اللي يشتغل تحت حراره الشمس وانت تدري ان الجو حار وتدري الواحد مايتحمل يوقف دقايق في هالجو الحار مع الرطوبه العاليه.
إدارة اللؤلؤه انتوا مركزين على كل شي ماعدا البشر
وصاحب الشركه أتمنى توفير صندقه مكيفه لهم.
والله يوفق الجميع…
دكتور حمود من اوائل القطريين اللي دخلوا السوشل ميديا قبل السناب وقبل اي تطبيق تواصل اجتماعي كان يستخدم اليوتيوب فقط ويتكلم عن قضايا اجتماعيه بروح حلوه وخفه دم وحبيت اقولك شكرا على جهودك الطيبه
وبالتوفيق ان شاءالله
@MQLB
🛑 نصيحه حق اي موظف او موظفه فرش في العمل وحُر من البنك
اخذو قرض واشتروا فيها ارض حتى لو مساحتها ٤٠٠م او ٥٠٠م
ولا تفسفسون فلوسكم عالفاضي سالفه اخذ قرض عشان ساعه ولا سيارة خلكم منها لانها ماتأكل عيش
لان بتوصلون مرحله تتحسفون عقب
مع الوقت بتلاقون نفسكم عندكم بيت يسوى كم مليون
شرايكم في فكرة جمعيه الشعب
١٠٠ريال من كل شخص والمشتركين فقط اللي عليهم قروض
ومطلوب فقط١٠٠الف شخص
يعني شهريا ١٠ مليون
وال١٠مليون تتوزع عالمديونيات شوي شوي
يعني نحسب مديونية ال١٠٠الف شخص مثلا مليار وشوي والشخص المسؤول شغلته بس يسدد حق المشتركين واللي تسدد دينه يكمل في دفع١٠٠شهريا
💢شي حلو
انك في المستشفى سواء طواري او لاي سبب ويجيك دكتور (قطري) اللي مسؤول عن حالتك وتعامل راقي واحترام ومتفهم يكفي انه قطري
في مستشفى سدرة الله يكثر من امثاله ك دكاترة قطريين.. 🇶🇦
شكرا لك د.خالد اليافعي وعساك عالقوه وشكرا لكل دكتور سواء قطريه او قطري اللي يضحي بوقته ووقت…
💢خالد الدرويش صاحب محلات البحار وتاج سنتر
من ضمن القطريين القليلين اللي يسوقون لمنتجاتهم بنفسهم وخصومات حلوه تعجبني جرائته وذكي في التجاره ومجتهد.
كان بالإمكان يكلف حد يسوق له ولكن صاحب الحلال لما يسوق لمنتجاته لها طعم ثاني..
اخوي خالد ربي يوفقك ويرزقك وبالتوفيق ..
💢 عزيزي المسؤول
في قطريين من حبهم لبلادهم عادي يشتغلون بدون راتب وفي منهم المبدع وفي منهم الذكي والفنان... ولكن
اقسم بالله العظيم ان في قطريين وقطريات تم محاربتهم من قِبل المسؤول لان مايحب هاذا الموظف او الموظفه المبدعه تكون محط الانظار وهو يعلم أن الموظف الفلاني افضل منه.…
💢مطار حمد الدولي
مطار جميل وسوق حره مغري ومطاعم فاخره وخدمات مميزه وفندق 7 نجوم..
ولكن..
لو تلاحظون في الصورة👇🏼 المطار فيه تقريبا 60 خرطوم واستغرب دام متوفره الخراطيم بما انها مريحه وخصوصاً لكبار السن والحريم ليش لحد اليوم نستخدم الباصات؟
وحتى الدرجه أولى مرات يحطونه في الباص…
💢 تدرون من اول بروفيسور قطري؟👇🏽
البروفيسور ابراهيم الجناحي ، وهو كبير الأطباء المعالجين ورئيس قسم أمراض الرئة للأطفال في مركز سيدرا للطب ، سيشرف الآن على تنفيذ جميع برامج التعليم الطبي في المنظمة. وهذا يشمل تنسيق التدريب الطبي الجامعي والدراسات العليا.
