اهلاً بالنسبة لتخصص الطب في جامعه الامام ف اللي يميزه عن بقية جامعات الرياض انه قبول مباشر في الطب وغير تنافسي مع بقية الطلاب ، انصح بالتخصص بالجامعه للي ماوده يتنافس مع احد ويبي يضمن الطب علطول ، بيئة تعاونية ودكاترة ممتازين وكلية تهتم لمصلحة طلابها
بالاضافه الى ان مافي مستشفى جامعي لكن الجامعه متعاقدة مع مستشفيات كبيرة معروفة بالرياض نتدرب فيها خلال السنوات الاكلينيكية مثل مستشفى اليمامة و التخصصي و الشميسي الخ وهذي ميزة كون انك تتدرب في اكثر من مستشفى وتشوف حالات متنوعه ب مستشفيات متنوعه
طيب تخصص الطب ايش تجربتي فيه؟ هذا الشي مقدر افيد فيه لاني توني بدخل سنه اولى ان شاء الله بس اذا حاب تستفسر فيه طلاب كثير كبار يقدرون يعلمونك تجاربهم اما بالنسبة لآلية القبول لازم تحط الامام رغبة اولى ، القدرات والتحصيلي +٨٠ والثانوي +٩٠ وتكون حديث تخرج
كذلك فيه نقطة خلال السنة التأسيسية ضروري تجيب ٨٥ ستيب او ٥،٥ ايلتس وكذلك معدل مايقل عن ٤ من ٥ و معدل في المواد العلميه ( فيزياء ، كيمياء حيويه ، احياء ) لا يقل عن ٣،٧٥ من ٥ عشان تكمل معهم بالطب.
طبعاً تخصص الطب في حال ماعندك علم سبع سنوات ، اول سنه تأسيسية وبعدها ثلاث سنين تكون نظرية ( بيسك ) وبعدين اخر سنتين اكلينيكيه يعني تتدرب بمستشفى واخر سنة امتياز تتدرب ب اي مستشفى انت تبيه وبالتوفيق
@xhi_xo1
هو شرط من شروط القبول لكن بسيط وسلس و ٩٩٪ انتِ خلاص مقبوله ف مجرد تبينين رغبتك الشديدة بالتخصص في الامام وانها رغبتك الشخصية بتنقبلين ان شاء الله ، ممكن يقولون لك عرفي عن نفسك او يسألونك اسئله عامه وفيه ملف لأسئلة المقابلة الشخصية برفق لكم الصور