Pro Love,Life Against Hate ,Discrimination.. دكتوراه علاج اورام بس مبحبش حد يقول لي يا دكتوره :)
#oncologist
طلعت مش ليبرال خالص ومش موضوعية كمان
#AntiMB
#صفاء_الهاشم مش عاوزين واحدة حاقدة موتورة تخلينا نغلط في #الكويت و اهلها يا اخواننا .. انا واحدة عاصرت ايام غزو الكويت و شفت حزن الناس في #مصر و شفت فرحتهم برضه وقت التحرير .. اللي يغلط نديله ع عينه بس بلاش نقلبها حرب شعوب .. شكل الكوايتة نفسهم مش طايقينها
مريضة ثلاثينية راجعالي عشان المدير مرضيش يمضيلها ع وصل العلاج عشان قرارها مجاش قمت حمرت عينيا وخدت الوصل ودخلت ومعاه ٣ موظفين قلتله انت عارف لما بتقول لا على علاج عيان مين بيتاثر؟ كل عيان وراه اسرة..دي وراها ٣ عيال..لو انتكست يبقى ذنبك انت😠مضى من غير ولا حرف😄 i am back baby 😜
مشكلة السوريين تتلخص في ان ناس كتير مش قد المنافسة .. مش قد وجود بديل شاطر .. زي بالضبط مشكلة التاكسي الابيض مع اوبر.. هو مش بينافسه ويقدم خدمة احسن لا هو عاوز ��ستمر يبلطج ويقرف الناس و يوقف اوبر .. زعلانين من تجارة السوريين خليكم تجار احسن مش تهاجموهم !
امبارح كتبت استغاثة عشان حقنة صبغة مطلوبة ضروري ل مريض ف #مصر هيعمل قسطرة قلب و موجودة في #الكويت .. كم الناس اللي تواصلت معايا كان فوق الوصف والحقنة دلوقتي مع المريض ♥️😍 الله عليكم يا مصريين
سعيدة وفخورة جدا بالدور اللي بتقدميه مش بس ف #لبنان انما الوطن العربي كله.. انا بيجيلي سيدات كشف مبكر عشان انتي اتكلمتي و وعيتي ب ده.. شاپو .. ده فعلا دور الفنان انه يوعي مجتمعه وجمهوره
عيانة جاية من الصعيد ومعاها زوجها بيسالني عن اشعة خاصة بيه ف بستفهم منه طلع عامل عملية مسالك في #قنا و مش مرتاح ف كلمت صديق استشاري مسالك قلت لو ف القصر ابعتهوله لقيته بيقول لي خليه عندك انا جايله 😍😍 ربنا يباركله بجد جاله فعلا وقد ايه كانوا مبسوطين ♥️ #فيها_حاجة_حلوة
من فترة شفت عيانة طلع عندها سرطان ف الثدي من احدى محافظات الصعيد فبنقولها بكرة تروحي مستشفى الجامعة ف محافظتك ف قالت طب بعد عشر ايام..مينفعش تتاخري يا ستي.. طلع عشان قبض معاشها.. حتى بعد ما عرضنا عليها فلوس مواصلاتها قالت اخاف لو مرحتش يلغوه ويفتكروني مت 😢😢 احيييه يا بلد
الصورة دي من المحلة بعد صلاة الفجر وده طابور من الستات قاعدين فرشين ف الارض ومتغطيين ببطاطين في عز البرد مستنيين مكتب البريد يفتح عشان يقبضوا المعاشات ،،
#قالوا_خلاص
في مشهد سريالي واحد بيضرب واحدة في العربية والشارع بيتفرج وعمال كمبيو شوب طلعوا..قررت اتدخل 🙈🙈وقفت وخبطتله ع الازاز وقلتله محتاج حاجة؟ سيبها تنزل.. طلعت مراته وقعدت تقول له فضحتنا.. شكلها بنت ناس مسكينة.. اي واحدة فعلاقة مسيئة تمشي .. متستنيش لما يقتلك في مرة من نوبات الغضب دي