ربي يعطيك الصحه والعافيه…
💢 شباب منفذ بوسمرا
سواء جوازات او جمارك
انا ادري ان الخليجيين مستائين من التأخير في منفذ بوسمرا وهذا بسبب انظمه جديده وضِعت لأسباب امنيه.
ولكن الغريب ان بعض اللي مستائين من الزوار في أوروبا اذا يتأخرون عليهم يوم كامل يقولك اي لازم إجراءات امنيه وشي طبيعي طيب عندنا ليش ماتقولون…
هذا البلوقر التونسي اعماله ماسواها ولا قطري
شرح عن قطر والاماكن وعن كأس العالم والمحطات وبطاقه هيا والاماكن السياحيه وتكلم عن الوظائف والنظام.
مجهود فردي واحنا ك قطريين ندعم دائماً وابدا من يحب قطر
شكرا لك اخي بلال🌹👍🏼
نصيحه حق كل بنت على وشك الزواج او توها تزوجت
لا تسمعين كلام ربعج اللي تقول لج (شتبين فيه خليه يولي لا تسوين له ولا تخدمينه انتي مب خدامه عنده)
واي وحده تقولج تطلقي منه شتبين فيه قوليلها اوك بس شرط توفرين لي بيت ومصروف؟
لان عقب هالسؤال هي بتبرطم
وربي يهنيك في حياتك
احنا لين الحين عندنا مرض قطري اصلي او مب اصلي ؟؟
يعني ابي افهم هل القطري الاصلي بيدخل الجنه مثلا واللي مب اصلي بيدخل النار؟
طيب شنو الفرق بينهم ؟
قالَ رسولُ اللهِ "صـلى اللهُ عليهِ و سلـم " :
( لا فرق بين عربي و لا أعجمي و لا أبيض ولا أسود إلا بالتقوى )
اللي حسابه مصرف الريان لا يروح اي مكان لان البنك System Down لا بطاقه لا شي والمفروض يامصرف الريان اطرشون مسج عشان ماتوهقون العالم مثل ماوهقتوني صبيت بترول والبطاقه ماتشتغل 🤦🏻والحين قاعد اغسل صحون في وقود لين تفتح البطاقه 😅
@Masraf_Al_Rayan
💢التوظيف بطريقه ملتويه
طريقه التوظيف الملتويه في الواقع هي ان اي جهة سواء حكوميه او شبه حكوميه تحت منصة (كوادر) حابه توظف (شخص معين) تخليه يقدم عن طريق كوادر يختارون من الموقع ويتخذون معاه الإجراءات القانونيه عشان يتوظف
يعني بالمختصر اي جهه توظف اللي يعجبها طيب وباقي المرشحين…
💢شللي صار؟
في سنة 60 و70 ذيك الايام كانوا القطريين وغير قطريين والمواليد وأبناء القطريات وأصحاب الوثائق عايشين مع بعض وجيران وعشره وذكريات حلوه ..
لدرجة ان واحد من أبناء القطريات كان يتكلم عن ايام اول وقال "فعلًا حتى التعامل كان أفضل مثلا الوثيقة كان لونها عنابي، معفيين من…
💢 للتذكير بنك قطر التنميه
حبيت اقول إن القرض 1،200،000 ريال من غير زياده في الوقت الراهن يسويلك هذا النموذج👇🏽
ادري مب عيب ولا حرام بس حبيت اذكركم 😊
@QDBQA
💢جيتور سياره صينيه شبه (الديفيندر)
أصحاب مقولة (انا مانشتري الا ماركه معروفه) اطلع منها لو سمحت لان هاذا المقطع حق الناس المتواضعه😊 ..
