تحقيقي الصحفي الأخير، عن مقتل الأنبا إبيفانيوس في دير أنبا مقار ، "حكاية الراهب" بودكاست أربع حلقات، من إنتاج
@Sowt
على منصات: آبل بودكاست
وسبوتيفاي
وأنغامي
وديزر
المونوريل اللي معمول لربط العاصمة الجديدة بالقاهرة لوحده بحوالي 2.8 مليار دولار. يعني بقيمة قرض صندوق النقد تقريبا. سؤال واحد لازم أي مسؤول في البلد يسأله لنفسه، هل كان من أولويات مصر اللي كانت "طالعة من فترة خراب وكوارث اقتصادية متتالية" عاصمة إدارية جديدة؟ سؤال واحد بس.
"وقال شاهد عيان لـ«مدى مصر» إن أعضاء الفوج السياحي كانوا يلتقطون صورًا بعلم إسرائيل، ومنعهم أمين الشرطة أكثر من مرة، وحين أصروا، دخل في مشادة معهم، قبل أن يطلق النار عليهم، ويصيب ثلاثة منهم في الرأس والصدر، موضحًا أنه قتل اثنين منهم، والمرشد السياحي المصري المصاحب للوفد"
في شخص من ١٠ سنين، صدق أن فني معامل مارس طب دون ترخيص، استطاع يخترع جهازين يعالجوا الايدز وفيروس سي، فتبناه، وأعطاه رتبة لواء جيش، وقدمه في مؤتمر صحفي عالمي برعاية الهيئة الهندسية. الشخص ده نفسه بيدير البلد، من ١١ سنة. فاللي بيحصل مش مفاجأة. الله كبير.
في نجمة مصرية مخطوفة/هربانة من طليقها السعودي صاحب النفوذ. ومفيش حد في مصر كلها قادر يطمن الناس وتثق فيه. قصة حزينة كل كلمة فيها معبرة بوضوح عن مصر 2022.
#آمال_ماهر
حقه الشرعي، حقه الشرعي، حقه الشرعي.
ده خطاب الدين، الدين طبعا مش بيقول يقتلها، لكن الدين بيقول انه ده حقه الشرعي. الوصف نفسه مهين والله له ولها ولمنظومة الجواز كلها. مش هتقدر تفكك الأفكار المجرمة دي غير بتفكيك اللغة واعادة التفكير في اللي بتحمله من معاني ودلالات.
بيسألوا اللي اسمه طنطاوي عن حل مشكلة البطالة الواد جاب حل من خارج الصندوق يؤكد ضحالته قال ايه هيجيب الف عربية خضار ويشغل عليها الشباب في سوق العبور اجابة من خارج العقل 😂😂😂😂والادهي من كده ان الاخوان الخونة لازم يرجعوا ويمسكوا مناصب ..منتهي الاستفزاز للشعب .
من شهور، شاب في مطروح، اختطف بنت قاصر، واغتصبها، واعترف، والطب الشرعي أثبت الواقعة. الاسبوع ده محكمة جنايات مطروح ناقشت البنت وولي أمرها في التنازل والصلح وأجلت الجلسة لحد ما تتحقق شروط الصلح، وهي الزواج بعقد عرفي (لأن البنت قاصر) ودفع المهر والمؤخر وتقديم شبكة.
هل تعلم، مصر 100 مليون شخص، مصر مش مجتمع، مصر مجتمعات كتير، كُل مجتمع فيهم له أخلاقه، وقيمه، وعاداته، وتقاليده، هنرتاح جدا لو قررنا أن الذي يفصل بين هذه المجتمعات هو القانون فقط، مش رؤيتنا أو عاداتنا أو قيمنا أوأخلاقنا أو إلهنا. القانون فقط.
لما تسمع مداخلة الرئيس مع يوسف الحسيني وأنت عارف أن كل هذا الغضب والعنف موجه ضد جميلة اسماعيل رئيسة حزب الدستور لأنها اتكلمت عن أحوال الفقراء في مصر، شعور مختلف تماما.
