من ثلاث ايام ببعث لمهند اتطمن عليه بس ما رد ، طيب الله يهديكم حد يحكيلي انه مهند استشهد ! مش مصدوم من الخبر قد صدمتي انه مر فترة على وفاته وانا ما عندي خبر بسبب سياسة الاحتلال البشعة بقطع وسائل التواصل ما بينا ، حبيبي مهند اصغر اصدقائي واهداهم مش ناسي كل الليالي اللي مشيناها
مش ناسي كل لحظة وكل قرار اخذت رأيي في وكل خطوة بحياتك ، كان موعدنا الاربعا نروح ع دكتور الاسنان عشان تفك التقويم بس اجت الحرب ولا شفتك ولا فكيت التقويم ، كان بدك اصورك صورة حلوة بس يلا خلص ما في نصيب ، طول عمرك مستعجل وما بتحب تتأخر عن البيت حتى بحياتك مستعجل