اخواني واخواتي في حد جرب سياره صينيه وشرايكم في هذي 👇🏼
💢محل في قطر يفصل ثوب واحد ب ٣٠٠٠ ريال؟😳
عزيزي صاحب الخياط ممكن اعرف شنو السبب؟
يعني هل مثلا الثوب يخليني اتكلم لغات؟
او اذا انا قبيح يخليني وسيم؟
يتكلم معاي الثوب؟
وقت الهوشه ممكن اتحول تشاكي شان؟
مادري بس متحمس اعرف شنهي مميزات الثوب؟🤦🏻
💢 من الذكريات الجميله الماراثون
بس المذيع ماله حل ماخلاها في خاطره لازم يسوي مقابله مع المتسابقين حتى وهم يركضون 😅 يعطيه العافيه
المتسابقين اللي في المقابله:
موسى مدني-فريق الشرطه
عبدالوهاب محمود العربي-مدرب رياضه فريق الشرطه العسكريه
لكم كل التحيه والتقدير ويعطيكم العافيه…
💢 صاحب فكرة الكاميرة الخفيه(شبتسوي)
اخي الكريم من وجهة نظري
الكاميرا الخفيه اول شي ماتاخذ وقت أكثر من دقيقه ونضحك من تعابير الوجه + الموقف
اما الكاميرا الخفيه اللي تسوونها مع كل الاحترام هابط جدا
ومدتها اكثر من 15 دقيقه عشان في النهايه نظام غصب تخاف؟
انا اتخيل لو هاذا ابوي…
💢 هيئة الأشغال
انا بس حاب افهم شي ندري ان التأخير في مشاريع الطرقات والبنيه التحتيه بسبب الشركات اللي رست عليها المناقصه وبعدها بالباطن تعطي شركه ارخص والخ... والضحيه طبعاً احنا 🤷🏻
طيب ليش ماتحطون قانون تمنع الشركات تعطي بالباطن او مراقبه مشاريعكم من طرف اشغال؟
اللي مب قد…
يالربع تعرفون نظام الشركات اللي توظف ناس وياخذون نسبه من رواتبهم شهري؟
مثلا شخص مقيم جاله عرض من QP عن طريق شركه وعرضQP مثلا ٢٠ الف
والشركه تاخذ من الراتب ٣٠٪ او اكثر او اقل
يعني الشخص يكرف طول الشهر والشركه باردة مبردة ياخذون النسبه من الراتب
هل تحسون ظلم ولا عادي؟
لا لا لا لا لا لا لا لا لاااااااااااااااااااااااااااااااااااا لا لا لا لا لا لا لا ارجوكم لاتسوون جذيه لا لا لا
العرضه مب على اغنيه ارحبوا لااااا😫😫😫😫
الله يسامحكم من اللي قالكم تسوون عرضه على هالاغنيه 🤦🏻🤦🏻🤦🏻🤦🏻🤦🏻🤦🏻🤦🏻
الوالد الله يحفظه الملقب ب(عيسى كهربا)
لما كان يدرس في النرويج لعب في نادي محلي اسمه KIF وكان من اللعيبه المميزين والتقطت الصورة سنه ١٩٧٤ وفي هاذي الصورة فاز فريقه بنتيجه ٢ صفر والوالد سجل واحد من الاهداف
الله يعطيه الصحه والعافيه ويطول في عمره 😍
💢الخطوط القطريه الي اين؟؟!
احنا نشوف الأسعار قاعده تزيد بين كل فتره وفتره ونشوف تصنيفكم وصل افضل طيران على مستوى العالم ممتاز و(شوميله)ومبروك
ولكن
احنا شفنا (خدمات) شركات طيران ثانيه وناس مجربه انها افضل من ناحية الخدمات والاسعار
هنا يكمن السؤال اذا لماذا خدمات القطريه اقل من…
💢والله قلنا هالكلام من زمان مافي فايده الاحراج والعيب ومايصير او شبيقولون عنا الناس والعادات والتقاليد البعض عندهم أقوى من الدين.. 👇🏼
♦️في ظنكم هل صعب انطبق هالنظام؟
اختي اللي تبيعين ورق عنب مادري ملفوف في الانستقرام لما اسأل عن السعر ليش تقولين لي تعال خاص قولي كم سعرج قدام العالم مافيها شي.
