Sara⁦ @Sara_Y_Ashour Twitter profile

Pinned Tweet

Sara⁦

5 months

- تخرجت من الIT ب٣ سنين ونص - خلصت فصل ونص ماجستير إدارة أعمال (جامعتي تدمّرت) - صارت الشركات تبعتلي عروض عمل وليس العكس - شركتي نزّلت لي بوست تقدير لوجودي معهم (شغلي واقف من شهرين) - وصلت لوصفة البان كيك واللازانيا المثالية (هل رح أرجع لبيتي ومطبخي؟) - لساتني عايشة! (أعظم إنجاز)

؏ــبــدﷲ👮🏻‍♂️

@abn_sol313

5 months

حققت اي ف ٢٠٢٣؟

251

77

2K

74

413

5K

Last Seen Profiles

@PredX_AI

@LHSportsTV

@Variety

@MELINUUXtv

@MarkoRitt

@Amberlicious028

@Commander_RS

@ShinKeru

@InscetMom

@Ziyan_Su420

@Reo_ui

@ComradeIzzy

@sexyaliza147

@LujahHalleThor

@kranediggy

@kitsuneteeeth

@EaglecrestHoops

@ChiracPatrick3

@mamechisama

@fnf_hami17

@Dgkcpa

@Pentabaneao

@LRVaz

@whingo90

@AnkurTo72227894

@Ho73399111

@cu_malawi

@doublepoussee

@PikminBloom_jp

@snServet

@pororoca_gt

@etztl

@dotdump

@erinlynnraab

@Yatsuiichiro

@Flossan_

Sara⁦

@Sara_Y_Ashour

7 months

إجت ميّة البلدية وتحممت، غسلت ملابسي المتكوّمين من٢٠ يوم، أكلت محشي (خيار وكوسا)، قرايبنا بعتولي مربّى بلح من أزكى الأشياء في الدنيا، شحنت تلفوني وفلّلته، رسمت رسمة جديدة، لولا الحياء كنت حطيت مناكير😂 ما كل هذا الترف؟ هو اليوم عيدميلادي وأنا مابعرف؟😆 غارِقة في النعم الحمدلله♥️

672

2K

28K

Sara⁦

@Sara_Y_Ashour

7 months

اليوم اكتشفت إنه أغلب الناس بغزة بتصوم مش بس عائلتي، ومش بس عشان ما في أكل وميّ يكفي ٣وجبات باليوم، لا بنصوم بنيّة تفريج الكرب، وطلب الأجر والثواب، والدعاء المستجاب عند الفطرة، والي عليه صيام قضاء من رمضان بيقضيه حتى لا يكون له أو عليه شيء في هذه الدنيا.. نسأل الله حسن الختام.

176

3K

17K

Sara⁦

@Sara_Y_Ashour

7 months

بعض النساء بغزة بتتناول حبوب منع الدورة الشهرية لانعدام الفوط الصحية وقلة مياه التغسيل والتعقيم، وفرصة إنه البنت تلاقي مكان آمن وفيه مياه للاغتسال معدومة. ناهيك عن الي باغتتهم بهذه الأيام واجتمعت عليهم الآلام الجسدية مضاعفة منها ومن النوم على البلاط والخوف والبرد.

557

4K

16K

Sara⁦

@Sara_Y_Ashour

7 months

أول مكان بيخطر على بالنا لما بدنا (ندرس، نتعالج، نتفسّح، إلخ)، وأول دولة كانت تفزع لنا في الحروب الي فاتت وتعمللنا هدنة بناءً على جهودها.. وبنحب شعبها كتير جيراننا وأهلنا. إلا صحيح مش لما بتتوجّع بتقول "آخ" ؟ وإحنا بنعتبركم إخوتنا وبنستنجد فيكم :)

Sayed Elmansy سيد المنسي

@SayedElmansy9

7 months

بينادونا احنا، اول ما بينادوا بينادوا ع اهل مصر .. بينادوا علينا احنا بالاسم دون عن كل البلاد!

122

704

4K

619

2K

12K

Sara⁦

@Sara_Y_Ashour

6 months

ما تضلكم تستمتعوا معاناتنا! صدقني مش رح تكون مبسوط وإنت بتخبز عالحطب تحت المطر والريح والبرد، وجهازك التنفسي بيعيط من الدخنة وبتكحكح، ما بتخلّص خبيز غير وإنت ماخد لفحة هوا تضلك أسبوع مريض من بعدها. هذه مش بساطة، هذه معاناة! لا تجمّلوها ولا تألفوها.

عبدالله

@a_s947

6 months

يعلموننا بكل بساطة كيف تُعاش الحياة يا صديقي ♥️

43

123

693

67

4K

12K

Sara⁦

@Sara_Y_Ashour

6 months

زمان ما أعطيتكم بصيص أمل؟ صحيح مرضانة من الميّ الي بنشربها، ومش قادرة أرفع إيدي من كتر ما أعصابي تلفانة، والله أعلم إذا صلاتي مقبولة ولا لأ من قلة الاستحمام والميّ للوضوء، ورح يصيرلي ٣ أيام مش نايمة ٤ساعات على بعض.. بس guess what؟!! اليوم أكلت بطاطا مقلية الحمدلله🫶🏻

Sara⁦

@Sara_Y_Ashour

7 months

مشتهية آكل بطاطا مقلية.

4

0

51

369

916

12K

Sara⁦

@Sara_Y_Ashour

4 months

رحت أعمل نضارات بدل العدسات لعيوني، اخترت الإطار واتفقنا عالسعر ودفعت العربون.. سألت الدكتور "مسامحني لو استشهدت قبل ما أستلمها وأكمل سعرها؟" قلي مسامحك، وإنتي مسامحة لو انقصف المحل وضل العربون؟ قلتله مسامحة. وطلعت وكأنه حوار عادي وطبيعي في أي عملية بيع وشراء.

142

2K

11K

Sara⁦

@Sara_Y_Ashour

4 months

شكرًا للكويت، أميرًا وحكومةً وشعبًا🇰🇼♥️ وصلتنا مساعدات كويتية "ملابس شتوية" إجت بوقتها في هذا البرد، من زمااان عن شعور الملابس الجديدة وقص ورق النايلون عنها؛ كل الملابس الي بالسوق صيفية ومستعملة. قماشة حلوة وبتدفّي ومقاسات مزبوطة.. شكرًا من القلب🥰

404

1K

11K

Sara⁦

@Sara_Y_Ashour

7 months

عنجد زعلانين من الشب الي لبّس أخته بلوزته حجاب لشعرها؟ أهون عليّ أضل تحت الأنقاض على إني أطلع منه بشعري أو لبسي مش مستور! إحنا بننام وبندعي "اللهم استر عوراتنا وآمن روعاتنا" الله يبعتلنا أولاد الحلال الي يخافوا علينا ويسترونا في هيك ظروف.

