إن كان للنفاق وجه وصوت. فهو راغب علامة.
ببيض طناجر فئة اولى في الخليج وبقضيها يسب بالسياسيين "المجهولين" وبس بصير في 💵 بالدق بصير "مُغرم يا ليل" وبغنيلهن بأعراسن ومناسباتن واول واحد بيتصوّر معن.
راغب منافق ذو وجهين. ما تكون متل راغب.
محاولة تكسير ستاربكس الروشة. شركة مملوكة من مستثمر كويتي. "الشايع". الوحيد المتبقي في لبنان.
١٠٠٪ من موظفينها لبنانيين وآلاف العائلات تعتاش منها.
غوغائيين عم يخربوا بيوت لبنانيين وما في وصف او تبرير لهيك حركات تخريبية اللي بعمرها ما ساعدت قضيّة.
طارحين للرئاسة شخص بيقطع على هيدي الطريق كذا مرّة بالشهر. عنده اسهم بشركة ترابة كان فيها تقدِّم حيطان الدعم وكان عندو وزير اشغال من ال٢٠١٧-٢٠٢٠ يشيل الردم.
وما حاول او إجا على باله بزبّط طريق يخفف معاناة اهل الشمال ومنطقته ويعمل انجاز تقول العالم "والله اشتغل".
وهلّق ناطرين
يا عيب الشوم على كل مؤسسة عسكرية وأمنية بتقبل عناصرها وضباطها يوقفوا بذِل وراء الأباطرة السياسيين في عرس.
ولك ما بتستحوا يا نواب ووزراء؟ خايفين على حالكن. لبسوهن تياب مدنية. عيب البهدلة.
تُفاً ما بعده تُفاً عليكم وعلينا لأنّنا ولّيناكم امرنا.
انمسحت كرامة شعب ومؤسساته
ما حدا ياخدها شخصية. بس اجمالا اللبناني شعب عنصري. ما تعوّد على وجود multi races ببلده. عنّا عقدة الانبطاح قدام الرجل الابيض وشوفة الحال قدام بعض الجنسيات الاسيوية والعربية (ما عدا الخليجي).
رفيقي اللبناني مرته "الدكتورة" كندية من اصول افريقية. تعرّضت لمعاملة عنصرية مؤسساتية
لو كان ببلد بيحترم الأودمة ، كان حكم و تكرّم.
بس الإدامي عنا منتمسخر عليه: "ضعيف، بلا شخصية، ما بياخد قرار، بدنا حدا قبضاي".
استكتروا عليه نائب وبعض اللي اجو نواب طعنوا الرئيس الحريري وابنه من بعده.
ما عمل ملياردير. ما اخد قروض مدعومة. ما عمل شركات خاصة. ما وزّر بنته او
اليوم بأحد المطاعم عم بمزح مع احد الwaiters انو في صحن قد ما دسم بده Lipitor. جاوبني جواب اكتر من طبي. 😳
سألته شو عم تدرس. طلع ثالث سنة طب ❤️.
هيدي شباب يعوّل عليها وبتكبّر القلب. تكارموا بالTip مع الشباب اللبنانيين بالمطاعم وغير مهن.
مبارح كنّا معزومين على مطعم وسط بيروت وكل المطاعم مفوّلة. حدا جايي من برّا ، قاعد معنا سأل "هيدا بلد في أزمة!!"
لنرجع لذات النقاش اللي جاوبته اياه.
بلد فيه ١٠٪ مرتاحين وما في طبقة وسطى مرتاحة هوي بلد فاشل وبأزمة اقتصادية.
ال١٠٪ (٥٠٠،٠٠٠) موجودين بكل البلاد وبلبنان وبتشوفن
اللبناني بس بدو يتمسخر على بلد. بيستعمل بلاد افريقية للتهكم، الصومال، اثيوبيا والموزامبيق!
