عيني جت في عين بنت لا اعرفها ولا تعرفني لثواني معدوده في فرح امبارح و مشينا و مش معقول يعني كل البسكوت اللي اتسقسق في الشاي بلبن ده و في الاخر انا اللي ادوب
مع كامل احترامي لمؤيدي ان الحب يصنع المعجزات ولكن التقارب الفكري و المستوي المادي و الاجتماعي فى وجهة نظري بيحكمو على استمرارية العلاقة من عدمها جايز اكتر من الحب نفسه
شفت حد هنا تقريبا كان كاتب ان قعدتك مع صحابك هتبقى احتياج اكتر من كونها رفاهية و اؤكد كلامه مليون في الميه انا قعدتي مع صحابي حتى لو كل فين و فين و شوية الحكاوي و الضحك اللي بنضحكه بيحسنو نفسيتي مهما كانت مليانه بلاوي
كان نفسي قلبي يجيبني زيكم و اقدر اشير صوري مع قرة عيني المستقبلية و اقعد اعاكس فيها في مرحلة الصحوبية دي بس عمري ماهضمن الاستمرارية ب ٣ جنيه و غالبا مش هعمل كده الا في حالة اننا قاريين فاتحة و معوذتين و فواتح البقرة او احنا الاتنين ماضيين شيكات على بعض ان محدش هيسيب التاني
لا اخفيكم سرا انا مش مرتاح وانا شايفني بكبر و شايف صحابي بيكبرو و شايف اهلي بيكبرو بغض النظر اني مؤمن ان لكل منا رصيده من الصحة و العمر الا اني مش مرتاح كل ما افكر انهم بيخلصو
اسوء حاجه الشيطان بيلعب عليها هي خوفنا من المستقبل و المجهول يقعد يوسوسلنا بكل السيناريوهات المخيفة اللي ممكن تخلينا واقفين في مكاننا و عاجزين قدام حاجه بننسي للاسف انها مش في ايد حد غير ربنا وهو ارحم الراحمين
انا ضد مبدأ الغشومية في التعارف ده ولما حد بيعجبني بخشله واحده واحده اجس نبض اهزر مره اشوف حاجه مهتم بيها اكلمه عنها ابعتله مزيكا لكن جو انت عاجبني و يلا نبقى صحاب ويلا ننزل ديت دي بحسني اتكروتت كده اللي هو طب استنى اقولك ١٠ حقائق عني والاخيره ستدهشك طب استني طيب يمكن اطلع توكسيك
الهدايا ال Handmade دي بتاخد حته من قلبي مهما كانت بسيطه بس فكرة انك تعبت في انك تفكر و تعملي حاجه ب ايدك دي كبيرة عندي حتى لو عملتلي اول حرف من اسمي بعجينة البيتزا
ياجماعة انا عندي مشكلة كارثيه مش عارف اتخلص منها اني لسه مقتنع اني عيل و لما بقابل ناس شكلها كبير شوية بقولهم عمو و طنط و الفرق بيننا اصلا بكتيره ٤ او ٥ سنين
مش كل اصحابنا ينفع نحكيلهم مشاكلنا و شكاوينا و ده لا يقلل ابدا من غلاوتهم عندنا او نشك في حبهم لينا بس مش كل الناس تستحمل تعيش في ضلمتنا مش كل الناس نور يقدر ينورهالك و ده مش عيب فيهم بس ميزه مهمة للصاحب اللي ينفع تشكيله و انت متطمن انه حتى لو ملقيتوش حل ف هو هيسمعك لحد ماترتاح
قاعد اتفرج على ستوريز محمد صلاح على انستاجرام و سعيد و مبتسم ابتسامة نصر و قد ايه شعور حلو ان احسن لاعب في العالم يبقى مصري و مصري بجد بيسمع اغانينا و حافظها و عارف حياتنا مش عايش حياته كلها بره و ابوه مصري خلاه مصري و جايبينه يلعب معانا عافيه ❤
وضع تشريحي يجيب صداع لاي دكتور عظام او مهندس ستراكشر والفكرة انهم بيمشو كمان و رجلهم كده مش بيقفو بس الله اكبر عليهم ربنا يديهم الصحة و يخليلهم انكل رجلهم
جواز الصالونات مناسب جدا لاي حد غرضه الجواز و اولويته الجواز و الاستقرار و طالما الطرفين قابلين صفات و شروط و عائلات بعض ف تمام جدا لكن واحد زي حلاتي قاعد زي الشملول يبحث عن الحب لجعل الزواج تكليل لهذا الحب ف اشك انه هينفعني لان اولوياتي مختلفه تماما عن صديقي الباحث عن الاستقرار
مع كامل احترامى لبراءة الاطفال انا طفولتى باظت و اتربالى عقد بسبب شلة الاطفال الروشة اللى كانت بتقعد تتريق عليا بالطريقة دى و بجد مش شايف الموضوع مضحك او لذيذ انك تربي طفل على ان التريقة عاللى قدامك حاجه تضحك 🙂
في سن معين كده هتلاقيك من بعده مبتبصش عالشكل ولا قادر حتى تحكم الشخص ده شكله حلو ولا وحش كل اللي بتشوفه هو شخصيته حلوة يبقى شكله حلو ولو وحشة بتشوفه وحش او مبتبقاش عايز تشوف وشه اصلا
الواحد طالع متوسط فى كل حاجة حرفيا شخصية متوسطه تدين متوسط صياعة متوسطه نجاح متوسط ماديا متوسط متوسط اجتماعيا حتي الشكل محصلتش تبقي حلو ف الناس تحب شكلك ولا وحش ف الناس تديك كل الدعم برضه شخص متوسط
كل حبي و تقديري لكل المتوسطين اللى عدت قدامهم التويت دي ❤
انا لسه منبهر من امبارح من موضوع ان الثمرة اللي سيدنا ادم اكل منها في الجنة مكانتش تفاح و فعلا لم يتم ذكر نوع الثمرة نهائي ف القرآن طب ازاي معظمنا عنده اعتقاد التفاحة ده !