149

1K

10K

Sara⁦

@Sara_Y_Ashour

7 months

قرأت أذكاري، لبست حجابي وتأكدت ما في شعرة طالعة، لبسي كله مستور حتى الجربانة، تجمّعت مع أهلي، وأخدت وضعية الجنين في بطن أمه للنوم (أخف وطأة للجسم عند تلقّي الصدمة وسماع صوت قصف قريب ومُزلزل). قُل لن يصيبنا إلا ما كتب الله لنا.

278

1K

10K

Sara⁦

@Sara_Y_Ashour

6 months

إن شاء الله بس تخلص الحرب رح أبطل أعرّف عن نفسي إني مرفهة ومدللة أبوها، لا أنا بقعد بالأيام بدون أكل أو شرب، برفع ميّ بالجرادل للطابق الرابع، وبعجن وبخبز عالحطب، وبغسل الملابس على إيدي، بنام عالبلاط وعالرمل عادي المهم مكان يئويني. لو ربنا كتبلي عمر هكتب في البيو خريجة خمس حروب😂

مدار

@mie9n

6 months

بالمناسبة : أنا امرأة تُحب كافة أنواع الدلع والدلال والغنَج والمبالغة في الوِد والوداد لأن يليقُ بِي دومًا كُلّ ما هو جميل (دلعني.. شويَ شويَ دلعني وخُدّ عينايَّ )

0

541

3K

406

562

9K

Sara⁦

@Sara_Y_Ashour

6 months

كنت بشكي لبابا إنه ببداية أكتوبر كنت واصلة لمرحلة من الازدهار بشغلي لدرجة صرت أنطلب بالاسم بدون ما أقدّم أنا للشركات، ودخلي بيساوي الي حوّشته زمان، كل الي بنيته انهار في لحظة! أنا فقدت كل عملائي وشغفي وطاقتي! قلي إني بشبه غزة، متجددة، متمردة، وبصنع من اللاشيء شيء، مش خايف عليّ.

200

598

9K

Sara⁦

@Sara_Y_Ashour

3 months

قريبي عنده مرحلة متقدمة من الوسواس القهري بالنظافة، لدرجة بيشوف كل إشي حواليه ملوّث حتى الهواء، وكان يغسل إيديه كل دقيقة ويعقّم أي شيء بيلمسه.. اليوم سألت عنه وعرفت إنه بيبكي زي الطفل الصغير في الخيمة عشان الرمل بيلمس جلده وما في مياه تكفي يغسل ويعقم :( ملاحظة: عمره ٥٥سنة.

190

1K

8K

Sara⁦

@Sara_Y_Ashour

5 months

وإحنا بنشرب الشاي عالحطب جمب الخيمة الي بينها وبين البحر كم كيلو والغنمات بيجروا حوالينا والشموسة دافية بعد ليلة ماطرة صعبة، بتمازحنا بنت عمي وبتقول "برا غزة بيدفعوا فلوس عشان يطلعوا رحلة تخييم زينا، إحنا طلعناها ببلاش" وهذا أجمل ما قيل في الرِّضى والترويح عن النفس لو تعلمون 😂♥️

111

752

7K

Sara⁦

@Sara_Y_Ashour

6 months

ربنا أكرمنا واستقبلنا ببيتنا نازحين من شمال غزة، نتقاسم اللقمة والغرفة والأُلفة.. ما اكتفوا جيراننا وأهلنا بإرسال الفِراش للنوم والخبز للأكل؛ من الصبح لما شتّت الدنيا بعتوا للأطفال ملابس شتوية كمان. "مَثل المؤمنين في توادّهم وتراحمهم وتعاطفهم كمَثل الجسد الواحد." الحمدلله.

122

1K

7K

Sara⁦

@Sara_Y_Ashour

6 months

اليوم السادس والثلاثون، الفترة الطبيعية بين الدورة الشهرية والأخرى ما بين 21 و 35 يوم، ما يعني إنه كل أنثى في قطاع غزة مرّ عليها آلام الحيض مع البرد وقلة الأكل وانقطاع مياه الشرب أولًا والتغسيل والتعقيم ثانيًا. البحث عن الفوط الصحية أصبح غير وارد مع إغلاق المعبر، ما باليد حيلة.

Sara⁦

@Sara_Y_Ashour

7 months

بعض النساء بغزة بتتناول حبوب منع الدورة الشهرية لانعدام الفوط الصحية وقلة مياه التغسيل والتعقيم، وفرصة إنه البنت تلاقي مكان آمن وفيه مياه للاغتسال معدومة. ناهيك عن الي باغتتهم بهذه الأيام واجتمعت عليهم الآلام الجسدية مضاعفة منها ومن النوم على البلاط والخوف والبرد.

557

4K

16K

140

2K

7K

Sara⁦

@Sara_Y_Ashour

4 months

الليلة كدت أموت بس مش من القصف لا، من شدة البرد! ما سلمت من مسخرة إخوتي "يعني ما تموتي شهيدة تموتي بردانة؟" كل الي بنفسي كنت أرجع على بيتي آخد ملابسي الصوف ولحافي الدافي.. يا رب ما تضل بنفسي ونرجع على بيتنا بأقرب وقت.

186

2K

7K

Sara⁦

@Sara_Y_Ashour

6 months

كنا نصلي العشاء جماعة، في الركعة الثانية كان يتلو الإمام بالتزامن مع أصوات القصف من حولنا آخر آيات سورة البقرة "ربَّنا ولاَ تُحمِّلنا ما لاَ طاقةَ لنا بِهِ وَاعْفُ عنَّا واغْفِرْ لنا وارحمْنَآ أَنتَ موْلاَنا فَانصُرْنا على الْقوم الكافرين" كأنها جاءت لتمسح على قلوبنا، اللهم آمين.

59

1K

7K

Sara⁦

@Sara_Y_Ashour

3 months

في خيمة جمبنا فاتحين قرآن على سمّاعات بصوت عالي، لوهلة حسّيت حالي ببيتنا، مراسم يوم الجمعة والقرآن يعلى بالبيت، ماما بتحضّر المقلوبة وأنا بعطّر بالبيت وبابا وإخوتي بيتجهّزوا للصلاة.. يا الله قشعر بدني! يا ربّ ببركة هاليوم الفضيل ينتهي كل شيء ونستعيد حياتنا الي بنحبها🥺🤍

87

793

7K

Sara⁦

@Sara_Y_Ashour

6 months

أول مرة بشوف بابا منهار وبيبكي، بيبكي من كل قلبه يا الله! أعوذ بالله من قهر الرجال! دفن أخته وزوجها وبنتها وأحفادها مرة واحدة. اللهمَّ اربط على قلبه وألهمه الصبر والسلوان، وارحمهم واعفُ عنهم وتقبّلهم مع الشهداء والصّدّيقين.