صاحبي بالموزامبيق عندن كهرباء ٢٤\٢٤ وفيك تشرج ساعة الكهرباء وتشتري كيلواط وتّابع مصروفك من التلفون!
وبيقولوا لولادن هونيك، طفّو الضو، في عالم بلبنان عايشين بلا كهرباء.
Disclaimer:
واحد سارق ٣٠٠ مليون دولار (غير الفجوة المالية واخفاء الخسائر).
واحد قايل نكتة (إجتُزئت) من خمس سنين.
احزروا أي واحد إعتُقِل وأي واحد فلتتوا دولة العهر؟
#لبنانستان
على سيرة السفير الياباني وحبه للبنان.
صديقي سويسري اباً عن جد. كان مزوّج لبنانية وطلّق. بقي عايش بلبنان وشغلو App/Web. Solutions . عندو شركة مع موظفين بالهند وهون.
مكيّف ومبسوط بالحياة ببيروت (ما عدا السواقة). بقلّي ما بيترك لبنان لو شو ما صار. وما بيرجع عسويسرا الا لمّا
بيهرب من بلاده وبخاطر بحياته وحياة عيلته ليوصل على اوروبا.
وبس يصير هونيك ويبلّش يرتاح ويتنعّم بالحرية المش سامع فيها من قبل، بيصير بدّو يحوّل البلد اللي إجا عليه يشبه البلد اللي هرب منو!
طب خلّيك مطرح ما كنت يا عيوني.
ثقافتن، مجتمعن وعاداتن وهني حرّين فيهن!
مش عاجبك، فل!
بخصوص جريمة الاغتصاب والقتل.
منرجع لذات القصة. التوظيف والتوظيف والتوظيف.
اوتيل حاطط ناس، مع صفر background check. الأفضلية لازم تكون للبنانيين مع طلب سجل عدلي خاصة بمطارح مختلطة.
ما عم عمم. بس كمان الاوتيل يُلام. البناية اللي كنت ساكن فيها. قامو الناطور اللبناني، حطوا فترة
قبرص اليونانية مساحتها اقل من ٦٠٠٠ كم٢. فيها ٤ مطارات. اذا بدنا نحكي تنمية، لازم بلبنان يكون في على الاقل مطارين. مش من منطلق مذهبي/ تقسيمي ( بيعمل ردة فعل عكسية) ولكن من منطلق اقتصادي تنموي. لازم يكون في مطار لطيارات الcharter. اللبناني عم يدفع ٣-٤ مرات حق اي تيكت لانو عندو بس
هجوم محتمل من ايران على إسرائيل واحتمال حرب اقليمية.
الأردنية بالبيوت.
الاسرائيلية بالملاجئ
السورية والعراقية كمان.
العالم كله بترقّب.
اللبنانية: خلينا نعبّي بنزين. عنا شغل التنين 🥹 ⛽️
@daddykool
@WaelChehab1
Before reposting. I suggest that you read the camp David accord. They were offered 73% of the West Bank. With the “ultimate promise ” (wink wink) to reach 91%. (10-25 years).
Israelis would have kept the fertile land and give them 78km2 in the desert next to Gaza.
No
مدينة اسطنبول. ٣ مرّات عدد سكان لبنان. ٨ مرات حجم اقتصاد لبنان. نص مساحة لبنان. جامعة القارة الآسيوية والأوروبية.
من اجمل المدن السياحية والاهم تجارياً (مضيق البوسفور). بزورها ٩ ملايين سائح بالسنة.
دايرها رئيس بلدية ونحن عاجقين الكرة الارضية بهل كم كيلومتر مربّع.
ببلد بيبلغ الحد الادنى للاجور ٨٤$، في اكتر من ٤٣ فرع لستاربكس بلبنان وما تسكّر ولا واحد. الملفت للنظر، انو بمنطقة واحدة بطول ٣-٤ كلم. في ٦ فروع لستاربكس واحياناً بيبعد الواحد عن التاني ١٠٠ متر وكلن مفولين صيف وشتاء.
