مؤمن بالله وأحبه حب شديد وأثق فيه لو أن الظاهر لايترجم هذا وعلى ثقة عظيمه انه سيدخلني الجنة (بمشيئة الله) الدين هو الاخلاق والتعامل مع الكائنات الحية بلطف ورحمه
صباح الخير دعم مني للمشاكل واستحيت من عتابه قلت لازم اشارك في المناوشات الحاصله وتعرفوني استانس على المشاكل استلمو الجديد
في كل عام يدور مابين الاخيار
حرب مثل حرب اليهود وفلسطين
وان مارحمنا الله نبي ندخل النار
من فعلنا في مطير هم والقحاطين
ابغا امدح واحد وذليت تفهم غلط عطوني رايكم
الردى والطيب نارثها وراثه
وناكر المعروف هذا انسان جاحد
وانت طيبك من ثنين او من ثلاثه
مستحيل يكون من رجال واحد
الناس في ابوي لي مده تعزيني
واحاول استوعب الفكره لكن عيت
ودي بموقف من الصدمه يصحيني
ويقنعني اني انا الحي وهو الميت
يجيني تعليق ع الشطر الاخير
وهو فيه غلط املائي
ياواحد ن في يدك تغيير الاحكام
ولافيه شي الى وفي يدك حله
تفرج لمنهو ماتريح من العام
من علة ماهيب بايات عله
اليا رقد نومه كوابيس واحلام
والياصحى وده يعود محله
من كثر مايونس عظامه لياقام
تقول كنه يركض الليل كله
والله انك خطير
منت يادكتور في حاجة نصاي��
والشعر حنا نعرف انه وراثه
كيف جيت وليش جيت وين رايح
ليتك تجاوب على كل الثلاثه
الشاعر/ ماجد النصيف
يوم شفت الشعر تال الوقت طايح
قمت اصلي واطلب الرب الاغاثه
جيت قبل يغوص في بحر الفضايح
واللهيبي لازمه يحمي تراثه
الدكتور/ سلطان الحربي
ياللي تحسبنه يخوفني الصوت
شفلك لاجل تخويفي اسلوب ثاني
مثلك يراسلني ثمانين سربوت
وانساه وانسى رسالته في ثواني
اللي بعين الناس قدره كما البوت
لاسبني تقول مرسل تهاني
انا ماعاد اخاف حتى من الموت
من عقب شين في اول العمر جاني
@F_BinHithleen
@kka080
مناظرً معاد تحتاج ليضاح
فالذاكره تبقى لو الشخص عمر
اشوف الي لوحه على صاهد رماح
تبقى مدى التاريخ لو ماتسمر
هاذي ماهيب العقل هاذي ترا ارواح
تطايرت لعيون بشات شمر
ولعيون شيخ فيه يزهن الامداح
من دون ربعه فالمواقف تومر
البارحه في احتفالات السعوديه
صادفتلي غرو في الزحمه تحرشبي
يخطف قلوب البشر بالوان عاديه
وشلون اجل لاختلط لونه مع العشبي
يغضي عن الناس ويلد النظر فيه
ماكنه الى يقول مع الخلا انحشبي
ومن يوم شفته علي مبيت النيه
انحشت قدام لابلشبه ويبلشبي
قمنا نتحسس من المزح والمداعبات الجميله بيننا وبين اخواننا من القبايل الثانيه بسبب بعض الحسابات الوصخه التي تزرع الفتنه بين الناس التي لم يتربى اصحابها على نظافة القلب ويعانون من امراض نفسيه
والله لو الدعو على الكيف ياعناد
لاضحي الجدي وابويه وليه
واقول للي حول بيتي من اجواد
قيمت ضحاياكم تراها عليه
لاكن انا لي وقت في حرب وجهاد
مابين هذيه وذيه وذيه
احدن يدورله ضحيه للاعياد
واحدن براسه لليالي ضحيه
المشكلة فاللي بوجهك يابو زيد
ماحدن يعرف اسبابها غير حنا
لا شايلٍ عثره ولا جايبٍ صيد
جايتك ياماجد على ماتمنا
رد محمد السكران علشان تعرفون انه يخطي علي 😂😂والله عطانيها على الجبهه
حنا من امس العصر في جو ساقان
في رحلة من دون عزبه وترتيب
وانكان الك نيه تجينا ياسلطان
عطنا معك قشطه وتونه وابوذيب
ماجد النصيف
انا حزامك لاقسى وقتك وشان
وقامو عليك يطرفون المشاعيب
اشغلتني من عهد خالد لسلمان
لاتحترم خوه ولاتحترم شيب
ابوذيب
مقعد له ايام متغيرتن اخلاقه
وعن دربه اللي مشاه ازريت لارده
في كل يومين واقف عند حلاقه
حتى حجاجه قبل لايطلع يكده
ولامرت الي لها مثناتن دقاق
والردف للي وراه كنها تمده
كنه قعودن مخلينه على الساقه
يمس عمره بعد ماطالت الشده
ياللي تقارن بالنظر بين الاثنين
بن عويفي ماحد اليوم حوله
ارجع لتاريخ المزاين من سنين
وبين الاسامي لافضبت اخذ جوله
ومن لايورد حجته بالبراهين
انا وغيري مالتفتنا لقوله
احدن شهوده في تويتر وراعين
واحدن شهوده في المنصه فعوله
يالاخوان اللي تقولون رد على بعض الاسامي مابعد الكفر معصيه ومابعد الاسم المستعار جبن وخوف من لايظهر باسمه هذا مسكين وضعيف اتركوه لاتعطونه وجه ولو بنلتفت لكل كلب ينبح ماوصلنا لوجهتنا وقلت اكثر من مره مارد على السم المستعار
عثمان بشر بكرتي بالسلامه
ان قاله الله من يدين القصاصيب
من لايميز في الحلال وحرامه
يقوللي يبغالها شوي ترتيب
ومن زينها بكره تحذف العمامه
لاشفتها في العرض قدم المعازيب
وابيعها بشيك ماتحصى ارقامه
واعطيك شرهه مثل مقعد وابوذيب
صباح الخير
التجارب والظروف الي يمر بها الانسان تغير القناعات والمفاهيم في هذه الحياة
فنصيحتي لاي شاعر لم يبلغ سن الخمسين ان يترك عنه قصائد النصح والتوجيه والانتقاد الى ان تتضح له الصوره كامله ولكم جزيل الشكر