163

1K

6K

Sara⁦

@Sara_Y_Ashour

2 months

كل رمضان من سنوات عمتو بترن علينا تصحينا للسحور، وهي عارفة إننا صاحيين بس معلش يمكن نغفى ويروح علينا، لو ما اتصلت بنعرف إنه هي نايمة فبنتصل عليها إحنا.. اليوم قعدنا نتسحر بغصّة وكل واحد يطّلع بجواله كل شوي بيستنى فيها ترن، بس ليش ما رنت؟ آه صح عمتو وعيلتها استشهدوا قبل خمس شهور.

83

998

7K

Sara⁦

@Sara_Y_Ashour

5 months

تحممت من بعد تلات أسابيع، أكلت رز زاكي، نمت قيلولة العصر، رجع الإرسال والاتصالات ونطمنت على أهلي وصحباتي.. هو اليوم العيد وأنا مش حاسة؟

182

426

6K

Sara⁦

@Sara_Y_Ashour

7 months

مبروك على غزة موروث شعبي جديد بسبب الحرب اسمه "محشي الخيار"😂 هو مش أكلة معروفة بالمناسبة؛ بس ما عنا إشي يتاكل فعليًا غير الخيار، عملناه محشي هالمرة (وطلع زاكي). متخيلين شو يعني ما في طحين بالبيت نخبز؟ مشتهيين أكلة عليها العين؟ بنحاول نعيش حياة كريمة لآخر رمق.

Sara⁦

@Sara_Y_Ashour

7 months

إجت ميّة البلدية وتحممت، غسلت ملابسي المتكوّمين من٢٠ يوم، أكلت محشي (خيار وكوسا)، قرايبنا بعتولي مربّى بلح من أزكى الأشياء في الدنيا، شحنت تلفوني وفلّلته، رسمت رسمة جديدة، لولا الحياء كنت حطيت مناكير😂 ما كل هذا الترف؟ هو اليوم عيدميلادي وأنا مابعرف؟😆 غارِقة في النعم الحمدلله♥️

672

2K

28K

157

674

6K

Sara⁦

@Sara_Y_Ashour

3 months

ما انتهت العملية العسكرية على رفح تمام الساعة الثالثة فجرًا حتى بدأ الناس بحجز دور في طابور المخبز الساعة الثالثة والربع (علمًا أن القصف كان يبعد بضع المترات عن المكان). صباح الخير لأبناء شعبي فقط، للجبابرة، لأصحاب الحق والمقبلين على الحياة والرافضين لكل أنواع الموت.

61

1K

6K

Sara⁦

@Sara_Y_Ashour

6 months

والله لن نسامحكم! فزع أطفالنا وصراخهم بعد سماع صوت القصف مرة أخرى سيلاحقكم، خوفنا وقلقنا بعودة الحرب والاشتباكات وإطلاق النار سيطاردكم. كلُّكم خصيمونا أمام الله يوم القيامة، لعنة الله عليكم.

108

2K

6K

Sara⁦

@Sara_Y_Ashour

4 months

يسعدلي جوّه الرايق الي فكّر يحطلنا ورق عنب مع المساعدات، إلهي ربنا ما يحرمك من فنجان القهوة الصبح على صوت فيروز ويديم عليك الروقان😂♥️ زاكي زاكي، عيبه الوحيد إنه العلبة فيها خمس حبات بدل خمسين😆

138

267

6K

Sara⁦

@Sara_Y_Ashour

6 months

تسعٌ وأربعون يومًا من البحث عن الحياة، شهرٌ ونصف من خلق أساليبٍ للعيش، ثمانُ أسابيعٍ من التّشبُّث بالإيمان والأمل. جمعة مباركة، كل هدنة وأنتم بخير. - طلعنا عالسطح، شفنا الشمس، سمعنا الأذان، شمّينا هوا نظيف! غارقون في النعم، الحمدلله.

74

955

6K

Sara⁦

@Sara_Y_Ashour

2 months

لما قرأت تعليقها يومها ضحكت لأنه كان من سابع المستحيلات، بس اليوم وصلتنا قطعتين بسبوسة بالسمن البلدي (مغلّفة) من المساعدات المصرية قسّمناها علينا كل واحد أكل لقمة، يااااه على الطعم الي كدنا ننساه!😭 لو سمحتي ممكن تدعيلنا تخلص الحرب؟🥹❤️

a_a

@amall121

2 months

@Sara_Y_Ashour يارب تحصلين على بسبوسة جاهزة ع الفطور 🤲🏼

12

0

309

78

429

6K

Sara⁦

@Sara_Y_Ashour

5 months

وصل الحال بنساء قطاع غزة العفيفات أن يطرقن أبواب البيوت ليستخدمن المرحاض، فيقضينَ حاجتهنّ، ويغتسلن، ويتطهّرن. في الخيام المصنوعة من النايلون مئات القصص المُبكية، هذه في فترة النِفاس وتلك في حيضتها التي لا تتوقف من شدة البرد والخوف، وأخريات يستَتِرن بالشجر لإرضاع أطفالهنّ.

176

2K

6K

Sara⁦

@Sara_Y_Ashour

4 months

إذا بتسألوا مين أسعد إنسان في الدنيا؟ يوسف رح يجاوبكم: أناااا🥰🥳

Sara⁦

@Sara_Y_Ashour

5 months

ابن أخويا الصغير كل مرة بنسأله شو حابب تاكل؟ بيحكيلنا بطاطا وكشتب (آه كشتب مش كاتشب)، بنقوله حاضر وبنعمله خبزة زعتر أو دقة وبياكل وبيسكت. كل يوم على هذا الحال، والله ما ينعزّ يا عمتو البطاطا المقلية كلنا مشتهيينها بس مش موجودة بالسوق ولو لقيناها بتكون حبة البطاطا بحق خاتم دهب :)

26

186

2K

161

444

6K

Sara⁦

@Sara_Y_Ashour

7 months

بس يجي وقت النوم بتلفلف بالشرشف تلات أربع طبقات، بتخيّل لو صرت تحت الركام رح يكون في هوا ما بين وجهي والشرشف أقدر أتنفّس منه.. ما بسلم من مسخرة إخوتي على حالي "الشرشف بده يحميكي من الصاروخ؟ ولا إنتي كدة مكفّنة وجاهزة يعني؟"😂 معهم حق صراحة، بس ذلك أضعف الإيمان والله خيرٌ حافظًا.

262

646

5K

Sara⁦

@Sara_Y_Ashour

6 months

في الجمعة السابعة من طوفان الأقصى، لأوّل مرة يصدح الآذان في المدينة باعثًا الطمأنينة من بعد الخوف والفزع، بعيدًا عن صوت الطيران الحربي والصواريخ.. يتزيّن الأطفال ويتطيّب الرجال استعدادًا للصلاة في المسجد، الحمدلله.. اللهم أبدل خوفنا أمنًا.

