લોક રક્ષક ભરતીની લેખિત પરીક્ષાની સફળ કામગીરી માટે ઘણા બધા લોકોએ ફોન અને મેસેજથી પોતાની લાગણીઓ વરસાવી છે. સૌને વ્યક્તિગત રીતે જવાબ આપી શકતો નથી તે માટે દિલગીર છું. પ્રમાણિકતા તથા ખરા દિલથી કરેલા પ્રયત્નોને બિરદાવવાનો આપ સૌનો અભિગમ મારા પ્રયત્નોને બળ આપે છે.સૌનો ખૂબ ખૂબ આભાર.
મારા ઘરમાં હું આર ઓ પ્લાન્ટનો ઉપયોગ કરતો નથી કારણકે હું ઇચ્છું છું કે જાહેર સેવક તરીકે હું કોઈપણ વ્યક્તિના ઘરનું પાણી પી શકું. મારે મારા શરીરને એટલું નબળું નથી બનાવવું જેથી કોઈ ગરીબ માણસના ઘરનું પાણી પી ના શકુ.
પીએસઆઇ અને લોકરક્ષક ભરતી બોર્ડ ઓફિસ ટીમના અધિકારીઓ ને કર્મચારીઓએ છેલ્લા સાત મહિનાથી રજા કે રાત દિવસ જોયા વિના સતત મહેનત કરી છે. ગઈકાલે બંને ટીમના પી.એસ.આઇ પહેલીવાર રજા પર ગયા છે તેમના અથાગ પ્રયત્નો વિના ભરતીનું કામ આટલે પહોંચ્યું ન હોત તેમના માટે દિલમાં ખૂબ કૃતજ્ઞતાનો ભાવ થાય છે
પરીક્ષા નજીક આવે તેમ વાંચવાનું ના ગમે તેવું બને ખાસ કરીને જેઓએ લાંબા સમયથી સારી મહેનત કરી હોય તેમને વાંચવાનો કે પુનરાવર્તનનો કંટાળો આવે. આવા સમયે વિષય બદલવા પુસ્તકો બદલવા પ્રશ્નપત્રો કરવા મિત્રો સાથે ગ્રુપમાં વાંચવું સામસામે ચર્ચા કરવી વિગેરે કરવાથી સમયનો મહત્તમ લાભ ઉઠાવી શકાશે
લોકરક્ષક લેખિત પરીક્ષામાં 97.5 ટકા ઉમેદવારોએ ભાગ લીધો. આટલી મોટી સંખ્યામાં ઉમેદવારો હોય તેવી ભાગ્યે જ કોઈ સ્પર્ધાત્મક પરીક્ષામાં આટલા પ્રમાણમાં હાજરી જોવા મળે. આટલો પરિશ્રમ અને પ્રતિબદ્ધતા વાળા ઉમેદવારો આ પરીક્ષામાં સફળ થાય કે ન થાય જીવનમાં ચોક્કસ સફળ થશે. જરા પણ નિરાશ થશો નહીં.
મેં સિવિલ સર્વિસ પરીક્ષાના ચાર પ્રયાસોમાંથી ત્રણ વખત મેઇન પરીક્ષા પાસ કરેલ છે. પહેલા પ્રયાસ વખતે પરીક્ષાના 25 દિવસ પહેલા મને એવું લાગ્યું કે આટલા ટૂંકા સમયમાંતૈયારી ન થાય અને મેં પ્રયત્ન ન કર્યો અને માત્ર ૧૦ ગુણથી હું પરીક્ષામાં રહી ગયો.
ક્યારેય પ્રયત્ન ન છોડવો.
ઘણાં જ્ઞાતિ સમાજોએ પોતાની જ્ઞાતિના પોલીસ ભરતીના ઉમેદવારો માટે રહેવાની વ્યવસ્થા કરેલ છે. જ્ઞાતિના ભેદભાવ વિના આપણે જ્યારે આવી વ્યવસ્થા કરીશું ત્યારે આ ઉમેદવારોને પોલીસ બની જ્ઞાતિ ધર્મ આદિથી પર રહી તટસ્થતાથી કામ કરવાનો મજબૂત સંદેશો આપીશું. ચાલો વિચારીએ, ચાલો કરીએ.