ترى ورق عنب مب مخدرات🤦🏻
لما تحطين السعر يعتبر اختصار وقت لج وحق الزبون
والله يوفقج ان شاءالله
بعض الزوجات يتحلطمون على الزوج اللي يتملل وقت الجمعيه او التسوق مع زوجته
جربي تروحين معاه الصناعيه وهو يدور قطعه حق سيارته ومب محصلها مع الشوارع المكسرة
ترى نفس الاحساس 😅
💢 لاحظت انتشار مثل هاذي الصور بشكل كبير
بس ماعرفت شنو المقصود فيها!
هل عشان نشوف أصابع رجلها تكرمون ولا الفستان ولا الأظافر؟
والشي الثاني شنو السبب انها تصور بهذي الطريقه؟
اذا كان الغرض لتصوير الكوفي او القهوة ممكن تصور القهوة والكوب عالطاوله!!
قلت اطرح عليكم السؤال شرايكم؟
الصورة تجمعني انا واخي وصديقي شهاب العلوي نجل وزير الخارجيه في سلطنة عمان ونعم الرجل وفي قمة الاخلاق والتواضع وهذا اللي عرفناه من اهل السلطنه .
#قابوس_ميزان_السياسة
اذا تعرفون حد من الاخوان الي فقدوا وظايفهم في الفترة الي فاتت داخل قطر يسجلون في هالموقع وبإذن الله نساعدهم في ايجاد وظايف لهم او طريقة كمصدر للدخل
وياليت تنشرونه لأي حد محتاج وظيفة
💢 اخوي عبدالرحمن اليوم عزمني على الغدا في الفاندوم مول الوسيل واكتشفت انه رجل مختلف عن شخصيه تويتر🤦🏻 تماماً انسان طموح ومجتهد ماشاءالله عليه وهاذي الساعه المباركه ياخوي بوسعود وكثر الله خيرك ونعم الله عليك.👍🏼😊
الاخت ايمان الكعبي رئيس قسم التواصل الاجتماعي في اذاعه قطر
اشتغلت مع ايمان في بعض الفعاليات المشتركه ولفت انتباهي من القطريات خفيفات الظل والمحتوى الجميل وغير انها شاركت في العديد من الفعاليات الداخليه والخارجيه وحبيت اقولج يعطيك الف عافيه وشكراً لجهودك
@emanalkabee
💢 لاحظت شي
في الإمارات لما كنت اسافر لها من زماااان كنت اشوف إماراتيين وبعدها صاروا يقلون اكثر واكثر مع كل سفره ادري انهم موجودين بس اقصد في الأماكن العامه احنا كزوار مانشوفهم
اكثر شي نشوف الأجانب وطبعاً الكل لاحظ هالشي
وكنا دايماً نسمع هذا السؤال او نقوله وايد👇🏽
(وين…
💢وزارة الداخليه - إدارة المرور
يعطيكم العافيه علي جهودكم... ولكن طلب صغير
اتمني انكم تركزون في ترويج التوعيه اكثر من ترويج المخالفات..
للعلم في سائقين ملتزمين بكل القوانين من تأثير برنامج (الشرطه معك) أو برنامج (قف) التوعوي قديما..
لان في فرق بين التزم بالقوانين وانا مقتنع…
رحت ابدل تواير السيارة على خط سلوى وانا قاعد انتظر الا جاني واحد افغاني يمشي جنب المحلات لين ماوصل عندي وقالي تبي مكسرات ؟ قلت له شكرا
وبعدها جاني واحد يبيع فاين 🤔 قالي تشتري قلت له لا .
