من الخاص
السلام عليكم ، عندي مبلغ ١٥٠ ألف واحتاج مشروع يجيب دخل شهري ٣٠٠٠ ريال وماعندي مشكلة اذا فيه احد يقدر عنده فكرة او مشروع جاهز ويجيب اكثر ويآخذ ارباحه.
من الخاص
انا في بدايات مشروع مغسله ملابس ورتبت كل شي الحمد لله وكل شي ماشي تمام بس عندي مشكله بخصوص :
كم اعطيهم راتب ؟
وكيف احسب لهم نسبه عشان احفزهم؟
وكيف اخلي دوامهم لانهم ٢ وابي يفتحون اطول وقت ممكن؟
من الخاص
ودي افتح تموينات بموقع محطه بانزين جلسة فترة العصر ٥٣ دقيقة وحسبت حركة السيارات مرت ٧١١ سياره والمغرب ٤٧ دقيقه نفس الشي مرت ٧١١ سياره والموقع يفتح على ثلاث شوارع وعلى مدخل الحاره ايجاره السنوي ٧٥ الف مساحته ١٢٠، وش رايكم ووش الحسبه المبدئيه للموقع
من الخاص
انا معلمه راتبي ٩ الاف وعندي دخل ثاني حدود٨ الاف مو ثابته وشهريا" احول ٥٠٠ ع محفظتي في تداول واشتري اسهم هل في طريقة للاستثمار في اسهم بس عوائد افضل ؟ وابي تنصحوني هل اشتري شقه بجده تمليك او اجمع ؟
من الخاص
عندي مبلغ 150 الف وأفكر استثمره ويجيب لي دخل شهري ممتاز سواء مشروع تجاري او مشروع استثماري آخر، ياليت اصحاب الخبرة يفيدوني وش ممكن استثمره فيه؟
من الخاص
عندي ملحمه واشتري حلال من مربين بدون فواتير وجوني الضرايب غرموني غرامه كبيره اكثر من ربحي فالثلاث سنوات اللي فاتح فيها! وطالبين مني فواتير للذبايح اللي نزلتها عشان يشيلون مني الغرامات والحين متورط مدري كيف اجيب الفواتير
من الخاص
بفتح مغسلة ملابس والموقع والعمال جاهزين بس ما اعرف من وين ابدأ من ناحية الاجراءات الحكومية، بعد السجل التجاري ماهي الخطوات المتبقية؟ وهل فيه قائمة معينة او جهة حكومية تعطيني الاجراءات كاملة بحيث ما انسى شي؟
من الخاص
السلام عليكم ، عندي استفسار بخصوص البيع في نون، انا فتحت سجل تجاري عشان اكون بائع في نون لكن ماعرفت ادرج المنتجات وهل لازم يكون عندي متجر في سله ؟ اللي عنده خلفيه عن البيع في نون يحكيلي الله يسعدكم
من الخاص
انا صاحب محل تمور ولكن ابي اصحاب الجملة ، طحت في محلات عتيقه والعزيزيه وقامو يصلخوني بالاسعار ابي تاجر جملة صاحي والا راعي مزرعه عنده تمر فله واكبسه او يكون معه تمور مكبوسه ولكن بسعر معقول ؟!
من الخاص
انا صاحب مؤسسة تعرضت لمضايقات من الاجانب بنفس مجالي وصلت للتهديد المباشر ب إخراجي من السوق بتنزيل الاسعار
بما اني صاحب مؤسسة كيف اشتكي عليهم كيف أدافع عن نفسي
من الخاص
حاب اشتغل في مشروع البيض حصلت شخص راح يعطيني الطبق الواحد ب ١٠ كأقل سعر ويعتبر سعر جملة ، بطلب منه ٥٠ طبق مبدئيا ، كم هامش الربح فيه ؟ ورايكم يهمني
من الخاص
راتبي ١٦ الف وراتب زوجتي ٨ الاف وبقي على تقاعدي ٨ سنوات ولا نملك بيت ولا ارض ... التفكير والهم تعبني بصراحه ابي بيت لي و لعيالي ولا ادري هل اتجه للبنوك لشراء فله جاهزه بملغ يتجاوز المليون او ابقى على حالي مستاجر ارجوك ابي رايك ورأي متابعينك .
