شوفت تيك توك بنت بتقول you can't just get mad at someone because you miss them
واحنا في سيموليشن والله العظيم انا كنت فاكرة اني بحس الإحساس المتخلف دا لوحدي
بتوتر من الناس اللي بتحب تعمل كل حاجة بأيدها في البيت
ليه نشتري زينة رمضان ما نقصها احنا؟ ليه نجيب تورتاية ما نعملها؟
ليه نشتري لبن ما نربي جاموسة في الليفنج؟
فرهدة اوفر بجد
فيه ست عاملة تيك توك بتقول انها لما بتبقى عايزة جوزها يلبس طقم معين من غير ما تقوله بتغير ترتيب الهدوم وتخليها ع الوش
وطبعا الرجالة بتكسل فأكيد هيلبس اللي قدامه :D
والله من أكتر الصفات اللي بقدرها في الرجل انه يبقى عارف عايز ايه ومايضيعش وقتي
لكن يعني ايه تlose interest وتلف لفة طويلة عشان تخليها تيجي من الطرف التاني مش منك؟
احنا في ابتدائي يابا ما تمشي عادي بجد
لسة شايفة تيك توك البنت بتقول ان you have to teach your partner how to love you
وان مفيش حاجة اسمها لو دا الright person هيعرف لوحده
رأيكم ايه في الكلام دا؟
بس الرجالة قعدت تتريق على حوار إن البنات لما بتزهق بتقوم تقص شعرها
وماشاء الله شايفة كمية قرع من أول الحظر ما بدأ يدل إن مفيش رجل قاعد على بعضه ومزهقش وقام شال شعره كله عادي
عايزة حد يبقى متحمس إننا سوا
وماقصدش حماس الشباب والفرهدة دي لأن أنا طاقتي يادوبك
بس متحمس إن في أخر اليوم هنعمل كوبايتين شاي ونقعد على الكنبة ونشغل فيلم عادي
الرواية اللي بقرأها فيها شخصية كانت بتتكلم عن طفولتها وبتقول
ان والدتها ماكنتش موافقة انها تجيب قط
وانك لما بتتربى على ان مفيش حاجة عايزها بتحصل، بعد ما تكبر
بتكتشف انك مبقتش عارف انت عايز ايه أصلا!
الحياة مثل البيانو، المفاتيح البيضاء هي السعادة والحب، والمفاتيح السوداء هي الألم والحزن، ولكي تستمع لموسيقى الحياة الكاملة، لابد عليك أن تلامس هذه وتلك.
انا والله ماعنديش مشكلة تتأخر ماتتأخرش تقعد ع القهوة تلعب بلايستيشن
بني آدم وليك حق الوجود عادي
بس رسالة حلوة الصبح في نص اليوم تصبحي على خير اي حاجة
تبقى سايلنت 24 ساعة هنا بقى انا ببتدي ازعل :D
حلقة الدحيح بتاعة علاقات عن بعد دي فكرتني ليه مينفعش ارتبط بحد معرفش اشوفه باستمرار او بيننا مسافة اكتر من نص ساعة
الكلام دا كان زمان واحنا شباب المسافة الوحيدة اللي استحملها دلوقتي انه يبقى قاعد في اخر الكنبة وانا في اولها