#LRD_
ભરતી
લોકરક્ષકની લેખિત પરીક્ષામાં ૪૦થી વધુ ગુણ આવ્યા હશે તેમને ડોક્યુમેન્ટ વેરિફિકેશન માટે બોલાવવામાં આવશે તેવી મારા નામે ખોટી ટ્વીટ કરી ઉમેદવારોને ગુમરાહ કરનાર વ્યક્તિ વિરુદ્ધ ગુનો નોંધી ધરપકડ કરવામાં આવેલ છે. કાર્યવાહી માટે સાયબર સેલ અમદાવાદનો ખુબ ખુબ આભાર.
ધન્ય છે એ યુવાઓને જે ગલીઓમાં, ખેતરોમાં ધૂળઢેફાઓમાં, પહાડીઓમાં દોડીને પોલીસ ભરતીની તૈયારી કરી રહ્યા છે. તેઓ ભરતીમાં સફળ થાય કે ન થાય પણ મને પાકી ખાતરી છે કે તેઓ જીવનમાં હંમેશા અગ્રેસર રહેશે.
ઉમેદવારોને પરીક્ષા આપવા દૂર જવું ન પડે તે માટે ઘણો વિચાર કરેલો પરંતુ ગેરરીતિ ટાળવા માટે જે પણ થઈ શકે તે કરવાની બોર્ડની પ્રાથમિકતા છે તેને ધ્યાનમાં રાખીને મોટા શહેરોમાં કેન્દ્ર રાખવાની ફરજ પડી છે.
હજુ પણ કેટલાંક લોકોના મનમાં શંકા છે કે સેટીંગ તો નહીં થાય ને. કેટલાકને લાલચ હોય કે સેટિંગ થાય તો કરી લઈએ. સમાજમાં આ પ્રકારની માનસિકતા ધરાવતા લોકો હોય તો પૈસા પડાવનાર લોકો તેનો લાભ લેવાના જ. લાલચ અને શંકા છોડી આવા તત્વોને ખુલ્લા પાડી પ્રમાણિકતાથી ભરતી કરવા સહિયારો પ્રયત્ન કરીએ.
વન રક્ષક પરીક્ષામાં ઉનાવા તથા ભાવનગર એમ બે કેન્દ્રો ખાતે થયેલ ગેરરીતીની ઘટનાને ધ્યાનમાં લેતા લોકરક્ષક ભરતીના કોલ લેટર હવે 1 એપ્રિલ ને બદલે 3 એપ્રિલે બહાર પાડવામાં આવશે. બીજા કેટલાક પગલા લેવાનું પણ આયોજન કરવામાં આવેલ છે.
#LRD_
ભરતી
#LRDS
શારીરિક કસોટી ડિસેમ્બર 1 થી 10 તારીખ માં શરૂ થશે, બે મહિના ચાલશે. શારીરિક કસોટી પૂર્ણ થતા એક માસમાં લેખિત કસોટી લેવાનું આયોજન છે. ઉમેદવારો અત્યારથી લેખિત પરીક્ષાની પણ તૈયારી કરતા રહે.
#LRD_
ભરતી
ભરતીમાં સફળ થવા માટે યુક્તિ પ્રયુક્તિ કરવાને બદલે મહેનત પર ધ્યાન આપો. ભરતીમાં પસંદગી થાય કે ન થાય જીવન બદલાઈ જશે. આવા લોકો પોતાની એવી ઓળખ ઊભી કરશે જે તેમને જીવનમાં હંમેશા સફળ બનાવશે.
मैं विफलता के बारे में बात कर सकता हूं क्योंकि मुझे उसका अनुभव है, मैंने सिविल सर्विस परीक्षा चौथे प्रयास में पास की है। हर परीक्षा के बाद दुगने जोश के साथ फिर से पढ़ना शुरू कर देते थे।
આ કે તે ભરતી આવવાની છે તેવી અફવાઓના આધારે વિદ્યાર્થીઓ કોચિંગના ખર્ચા ન કરે, આદિકૃત જાહેરાતની રાહ જુએ. આમ પણ ભરતીઓમાં જાત મહેનત કરનાર વિદ્યાર્થીઓ જ વધુ સફળ થતાં હોય છે. પૂર્વ તૈયારી રૂપે એનસીઆરટી જીસીઆરટી ના પુસ્તકો વાંચતા રહે.