بس كنت مستغرب وبعدها بدقايق جاني واحد ثالث مسوي ملامح المسكين ويبيع سجادة صلاة
شسالفه؟🤔
💢 موضه ال 👟
ايام اول في المدارس لما يكون عندنا حصة رياضه نلبس ثوب وتحت الثوب لبس رياضه مع جوتي رياضه الله يكرمكم ويكرم من يقرأ.
وطبعاً برا المدرسه كنا مستحيل نسويها وان عيب ومايصير وعاداتنا وتقاليدنا و و الخ..
بعدها بفتره شفت كبار السن يلبسون جوتي رياضي وثوب ولكن عندهم عذر…
💢الكل كان يقول
تغيرات حلوه بتصير بعد كأس العالم..
انا سمعت هالجمله قبل البطوله..
من يقول لنا شنهي التغييرات اللي المفروض تصير بعد كأس العالم؟
وهل تغير شي؟
💢اخوي حمد فضل اليافعي هو محامٍ موهوب للغاية. يتمتع بمعرفة واسعة في مجال القانون، ويتميز بالنزاهة والاحترافية العالية في أداء عمله.
♦️نفخر بك يا حمد
ونثمن جهودك الكبيرة وإنجازاتك
ونتمنى لك مستقبلاً مشرقاً ومليئاً بالنجاحات
ففي كل طريق تسلكه، ستبقى مصدر إلهام وقوة للآخرين
شكراً…
من الذكريات الجميله اخوي الغالي حمد جاسم وهو يغني في نادي الهواه القطري مع المذيع الراحل فوزي الخميس والفنان علي عبدالستار (بونايف)
بس ممكن يفيدنا اخونا حمد سنة كم وكم كان عمرك ذاك الوقت😁
@hamad_jassim
@khalidjassem74
ايام قبل خنقول ١٩٩٠ كان الموظف راتبه من ٤ الاف الى ٧ الاف ريال والاراضي كانت على ٢٥ الف او ٣٥ الف
يعني لو توفر ٢٠٠٠ من راتبك لمده سنه ونص او سنتين تقدر توفر قيمه ارض
الحين على ان الرواتب عاليه لو توفر راتبك كله ماتقدر حتى توفر قيمه نص ارض شنو السبب في ظنكم؟
💢 بخصوص قرض بنك التنميه
سؤال حق اخواني اللي يبنون:
اول شي ايش هدف بنك التنميه من توفير القرض؟
هل هدفهم لبناء بيت كامل بمواصفات معينه او
غرضهم ان القرض يساعد في البناء؟
هل تشوفون ال 1،250،000 مليون ريال تكفى لبناء البيت هالايام؟
لان الوالد الله يحفظه ايام الإسكان القرض…
اللهمّ اشفِ ولد خالي شفاءً ليس بعده سقمًا أبدًا، اللهمّ خذ بيده، اللهمّ احرسه بعينيك التّي لا تنام، واكفه بركنك الّذي لا يرام، واحفظه بعزّك الّذي لا يُضام، واكلأه في الّليل وفي النّهار، وارحمه بقدرتك عليه، أنت ثقته ورجاؤه، يا كاشف الهم، يا مُفرج الكرب، يا مُجيب الدعوات🌹
اليوم واحد لف علي وانا امشي ٦٠ عطيته ليت على اساس ينتبه وقف سيارته قدامي وااشر بيده حركة شتبي انا استغربت قلت شفيه جيت جنبه قتله خير تأشر يقولي انت شفيك قتله لا مافيني شي بس كنت بموت🤦🏻
حسيت اني في سنة ١٩٨٠ اسلوب فريج الصراحه الله يشفيك
💢 سوق الجبر
كل قطر كانوا يشترون من عنده أغراض الاعياد والمناسبات
وبعدها لما زادت المولات اختفوا القطريين من سوق الجبر الا قليل جداً، صارت نسبه الوافدين اكثر
♦️سؤال
في اي حاله ممكن يزداد عدد القطريين ك زبائن يترددون لسوق الجبر؟
ولا مافي امل خلاص؟