من الخاص
معاي 3200 ريال تعبت اجمعها كيف استثمرها تكفون ساعدوني والله اني ع قد حالي للاخر شي فيه شي يزودها شغل استثمار او اسهم والله ماعرف شي نهائيا " من القصيم "
من الخاص
مساء الخير انا في المرحلة الأولى من مشروع مغسلة ملابس استقدمت العمالة واستأجرت الموقع والان بس ابي اشتري المعدات فابي نصيحة اصحاب الخبرات والمعرفة من وين اخذ المعدات وهل اخذ جديد او مستعمل عادي وشاكر لك 🙏🏻
من الخاص
انا متجر الكتروني وابي استورد بضاعة من الصين علماً ان ليس لدي سجل تجاري، العمل قائم من سنتين لكن احتجت كمية كبيرة وابي اطلبها، ماهي الاجراءات عشان ادخلها السعودية
من الخاص
السلام عليكم عندي ترخيص دواجن لاحم حصلت تكلفة الحظائر عالي جدا الحظيره تقريبا 600 الف وعندي 18 حظيره قلت ببيعها كلموني ناس قالو لا اشتغل فيها ذهب وخذ قرض من الزراعي ونفذ صراحة متخوف من المغامرة فيه احد شغال بالدواجن يعلمني كيف العمل متعب مربح ولا لا
من الخاص
سؤال لاصحاب الخبره انا بنت عمري ٢٨ سنه و راتبي ٨ آلاف ماعندي اي التزامات افكر اطلع قرض عقاري عشان اشتري شقه في الرياض بمكان مرتب ومودرن و اصير اجرها من خلال التطبيقات مثل Airbnb ابغى اعرف تجارب و راي اصحاب الخبره؟
من الخاص
اللي يسألونكم ما ودهم يدخلون موقع "شريكي" و"رعاة" ويتنقون من المشاريع اللي تناسبهم، الله رزقهم فلوس الله يبارك لهم مايعرفون وين يودونها واحنا ربي رزقنا مشاريع تحتاج دعم مالي وهالمواقع انوجدت عشان تجمعنا ☺️
من الخاص
انا ابغى اسأل الافاضل عن الاستثمار بالبنوك اسمع ان فيه ناس تحط مبالغ وتجيها ارباح شهريه حتى لو بسيطه كيف استفسر عنها ووين وهل تشوفونها مجديه احط المبلغ اللي مدخرته فيها او لا؟
من الخاص
انا عاطل واستطعت بفضل الله اني اجمع مبلغ ٨٠ الف ريال وحاب ادخل في نظام الاسهم والتداول بشكل عام , سوالي هو كيف اتعلم بالشكل الصحيح ومن وين أبدا بالضبط في أي منصة ؟ وكيف اعرف الاسهم الحلال من اللي فيها شبهات شرعية
من الخاص
انا مزارع زيتون في منطقة الجوف ولدي كمية من زيت الزيتون الطبيعي الفاخر من انتاج مزرعتي وارغب في أفضل طريقه تسويقه سواء عن طريق مسوقين أو عن طريق برامج التواصل الاجتماعي .. احتاج من يساعدني بالأفكار والتسويق
من الخاص
اخوي انا عندي مغسله ملابس في الجنوب وشغاله الحمدلله بس الربح ماهو حق التعب والسبب الموردين الي يجيبون المواد من علاقات ونشا وصابون وامور المغاسل واقرب مكان لي جده اذا فيه احد يدلني على سوق جملة الجمله هناك بيساعدني كثير
من الخاص
عندي طلب لاهل الخبرة ياليت تعرضه عندك ، وش فيه مشاريع مربحة وتكون مناسبة للموظفين اللي ما يقدرون يوقفون على الشغل بشكل يومي بحكم ضغط العمل عندهم ، طبعا أنا واحد منهم دوامي في منطقة نائية وعندي راس مال لكن ماعندي خبرة بالتجارة وش المناسب لي ؟
من الخاص
أنا طالب جامعي مبتقى لي في دراستي ٣ سنوات ، واشتغلت في العقارات والعمولات ولله الحمد لديّ رأس مال ٥٠٠ الف ريال . أتمنى من المتابعين ذوي الخبرة يفيدونني بالتصرف السليم حيث أني أرغب في تغيير مجالي لأنه يأخذ من وقتي الكثير وما زلت طالبًا.