ملاحظة: لا عم بنتقد ولا عم شجع.
Just an objective observation
هيدا الحساب لشخص تعب يكون resilient. ما بدو يكون بلده طير الفينيق. زهق يقاتل الاستعمار و التوسع الغربي او الفارسي. ما عاد بدو يغني راجع راجع يتعمر لبنان او تعلى وتتعمر يا دار.
بدو يكون همو ولادو ، اهله، حياته، تقاعده. شو مشاريع الويك اند، يعيش بلا هم.
كتير عم نطلب؟
كل ڤيديو بيوصلني الليلة مع الوجه الواضح لمطلق النار، اسم المنطقة ، التوقيت ، والاسم الكامل.
بيوصل لصاحب الڤيديو $٥٠ عن طريق OMT او WHISH مع حفظ هوية المرسل وفضح مطلق النار.
على ان يحق لي نشر الڤيديو وأو ارساله للدرك.
Deal؟
#افضح_مطلق_نار_عشوائي
اذا شفت سيارات فخمة على الطرقات،ومطاعم فاخرة، و full booking. هيدا مش دليل انو ما في أزمة.
مقياس نجاح اي مجتمع هو "الطبقة الوسطى".
لمّا تشتغل بِعِلْمَك، تشتري بيت عقدّك، تقدر تأسس حياتك، تأمن طبابتك، تعلِّم ولادك، وتعيش حياتك وما تعوز حدا ساعتها بلدك ناجح اقتصاديا واجتماعياً.
بتتذكروا شركة هايكون اللي اخذت ٥ ملايين دولار لتشجير العاصمة بآلاف الاشجار وآخر شي حطوا كم شجرة. (حطيت پوست عنها اليوم).
بحب قلكن انو هيي ذاتها الشركة اللي هلق بدها تلتزم "بالتراضي" تنظيف وزارة التربية ب ٦٧٠ الف دولار بوقت المعلمين ما عم يقبضوا ال٩٠$ بالشهر اللي وعدوهن فيها من
بتروح على اليونان. يومياً صف لا ينتهي من السواح بدن يشوفوا الاكروپوليس، بس تطلع بتلاقيه كم حجرة مرصوفين.
عنّا بصور آثارات رائعة بس مهملة. سوّاح للأسف عدد اصابع اليد.
من سنة ال١٩٤٣ لليوم ذات الشي. يعني بغض النظر اذا كنا بالحقبة الذهبية او لا. كنز ما عم نعرف نستفيد منه.
بيروت اليوم مدينة خالية من الموتويات المخالفة ♥️♥️
يا ريت بتكمّل هيدي الحملة الامنية. وترجع تفتح النافعة ليلّي بدو يسوّي وضعه القانوني.
شكراً
@LebISF
@MawlawiBassam
على الحزم وتطبيق القانون.
قديه كان عمرك لمّا عرفت انو ستاربكس سكّر آخر فرع الو بإسرائيل سنة ال ٢٠٠٣.
طب انت بتعرف انو مؤسس ستاربكس اللي داعم الكيان بطّل مسؤول عنه او مدير في الشركة من سنة ال ٢٠٠٠ ؟
وستاربكس صارت شركة عامة من سنة ال١٩٩٢. يعني اي تبرع يتم الاعلان عنه.
بس خلص حدا خبّرك انو هيدي شركة
١- يعني بتشوف جمهور الثنائي نازلين هتك بماضي أزعور على دوره كوزير مال. بتقول شتت علينا اصلاحات وقت ما تعاقب علي حسن خليل، وغازي وزني ويوسف الخليل على وزارة المال!
٢- اللي نزّل مروان خير الدين على لائحته، وقدّم طعن كرماله. ما يحكينا بالطهارة .