المهم قلتلها وانا وصيتي العزا يقرا سورة مريم و اياه ايات العذاب و ذكر جهنم.. و قدموا عصير .. بلاش شغل شاي وقهوة و مياة.. وبلاش نكد دي مش شخصيتي .. 😂😂😂عاوزة اكتبها والزمهم بيها
عاوزة اقول اني بعيش اسوأ ايام في الشغل.. مع استمرار نقص الادوية اللي عدا شهرين وداخلين ف الثالث .. ولما بنجيب ادوية تبرع بنقعد نلعب الهة -استغفر الله - بنختار مين نديله ايه ومين ناجله 😔😔 مش بيكون قرار فردي بنكون متفقين ك استشاريين مع بعض بس فكرة انك تختار او تفاضل حاجة قذرة جدا
والله يا جماعة مش بحكي عشان اقول انا كويسة.. انا مبسوطة اني رجعت من الاجازة المرضي عشان احط عليه وارجع اقف جنب العيانين لان ده واجب ميستحقش اي شكر.. اطباء كتير بتعمل كده كل يوم.. بتقاتل عشان مرضاهم في ظل مشاكل بيروقراطية و نواقص وو.. وبرضه مبسوطة اني رجعت احط عليه😄😄😄
النهاردة عيانة بتقول لي هو ليه العلاج مش موجود يا دكتورة؟ قلتلها تعرفي لما حد يشكك من بقالة و بعدين يقولوله حسابك تقل لما تدفع نبقى نديلك ؟ قالتلي اه.. قلتلها اهه القصر العيني كده و الشركات مش راضية خلاص تشكك له #جبت_اخري #حسبي_الله
النهاردة جت لي عيانة ف اوائل الاربعينات المفروض انها كشف مبكر .. من ٣ شهور كان في عندها حاجة مشكوك فيها واتطلب عينة (كل ده مجانا) مشيت وجاية النهاردة و هي حرفيا الثدي كله ورم .. ومتعلمة.. مقدرتش اتمالك اعصابي وقلتلها اياكي تمشي غير وانتي واخدة العينة لاننا المرادي مش شاكين
انا مش فاهمة ايه قصة الباسوورد .. انا شخصيا مبديش الباسوورد بتاعتي ل حد .. ومش فاهمة الكوبلز اللي الباسوورد بتاعتهم مع بعض .. مفيش اي privacy ? طب ليا انا لما اكلم حد فيهم.. المفروض ابقى متواءمة عادي مع حقيقة ان اسراري معاهم سوا ؟ ايه ده ؟ يا تثقوا ف بعض يا شكرا يا اخواننا
عشان الناس متكتئبش ..قصة نجاح ل مريضة بتتابع كشف مبكر من ٢٠١٤ سنويا و ظهر لها السنادي ورم مش بس بدري ده ٦ مم ف ٧ مم محدش يحسه لكن الاشعة والاستشاريين الرائعين ف صحة المراة لقطوه و يادوب هيحطوا سلك حواليه و يتشال و غالبا هيكون علاجها بسيط جدا .. تاني وعاشر الكشف المبكر انقاذ حياة
@HanaShams
انا اشهد ان تريكة ياما اتبرع للخير..هو فعلا محدش شافه وربنا يسامحني اني بقول حاجة بينه وبين ربنا .. هو و وائل جمعة ياما اتبرعوا و عمره ما اتاخر لو قلتله طفل عاوز يلعب وياك ولا كور موقعة منه.. ده غير وقفته جنب كتير لاعبين مش مشهورين كان بيلعب معاهم قبل الاهلي ولما مرضوا تكفل بيهم
النهاردة شفت عيان ٢١ سنة سرطان منتشر وفي الم شديد مع انه بياخد جرعة خرافية من المورفين.. مقدرتش امنع نفسي من البكاء عليه بس مش قدامه طبعا.. بقيت ابص ل باباه ومامته وانا عمالة افكر ربوا وكبروا مستنيين اللي يشيلهم في شيبتهم بس ربنا اراد ميكونش ده الوضع ..