39

1K

5K

Sara⁦

@Sara_Y_Ashour

6 months

طلعنا نتمشّى الصبح نشوف المكان الي استشهدت فيه عمتي وعيلتها، وندوّر شو ضايل مونة في المحلات نشتريها.. وقّفني هالبطل الصغير وقلّي صوري غنماتي♥️ فقرّرت ما أحطلكم صور الركام والأنقاض، والشوارع الحزينة والمدمرة، بيكفي صور الغنمات مع السما الحلوة🥰

71

621

5K

Sara⁦

@Sara_Y_Ashour

7 months

قمت أتسحّر لحالي بالمطبخ والبيت كله عتمة بس الستارة بتضوي وبتتحرّك كل ما يصير قصف، باكل هالخيارة وبقنع حالي إنه هاد صوت رعد وبرق الدنيا برد، ما تخافي ياسارة الي كاتبه ربنا بيصير.. خطرلي تساؤل لما خلصت، إحنا بنتحمّل عشان إيماننا الكبير بربنا، الي ما عندهم إيمان كيف بيعيشوا؟

132

657

5K

Sara⁦

@Sara_Y_Ashour

7 months

ما كان عنا انترنت ولا كهربا فما شفنا خطاب أبو عبيدة، معي حزمة نت فقرأت البيان المكتوب نصًّا ودموعي بتنزل من الفخر، والبيت كلّه بيهلّل الله أكبر الله أكبر🥹♥️

61

434

5K

Sara⁦

@Sara_Y_Ashour

5 months

صحبيتي اليوم قدرت تسافر مع عائلتها، اتصلت عليّ بتبكي! وقّعتي قلبي يا بنتي مالك شو في ياساتر؟! بتحكيلي دخلت السوبر ماركت في المطار فيه كل إشي، عندهم ميا حلوة كتير شربت ميّ، والفندق فيه مخدة يا سارة نمت على فراش مش عالبلاط، وأكلت كتير بالطيارة الحمدلله. حسبنا الله ونعم الوكيل.

68

839

5K

Sara⁦

@Sara_Y_Ashour

6 months

حبايب قلبي المصريّين كل يوم ببعتولي يطّمنوا عليا وعلى أهلي وهمّ ما بيعرفوني أصلًا، كيف ب الي عاشرهم وقعد معهم؟ استنّوني أول ما تخلّص الحرب جاية أدوق الحمام بالفريك وكفتة الرز والمشبك والمشلتت😂♥️ عشان يصير بينّا عيش وملح وسمنة بلدي🤭

Alaa🔻🇵🇸

@AlaaFayyad13

6 months

قبل 50 يوم بالضبط وانا بترك مصر أخذني الظن انو كل الناس الي عرفتها هنا خلاص كدا هننسا بعض ومحدش هيفتكر الثاني ، لغاية ما حصلت الحرب معظم دكاترة الكلية وصحابي بيكلموني ويتطمنوا عليا ، بجد هتفضل حياتي الجامعية الي قضيتها في بلد عظيم وحنون زي مصر وشاح بتوسم بية على صدري

62

218

4K

286

237

5K

Sara⁦

@Sara_Y_Ashour

7 months

تحمّست شوي وبحكي لبابا معقول يجي يوم نفطر في باحات الأقصى، ونتعشّى مع أصحابنا بمصر عادي؟ اللهمّ🥹♥️

184

289

5K

Sara⁦

@Sara_Y_Ashour

2 months

لم تحتمل ابنة عمي من ذوي الاحتياجات الخاصة معيشة الخيمة ونقص الغذاء وقلة الأدوية، توفّاها الله صباح هذا اليوم. ذهبت بركة البيت، كان عمي -رحمه الله- يصفُها قائلًا "هادي الي بدها تمسك إيد أبوها وتدخله الجنة". صباحٌ حزين على عائلتنا، جمعنا الله فيها في جنات النعيم.

145

1K

5K

Sara⁦

@Sara_Y_Ashour

2 months

ما صحينا عالسحور على صوت المسحّراتي، صحينا على صوت الصاروخ! يا الله ما أثقل هاللحظات على قلوبنا يا الله!

44

1K

5K

Sara⁦

@Sara_Y_Ashour

6 months

بتعرفوا شو أحلى إشي صار اليوم؟ لأوّل مرة أحس بخشوع في الصلاة من شهرين! طول الأيام الي فاتت كانت صلاتي سريعة بدي ألحق أخلصها قبل ما يصير قصف، ذهني شارد من الخوف وبخربط بالفاتحة وعدد الركعات.. بس اليوم لأ، مركزة بصلاتي بدون أصوات طائرات وقصف، خاشعة بين إيدين ربنا، الحمدلله.

53

380

4K

Sara⁦

@Sara_Y_Ashour

5 months

من الصبح كل الي بسمعه من أهلي وجيراني "خدوا قرار!" كيف ناخد قرار وين نموت؟ نموت ببيتنا من الصواريخ؟ ولا نموت بالطريق من القذائف؟ ولا نموت بالخيمة من البرد؟ اللهم اختر لنا فإننا لا نُحسن التدبير.

121

1K

4K

Sara⁦

@Sara_Y_Ashour

6 months

الكل يتساءل كم من الوقت سيكلف إعمار الدمار الهائل؛ لكنه آخر ما يهمّني.. أتساءل دومًا كم من الوقت سيقضي الناجي الوحيد من العائلة لاستيعاب هذا الفقد؟ المُصاب بحروق بليغة حتى يتجدّد جلده؟ المكسور حتى يلتحم عظمه؟ نحن، السليمون جسديًا -حتى اللحظة- متى سنتعافى نفسيًا من كل هذا الألم؟

52

2K

4K

Sara⁦

@Sara_Y_Ashour

6 months

كنا كلما سألنا عمّتي مُمازحين "ما بدك تطلعي من هالبيت الصغير وتشوفي الدنيا؟" ترد وكلها ثقة ويقين "ربنا ينوّلنا الشهادة، شو بدي بالدنيا؟ أنا بستنى قصر في الجنة." عزاؤنا الوحيد أنها طلبتها ونالتها، طلبت الشهادة منكَ يا رب، اللهم أكرمها منزلةً وابنِ لها البيوت والقصور في جنّاتك.

74

877

4K

Sara⁦

@Sara_Y_Ashour

3 months

شفت صديقة من أسبوعين في الشارع نازحة زينا، حكتلي إنه بيتها ومشروعها الخاص "راحوا" بس معلش؛ ربنا معوّضها بزوجها الي ما في مثله رح تبني معه أحلى من كل الي راح.. صحيت اليوم على خبر استشهاده! مش متخيلة كيف بدي أواسيها بفقد عوضها في الدنيا؟ ما أكبر ابتلاءها يا الله تربط على قلبها!