إذا ابتليتم بالمعاصي، فاستتروا
رح يوصل يصير من اهم ١٠ شخصيات على الكرة الأرضية.
ونحن بلبنان قسم شايفه عميل صهيوني وقسم شايفه مقاتل فلسطيني.
نصيحة: خليك سعيد وبعيد. نحن قرطة ناس مجمّعين عاملين حالنا شعب بزيادة على رقبتنا تاجر يكون رئيس وزراء او خزمتشي مع مشط او رئيس وزراء ببلش دوامه ١١ الصبح وبيخلص الدوام
بلبنان في حوالي ٣٠٠٠ محطة بنزين. بتشغّل حوالي ال ١٥،٠٠٠ عامل اجنبي! باوروبا واميركا ما في مين يعبيلك السيارة. بتنزل متل الشاطر، بتدفع، وبتعبّي. وغسيل السيارة اوتوماتيك.
ليه بدو يكون ببلد منكوب بدّو دولار من غيمة في مين يعبيلنا بنزين؟ بوقت اغنى الدول استغنت عن هيدي الشغلة؟
تويت تغيير جو وتقدير و positive vibes:
بعرف NGO محلية اسمها "Rebirth Beirut" . عم بتضوّي بيروت واشارات السير. اذا فجأة لقيت اشارة برج المر شغّالة يوم الخميس، هيدا شغلن. كل اشارة سير بترجع للعمل، من وراهن.
اذا شفت طرقات المنارة، الاشرفية، قريطم، طريق الجديدة وعين التينة (من ٣
🔵 ما في كهربا:
منجيب مولد، طاقة او منشترك ✅
🔵 ما في مي
منجيب صهريج او منشتري مي ✅
🔵ما في نقل عام
منجيب سيارة او مناخد تاكسي ✅
🔵ما في طبابة عامة
منشتري تأمين ✅
🔵 ما في مدارس وجامعات عامة
منفوت عالخاصة ✅.
"الريزيليانس" والروح الفردية هني احد اسباب تعاستنا وبدل ما
صارو خمس سنين على اقفال المسرب الغربي لنفق شكّا. طريق بتربط الشمال بالعاصمة.
قطعة الطريق أدّت لعدة وفيات وحوادث مميتة آخرن تلاميذ البلمند وغيرن.
ومتل ما قلنا، دولة مش قادرة بعد ٥ سنين من انو تعالج انهيار أتربة، ناطرين منها علاج اكبر انهيار مالي بالعالم!
عقبال المية 🎂!!
اذا حكينا هلّق منصير بحملة مغرضة ضد طيران ال MEA. بس معليه آلاف المغتربين ينحرموا من انن يجوا على لبنان او يعملوا اسكال لساعات كرمال احتكار ال MEA و لانو ما عنا open skies.
اسعار 2 ways لذات التواريخ:
باريس-بيروت : ١٤٤٢$
باريس-لارنكا: ٥٥٢$
باريس-تل ابيب: ٣٧٠$
باريس - دبي: ٧١١$
وائل عرقجي عم يهدي الانتصار اليوم ومبارح لناس عم بتستشهد اليوم ومبارح. لو كانت المقابلة معه بوقتها اكيد كان هدي الانتصار لشهداء المرفأ اللي كانو من جميع الطرائف والمذاهب.
بدنا نهدّي البال شوي. القيء الطائفي عم يتخطّى المقبول. وكل tantrum عم يعملوها من وقت eyes on Rafah لليوم عم
في بهيم بشري. رقم سيارته 488895 او يمكن غلط . مش مبيّن الرمز.
جارر الكلب من برا. يا ريت حدا بيبعتلي اسمه ورقمه.
ما رح قول عنه حيوان. لانو الحيوان ارقى منه.
@GhinaNahfawi
@LebISF
عفوا على اللغة. بس ٩٥٪ من اللي عم يسوقوا موتويات هني عرصات، حيوانات وبلا فهم.