ખરેખર તો કોચિંગની આવશ્યકતા જ નથી.
લોકરક્ષક ભરતીનું ડોક્યુમેન્ટ વેરિફિકેશન માટેનું લિસ્ટ પીએસઆઇની ભરતીનું લિસ્ટ બહાર પડે તે પછી બહાર પાડવાની બાબત વિચારણા હેઠળ છે જેથી લોકરક્ષક માં પસંદગી પામેલા ઉમેદવારો પીએસઆઇમાં પસંદ થતાં છોડી જવાને કારણે લોકરક્ષકની જગ્યા ખાલી ન રહે.
જો શારીરિક કસોટી સમય પત્રક મુજબ પૂર્ણ થાય તો 13, 20 અથવા 27 માર્ચના લોકરક્ષક ભરતીની લેખિત પરીક્ષા લેવાનું આયોજન છે.
આ દિવસોમાં GPSC તથા ગૌણ સેવાની પરીક્ષા ના હોય તેવી તારીખ પસંદ કરવામાં આવશે. તે વખતની કોરોનાની સ્થિતિ પણ ધ્યાનમાં લેવામાં આવશે.
#LRDS
#LRDP
સેટિંગ માટે પૈસા આપી બેઠા હો તો ભ્રમમાં રહેતા નહીં, કોઈ તમને પાસ કરાવી નહીં શકે. તમે પાસ થશો તો પણ તમારી તાકાતથી અને મફતમાં કોઈ પૈસા લઈ જશે. માટે આગળ આવો અને ફરિયાદ કરો.
હેલ્પલાઇન નંબર
9104654217
8401154217
7041454217
#lrd_
ભરતી
#LRD
હું પહેલા દિવસથી ઉમેદવારોને ચેતવી રહ્યો હતો કે ભરતીમાં શારીરિક કે લેખિત કસોટીમાં ખોટી રીતે પાસ કરવાનો અવકાશ નથી માટે કોઈ લાલચ માં આવશો નહીં. છતાં પણ આ ઉમેદવારો લાલચમાં આવીને આમાં ફસાયા છે. ખુશીની વાત છે કે રાજકોટ શહેર પોલીસે ત્વરિત પગલા લઇ બે લોકોની ધરપક�� કરી છે.
ગૌણ સેવા પસંદગી મંડળ અને તેના અધ્યક્ષ શ્રી
@AKRAKESHIAS1
જીને ગુજરાતની સૌથી મોટી સ્પર્ધાત્મક પરીક્ષા
#Binsachivalayexam
સફળતાપૂર્વક લેવા માટે ખૂબ ખૂબ અભિનંદન.
ઉમેદવારોને સારા પરિણામ માટે ખૂબ ખૂબ શુભેચ્છાઓ.
તારીખ 3ના રવિવાર હોય ઉમેદવારોને કોઈ ટેક્નિકલ કારણોસર કોલ લેટર ડાઉનલોડ કરવામાં મુશ્કેલી ન પડે તે માટે હવે કોલ લેટર તારીખ 4 એપ્રિલના રોજ બહાર પાડવામાં આવશે. વન રક્ષકની પરીક્ષામાં ગેરરીતિના બે બનાવોને ધ્યાનમાં લઇને પણ કોલલેટર મોડા બહાર પાડવાનો નિર્ણય કરવામાં આવેલ છે.
ભરતી બોર્ડના શુભેચ્છકોની કમી નથી તેઓ લેખિત પરીક્ષામાં કોઈ ગરબડ ન થાય તે અંગે સતત ચિંતા સેવતા રહ્યા અને યોગ્ય લાગે તે સૂચનો કર્યા સાથે સાથે અઢળક શુભેચ્છાઓ હૃદયથી વ્યક્ત કરતા રહ્યા તેમના સૂચનો જ નહીં તેમની દુઆએ પણ કામ કર્યું સમગ્ર બ્રહ્માંડ જાણે આપણીસૌની મદદે હતું સૌનો ખૂબ ખૂબ આભાર
સ્પર્ધાત્મક પરીક્ષાની જૂથમાં તૈયારી કરવાથી ઘણો ફાયદો થશે જૂથનો દરેક સભ્ય જુદા જુદા વિષય એક દિવસ વાંચે અને બીજા સભ્યો સાથે જૂથમાં બેસી સંભળાવે. આમ કરવાથી તેના માટે પુનરાવર્તન થશે અને બીજા સભ્યો સાંભળીને શીખશે. આ રીતે કરવાથી યાદ સારું રહેશે.