59

1K

4K

Sara⁦

@Sara_Y_Ashour

6 months

في النهار بنتخيّل التحرير، وفي الليل بنتخيّل الجنة.

45

792

4K

Sara⁦

@Sara_Y_Ashour

6 months

أحكيلكم سر؟ لولا ما بدي أكون أنانية بس اليوم أحد أحلى أيام حياتي! من بعد أسابيع قلبي ناطف على أي شي حلو، قطعة شوكلاتة أو بسكوتة، لدرجة كنت رح أعمل قطِر (سكر وميّ) عشان أقضي نفسي.. اليوم أهلي لاقو بسطة بتبيع عوّامة!🥹 أكلت بس حبة، وخلّيت الباقي آكلهم كل يوم وحدة حتى ما يخلصوا.

179

362

4K

Sara⁦

@Sara_Y_Ashour

4 months

كنت مخططة رمضان هالسنة آخده إجازة من الشغل والماستر وأقضيه في مصر، كتير متحمسة لأجوائها وسهرها وأكلاتها وفوانيسها، وصلاة التراويح بمساجدها، والعيد بشوارعها بين ناسها الي بتقدّس الفرح.. شاءت الأقدار إني أصير أتمنّى أقضي رمضان ببيتي، بدون ما نفطر ونتسحر في الخيمة ونصلي في الشارع.

130

561

4K

Sara⁦

@Sara_Y_Ashour

3 months

شفنا الموت المكثف في نص ساعة! نار من كل مكان، الطيران فوق روسنا، قصف ورعب والأطفال عملوها على حالهم من الخوف، مش عارفين وين ولا شو بيصير حوالينا. لسا إلي عمر أكتبلكم كلمة وحدة: بيكفي، بيكفي، أمانة بيكفي!!!!

92

1K

4K

Sara⁦

@Sara_Y_Ashour

1 month

مرحبًا من بعد ٤٨ساعة بدون نوم، سامعة صوت دوشة غير دوشة الناس الي بتصرّخ عالإسعاف بعد القصف، وغير دوشة طوابير الميّة والخبز، وغير دوشة طيارة الزنانة الي ما بتسكت.. سامعة صوت جديد عليّ، أطفال وسيارات وقطط وعصافير وزينة، صوت حياة! هذا يومي الثاني في #مصر ، الحمدلله.

418

224

4K

Sara⁦

@Sara_Y_Ashour

6 months

بنمسح العفن عن رغيف الخبز وبنرُش عليه زعتر وبنحمد ربنا وبناكله.

105

899

4K

Sara⁦

@Sara_Y_Ashour

5 months

بتعرفوا شو معنى تكون بتصلّي وتصير أحزمة نارية قبالك وكل الدنيا تتزلزل من تحتك والشبابيك تصير كلها أحمر والدخنة تعبق بيتك فتسجد لأنه رجليك مش قادرة تحملك؟ حسبنا الله ونعم الوكيل.

69

1K

4K

Sara⁦

@Sara_Y_Ashour

3 months

زمان وأنا صغيرة لما حضرت فيلم الكرتون "بائعة الكبريت" عيطت كتير، ما استوعبت كيف طفلة تموت من البرد حافية القدمين! بس الي هوّن عليّ إنه ما بيصير غير في الأفلام. اليوم أطفال بلادي بيعيشوا نفس الموقف وبيموتوا من البرد في الخيام! لا بارك الله في الأيادي الساكنة والأفواه الصامتة.

6

1K

4K

Sara⁦

@Sara_Y_Ashour

5 months

صابتني كحّة شديدة على فجأة ارتميت على أثرها على الأرض وكأنّي بطلّع بالروح! طلعوا راميين علينا قنابل غازات ودخان وكل الشارع صار أبيض والدخنة دخلت البيوت. عندي التهابات في الصدر من أسبوع، عشر دقايق شفت فيهم الموت؛ كيف الناس الي عندها أمراض مزمنة؟ بسم الله الشافي المعافي، ربنا يسلم

118

1K

4K

Sara⁦

@Sara_Y_Ashour

6 months

هذا الصباح لم يكن عاديًا ليس لأننا قضينا ليلة مرعبة أو أننا نجونا من الموت لأننا سمعنا صوت الصاروخ وقلنا "يا رب لأ!" كنا نعرف أين سينزل عقلنا يحسب المدى والأبعاد المنزل الذي نزحت إليه عمّتي وعائلتها نزل فوق رؤوسهم في ساعات الصباح الأولى عمتي وزوجها وبنتها وأحفادها شهداء الحمدلله.

233

1K

4K

Sara⁦

@Sara_Y_Ashour

7 months

بتذكّر خوفي أول مرة سمعت صوت طيارة لما كنت بمصر، بس طلع صوت طيارة عادية وناس مسافرين مش طيارة حربية! يلعن الاحتلال الي خلّى أبسط الأشياء مبهرة عنا. بحب مصر وبحب شعبها كتييييير♥️ يا رب يكتبلي عمر وأزورها تاني وأنا بصحة وعافية♥️

أُمْنيَّة مَجْدِي

@OmnyaMagdy

7 months

البوست ده قبل الأحداث دي كان معتز العزايزة كاتبه عن انبهاره لما جه مصر بحاجات زي انه حر في الشارع وانه بيشتري عادي من غير الضرائب الرهيبة اللي اسرازفت فارضاها عليهم وان فيه مواصلات عامة عادي وانه يمشي في الشارع في امان بليل، ذل وقهر عايشين فيه من زمان بسبب الاوساخ دول محدش يتحمله

18

1K

5K

190

388

4K

Sara⁦

@Sara_Y_Ashour

7 months

دايمًا كان عندي شعور إني بدي آخد نصيبي من الدنيا بسرعة، حياتنا كانت مهددة على طول حتى لو بدون حرب في تصعيدات كل فترة، خلّصت جامعة ودرست ماستر واشتغلت وسافرت.. من كتر ما الحرب هالمرة صعبة نفسي أتزوّج وأصير ماما بمعجزة كدة عشان أحقق كل أحلامي قبل ما هالقصف ياخد حياتي وأحلامي.

101

356

4K

Sara⁦

@Sara_Y_Ashour

6 months

بعد الإعلان عن تمديد الهدنة ليومين، يستحضرني قول الحبيب ﷺ "مَن أصبح منكم آمنًا في سربه، معافًى في جسده، عنده قوت يومه فكأنما حيزت له الدنيا." يا الله قديش شعور الأمان مُطمئن ومريح وحلو، الحمدلله. يا رب تضل هدنة دائمة، وترجع لنا أيامنا الهادئة الآمنة.