الموضوع ملوش دعوة ب فقر او جهل .. دي فطرة .. ربنا ميز الانسان وكرمه .. الحيوانات بتحمي ولادها و بتدافع عنهم وبتهاجم م اللي بيقرب لهم مش بتعرضهم للخطر #اند_اوف_تيكست #طفل_البلكونة
احنا متاكدين انه ورم خبيث بس لازم نعرف نوع الخلية عشان نديكي علاج مناسب.. يا جماعة الكشف المبكر .. بلاش طناش .. حرام عليكم نفسكم واهلكم واولادكم وكل اللي بيحبوكم.. انتوا مهمين .. اكتوبر شهر التوعية ب سرطان الثدي ارجوكم اللي فوق ٤٥ او تاريخ مرضي عائلي اكشفوا و اطمنوا ..
من غير شتيمة .. بس من كلامي مع السياح الامريكان واضح ان معرض توت عنخ امون هناك شجعهم ييجوا #مصر .. الناس كانت خايفة وبتهاجم سفر الاثار .. بس شكل نظرية *شوق ولا تدوق* عاملة شغل
بعض مستشفيات وزارة الصحة بتطلب سرنجات وجوانتيات ومستلزمات مختلفة تبرعات بس عاوزين يقنعونا برضه ان مفيش قوايم انتظار وان كله ماشي زي الفل ؟! اخرته ايه التدليس ده ! بس الدكاترة هما اللي وحشين 😏😏
هي الناس ليه بتدافع عن #الشعراوي بالحماسة دي ؟! طب ناقشوا الناس .. راجعوا الفتاوى اللي هما شايفين فيها مشاكل .. انما ايه التراس الشعراوي ده ؟! وبلاش قصة لحوم العلماء مسمومة .. القاعدة كل يؤخذ منه ويرد عليه الا الرسول عليه الصلاة والسلام .. هيكون احسن من سيدنا عمر مثلا؟!
الفاصل بتاع ساطع النعماني الله يرحمه اللي بييجي على dmc كل ما ييجي ادعي لمامته ربنا يربط على قلبها ويصبرها و ادعي على #الاخوان و اعتصام #النهضة .. يا ستار يا رب .. حسبي الله ونعم الوكيل فيهم..
غصب عني افتكرت بابا الله يرحمه و ازاي موتوله الاعصاب عشان مكنش في جرعة مسكن بتنفع معاه .. نعمة الصحة يا جماعة اللي احنا مش بنحمد ربنا كفاية عليها.. الحمد لله كما ينبغي لجلال وجهه وعظيم اكرامه.. يا ريت متنسوهوش من دعائكم 🙏🏻
فيه لحظة النهاردة بعد ما شفت كذا حالة متأخرة وقفت دعيت من قلبي ل اهلهم.. بجد والله .. منظر الام والاب وهما ساندين ابنهم او الابن اللي بيحضن ابوه وبيشيله عشان ينام ع ترابيزة جهاز الاشعاع او او او .. حتى و هما متيقنين انهم ممكن ميتحسنوش 😢😢 بس الحنية والحب ♥️ #ربنا_يشفي_كل_مريض
أكتر حد هيعمل كوت و يجيب ريتويت هيكسب Chocolate tree من Candyland يوم رأس السنة و سانتا هيوصلها لحد البيت و يحتفل مع كل اللى بتحبهم ❤️🎅
#candy_land
#santa_in_tanta
هو انت فاكر لما تجيب ترجمة غاشمة انها وحشية احنا هنزعل؟ابسوليوتلي دحنا هنعمل فرح.. انت بتحارب حد الوحشية دي عنده كانت ليفيل وان..قاتل ٢٥ طفل تحت٧ سنين في جامع و٣٠٠ تانيين..ما هو يا انت رقة وده مش وقتك يا انت منهم ف قلقان م اللي هيجرالك .. وفالحالتين هدي انت بس اعضاءك واركن ع جنب
النهاردة بعد ما خلصت شغل بقول للتمريض هعزمكم ع الغدا بقى .. واحدة منهم بتقول لي ايه اخبار حلوة؟ قلتلها لا شتا وبرد وجعانين ف هناكل 😅😅😅😅وبعدين ده الاكل ب ذات نفسه اخبار حلوة .. ايه الناس دي 🙈🙈