ગણ્યાગાંઠ્યા નઠારા લોકો જ ગેરરીતિ કરતા હોય છે પરંતુ તેમને ધ્યાનમાં રાખીને ભરતી બોર્ડ નિર્ણય કરવા પડે છે જેનાથી સીધાસાદા ઉમેદવારોને હેરાનગતિ થાય તે મને પીડા આપે છે પરંતુ ભરતી માં ગરબડ ન થાય તે સીધા સાદા ઉમેદવાર માટે સૌથી વધારે મહત્વનું છે.
આવતી કાલે પો.સ.ઇની લેખિત પરીક્ષા આપનાર ઉમેદવારો કઠિન શારીરિક કસોટીમાંથી પસાર થયા છે. આત્મવિશ્વાસ માટે આટલું જ પૂરતું છે. જબરદસ્ત આત્મવિશ્વાસ સાથે લેખિત પરીક્ષા આપી સફળ થાય તે માટે સૌને શુભેચ્છાઓ.
માર્ચ મહિનામાં અન્ય સ્પર્ધાત્મક પરીક્ષાઓ તથા ૨૮ માર્ચથી એસ.એસ.સી/ એચ.એસ.સી બોર્ડની પરીક્ષાઓ શરૂ થતી હોવાથી તથા ઉમેદવારોને પૂરતો સમય મળે તે હેતુથી લોકરક્ષકની લેખિત પરીક્ષા10 એપ્રિલના રોજ લેવાનો નિર્ણય કરવામાં આવેલ છે.
તલાટીની પરીક્ષા માટે સંમતિપત્ર ભરવાનો સમય આજે પૂર્ણ થયો. કુલ 8,65,000 ઉમેદવારો સંમતિ પત્ર ભર્યા.
જેણે પરીક્ષા આપવી છે તેમણે જ સંમતિ આપી. ગુજરાતના યુવાનોએ જવાબદારી પૂર્વકનું વર્તન કરી સૌ માટે ઉદાહરણ પૂરું પાડ્યું છે.
યુવાનોની પરિપકવતા અને સમજ માટે માન થાય છે.
આજે જ્યાં જરૂર ના હોય ત્યાં પણ લોકો પેવર બ્લોક લગાડવા નું પસંદ કરે છે. તેનાથી ઉનાળામાં આસપાસમાં ગરમી વધે છે, ચોમાસામાં વરસાદનું પાણી જમીનમાં ઉતરતું નથી, સિમેન્ટના ઉત્પાદનમાં ધરતીનું ખનન તથા હવાનું પ્રદૂષણ.
પેવર બ્લોકનો વપરાશ કરતા પહેલા વિચારવા જેવું ખરું.
કેટલાક ઉમેદવારો પરીક્ષામાં તેમના દેખાવથી નિરાશ થયા છે. હું પણ જીવનમાં ઘણી પરીક્ષામાં સફળ થયો નથી. નિરાશા સ્વાભાવિક છે પણ તે લાંબી ના ટકવી જોઈએ. નિરાશામાંથી બહાર નીકળી મહેનત કરનારાઓ માટે હંમેશા નવા દરવાજા ખુલતા હોય છે.
જેના ઘરમાં કે કારખાનામાં ૨૪ કલાકમાં નળમાં પાણી આવે છે તે લોકો એવું ન સમજે કે બધા લોકોને છૂટથી પાણી મળે છે. પાણીની અછતને લીધે તકલીફ વેઠી રહેલા પશુ પક્ષીઓ, ખેડૂતો, ગ્રામજનો અને આમ લોકોનો વિચાર કરીએ અને પાણી ખૂબ જ કાળજીથી વાપરીએ.
એક મહિનાની રજા પરથી હું છઠ્ઠી જૂને હાજર થયેલ છું. ડોક્યુમેન્ટ વેરિફિકેશન માટે નું લિસ્ટ તૈયાર કરવા માટે જરૂરી કાર્યવાહી શરુ કરવામાં આવેલ છે. જૂનના અંત સુધીમાં ડોક્યુમેન્ટ વેરિફિકેશન લિસ્ટ બહાર પાડવામાં આવશે.