استاد القاهرة فيه ناس هتفت لتريكة، وفي ناس هللت للسيسي، في ناس مجدوا الشهداء في الدقيقة 20 و 74، وفي ناس قالت تحيا مصر بعد النشيد الوطني. ده تقريبا نموذج لمصر، فيها كل الناس دي، ومفيش حد هيقدر يموت حد فيهم. شوفوا طريقة نعيش سوا بقى.
تحويل كل الزخم حول العنف ضد المرأة لخناقة عقائدية حوالين الحجاب عدم نضج رهيب. التشوه في المجتمع مش سببه الحجاب، زي ما عدم ارتداء الحجاب مش سبب ولامبرر للتشوه. التشوه هو النظرة للمرأة. تسطيح الموضوع واختزاله في الحجاب شيء رديء.
ست زوجها بيضربها ويعنفها ولما راحت لأهلها رجعوها لزوجها، تطلب الطلاق زوجها يرفض، وبسبب قلة الحيلة ما ينفعش تاخد العيال وتهرب تعمل حياة بعيدة، فبعد سنين من الضرب تقتل جوزها، هل دي تستحق الإعدام؟ هل ممكن نظرة للظروف الاجتماعية والسياسية قبل تطبيق عقوبة الإعدام على السيدات.
أنياس كالامار الأمينة العامة لمنظمة العفو الدولية، والمقررة المعنية بحالات الإعدام خارج القضاء في مفوضية حقوق الانسان بالأمم المتحدة سابقا، ومديرة مبادرة حرية التعبير العالمية لجامعة كولومبيا في نيويورك Vs عمرو درويش، أمين سر لجنة التنمية المحلية بمجلس النواب.
هل ده دستوري؟ وهل سبق لوزارة التضامن وتبرعت لمعهد الأورام مثلا؟ مين في وزارة التضامن بيقرر التبرع؟ الوزيرة؟ لجنة؟ هل دي ايرادات وزارة التضامن؟ هل في شخص في مصر ممكن نلجأ له عشان نقدر نراقب على أموالنا دي؟
من أقل من سنة، أقل من سنة، كانوا بيحتفلوا بالتطبيع، في كل مكان، تلفزيون جرايد انترنت. صورهم وكلامهم الغبي هيطاردك عشان يقولك خلاص. مابقاش في فلسطين.
العالم كله حرفيا : free free Palestine
مُصرين اللي اخدوا على عاتقهم توثيق أحداث ثورة يناير لسنوات، اتاحوا اليوم أرشيفهم أونلاين، 858 ساعة فيديو بيوثقوا كُل احداث الثورة. كنز للباحثين والمؤرخين ومريدي يناير ومرضى الأرق.
#لساها_ثورة_يناير
أنت مش قاضي. ومش دورك تبقى قاضي. ولو كُل مصيبة هنحكم برأي الناس العاطفي في الشارع هتبقى غابة. والقاضي مش بيحكم بمشاعره. والصحافة مش دورها تعمل الزبالة دي.
السيسي 2014 : الدين 1.7 تريليون جنيه، هل ده مقبول ان احنا نسيب الدين ده للأجيال القادمة؟ لأولادنا؟لأحفادنا؟ انا بقول لا.
السيسي 2023 : Hold my beer
الدين الداخلي : 4 تريليون جنيه
الدين الخارجي : 155 مليار دولار
معلومة اليوم على لسان وزير المالية :
خدمة الدين والفوائد فقط أكثر من 800 مليار
وإيرادات مصر حسب الموازنة 900 مليار .
كيف ستغطي مصر نفقاتها ل2019 ؟
الوزير : هنستلف تاني
الحكم على محمد الأمين في اتهامات الاتجار في البشر والاعتداء على الفتيات بدار الأيتام اللي أسسها، بالسجن 3 سنين وغرامة 200 ألف جنيه. نفس الحكم اللي حُكم بيه على حنين حسام لأنها عملت حساب على موقع زي تيك توك.