انا استغرب ليش كل سنه لازم نساعد اللاجئين في موضوع البرد يعني اقصد ليش مب مرة وحده؟؟؟؟
يعني ليش كل سنه ليش ونفس الدوله؟؟
تخيلوا لو اقولكم كل سنه ساعدوا عبدالله والاسم يتكرر عبدالله عبدالله عبدالله كل سنه اكيد بتقول مافي غير عبدالله؟
ترى البرد ضارب معظم الدول العربيه🤨
💢 عزيزي الموظف الجديد
انت الحين محظوظ راتبك حر وكامل
عندك خيارين يا أن تحط على نفسك ديون عشان تكشخ قدام الناس وتسوي نفسك ولد عز
يا انك اتطنش لهم وتحافظ على راتبك وتفكر شلون تشتري عقار لان هو اللي بينفعك
اما الكشخه وقتيه فقط ومامنها فايده
وايد ناس كشخه ومايقدرون يسافرون😁
💢بخصوص زيادة الرواتب
لنفرض الحكومه قررت تزود رواتب الموظفين
هو اكيد شي حلو، ولكن هل المشكله بعد الزيادة جشع بعض التجار فقط؟👇🏽
ولا هم بعد السبب فئة من القطريين اللي يدفعون ويغلون في الأسعار وماعندهم حسن التدبير؟
♦️ملاحظه: الرساله مب موجه حق اللي حياته مرتبه وربي يزيده
الرساله…
💢سؤال حق المواطن العادي..
هل شريت سياره (كاش) من الوكاله
بدون قرض وبدون تجارة وبدون ورث؟
اذا الجواب (اي)
لاهنت او لا هنتي اذا في امكانيه شلون الطريقه حتى الكل يستفيد..
@shaheensulaiti
اخوي شاهين ندري انك متحمس وااايد ولكن لا ياخذك الحماس وتوصل مرحله التطبيل على الفاضي احنا في هالوقت نحتاج اللي يتذمر عشان لتصحيح الاخطاء
وليش في ظنك جابوا هالمباراه في قطر عشان نسكت؟!
لا طبعا عشان ياخذون الملاحظات بعين الاعتبار
مب كل من تكلم اقوله اسكت احنا صح١٠٠٪ بالمنطق
💢موضوع مهم ياجماعه
قبل كل شي تحياتي لكل الجنسيات.
في قطريين خوالهم من جنسيه دول مجلس التعاون عادي يقدمهم ويعزمهم ويعرفهم على ربعهم
وفي قطريين خوالهم من دول بعيده عن مجلس التعاون
ولاحظت بعض القطريين يستحون يقولون للناس ان هذا خالي وهذا ولد خالي
السؤال ليش؟
💢امس دخلت ال46 من عمري وحبيت اقول
اللهم إني أسألك أن تبارك لي في عمري وتستخدمني وألا تستبدلني، وأن تجعل الجنة أكبر آمالي ومبلغ أعمالي، وألا تلهيني الحياة عن طاعتك ببهرجها وزينتها، اللهم إني أسألك قلبًا ناصعًا نقيًا يا رب العالمين
💢النصب على القطريين
الدوله ماقصرت وفرت الاحتياجات اللي تساعد المواطن القطري في الاستثمار لتحسين مستواه المعيشي.
وفي من يشارك بعض المقيمين اللي هدفهم الاستغلال ويسافرون ويطيح فيها القطري ومن المحتمل يتحول إلى غارم
(نصب على القطري وسافر)
☝🏼كم مرة سمعت هالجمله؟
وين الخطأ؟
هل…
لما الاجنبي الاوربي يكون مديرك واذا تهاوشت وياه هم بعد يعطيك تقييمك اللي تستحقه السنوي
غير بعض ربعنا تخيلوا عشان بس الموظف نشيط وذكي وفاحت ريحه الموظف في الاداره انه اذكى من مديرة قام عطاه تقييم نازل
او موظفه أجمل من المديره
بالله عليكم شنو هالسخافات
يامدراء ارتقوا شوي