من الخاص
سلام عليكم ، معي 2 مليون ريال ودي ادخل بالتجارة وماعرفت وين ادخل السوق شبعان ودي بشيء مختلف لو ادخل شراكه بس مشروع غريب وفريد من نوعه وفيه مكسب وشكراً
من الخاص
بغيت أسألك عن رأيك في مغسلة سيارات كمشروع من ناحية هامش الربح .. وما هي أكبر معوقات نجاح المشروع (غير الموقع) الله يجزاكم خير علماً بأنه أول مشروع راح يكون لي !
من الخاص
معي ٢٠٠ الف وأفكر استثمرهم بمشروع وادور شريك يكون معي نسبة وتناسب .. رجحوا لي مشروع ناجح للاستثمار (مغسلة سيارات - مغسلة ملابس - تجارة اليكترونية)
من الخاص
قبل حوالي خمسة أشهر، قمت بفتح تموينات، وبالصراحة، أشعر بالضيق بسببها. لم أتمكن من إدارة الحسابات بشكل جيد ولا أعرف كيفية جلب الشركات. الأمر الأساسي هو أنني في وضع صعب وأحتاج إلى مساعدة.
من الخاص
استفسار/ عندي موسسة فردية وانا عاطل وجبت عامل الاول مع رسوم المقابل المالي ١٠٠ ريال ، وجبت عامل ٢ طلع لي الرسوم ٩٦٠٠ ، و المفترض ١٠٠ ريال ، وش الحل ؟
من الخاص
انا شخص اشتغل في مجال التسويق العقاري لي حول 3 اشهر مانفذت ولا بيعه ولا اجرت شقة ، ادري بتقول الوقت بدري ولكن انا من اخذت الرخصة صارلي 8 شهور ، بس من شهرين تقريبًا وانا داعس ومع ذاك مافي اي تباشير لنجاح ، المكاتب تعطيك عروض ماتمشي او تصرفك ، وش الطريقة شلون انجح
من الخاص
انا عندي مطبخ لحم ، ومسجل في الضريبة وقبل ٣ شهور الضريبة ارسلولي يبغون الافصاح عن فواتير المبيعات والمشتريات لعام 2021 الربع الاول ، وانا ما جبت جهاز الا في الربع الثاني وبديت اسجل فواتيري ،
تابع
من الخاص
السلام عليكم بفتح مشروع صغير على قدي بنفس الوقت مابي التحويلات يطلع فيها أسمي كيف الطريقه لان مابي احد يعرف من جماعتنا اني فاتحه مشروع ابي الحولات بأسم المشروع كيف
من الخاص
السلام عليكم
عندي مشروع قائم ولله الحمد ( مندوب توزيع مواد غذائية) عبارة عن : مكروباص + مبلغ 15 ألف ريال ، اشتري بضايع واوزع على المحلات ويصفى لي شهريا حدود 8 آلاف ريال
في محلات كثيرة نفسي انزل لهم ولكن يحتاج رأس مال كبير عشان اوفر كل طلباتهم !
من الخاص
انا ومعي اربعه من الشباب
بنفتح مشروع في محافظة
رأس المال 40 الف
استاجرنا فتحه 4*10 المحل زاوية قيمة الاجار 25 الف سنوي
المشكلة محتارين ايش نحط المشروع
كوفي سفري مثل ديلي كب
او محل اسر منتجه
او مستلزمات رجالية
او زينة سيارات
او عندكم شور زين غيرها ما نستغني
من الخاص
عندي مشروع تجاري عبارة عن متجر الكتروني ومحتاج بضاعة معينه من الصين مطلوبه في السعوديه بشكل كبير وسبق اشتغلت فيها ومحتاج لها مبلغ 300 الف ريال شامل البضاعه والمستودع والتسويق والارباح 200٪ في السنه الاولى .. فين ممكن احصل جهات تمويل ؟
من الخاص
السلام عليكم فتحت مشروع محل منظفات وكماليات من ٦ شهور والمبيعات ممتازه (ايصالات) اشوفها. لكن الصدمه ان رصيد البنك الفايض مو راضي يتجاوز ال٥٠٠٠ ريال كل ماوصلت لهالمبلغ اما اسدد فيه ديون آجله او اشتري بها بضاعه او اصرف منها صرف شخصي