66

552

4K

Sara⁦

@Sara_Y_Ashour

1 month

صلّينا اليوم التراويح لأول مرة بمسجد الأزهر، رهبة وجمال المكان ماشاءالله تبارك الله رائع، والأخوات لما يسمعوا لهجتنا مختلفة عنهم بتبلش المحادثة ب"حضرتك فلسطينية؟" وبتخلص ب" والله أنا ما كنت أدعي لنفسي وأهلي وأدعي لكم." الله يعزّ مصر وبنات مصر الكريمات الأصيلات، بحبكم كتير🫂❤️

96

210

4K

Sara⁦

@Sara_Y_Ashour

3 months

لكي يكون هذا الحساب حجةً لي لا عليّ، وشهيدًا لي لا عليّ، ولأنه كل بيت بغزة تضرّر وصار محتاج، كثير بيسألوني من أهل الخير لو فيه جهة تبرع موثوقة فعليًا موجودة جوا غزة؟ ولكثرة "تجار الحروب" والاحتيال في هذا الموضوع؛ رح أحطلكم في الثريد جهات موثوقة وتعاملت معها بشكل شخصي:

66

2K

4K

Sara⁦

@Sara_Y_Ashour

5 months

زعلتوا لما قلنا ما في فوط صحية بالصيدليات؟ ولا ورق فاين بالمحلات؟ طيب بتعرفوا إنه خلّص الأكامول والبنادول أو أي شي نحمي فيه صحّتنا من كم الأشياء الي بتقتلنا بدون نار ودخان؟!

63

1K

4K

Sara⁦

@Sara_Y_Ashour

3 months

ياه، الحمدلله طلع علينا النهار! الليلة ما وقف القصف ولا ساعة، ما غمضت عيوننا ولا دقيقة، ما هدأت قلوبنا ولا لحظة! يا ربّ بقدرتك الي ما إلها نهاية، وبعظمتك الي طلعتلنا شمس الصباح وطمأنت قلوبنا، تنتهي هالحرب في القريب العاجل يا ربّ!

88

1K

4K

Sara⁦

@Sara_Y_Ashour

3 months

فيه أشياء ما بتتحدّث عنها القنوات، ولا بتنقلها الصحافة.. فيه هموم بتعيشها الناس والأطفال في الخيام ما حدا بيعرف فيها!

44

2K

4K

Sara⁦

@Sara_Y_Ashour

7 months

مطلوب مني أكون قوية وأطبطب على أولاد أخويا الصغار وأهوّن عليهم عشان ما يخافوا ويرتعبوا من صوت القصف الي حوالينا؛ وأنا فعليًا لو تركوني لحالي شوي رح أفحّم عياط. يا رب تمسح على قلوبنا وتطمّنها يا رب تمضي هالليلة على خير يا ربّ!

166

677

4K

Sara⁦

@Sara_Y_Ashour

7 months

مُقاومينا ومجاهدينا فخرنا وعزّتنا♥️ نبوس الأرض تحت نعالكم ونقول نفديكم! اللهم سدّد رميهم، اللهم أرسل جُندًا من جنودك تُقاتل معهم، اللهم كُن عونًا ونصيرًا لهم يا الله.

32

710

4K

Sara⁦

@Sara_Y_Ashour

5 months

نزلت اليوم على السوق في محاولة لإيجاد الاحتياجات الأساسية الضرورية لأي أُنثى. ناداني البائع ب "تفضلي يا خالتي" نزلت الكلمة على قلبي مثل السكين؛ لكن لحظة هو معه حق! الحرب هاي ما كبّرتني نفسيًا بس 30سنة، لأ كبّرتني شكلًا كمان لدرجة إني بطّلت أعرف حالي بالمراي.

106

314

4K

Sara⁦

@Sara_Y_Ashour

6 months

الحرب هاي علّمتني مهارات تأهّلني أعيش في 1940 مش في الغربة😂 مثلًا ليش بنحط مي دافية مش باردة عالعجين؟ وكيف نص جردل مي بيكفي للتحميم وغسل الملابس وشطف الأرضية مرة وحدة؟ وشو أنواع الخشب المناسبة لتوليع الحطب؟ وكيف بنحفظ الأكل الزائد بدون تلاجة؟ وكيف تحافظ على نظافة جسمك لأسابيع؟

76

275

4K

Sara⁦

@Sara_Y_Ashour

4 months

باقون ما بقيَ الزعتر والزيتون، باقون ما بقيَت عدسات العيون😜 وصلت نظارتي بالسلامة الحمدلله، ولو إنه الحياة ما فيها إشي حلو ينشاف، كله ردم وركام.. بس عندي أمل أشوف حد من صحابي وأهلي في وجوه الناس الي بتمشي؛ كلنا صرنا نازحين في مكان واحد بس ما بنعرف ببعض.

Sara⁦

@Sara_Y_Ashour

4 months

رحت أعمل نضارات بدل العدسات لعيوني، اخترت الإطار واتفقنا عالسعر ودفعت العربون.. سألت الدكتور "مسامحني لو استشهدت قبل ما أستلمها وأكمل سعرها؟" قلي مسامحك، وإنتي مسامحة لو انقصف المحل وضل العربون؟ قلتله مسامحة. وطلعت وكأنه حوار عادي وطبيعي في أي عملية بيع وشراء.

142

2K

11K

58

229

4K

Sara⁦

@Sara_Y_Ashour

2 months

هذه الصور كاذبة، في الحقيقة يجري الأطفال حافيين الأقدام في الوحل حول الخيمة، يلعبون في حفرة التصريف الصحي للمرحاض (البديل). وجوههم شاحبة من الشمس وأيديهم محترقة من إشعال الحطب، ذابت طفولتهم في البحث عن "تكيّة" طعام لسد جوعهم والعِراك في طوابير تعبئة مياه الشرب.

المركز الفلسطيني للإعلام

@PalinfoAr

2 months

#صور | رغم الحـرب، عائلة فلسطينية نازحة في حي تل السلطان غرب رفح، تزين خيمتها استعداداً لشهر رمضان .

14

30

144

11

1K

3K

Sara⁦

@Sara_Y_Ashour

6 months

شعور غريب، يشبه ترقب أذان الفجر ليلة عيد الفطر بعد صيامنا عن الحياة لمدة شهر ونصف، ننتظر الساعة السابعة لنستنشق الهواء(بدون رائحة البارود)، نزور الأحبة (في قبورهم)، ننتظر العيدية (قافلة المساعدات).. إلا أنه يخالف شعور العيد لإداركنا بالعودة للصيام مرةً أخرى بعد أربعة أيام الهدنة.

78

704

3K

Sara⁦

@Sara_Y_Ashour

7 months

" ماما أنا تعبت من هادا الصوت، ماما بيكفي بوم بوم بدي أنام" - ابن أخويا (3 سنوات).

33

681

3K

Sara⁦

@Sara_Y_Ashour

6 months

صباح الخير، قررت أستغل كل دقيقة في الهدنة ونمت الليلة، قلت لو اخترقوها هيني صحيت على صوت القصف، ولو مدّدوها هيني كسبت ليلة هادئة مطمئنة.. تسليم كامل بقضاء الله وقدره، الحمدلله ربنا أكرمنا بيوم هدنة زيادة، عقبال كل الأيام.