اسقاط مصر مساعدات ده اكتر فقرة سخيفة و مش مفهومة في المسرحية البايخة الدايرة.
- هل نسقط مساعدات ضد رغبة اسرائيل؟
طب ليه مش بندخلها بري.
- هل نسقط مساعدات بالاتفاق مع إسرائيل ؟
طب ليه مش بندخلها بري
الفلسطينيون بقى لهم اسبوعين بيتكملوا عن العرجاني عشان بيزنس التنسيق، فالنهارده الاعلام الرسمي يكتب اسمه بعد الرئيس بالشكل ده؟
ده شيء مجنون. انا ما اتخيلش في اي شخص غير تنفيذي/سياسي تم تقديمه بالشكل ده في تاريخ البلد.
عثمان أحمد عثمان مع السادات، او حسين سالم مع مبارك. مستحيل
قصواء الخلالي: "إبراهيم العرجاني" ابنه استشهد، وكثير من أبناء عائلته، وصديق عمره استشهد في عمليات عسكرية مع القوات المسلحة المصرية، وكثيرون لا يعلمون هذا، وما��امت مؤسسات الدولة تتوافق على عدم وجود شبهة فساد تخص ثروته، فنحن مع مؤسسات الدولة، ولسنا أعلم منها.
@kaswaelkhelaly
لما تقبضوا على صحفية مصرية عشان تجرأت وقررت تزور "رأس الحكمة"؛ ده بيقول كتير عن المشروع.
ولما تتهموها بشيء لا معنى له زي "حوار صحفي دون ترخيص"؛ ده بيشرح كيف ترى الدولة الصحافة.
رنا ممدح، الصديقة العزيزة والصحفية المبهرة، تستاهل تكريم الدولة. مش احتجازها.
🔴 الشرطة تحتجز صحفية «مدى مصر» قبل وصولها إلى «رأس الحكمة»
احتجزت قوات الشرطة، صحفية «مدى مصر»، رنا ممدوح، صباح اليوم في قسم شرطة العلمين، وذلك بعد إيقافها أثناء توجهها إلى مدينة رأس الحكمة في مهمة عمل.
واستوقف كمين شرطة عند محطة رسوم العلمين السيارة التي كانت تقل ممدوح، وسألها
مداخلة رئيسة حزب الدستور جميلة اسماعيل المحذوفة، اللي اتكلمت فيها عن خطاب الدولة في المؤتمر الاقتصادي، اللي دافعوا فيه عن السياسات القائمة، واتكلمت عن اعتبار المواطنين عبء وقالت "ده حصل قبل كده، أتمنى ما يحصلش تاني".
بمناسبة الصرف الصحي، وموضوع إن كُل شوية حد يعايرنا إنهم بيصرفوا علينا.
مصر كانت بتحصل ضرائب 192 مليار سنة 2010، دالوقت بتحصل ضرائب مننا 759 مليار. بنسبة أكبر من 70% من إيرادات الدولة كُلها، غاز وقناة سويس ومهلبية وبابا غنوج بقى. المصريون اللي بيصرفوا على مصر.
وصف إسرائيل بأبارتايد من مؤسسات زي هيومان رايتس ووتش، ورؤوساء دول زي رئيس جنوب أفريقيا. شيء كبير، بدأ ولن يقف، لحظة تاريخية بنشهد فيها بداية لكرة ثلج هتكبر وحجمها هيزيد مع الوقت، وربما سنوات قليلة، هتكون قوة عملاقة هتغير الموازين في الشرق الأوسط. وربما انا حالم وأهبل. 🙄
وسّع خيالك : مصر هتحصل على قرض من صندوق النقد والشركاء الدوليين بقيمة 9 مليار دولار.