بيقطع عن يمينك، عكس السير، وين ما في زفت او رصيف. الو الحق يسوق عليه.
بلا كاسك أو تأمين، واتساب، والتلفون بإيده. واذا لمسته ووقعته. اكلت الضرب وتبهدلت.
والدرك مركزين على نقلة الرمل ومخالفة بناء.
سؤال. لكل واحد عم يبرر لاسرائيل وشمتان بالاغتيال.
إسرائيل بتسترجي تستهدف بقصف متل هيدا خالد مشعل او إسماعيل هنية بالدوحة؟
يا "مدّعي السيادة" ما فيك تكون حريص على السيادة وبس تنخرق حد عاصمتك تلوم الكل إلا الإسرائيلي (بتكون منافق وواطي).
الاغتيال هوي استهداف لاراضي لبنانية
شربل مبيّن من الصورة عمره ٢٥-٣٠ سنة. يعني ما قطعت عليه الحرب الاهلية.
مفكّر الحرب هيي لعبة call of duty او مسلسل على Netflix. بس بدو بيقدر ياخد بريك.
ما عاش التفجيرات، وسيطرة الميليشيات على الاحياء، والقذايف اللي ما بتعرف على اي تقاطع طريق بتنزل والقتل على الهوية.
طلع بوجي اليوم صوَر لخدمة العلم. وللصراحة، إذا برجع بيمشي حال البلد. ويقدر الجيش يقوم بحاله. اول شغلة لازم ترجع هيي خدمة العام. ومش ضروري تكون بالجيش ومش ضروري تكون سنة. (٤-٦ اشهر بكفوا ).
اللي عم شوفه من خوف، نقزة، حقد، كره. ما بتتخيلوا ال٣ اشهر اللي كنا فيهم مع بعض بالتدريب
إجاني عتب من اصدقاء مشتركين. انو ولو يا صلاح. ما الك بالعادة تحط تويت بالشخصي.
أنا ما بهاجم بالشخصي. والناجح بدعيلوا بالنجاح ان كان فنان او رجل اعمال وغيره.
بس ما فيني ابلع شخص عم ينظّر علينا و يهاجم الفاسدين من "خربوا ودمّروا الوطن والمواطن"، حسب التويت ادناه وبعدين بلاقي
من هواياتي "افضح زبّال". كل واحد بيرمي زبالة من السيارة، بيربح صورة.
بالإضافة إلى تهنئة على برهانه للنظرية انو فيك تسوق سيارة مرتبة بس بالاخلاق ما تكون تطورت.
ملاحظة: مستوعبات الزبالة قدام ب ٥٠ متر من مطرح ما كب كومة الكلينكس على الطريق.
يا عالم
اللي عم يصير بالفلسطينيين بيتعدى حماس.
اللي عم ترتكبوا إسرائيل بيتعدّى حzب الله والممانعة وايران
شعب عم ينباد. آلاف عم بتموت وعيل عم تتشرذم ومآسي عم بتصير اكبر من "مين مع مين و مين ضد مين"
القصة اليوم. او انت مع الإنسانية. او ضدها ومع الإبادة الجماعية
ما تكون سطحي
بس بقول يا عيب الشوم. يا ريت قِبِل يخبرني وين واسم الnight club.
قديه حتفرق معن يعطوا ٢٠ موظّف ٥٠٠$ زيادة بالشهر؟ بمحل مفوّت ٤٠$ الف دولار بليلة وحدة. (ربع ليلة)!!!
الشعب اللي منو منيح بحق بعضه، ما تتوقعوا الخارج يكون منيح معه.
عزيزي المروّج لبقاء النازحين السوريين بلبنان.
ما فيك تقلنا انو مش قادرين يرجعوا لانو حزب الله مسيطر على مناطقن.
وترجع تقلنا بغير تويت انو البلد هون محكوم من حزب الله.
خدونا على قد عقلنا.