من الخاص
السلام عليكم،
بوفيه ساندوتشات 📍راس المال تقريبا ٦٠ الف
📷 المشتريات يومياً ٥٠٠ - ٧٠٠
📷مبيعات يوميًا من ١٥٠٠ - ١٨٠٠
هل الوضع طبيعي ؟
مشتريات عالية يومياً خضار دجاج جبن بيض الخ الخبز يصنع محليا صمون وجباتي
تابع
من الخاص
عندي سجل تجاري باسم أختي وحاب أني أبدأ به تجارة وعندي رأس مال صغير جدا جدا جدا [ ٤٠ الف] وودي المشروع بدون رأس مال لكني راعي جلد أذا الشغل فيه فلوس
من الخاص
أنا شاب اعمل بقطاع خاص راتبي ٧ الاف والسنه ذي ان شاءالله ناوي اتزوج وودي يكون لي دخل ثاني غير الراتب حتى لو دخل بسيط ممكن اقتراحاتك ومشورتك وكذلك المتابعين
من الخاص
السلام عليكم ورحمة الله . يا اخوان أنا موظفة والديون هالكتني .. أحتاج مصدر دخل آخر . أنا بالأربعين وماعندي أحد أعتمد عليه بمشروع أو بشي . ولا عندي راس مال الله يجزاك خير ويرحم والديك دلني على مصدر ارفع فيه دخلي لأني صدقا محتاجة
من الخاص
السلام عليكم
انا شاب سعودي اعمل في توريد الحنا العضوي
ويشهد الله من اجود أنواع الحنا (حنا ينبع النخل )
ولكن مشكلتي في تصريف الحنا حاولت اعرض على كثير عطارات في جدة ولكن غير متعاونيين الاجانب ولا يقبلون
احتاج حلول الله يجزاكم خيرر
من الخاص
انا شاب فتحت محل خضار وعندي عامل بالمحل ومبيعاتي يومياً من ٥٠٠ الى ٧٥٠ ريال ، بس ما اشوف عندي مكسب ، اجيب اغراض للمحل وابيع وعلى ذا الحال ، نهايه الشهر ما احصل مكسب رغم وقوفي على راس العمل وانا اروح اجيب الاغراض للمحل وكلشي ، ممكن يفيدونا الي يشتغلون بذا المجال
من الخاص
السلام عليكم، كيف طريقة الاستيراد من علي بابا للأفراد؟ لدي منتج عملت بحث عنه ووجدت فيه طلب عالي عليه، ينقصني استيراده، وآلية الاستيراد، وتكاليف الشحن، والجمارك، والشهادات إن لزمت، وهل أحتاج سجل تجاري أو لا؟ ، كل هذه النقاط لا أعلم بها.
من الخاص
جاتني فكرة
اروح لجملة الجملة في الخضار والفواكه واخذ منهم قائمة باسعار الخضار وكم اقل اقل سعر يعطوني
وادور على المطاعم واحاول اورد لهم بسعر اقل من الاسعار اللي ياخذون منها
تتوقع تنجح الفكره ؟
من الخاص
عندي متجر الكتروني مبيعاته خلال 6 اشهر 221,000 ريال جاهز بفريق العمل رواتبهم جميعا مع بعض 5300 ريال ومبيعات يوميه متوسطها 3000 ويوجد به عملاء قريب ال 4000 عميل ..ارغب ببيعه بسبب سداد القرض كيف الطريقه ؟
من الخاص
عندي استفسار للي يفهم في الضريبة عندي مؤسسة وطلبت من شخص سلف ٢٤٠ الف وخذ مني سند وحولها ع حساب المؤسسة البنكي الان انا مش عارف كيف اسجلها وهل تحسب ارادات ولا وش الطريقة مع الاقرارات الضريبية القادمه
من الخاص
عندي منتج وابي انزله واعرضه في بنده والدانوب والسوبر ماركت كيف الطريقه الوصول لهم ؟ من عنده خلفيه يقدر يفيدني ؟ وهل ياخذون نسبه ولا كيف الطريقه؟
من الخاص
انا عندي مؤسسة غسيل سيارات متنقل
كل شي جاهز
باقي بس العماله كيف اجيبهم واوفر سكن لهم واديرهم ؟
وهل فيه احد له رغبة في ادارة العماله ويكون له نسبة من الارباح .. ؟