60

196

3K

Sara⁦

@Sara_Y_Ashour

2 months

كنت زعلانة إنه ما في لحمة ناكلها على الفطور وكتير مشتهية آكلها من ست شهور ما دُقناها؛ لحد ما كلمتني صديقتي من شمال غزة بتحكيلي عن المضاعفات الي بتصير عندها من قلة الأكل والجفاف "معدتي بتاكل حالها ياسارة"💔 حسبنا الله، صرنا نخجل من فُتات ما نأكل مقابل مجاعتهم، الحمدلله على كل حال.

50

938

3K

Sara⁦

@Sara_Y_Ashour

6 months

صحيت عالفجر مش عشان الصلاة وبس؛ أنا صحيت من البرد، هذا ولسا فيه فوقي سقف يحميني من المطر. الأرصاد الجوية بتحذّر من منخفض جوّي قوي.. الأسبوع الماضي فيه طفلين توفّوا في الخيام لشدة البرد، صباح النار الموقودة في القلب.

32

1K

3K

Sara⁦

@Sara_Y_Ashour

5 months

يا بخت الي استشهدوا أول الحرب، كيف اجالنا قلب نزعل عليهم؟ عالأقل لقوا دفاع مدني يطفّي نارهم، وجرّافات تشيل الركام عنهم، وناس تترحّم عليهم. يا عالم لما يجي دورنا نلاقي أحباب يترحّموا علينا ولا نخلّص كلنا.

83

672

3K

Sara⁦

@Sara_Y_Ashour

4 months

"يا بخت الي بده يتزوج لا مهر ولا مقدم ولا مؤخر، انصب هالخيمة وبالرفاه والبنين" - العم الي وصّلنا على عربة الحمارة اليوم.

48

183

3K

Sara⁦

@Sara_Y_Ashour

3 months

قدرنا ندبر مبلغ يكفي سفر شخص واحد من أهلي، بس كيف بدنا نختاره؟ زي آخر لقمة في الطبق محدش راضي ياكلها وكل واحد بيحكي للتاني إنت جوعان أكتر مني. -بابا أهم واحد يطلع عشان عمليته. -لأ الأطفال أهم بيكفيهم الي شافوه. -طب وماما؟ لو ضلت رح تنجلط! بنفاضل بين بعض مين الأجدر يطلع من الموت!

88

903

3K

Sara⁦

@Sara_Y_Ashour

6 months

رجعنا ننام وحجابنا على راسنا.

102

475

3K

Sara⁦

@Sara_Y_Ashour

5 months

ماما لسا شايفة إني بنت مدلّلة بعد كل هالمدعكة الي صارت فيّ، بس ليش؟ لإنه أذني فيها التهاب بعد الرشح وليل نهار أعيط من الوجع؛ في حين الأطفال بالمستشفيات مبتورة وما بتشكي. بصراحة معها حق.. شو جاب وجعي لوجعهم؟ كل آلامنا جمبهم تافهة وصغيرة. يا الله يا مهوّن.

104

297

3K

Sara⁦

@Sara_Y_Ashour

6 months

زوج بنت عمتي لما تلقّى خبر استشهاد ابنه الصغير سجد شكرًا لله، صلّوا عليه مع باقي عائلته التي رحلت معه.. حتى جاءت ساعات المساء فلحق به أخيه الأكبر متأثرًا بحراحه، لم يعرفوا كيف يلقون الخبر على والده؟ طفله الثاني ذهب لجوار ربه! حتى علِم وحده فقال "يا أهلًا بالباب الثاني للجنة".

32

773

3K

Sara⁦

@Sara_Y_Ashour

2 months

للمرة التانية خلال أسبوع توصلنا بسبوسة بالمساعدات المصرية، لولا إنها دعتلي بأول رمضان لقلت كانت ليلة القدر😂 ما بعرف كيف رح تنعمل بدون فرن بس مبسوطة فيها🥰 حبايبي أهل مصر يا رب آكلها من إيديكم قريب🥹❤️

a_a

@amall121

2 months

@Sara_Y_Ashour يارب تحصلين على بسبوسة جاهزة ع الفطور 🤲🏼

12

0

309

62

115

3K

Sara⁦

@Sara_Y_Ashour

7 months

"سارة خدي معك هالخبزات بتاكلوهم على ما تلاقوا طحين تعجنوا وتخبزوا" هالخبزات الي أعطتني ياهم بنت عمي (وما ضل عندهم غيرهم) وصّتنا ماما ما حدا ياكل منهم عشان يضلّوا للصغار، والكبار بس يجوعوا يدبروا حالهم بأي شي. ملاحظة: على الشباك آثار قصف جمبنا لسا ما نضفناه.

60

607

3K

Sara⁦

@Sara_Y_Ashour

5 months

ربنا يقذف بقلوبهم الرعب أضعاف مضاعفة عن الي بنعيشه الآن. حسبنا الله ونعم الوكيل.

51

1K

3K

Sara⁦

@Sara_Y_Ashour

5 months

آخر حبة مسكن معي، بس آخر شريط مسكن مخلّص من الصيدليات من أسابيع. كل شوي بحكي لأخوي جيبلي أكامول، بحكيلي ما فقدتي الأمل؟ حسبنا الله ونعم الوكيل في سبب آلامنا ومضاعفاتها.

43

425

3K

Sara⁦

@Sara_Y_Ashour

3 months

الشوف مش زي السمع والله. هالليلة بال١٣٠ ليلة الي قبل كلهم، تكون نايم في أمان الله تشوف القصف بيقرب عليك أكتر وأكتر وإنت بتستنى دورك مع صراخ النساء والأطفال حواليك! يا الله توقف معنا، حسبنا الله، حسبنا الله ونعم الوكيل.

29

1K

3K

Sara⁦

@Sara_Y_Ashour

5 months

خايفة أفتح لينكد إن أشوف إنجازات الناس نهاية السنة؛ وأنا أكبر إنجاز عملته خلال الشهرين هدول إني ضليت عايشة. لله سرُّ أحلامنا المؤجلة، الحمدلله.

145

248

3K

Sara⁦

@Sara_Y_Ashour

2 months

نزلت السوق مع والدتي زي كل سنة نشتري حاجات رمضان، دوّرت على أي مظاهر بهجة ولهفة بس عبث.. وجوه الناس شاحبة مسودّة، حاملين جبال هموم وماشيين. واحد بيحكي للتاني بيقولوا بكرة رمضان، قله إيش حيفرق؟ ما إحنا كل يوم بنصوم من قلة الأكل. يا ربّ ما ينتهي رمضان غير وإنت جابر قلوبنا يا الله.