قولولنا "يا جماعة نحن مستفيدين مادياً 💵 وعم نغرف".
وشكراً
لبنان حلو العيش فيه متل ما قال السفير الياباني. الحياة الاجتماعية، السهر، الضهرات، الاهل
مشكلتنا مش هون. المشكل انو اذا بدّك تعيش لايف ستايل جيد لعائلة من اربع اشخاص. انت بحاجة الى دخل ٤٠٠٠$ وما فوق (مع الغلاء، كتير فوق).
نزلة بحر بتكلف ٤٠$-١٠٠$. مطعم مقبول لاربعة ٦٠$-١٠٠$.
مبروك للبنان الترتيب الاول بعدد النازحين نسبة الى المقيمين. Refugees per capita مع انتشار بكثافة على مجمل الاراضي.
بتحكي، بيجيك واحد بقلك عنصري والحق على دولتك وحلّو مشاكلكن الداخلية قبل.
يا حبيبي بالبيت، منحل مشاكل العيلة (ومنتقبّر) من بعد ما يضهروا الزوار.
في شي اسمه تشحيل وفي شي اسمه تجزير.
هيدا اللي تحت جريمة بحق الخضار بمنطقة كراكاس بمدينة بطّل فيها خضار.
بزيادة عليكن ما بتعرفوا تزرعوا شجرة ، وتلزيماتكن فاسدة.
خلولنا هول الكم شجرة الباقيين الله يخليكن.
بيوم من الايام. ما كان فيك تحط اجرك وكنا نشكي من عجقة الخليجيين. هلق صارت منطقة منكوبة.
وصرنا عم نستعطي السواح يجوا لعنّا والوحيد اللي عم يجي هوّي اللبناني كرمال يشوف إم، بَي وأهل.
وبشرفكن ولا حدا يحط تعليق انو الحق على هيدا او هيداك. الحق علينا كشعب بيشتغل مع الغير ضد مصلحته.
بدي اعتذر من اللي زعلوا منّي مبارح على الپوست انو نحن اللبنانيين تابعين للخارج وايضاً لإستعمالي مفردات قاسية غير سيادية وغير ديبلوماسية.
معكم حق. نحن بلد مستقل، قراره سيّد نفسه ومحلّي بحت.
✅ ولا مرة كان في تدخل فرنسي، أميركي، مصري، فلسطيني، عراقي، اسرائيلي، سوري، اماراتي،
كل مؤسسة، مطعم، ملهى أو شركة مدخولها بالدولار ورجعت اعمالها متل قبل او اقل شوي وما عم تدفع على الاقل ٧٠٪ معاشات فرش وطلوع لموظفينها هي شركة مملوكة من ناس بلا اخلاق.
اللي صار على اليمين من عمل ناس همجيين، زعران، ولا اي غضب يبرر هيدا الشي.
اللي انحكى (التعميم والعنصرية) هوّي كلام عنصري من شخص مفترض هوّي قيادي بحزب. (لو كنا وقت انتخابات كنا تفهمنا شد العصب).
وما رح نعمل متلك ونعمم ولا رح دافع عن ناس همجيين كسّرت. لا هني بيشبهونا ولا انت
راغب علامة. مطّبل دائم وصديق الطبقة السياسية. ترك لبنان وقت الانهيار وراح على الامارات وأخد اقامة ذهبية وبلّش تطبيل لحكام الامارات.
ما عمل من بعد الانهيار حفلة ببلاش لمعجبينه الكتار، بس بيحيي اعراس الفاسدين والحراميي اللي بيحكي عليهن.
عمل تويت ضدن ما جاب ٢٠٠ لايك. جوابي عليه
بس يصير الوضع افضل . ضروري ترجع خدمة العلم لو ل٣-٦ اشهر. ومش ضروري جيش (صليب احمر، دفاع مدني، خدمة اجتماعية الخ….). خدمت بالجيش من ٢٣ سنة وكنت ضابط ووقتها كتير شباب اللي كانو عايشين ببيئة من لون واحد تغيّروا وانفتحوا على غير شباب من غير طوائف وتغيرت افكارن ومعتقداتن.