જાણે આપણે કોરોનામુક્ત થઈ ગયા હોઈએ તેમ કાર્યક્રમોમાં લોકો મારા જેવાને માસ્ક દૂર કરવા સૂચન કરે છે. ગયા માર્ચમાં આપણું આવું જ વલણ હતું અને એપ્રિલમાં શું થયું તે આપણે જાણીએ છીએ. ખુદ માસ્ક પહેરીએ અને બીજાને માસ્ક પહેરવા કહીએ.
#OmicronVariant
પરીક્ષામાં સફળ થવા માટે પરીક્ષાના નજીકના દિવસોમાં તથા પરીક્ષા દરમિયાન આત્મવિશ્વાસ અને સફળ થવાની શ્રદ્ધા ખૂબ મહત્વના છે. આ માટે સ્વ સૂચનો - પોતાની જાતને કહેવું હું સફળ થઈશ જ તથા મીરર એક્સરસાઇઝ -અરીસામાં પોતાના ચહેરા સામે જોઈ તેમ કહેવું કે હું સફળ થઈશ - જ ખૂબ ઉપયોગી નીવડે છે.
લોકરક્ષકની લેખિત પરીક્ષાની આન્સર કી અંગે કુલ ૧૨૬૯ વાંધા આવેલ છે. જેનો અભ્યાસ કરી ફાઈનલ આન્સર-કી મુકવામાં આવશે. વાંધા સ્વીકારવાનો સમય આજે સવારે 9 વાગ્યે પૂર્ણ થયેલ છે.
ગાંધીનગર પોલીસ મેદાન પર સવારે ૫:૪૫ વાગે ૫૦૦થી વધારે યુવાનો પોલીસ ભરતી માટેની દોડની પ���રેક્ટિસ પૂરી કરે છે. અન્ય પોલીસ એકમો તથા સમાજના અન્ય લોકો જેમની પાસે મેદાન હોય તેઓ શક્ય હોય તો યુવાનોને પ્રેક્ટિસ માટે મેદાન આપે તેવી મારી અપીલ.
અંગ્રેજી ભાષા શીખવી જરૂરી છે પરંતુ તે માટે બાળકને અંગ્રેજી માધ્યમમાં ભણાવવામાં આવે ત્યારે તેનો વિકાસ રૂંધાય છે એટલું જ નહીં આપણે આપણી સંસ્કૃતિ ખોવાની દિશામાં આગળ વધીએ છીએ.
ગૌણ સેવા પસંદગી મંડળ દ્વારા લેવાનાર બિન સચિવાલય સંવર્ગની પરીક્ષાના ઉમેદવારોને ખુબ ખુબ શુભેચ્છાઓ. પરીક્ષામાં સફળ થઈ તમે ગુજરાતના લોકોની સેવા કરી શકો તેવી ઈશ્વરને પ્રાર્થના પ્રાર્થના.
કેટલાક માબાપ દીકરીઓને પોલીસ ભરતીમાં ભાગ લેવાની છૂટ આપતા નથી. મા-બાપને મારે કહેવું છે કે તમારી દીકરી આ ભરતીમાં ભાગ લઇ પસંદ થશે તો લોકોને ઉપયોગી થશે, બીજી દીકરીઓ માટે ઉદાહરણરૂપ થશે. પાસ નહીં થાય તો પણ તેનો આત્મવિશ્વાસ ઘણો વધશે.પાસ થયા પછી નોકરી બદલવી હશે તો તે પણ કરી શકશે.
ગણેશ ચતુર્થીની શુભકામનાઓ.
સ્પર્ધાત્મક પરીક્ષાની તૈયારી કરવા ઈચ્છનારા આજથી શ્રી ગણેશ કરી શકે.
તૈયારી કરી રહેલા પરીક્ષાર્થીઓ તૈયારીની પદ્ધતિમાં જરૂરી ફેરફાર કરી નવા જોશથી તૈયારીના શ્રી ગણેશ કરી શકે.
લોક રક્ષક ભરતીના ઉમેદવારો પોતાની જાતને પૂછે કે તેઓ માત્ર નોકરી કે રોજગારી માટે મહેનત કરે છે કે પોલીસ બનીને આમ આદમીની મદદ કરવાની ઈચ્છા તેમને છે.