45

524

3K

Sara⁦

@Sara_Y_Ashour

4 months

يا الله شو عبالي أنام وأرتاح، أفرد ضهري مثلًا، إحنا عشر أشخاص بننام بمساحة 3*3م فلازم تنام وإنت ماخد وضعية الجنين رجليك مضمومة وضهرك مثني عشان توسّع لغيرك. أنام على مخدة بدل طرف البطانية مثلًا، أنام على سرير بدل نصي عالبلاط مثلًا.. أنام (ببيتي) بس مش مثلًا، لأنه هو الي محتاجاه.

59

560

3K

Sara⁦

@Sara_Y_Ashour

6 months

لله دُرُّ النساء الغزّاويات، ما شفت تدبير للمنزل زي هاليومين.. بتدخل المطبخ، عندها شوية طحين؟ بتعمل منهم خبز مع غموسته (دُقّة فلسطينية)، مناقيش، شراك (صاج)، فطاير، بتفتل مفتول.. إيديهنّ بركة، واللقمة الهنيّة بتكفي ميّة.

31

392

3K

Sara⁦

@Sara_Y_Ashour

7 months

مجزرة يا الله مجزرة! الناس بالشارع بتصرّخ وبتستغيث يا رب! قصفوا كافيه جمب بيتنا كانوا النازحين يناموا فيه يا رب رحمتك يا رب

30

1K

3K

Sara⁦

@Sara_Y_Ashour

3 months

هذا يوم ميلادي، لا يمكن أن يمُرَّ كيومٍ عادي! مزجت المكونات على صوت الصواريخ، ورسمت الحروف على ضجيج القذائف حتى تخيلتها من مراسم الاحتفال.. أتمنى أن أبدأ عامي الجديد بالحب فقط، وترميم ما خلفته الحرب في روحي وحياتي وعملي.. احتفلوا معي وأرسلولي العيدية هنا🥳

114

293

3K

Sara⁦

@Sara_Y_Ashour

6 months

حتى الساعة السادسة من مساء اليوم الثالث والأربعين، ارتقى ألف شهيد بغارات متفرقة على قطاع غزة، أي ما يقارب ٩٠ شهيد كل ساعة. ألف حياة، ألف حلم، ألف قصة.

23

2K

3K

Sara⁦

@Sara_Y_Ashour

6 months

وين المساعدات يا جماعة؟ عنجد وينها؟ هي المساعدات الي بتدخل وين بتروح؟ بتتوزّع؟ ولا بنشتريها؟ لسا بنعاني عشان نلاقي طحين وما في لبس شتوي، ولا في غاز للطهي ولا وقود للمياه.. وين بتروح مين بياخدها؟!!

Heba Rashed

@hebasrashed

6 months

الحمد لله، ربنا ييسر لنا نحط في كل كراتين الأكل حلويات وكراريس رسم وألوان. وكان فيه مع اللبس الشتوي جواكت مطر ومشمع للخيم، ومع الأكل ملح وخميرة مع الدقيق. الحياة تفاصيل مش بس علاج، ربنا يعينهم وينصرهم ويطعمهم ويهون عليهم.

95

390

4K

75

743

3K

Sara⁦

@Sara_Y_Ashour

7 months

يعِزّ عليَّ إنكم ما عرفتوني غير بالأوضاع الصعبة🥹 كان عندي حياة، وما أحلاها من حياة! الحمدلله على ما كان والحمد لله على ما سيكون، ادعولنا ترجع حياتنا بالألوان بدل ما هيّ كلها رماد ودمار🥺🤍

107

183

3K

Sara⁦

@Sara_Y_Ashour

4 months

ضليت لآخر وقت متمسكة بلقب "السَّارَّة" حتى بعز الحرب.. قبل ما ننزح من بيتنا كان عنا نازحين كثير من شمال القطاع، عملت كيكة عالحطب لأحد البنوتات الي استضفنا عائلاتهم عنا لأنها كانت زعلانة ما حد احتفل بميلادها.. شفتها اليوم، نزحوا تاني لخيمة، حكتلي إنها كانت أحلى مفاجأة وأزكى كيكة♥️

85

326

3K

Sara⁦

@Sara_Y_Ashour

5 months

"ما يصيبُ المسلم، من نصبٍ ولا وصب، ولا همٍّ ولا حزنٍ ولا أذًى ولا غم، حتى الشوكة يشاكُها، إلا كفَّر الله بها من خطاياه" حتى الشوكة يا رب! حتى الشوكة! فكيف بالصواريخ والقذائف التي تنهال علينا من كل صوبٍ وحدب؟ الحمدلله أن أنعم علينا بالإسلام، اللهم أفرغ علينا صبرًا وثبّت أقدامنا.

65

692

3K

Sara⁦

@Sara_Y_Ashour

3 months

عشان أبسّط لكم الصورة، الجوامع برفح صار إلها وظيفة ثانية غير رفع الأذان، وهي "طفل ضايع عمره سنتين لابس بلوزة خضرا يرجى من الأهل الحضور" ليش الأطفال بتتوه عن أهلها؟ ليش الأطفال بتضيع في الشوارع؟ من كثر الناس! مليون ونصف بني آدم حاليًا في بقعة قد مول من مولات العرب. وين بدنا نروح؟

14

1K

3K

Sara⁦

@Sara_Y_Ashour

5 months

كل أهل الشمال بيحكوا بالموقف الرجولي الي عملوه آل أبو عيطة معهم، للي ما بيعرف مصنع "أبو عيطة" هو أحد أشهر المصانع المحلّية للمواد الغذائية بقطاع غزة، عند انقطاع الموارد في السوق فتح أصحابه أبواب المصنع للناس. ربنا يجعلها في ميزان حسناتهم ويرزقهم الجنة دون حساب.

.

@fala7iruba

5 months

آخر أيام بالشمال قبل النزوح انتقلنا لعيادة بجباليا، المونة خلصت من المحلات وما قدرنا نجيب إلا زعتر ودقة وخيار وخبز وشيبس، وقتها شركة أبو عيطة للمواد الغذائية وزعت علينا بكميات كبيرة باكيتات حمص ومتبل وسلطة ذرة. صاحب الشركة جمال الدين أبو عيطة وكل عائلته ٣٦شخص قتلتهم إسرائيل.

0

2K

3K

15

688

3K

Sara⁦

@Sara_Y_Ashour

4 months

أنا آسفة عشان كنت أشتكي من الميّ الملوثة غير الصالحة للاستهلاك الآدمي، لأنها بطّلت موجودة، لا لاقيين ميّ حلوة نشربها ولا مالحة نغسل فيها. بعد الناس الي نزحت جديد على منطقتنا صارت أزمة على الميّ ما في استيعاب للأعداد الكبيرة، الناس فرشت عالرصيف والإسفلت. ربنا يتولّانا برحمته.

66

1K

3K