طب جماعة الممانعة كمان ما تزعلوا مني. بس علقان التويت بالزلعوم.
ما فيك تهيّص اليوم مع القضاء الدولي ضد إسرائيل ومبارح كنت ضد محكمة العدل بلاهاي لانو مسيسة، اميركية الهوى ومتل سرمايتك.
بدنا consistency. يا قضاء دولي يا لأ.
او ضده all the way. مش حسب القطعة.
شفناكم بخير.
من بعد البحث والتدقيق. مزبوط سوق العمل مش ولعان. بس معليه، كتار من اللبنانيين الشباب عندن دلع.
بدو يفوت مدير وما بيشتغل وظائف "دون المستوى".
عم اعرض وظيفة (بدها ٣ سنين خبرة عادية) على حدا بمدينة خارج بيروت ب١٢٠٠$ ما عجبوا وبدوا ١٨٠٠$ متل معاشو البنك وهوي عم يقبض ٨٠٪ منو
مش انتقاصا من قوة اي ردع "عسكري" باتجاه الكيان الصهيوني خاصةً لحماية هيدا البلد . (هيدا إذا بنينا بلد او نوينا نبنيه يوماً ما).
✅بس لما تقوّي اقتصادك، بتكون عم بتقاوم إسرائيل.
✅ لمّا تبني دولة بدل مزرعة طوائف سايبة. هيدي الدولة بتعملها حساب إسرائيل.
✅ لما تقوي سياحتك،
ما عم بتخيّل في ابرة حقها ٣ مليون دولار.
يعني عندك تأمين متل Bupa و Cigna او بيّك معو عشرات الملايين بتزمط. غير هيك المرض حتمي إذا ما تأمّن العلاج.
جارنا صارت معو بعمر ال٤٥. ما بتتخيلوا شو بيعمل بالإنسان. مرض Muscle dystrophy
يا ريت شي حساب فعّال (محطة إعلامية، صحفي، فنان،
الهيئة في ناس تفجأت من اللي كتبته.
خليني بسّط الامور.
لما فلسطيني يعلق ضد فلسطيني على ارض لبنانية. ضد التنين.
لمًا فلسطيني يقوص على الجيش اللبناني على ارض لبنانية . مع الجيش اللبناني للآخر.
لما فلسطيني يقاوم المحتل الصهيوني. عندك مشكل اذا بتضل على الحياد.
واذا قلت ما
متل اليوم بلّشت من سنة active على تويتر. كان صرلي ١٤ سنة من قبل فاتح الحساب واتفرّج على التغريدات مع ٣٢ متايع بالغلط.
المهم، لنكون واضحين. ما عندي طموح سياسي (لانو الهيئة البعض مفكّر هيك ) . وما عندي طموح بمركز عام(pass خليلكن اياه). الله يسعد ويبعد.
عندي امل بس انو يا ريت
بما انو ماشي التطبيل والمدح من مبارح لغير دولة. خليني امدح وطبّل لخيرة الشباب. منتخب لبنان للباسكت الاول عربيا والخامس آسيوياً. من المرات النادرة اللي اسم لبنان بكون الاول بترتيب ما خصه بالفساد، التضخم او التلوث الخ….
شباب اكتريتن بيشتغلوا بالنهار ليطلعوا مصروفن وبيتمرنوا بعد
لهلّق بعدني بحاول استوعب. شو الهدف من عدم إعادة إعمار ساحة الشهداء متل ما كانت.
كل ما نسافر، اول شغلة منعملها منروح على وسط المدينة. الساحة اللي بتجمع المحلات التجارية مع المطاعم وعجقة السكان ومساحات خضراء ونوافير مي.