#LRDS
#lrdl
પંચાયત સેવા પસંદગી બોર્ડ જુનિયર ક્લાર્કની લેખિત પરીક્ષા 9 એપ્રિલના રોજ લેવા માંગે છે. ત્યારે પૂરતા પરીક્ષા કેન્દ્રો ઉપલબ્ધ છે કે કેમ તેની વિગતો જિલ્લાઓ પાસેથી મંગાવવામાં આવેલ છે. વિગતો ઉપલબ્ધ થયા બાદ તારીખ જાહેર કરવામાં આવશે.
મારા ટીવી ઈન્ટરવ્યુ જોયા પછી માબાપના મનમાં પોતાની દીકરીને પોલીસ ભરતીમાં ભાગ લેવા દેવા બાબતે શંકા હશે નહી. હજુ પણ કોઈ શંકા હોય તો પણ વિનંતી કરું છું એકવાર અરજી કરી લેવા દો ભવિષ્યમાં આપણે ફર��� વાત કરીશું. મને ખાતરી છે કે દીકરીઓને પોલીસ ભરતીમાં ભાગ લેવા દેવા માટે હું આપને સમજાવી શકીશ
રોજ સવારે ચાલવા જાઉં છું ત્યારે વૃક્ષોની શીતલ છાયાનો મને લાભ મળે છે. ગાંધીનગરમાં જુના મોટા વૃક્ષો કોઇને કોઇ કારણસર ઓછા થતા જાય છે, ખાસ કરીને ચોમાસાની શરૂઆતમાં ભારે પવનમાં વૃક્ષો ધરાશાયી થાય છે.
ચાલો, આ ચોમાસામાં વૃક્ષો વાવી ભવિષ્યની પેઢીને આવા જ મોટા વૃક્ષો ની ભેટ આપીએ.
મારા વિશે અને ભરતી પ્રક્રિયા વિષે ભાતભાતના અભિપ્રાય વ્યક્ત કરનારા યુવાનોનો હું ખૂબ આભારી છું કારણકે તેનાથી મને મારાથી જુદો મત ધરાવનારાઓ પ્રત્યે પણ પ્રેમ આદર કેળવવાનો અને તેમના અભિપ્રાયનું સન્માન કરવાનો મહાવરો કરવાની તક મળે છે.
તેમના મંગલ માટે હું ઈશ્વરને પ્રાર્થના કરું છું.
લોકરક્ષક ભરતીની લેખિત પરીક્ષા તારીખ 10 એપ્રિલના રોજ જ લેવામાં આવશે. ભૂતકાળમાં જ્યારે પણ તારીખમાં ફેરફાર થયેલ છે ત્યારે તરત જ વેબસાઈટ તથા ટીવી ચેનલોના માધ્યમથી ઉમેદવારોને જાણ કરવામાં આવેલ છે. ઉમેદવારો વેબસાઈટ જોતા રહે અને અફવાથી સાવચેત રહે.
પરીક્ષાની તૈયારી વખતે મૂડ અપ ડાઉન થાય તે સ્વાભાવિક છે. તેનો સ્વીકાર કરવો. જ્યારે મૂડ ડાઉન હોય ત્યારે સહેલું કામ અથવા વિષય લેવાથી કામ થશે અને આત્મવિશ્વાસ વધશે.
#LRD_
ભરતી
#LRD
લોકરક્ષક કુલ અરજી:
Male:6,92,190
Female: 2,54,338
Total Confirm: 9,46,528
છેલ્લા દિવસે કુલ 86188 અરજી મળી
ડેટા પ્રોસેસિંગનું કામ શરૂ જેથી ઝડપથી શારીરિક કસોટી શરૂ કરી શકાય.
શ્રી
@dineshdasa1
જીની અધ્યક્ષતામાં છ વર્ષમાં,
@gpsc
એ ગુજરાતને પારદર્શક ભરતી પ્રક્રિયા આપી છે, એટલું જ નહીં, એમણે દેશના તમામ જાહેર સેવા આયોગો માટે અનુકરણીય ધોરણો પણ બનાવ્યા છે. તેમની નિવૃત્તિ પર હું ગુજરાતની જનતા વતી તેમનો આભાર માનું છું.
#GPSC