الموضوع ده مع احترامي وتقديري للشهدا بس هيخلق امراض نفسية وسط العيال.. المفروض يتدرس ويتوافق عليه من اطباء نفسيين انما اي قرارات هدفها تعريضي في المقام الاول ميبقاش ع حساب السلامة النفسية ل عيال صغيرة
النهاردة قاعدة معايا ف العيادة صديقة استشاري نفسية تخصص دعم مرضى اورام .. بعد ما حضرت اول اتنين عيانين قالتلي انتي هايلة يا بيبو ع فكرة في تعاملك مع مرضاكي .. قلتلها انتي كنتي بتقيميني؟ 😂😂😂قالتلي الشغلانة حكمت.. بسطتني والله .. لاني كنت النهاردة بفكر هو اسلوب تعاملي صح ولا غلط
النهاردة وانا ف العيادة لقيت حد من الداخلية داخل ورا النايب بكل اريحية! قلتله هو عيد الشرطة وقلنا كل سنة وانتم طيبين بس العيادة مش شارع ندخله من غير استئذان 🤨🤨 اه طلع جاي م السجن عشان حالة اشتباه ورم .. فما بالكم المتشخصين؟ عشان بس اهازيج عنده سرطان ومنعوا عنه العلاج😑
في مشهد سريالي عربية نص نقل مشغلة تسلم الايادي و ست بسيطة ماشية ف الشارع ف بيقول لها زغروودة يا امي ف المايك.. الست زغردت و ركبت معاهم مكملة زغاريد 😂😂😂😂😂😂
في طابور الجوازات بنت متجيش ١٦ سنة سمعتها بتقول للست العجوزة اللي معاها : ما انتي عشان ماشية على قشر بيض واقفين ف اخر الطابور .. خلتني لفيت لها وقلت لها عيب .. قالتلي ايه؟ قلتلها دي جدتك؟ قالتلي اه.. قلتلها عيب تكلميها كده.. الست بقت تقول لي الله يبارك لك يا بنتي ! ربوا عيالكم
ويعني افرض الناس مستنية البلاك فرايداي عشان تقدر تجيب هدوم شتوي ب اسعار معقولة .. هنقعد نصورهم بقى ونقول معاهم فلوس ؟ لو معاهم فلوس كانت الطوابير والزحمة بقت ف كل الايام يا عينيا
من كام شهر كنا في ساقية الصاوي بنحضر حفلة ايامنا الحلوة
@OlaOsman
و سعدنا اننا شفنا الفنانة الرائعة سميحة ايوب و لما الفرقة اعلنوا عن وجودها الناس وقفت صقفت لها.. اكيد مش متعودة ع السيلفي و عيب اوي اوي التعليق ده.. عمره ما يقلل منها لانها قيمة وقامة
@AmiraShendy1
مش عارفة ليه افتكرت محمود عبد العزيز وهو بيقول ل ميرفت امين : لسه عاوزة تعرفي ابنك مين يا دولت ؟ aka لسه عاوزة تتجوزي واحد شبهه يا اميرة؟ 😄😄😄
احدى المريضات اللي جايالنا ل خدمة الاشعاع اتخانقت مع عامل ووصلت لدرجة هيسترية وهي بتصرخ فيه وبعد ما قعدتها وهديتها و اتكلمت معاها كانت الطف ما يكون واكتشفت انها موقفة علاجها غير انها جاية من محافظة تانية معندهاش خدمة الاشعاع ..وخليتها توعدني تكمل علاجها..الناس محتاجة بس طبطبة ♥️
من ١٠ سنين كانت ف اولى ثانوي ومريضة باللوكيميا .. وفعلا مرت اوقات صعبة.. ودلوقتي زوجة و ام.. كلامها خلاني اعيط😢 من فترة للتانية وسط ضغوط الشغل بنحتاج حد يفكرنا احنا بنعمل كده ليه.. عشان المريض ربنا يستخدمنا في انه يحقق شفاه ب امره وارادته.. الحمد لله ♥️