مصر يجب أن تسدد العام المقبل خدمات ديون خارجية بقيمة 17.6 مليار دولار.
والسنة اللي بعدها 24.2 مليار دولار.
ألقت أجهزة الأمن في الثانية من صباح اليوم القبض على الصحفي كريم أسعد، أحد أعضاء فريق تحرير منصة «متصدقش»، من منزله بمدينة الشروق، بعد مداهمة منزله والاعتداء عليه وزوجته بالضرب والسب، وتهديدهما بابنهما، والولوج إلى حسابات المنصة وحذف منشورين يتعلقان بهوية المصريين الموجودين
فيديو يكسر القلب، الحقيقة مواجهة العنصرية محتاجة مجهود مننا كلنا، محتاجة نكلم كل اللي بنقابلهم خلال يومنا، كبير وصغير، نخترع سبب نفرجهم الفيديو ونقولهم ليه ده بشع وغبي.
مجموعة من المواطنين المصريين اجتمعوا واتناقشوا في نزول الانتخابات البرلمانية المقبلة. اتقبض عليهم قبل حتى الإعلان عن نزولهم. قصة قصيرة عن ممارسة السياسة في عهد الرئيس عبدالفتاح السيسي. زياد العليمي، حسام مؤنس، هشام فؤاد، عمر الشنيطي.
محمد علي محتاج يعمل موقع، أو إيميل مؤمن، ( أو حد يساعده يعملهم )، ويطلب من الغاضبين يبعتوا له قصص الفساد وينشرها ويحكيها بطريقته دي. تبقى ويكيليكس محمد علي. عشان يقدر يستمر كام سيزون كمان.
مجلس الشيوخ قرر في أول جلسة إعفاء مكافآت الأعضاء من الضرائب. ليه عامل بيقبض 2100 جنيه شهريا يدفع ضرائب دخل، وعضو مجلس الشورى اللي مكافأته من المجلس بس بتوصل لـ20 ألف شهريا تقريبا يُعفى منها؟
سيناريو تخيلي : الرئيس لن يعلن ترشحه غدا، وهيقول أن مصر مش هتقف عليا. فتنتشر مظاهرات التأييد المعدة مسبقا شرق وغرب البلاد، على الأرض، وافتراضيا، حتى "يقتنع"الرئيس ويعلن ترشحه. 😉
مبروك للشباب، وأتمنى لهم كل السعادة والنجاح.
وربنا يستر، ونلحق نخلص كل المشاريع القومية اللي في أحلام الريس قبل أخر دكتور ما يهاجر ونرجع نتعالج عند حلاقين الصحة.
تخيل الاجابات دي، بتتقال سنة ٢٠٢١، على الأمريكين الأصليين، أو السود في أمريكا، أو اليهود في أوروبا. تخيل اللي بيتكلموا مواطنين بيض أمريكان وبيقولوا كده ضد الأسيوين في أمريكا عشان تعرف احنا فين.
السؤال عن تمويل صحيح مصر وماتصدقش مبرر، ومفهوم. ودليل على تأثيرهم الكبير، التأثير اللي حصلوا عليه بشغلهم. والحقيقة ده مؤشر نجاح ان الناس يتكلموا عن مصادر تمويلك، مش عن أخطاءك أو مشاكل تغطيتك أو ما يتكلموش عنك خالص.
