ابحث عن الـ Learning techniques وابني مبدأ علمي صحيح ليا (كيفية عمل الذاكرة والنسيان) بعدها العب بدي الأشياء بالشكل اللي يناسبني، ويعجبني، ويريحني. ما عمري التزمت بطريقة شخص بحذافيرها؛ وممكن يوم أقولك طريقة، وأناقضك فيها بعدين لأني شفت طريقة أفضل.

الهرجة مو إنو الطريقة السابقة تكون غلط. قد ما إنو تجيكي أيام وقتك ضيق وصعب تلمي المعلومات بالوقت القصير دا فتحتاجي تخرجي عن المعتاد فتشوفي طريقة أفضل منها وأسرع— مع إنو تكون طريقتك السابقة أفضل للمدى البعيد

فهي كدا ما عندي طريقة ثابتة ويوم اداكر مو دايما التزم بالطريقة اللي اشوفها مثالية ١٠٠٪ لانو دا الطبيعي انو يكون في fluctuation

- خليكي "مرنة" يعني تقدري تداكري بأي وقت، بأي مكان، وبطرق متنوعة لإنو عندك مواد فهم ومواد حفظ ومداكرتهم ماهي وحدة

- صحيح قلتلك خليكي مرنة بمداكرتك.. لكن حاولي تكوني في بيئة مناسبة للدراسة وكلمتي السابقة عشان تعودي نفسك تتأقلمي مع الظروف المختلفة وما تضعي الأعذار لأسباب لا تستحق

- داكري عشان نفسك مو للإختبار، المداكرة زي البحر يوم تتوسعي فيها، لكن لا توصلي مرحلة تغرقي فيها لمرحلة ما تفيدك وتضرك (وبرضو عادي لو يوم يومين غرقتي دام فيكي حب العلم والشغف لا تكبتيه بداخلك)

- دايما ينصحو بعدم تراكم الشباتر ومداكرة يوم بيومو، لكن لو كنتي إنسانة active بأمور غير الدراسة محا تخلصي الأمور فأنا اقولك حاولي تخلصي حوالي الـ ٨٠٪ من مداكرتك

- to do list وترتيب الأولويات لكل إنجاز دا أمر اسويه لجميع أمور حياتي حتى خارج الدراسة فالتنظيم ثم التنظيم ثم التنظيم يساعدك بطريقة ملحوظة

- اكتبي notes بنقاط ضعفك بالأمور اللي ما فهمتيها وابحثي عنها وطوريها ⁃ اختبري معلوماتك بالأسئلة

ابحثي عن دي الأمور باليوتيوب أو قوقل وانتي تبحثي لو شفتي شيء جديد ابحثي فيه كمان لين تشوفي وتجربي الطريقة اللي تناسبك وتريحك -Time management- -Active learning- -Learning techniques- -Spaced repetition-

طلبت منك البحث لأني تقريبًا اداكر بأغلب الطرق التعليمية واغير ما بينهم كتغيير للروتين وصراحة يونسك لان المداكرة بطريقة وحده تتطفش

واحب اختم كلامي بجملة “youtube is your best friend”