جدول الوحدات المتنقلة التابعة للبرنامج القومي للكشف المبكر عن سرطان ثدي .. اي ست فوق ٤٥ سنة ببطاقة الرقم القومي هيتعمل لها ماموجرام مجانا ولو فيه اي شك بيتم الاتصال بيها لعمل سونار ف المركز الرئيسي والمتابعة.. الكشف المبكر انقاذ حياة #شير_فالخير
الصبح رسالة : انا بحبك جدا من احدى مريضاتي الناجيات من اللوكيميا من ١١ سنة ♥️ ازاي الناس بتطالبني مرتبطش بالعيانين لما سنين بتمر ع حلوها و مرها سوا ... ربنا يشفي كل مريض 🙏🏻
مواقع الوحدات المتنقلة التابعة للبرنامج القومي للكشف المبكر عن سرطان الثدي خلال شهر #ابريل مجانا ببطاقة الرقم القومي .. الكشف المبكر انقاذ حياة .. بقينا نشوف حالات ٧ مم يعني اقل من ١ سم .. #ريتويت شجع كل اللي تعرفهم من سيدات العائلة الصديقات الزميلات يروحوا
لا يحمل الله نفسا الا وسعها .. مكنتش اقدر اتحمل فقد زوج او ابن .. الحمد لله بجد على حالي .. ده انا مش قادرة اتخيل فقد حد م اللي قريبين مني ف حياتي.. حاسة اني اموت لو حد فيهم راح.. كده تمام اوي 🙏🏻
بالمناسبة قابلت الاسبوع ده زميل هاجر امريكا نازل يدور ع عروسة.. ف بقول له طب ده سهل الناس مبقتش زي زمان بالعكس.. قال لي مين دول يا د هبة ده انا عمال اترفض😯😯قلتله نعم ؟ ف خير يا بنات يعني مصدعين ابونا هنا اللهم هجرة ولما ييجي عريس هجرته ��عاه تقولوله لا؟
وعشان اعترضت وعشان اشتكيت ف هكون مسؤولة من بكرة عن الاشراف عن الصيدلية و متابعة الامور المالية بخصوص السداد للشركة المصرية عشان تورد #البس 🙈🙈🙈 بس دعواتكم ان شاء الله اعمل حاجة وربنا يوفقني #خليك_بارد
خالتي توفاها الله امبارح .. خالتي دي توأم أمي يعني نصفها الاخر بجد .. عظم الله اجركم جميعا .. وحقيقي لمة الناس ووقفتها جنبك في المواقف الصعبة دي من اعظم نعم ربنا سبحانه وتعالى عليك .. شكرا لكل الناس اللي جت واللي دعت واللي واست .. الحب ده اللي بيفرد الضهر بعد ما يكون الحزن كسره
بمناسبة الحوار بتاع المستشفيات والمستلزمات الناقصة .. من اول امتيازي سنة ٢٠٠٣ واحنا شايفين النواقص وكان ممكن نروح قسم نشحت ونحط ١٠٠ خط تحت نشحت محاليل او سرنجات او او .. اتعودنا نشوف النواب جايبين شنط جواها المستلزمات الناقصة عشان الدنيا متقفش ..
النهاردة اليوم بدأ ب طفل ١١ سنة يتيم وحيد امه وهي شالت الرحم بعد ولادته .. سرطان في العظام.. هي بقت تعيط لان دكتور العظام حولها من غير ما يقول لها وانا بقيت اهزر معاه واقول له ماما خايفة عليك حتى من شكة تحليل بطلبه .. الواد عليه ابتسامة تدخل القلب محصلتش♥️ ادع��له 😥 وادعولها
بس الحمد لله بجد السياحة راجعة و قابلت كتير سياح النهاردة ف المطار 😍😍 اللي جاي من امريكا واللي من فرنسا و مجموعات مش افراد كده لوحدهم.. يا رب ان شاء الله ينبسطوا.. يا جماعة حاولوا تبقوا ودودين مع السياح حتى لو مش شغالين ف السياحة.. كلنا واجهة ل #مصر ♥️