مبروك مرور عام على تأسيس قناة القاهرة
أعلنت #الحكومة #المصرية عن التوصل إلى اتفاق مع #صندوق_النقد للحصول على #قرض جديد للمساهمة في حل أزمة النقد #الأجنبي ومعالجة الفجوة التمويلية التي قدرها الصندوق بنحو 17 مليار #دولار
التفاصيل:
#العالم_بلغة_الأعمال
#CNN_
الاقتصادية
#مصر #الاقتصاد_المصري
الوضع في مصر : القاضي هشام جنينة حاول يحارب الفساد، فهذبوه بالضرب في الشارع على يد بلطجية، وبعدها سجنوه ظلم، ولما قضى عقوبته - الظلم - كاملة وخرج من السجن. يُمدح النظام على عدم سجنه مرة تانية. ويبقى ده دليل على الانفتاح السياسي. 👌🏽
القضاء والقانون في مصر تاريخهما عريق، مش معقولة دالوقت نرجع نتكلم في بديهيات زي أن "المجرم" يتحاكم على جرائمه فقط. يعني لو شتم، ما ينفعش يتحاكم انه سرق مدرعة.
مصر فيها حاليا 4 طلاب، ، محبوسين على ذمة اتهامات بـ"التحريض على فعل ارهابي"، عشان شاركوا في إيفنت باتمان في حلوان.
انا مش عارف مين فتح الموضوع. بس للتاريخ. محمد محمود بدأت على يد الشرطة، وكنت حاضرها وشفت بعيني. والشرطة قتلت متظاهرين طبعا. وفقأت عيون كثير، وده مثبت بحكم محكمة. والإخوان ومن والهم كانوا ضد محمد محمود جريا وراء الانتخابات. واتهموا المتظاهرين بالبلطجة. شكرا.
في ناس بتستفيد من الهيستيريا وبتخلق دين جديد بمقدسات جديدة، فيحاكموا واحد عشان اتريق على مذيعة في اذاعة القرآن الكريم،والدنيا تتقلب عشان واحد لعب في لحن لبليغ حمدي وبقى في تهم شعبية من نوعية ازدراء النقشبندي . جهل قد العالم، يعني ولا فالحين دنيا ولا آخرة.
بعيد عن لحظة القتل، تخيل حياة سلمى قبل ما تتقتل، في شاب بيهددها بأنه هيشوه سمعتها، كابوس. وبعد شوية يحاول يقتلها ويفشل، متخيل بتفكر في ايه؟وبعدها راح يخطبها،(عادي لو معرفتش تقتلها اتجوزها)متخيل أيامها الأخيرة؟متخيل الرعب اللي بنت عندها 20 سنة عاشته؟الحقيقة كلنا لازم نبقى مرعوبين
رئيس جنوب أفريقيا : الطريقة التي يمنعون بها الفلسطينيين من حقوقهم، الطريقة التي يفجرون بها المناطق، إطلاق العنان للرعب، يمكن بسهولة شديدة للشخص أن يصفها [ إسرائيل ] بدولة فصل عنصري (أبارتايد)
خبر اليوم : أقر البرلمان المصري قانون صندوق هيئة قناة السويس, واللي في سبيل تحقيق أهدافه المنصوص عليها يمكنه حسب نص القانون :شراء وبيع وتأجير واستئجار واستغلال أصوله الثابتة والمنقولة والانتفاع بها.#لا_تعليق
تم حذف مكالمة جميلة اسماعيل من الحلقة الكاملة لبرنامج يوسف الحسيني.
لاحظوا الساعة على يمين أسفل الشاشة، مداخلة عماد الدين حسي بتخلص 11:04 وبعدها مباشرة مداخلة السيسي 11:31 . بعد حذف مداخلة رئيس حزب الدستور.
مبروك لرامي شعث الحرية. للتوثيق فقط: بعد ضغط فرنسي، مصر أجبرت مواطن مصري-فلسطيني على التنازل عن جنسيته المصرية للافراج عنه،بعد سجنه سنين بسبب نشاطه السياسي في مقاطعة اسرائيل.
إدراج علاء عبد الفتاح على قائمة الارهابيين هو تفريغ لمعنى "إرهابي"، الإدراج مش هيضر علاء "المسجون ظلم" ، لكن هيضر جدية القائمة نفسها ويحولها لمادة للسخرية. الإدارج اعتراف رسمي مسجل من الدولة أنها تستخدم "قوائم الإرهاب" سلاحا ضد المختلفين معاها دون أي تمييز وأي عقل.