معلومة صريحة الساعة ٤ الفجر لازم اصارح نفسي بيها و هي ان خوفي من الفشل مانعني اني اعمل حاجات كتير اوي و بضيع وقتي في خطط و ترتيبات طوييلة ليها و مبعملهاش في الاخر عشان خايف افشل بس لان الترتيبات عمرها ماهتخلص ولا هتبقى كاملة في يوم من الايام
مع كامل احترامي للموز هو فاكهة حلوة وانا بحبها بس اتنشن اوي ولو سبتني في التلاجة هسود و لو سبتني بره و مكلتنيش علطول هطرى و هلم عليك هاموش الدنيا و اعملك فضيحة وبجد مايبص عالتفاح و ياخده قدوة كده ناشف و ماسك نفسه ولو حطيته ف اي حته ولا بتسمعله صوت
اغلى حاجة تقدر تقدمها لشخص هو وقتك و انك تحب تقضيه معاه تسمعه و تخرج معاه ترازي فيه زي ماتحب الفكرة ان تديله وقتك في زمن كل حاجه حوليك طمعانه و بتسحب من وقتك وانت مش واخد بالك
الواحد قدرته عالتركيز قلت بشكل غير طبيعي هو اخرك نص ساعة و هتلاقيك قايم تدور على حاجة مش عارفها في التلاجة نفسك هفاك على كباية شاي بالمرمرية عايز تطور نفسك في عمايل البيتزا اي حاجة المهم متخلصش اللي وراك
لازم اللي ترتبط بيه تحس انه مميز كده و عايز توري للدنيا كلها قد ايه هو مميز و مختلف عن باقي الناس رغم انه اشطه يعني زيه زي غيره اقصى انجازاته انه بيجيب مايه مالتلاجه بس في عينك انت شايف فتحته للتلاجه مختلفه
الواحد شكله في المرايه بيتغير لمجرد انه راضي عن نفسه بس بتحس ملامحك بتتغير و بتقعد تستعرض و ايه الحلاوة و اللباقة دي و العكس تماما في حالات عدم الرضا و حالة من ال ايه يابني المنخير دي ما لازم يبقى روتينك يحزن و ده حالك
تويته في حب الخطوات الصغيره و الانجازات الصغيره اللي وراها هدف انت بس اللي عارفه و تبا لكل مُقلل لخطواتنا الصغيره الحلوة الطعمة و مبيلعبش في خدودها و يحبها معانا
اغنية صباحك بتاعت مسار اجباري دي اول مابسمعها بحس بالجو بتاعها و الهدوء و شعاع الشمس و هو داخل من الشباك على كباية الشاي و النور جاي في عين قرة عيني عاميها بس مبين لون عينيها و الجو دافي و ملئ بالطمأنينة
لازم اصارحكم اني من نوعية الناس اللي بتسرح في العيون و بتحب تركز في تفاصيلها و حركتها و حركة الحواجب و بجد بحب اوي تعبيرات الوش و بحترم اللي بيعرف يستخدمها عشان يوصل كلامه مهما كان عبيط بشكل شيق
بحب اوي البرامج الدينية اللي بتخاطبنا ب لغتنا ك شباب و قريبة من حياتنا و دماغنا و من مشاكلنا النفسية و الاجتماعية بدل الناس اللي بتقعد تزعقلنا عالفاضي و المليان دي
عايزين نخترع جهاز كده اول ما الساعة تيجي 12 يبطحنا ب حاجة على دماغنا ينيمنا عشان السهر ده مبيجيش وراه غير افكار منيله و ارهاق و علاقة حب زيادة مع اي حاجة في التلاجة
موصفات فتاة احلامك ايه او مراتك ؟ — السؤال ده عمري ماعرفت اجاوبه بجد لان هي واحدة بتيجي كده بكل مميزاتها بعيوبها بتكفيك على وشك و بتخليك شايف كل حاجة فيها هي مواصفات فتاة احلامك و مش قادر تشوف غيرها