مدينة متل بيروت ما عندها ساحة. حتّى لما صحّلنا نعمرها.
بكل العالم "الرأسمالي" المتحضر. في ضريبة تدفع على العقار الشاغر حسب فترة الشغور.
كون معظم اللبنانيين بالاغتراب. في ينعمل القانون انو تدفع الضريبة ابتداءاً من تاني بيت بأي محافظة. (في حال المغترب او المقيم شاري بيت ببيروت وبيت بضيعته).
مش مقبول يبقى ٢٣٪ من الشقق فاضية، ١١٣٠٠٠
كل موكب متل اللي تحت هدفه التعويض عن عقدة نقص تجاه الآخرين مع صفر ثقافة وانعدام في الاخلاق.
واكتر من تخويف وترويع العالم هيك مواكب ما بتفيد واذا دلّت على شيء هوي إنو عايشين ببلد متخلّف. (وعفواً على استعمال كلمة بلد).
كنت عم شوف صور تظاهرة متقاعدي قوى الامن والجيش. في منن بعمر ال٤٠-٥٠!
بفرنسا تظاهرات بسبب رفع سن التقاعد من ٦٢ لل٦٤ وعنّا كان فيك تتقاعد بعد ١٥-٢٠ سنة خدمة وتاخد هبوصة (وقتها) وتقبض معاش تقاعدي وطبابة، ليه؟ دولة نفطية او صناعية؟ بالقطاع الخاص منشتغل لل٦٥ .
الاصلاح بدل
مشغولين بالحروب وفي قاتل تاني عم يفتك فينا عالسكت.
الله يسترنا من المولدات والتلوث معظم الخط الساحلي صار الAir quality index AQI اي "مؤشّر نوعية الهواء" فوق ال١٠٠.
توليد الكهرباء رح تصير مطلب صحي قبل اي شي تاني.
عم نتنفّس ملوثات صناعية (PM10, PM2.5, NO2, SO2, CO, O3, NH3, and
رأي شخصي:
كل واحد حط صورة رأس وممثل الكنيسة المارونية اللي بتضم حوالي ثلث الشعب اللبناني بهيدي الطريقة هو شخص بلا قيم او اخلاق.
الك بالحق تنتقد وتعترض على اي كلام، توجه سياسي، ورسالة. وحقك هول بس مش حقك تهين رمز ديني أو تخوّنه.
قال أمير المؤمنين علي (ع): "اجْعَلْ نَفْسَكَ
مش حرام هيدا البلد ما يكون فيه هلّق آلاف السوّاح العرب والأجانب عم يضخوا مئات ملايين الدولارات باقتصادنا المتهالك؟
عارف رد البعض،"لو ما الحرب بالجنوب، هيك كان صار" 🤡.
لا حبيبي، سنة الماضية ما كان في حرب وما كان في نص سائح. تسويق فاشل، فوضى اسعار، فلتان امني داخلي،نهب لأي سائح
بس يكون مقياس الثروة ببلد بالقرن ال٢١:
-انو يكون عندك ٢٤\٢٤ كهرباء مع القدرة على تسخين المي, تدور مكيف بالشوب وتكوي تيابك بذات الوقت.
-يكون عندك مي بلا صهريج، والقدرة على التنقل من دون هم.
-وتكون قادر تتنشّق هوا نضيف وما تتسمم من الاكل.
اعرُف إنّك ببلد حاكمينه مجموعة فشلة.
مصارف كانت تطلب منّا كافة الاحتياطات، الرهونات، والكفالات لما نتديّن منها دولار واحد.
راحت عند الدولة ومصرف لبنان وحطت ٨٠٪ من أموالنا بلا نص ربع ضمانة غير "تراست مي برو" (ثق بي يا أخي) تبعت رياض سلامة.
طارو ودائعنا، ولما سألناهن وينن. قالولنا روحوا عند الدولة. ليه حبيبي انتو