شهيد جيش قبطي، بعد ما قالوا هيسموا مدرسة على اسمه، أهالي اعترضوا. فالمحافظ قرر يطلق اسمه على كوبري صغير، معدية تقريبا، ولما أخوه قال ما يصحش، المحافظ رد : لما حد ينقطك في الفرح ب٨٠ جنيه، ما ينفعش تقوله نقط ب١٠٠.
حسام بهجت في حوار لزود دويتشه : هذا تواطؤًا مباشرًا، عندما لم تدعم ألمانيا مطلب وقف إطلاق النار، بل وعرقلته على مستوى الاتحاد الأوروبي، قررت أنني لا أريد أن أدفع هذا الثمن. ونحن كمنظمة لم نعد نريد المساعدة المالية من ألمانيا في المستقبل.
Der ägyptische Menschenrechtsaktivist Hossam Bahgat wirft der Bundesregierung im SZ-Interview vor, in ihrer Nahostpolitik das Leid der Menschen in Gaza auszublenden.
#SZPlus
بمناسبة الأخبار عن هيئة قناة السويس، الهيئة بتضم 7 شركات، التمساح لبناء السفن، القناة للموانيء، القناة لرباط وأنوار السفن، القناة للانشاءات، القناة للحبال، ترسانة السويس. معظمهم بيحقق خسائر أسطورية. بتلتهم أكثر من نصف إيرادات قناة السويس.
مقتنع تماما ان الهيستريا اللي بتتحرك بيها النخبة الألمانية مؤخرا لا علاقة حقيقية لها باليهود ولا اسرائيل ولا عقدة الذنب، ده استخدام واضح للحرب، للهجوم على العرب والمسلمين لأسباب عنصرية بحتة.
الكوادر الطبية في مصر - للأسف - بيحاربوا الفيروس والحكومة. ورغم صمودهم، والمجهود اللي بيبذلوه، ما بياخدوش ربع التقدير اللي كان هياخده ضابط شرطة مات وهو بيطارد تاجر مخدرات في السبتية.
الافراج عن شادي أبوزيد بعد سنتين من الحبس الاحتياطي، وعرضه على النيابة على ذمة قضية جديدة. شيء سخيف وتعيس ازاي الدولة (شرطة وقضاء ونظام سياسي) بينتقموا بشكل منحط من شادي. كوميديان شاب بيقول نكت، يلعن أبو تفاهتكم.
الجارديان نشرت فيديو تعذيب في قسم شرطة السلام، كل يناير وانتوا طيبين. 💔
We’re next’: Prisoner’s secret filming appears to show torture in Cairo police station.
اللواء خالد فودة محافظ جنوب سيناء يناشد "المسؤولين" بناء مدارس اعدادي وثانوي عشان البنات السيناوية مش بيكملوا تعليمهم بسبب قلة المدارس.
معلومة بسيطة : اللواء خالد فودة محافظ جنوب سيناء منذ أغسطس ٢٠١١.
رؤوف غبور: "أبقى انا محتاج فلوس وحد يقولى تعالى اتبرع .. طبعا اسف مش هينفع" (المصدر: جريدة البورصة)
ملحوظة: رؤوف غبور يحتل المرتبة 10 بين الاغني في مصر وبلغت ثروته 440 مليون دولار عام 2019.
#الارواح_قبل_الارباح #كورونا_مصر
فيلم خلي بالك من زيكو، فيلم دمه خفيف ولطيف، ورسالته أن الفقراء هيفضلوا فقراء، وأغبياء، وأن الاغنياء هما الأذكياء، وأن "أذكى طفل في مصر" ماينفعش يكون ابن ناس بسيطة، لكنه ممكن ربنا يوفقه وينجح ويبقى مطرب شعبي قد الدنيا ان شاء الله.